شلون اجذب زوجي وهو مسافر

[ورد حياتي]

السلام عليكم
شلونكم يابلقيسيات
اللي عندها خبره تساعدني أنا زوجي سافر للدراسه وكنا متزاعلين قبلها بكم يوم يعني عادي اذا بغى شي اسويه وانا نفس الشي وماكنت أحرمه من حقه بالفراش وسبب الزعل ان حياتنا دخلها البرود ومايبين اهتمام او كلام حب حتى سوالف عاديه قليل نسولف طبعا قبل لايسافر بيوم فتحنا الموضوع وهو بالنهايه قال انتي مو غلطانه وانا اشوف نفسي مو غلطان صراحه انقهرت من اسلوبه بس كنت أحاول مااكبر الموضوع بعدها قالي كلمه بما معناه انه يبيني بالفراش وانا سويت نفسي مافهت صح وانه يبي يضايقني بالكلام هو تضايق وتغطى بالبطانيه وساكت أنا اعرفه اذا سكت وهو زعلان ينفجر فجأه فلحقت على نفسي وقربت منه وقلتله تبي شي قبل ماانام قال مثل شنو قلت اي شي طبعا قلتها بنعومه وبعدها قالي انتي حنونه قلت أنا ملكه الحنيه قام يضحك أني واثقه من نفسي وكان يحاول يقول كلام حلو وهو مبين انه يجبر نفسه عشان يرضيني وان هذا سبب زعلي المشكله ابي اعرف شلون اجذبه وهو مسافر شلون اخليه يتصل علي اكثر من مره باليوم شلون اخليه يفكر فيني ويحاول يرضيني اطنشه لأني لاحظت التطنيش ينفع معاه لكن اذا كنت اسأل دايم عنه مايهتم وعلى فكره زوجي شمالي مايهتم بالمشاعر شلون اخليه رومانسي​

 

[درة من درة]

موضوعك متشابك بس انا الحين نفس الوضع مسافرة عند اهلي صارلي كم يوم لمدة شهرين تقريبا والعادة لما اروح عندهم طول الوقت اتصل واعاتبه ليه ماتتصل ووالكلام الهايف تبع الحريم بس هذي المرة غيرت الطريقة ولا مرة تصال مني الا لسبب مهم خاص بالبيت او اي شي فقط مسجات شوق ووله ومع التطنيش للشمالي صار يتصل كل يوم مرة صحيح ان الاتصال قصير (كيف الحال وكيف العيال) بس اهو شي افضل من شي وبدأ الموضوع يتحسن ولا تنسي ان بعض الاقات ما ارد على الاتصال ابدا اخليه يدق كم مرة وبعد لما اكلمه ابين اني مشغوله كثير وما عندي وقت اكلمه ولا اسأل ايششششششششش تسوي لانا هذا السؤل يقتله
وبالتوفيق لكن عليك بقراءة سورة البقرة يوميا انا مجربة الوضع تحسن وصار اكثر الفه ومودة بيننا