شك صديقتي في علاقة زوجها بزوجة اخوه

الحالة
مغلق و غير مفتوح للمزيد من الردود.
لأ ،،، بصراحة الكلام اللي قاله بمنتهى القوةةة


الله يصبر قلبك


الله يهديه


طول ما اهو بقعد باختلاط


فما كو حل


إلا بفصل الاختلاط


و الله هذي معاناتي مع زوجات اخوان زوجي


و تخيلي وحدة منهم تحط مكياج كامل و تلبس عباة مخصرة و مو مغطية وجهها و عطر فواح

و خواتم و أساور تقرقش و كعب عالي و علك ،،، يعني ما خلت و لا شي


و زوجها مطوع و ملتزم يشوفها و يسكت
 
الله يهديهي لك زوجك
بس والله لو انا مكانك ما اراح اسكت عنها ولا عن زوجي عيل يقول لي انا اشبه مره اخوه شو هالجرأة
صدق الريايل خوفه منهم
الله يعينج
 
لالالا بنات هدو شوي..مو شرط ان له علاقه عشان قالها شكلك مثل زوجة اخوي..يمكن بنات يتخيل هو وحاط لها شكل في باله مو شوط صاير شي اعوذ بالله
 
استغفر الله مهما كان ماتشكين بينهم علاقه محرمه
يمكن مصختها بسلوبها وحركاتها البنت يمكن ماتقصد شي
يمكن زوجك هو اللي مزودها لانك عطيتيها اهتمااااااااام عمده

المهم يا الغلا ماااا علينا من كل هذا
اهم شي لاتحطين في ذمتك ان بينهم علاقه
وتفضحين فيها ترا برقبتك انتبهي مهما كااااان
انتبهي عن مثل هذا الشك
بس انتي لاتعطينها اهتماام زايد وتذكرينها عند زوجك وتوضحين ان غيرانه منها
لان بيقول ما غاااارت الا شيفتها احلى منهاااا

اخر كلام اتقي الله ولاتظنين مثل هذا الظن الا لمن يكون عندك شي اكيد​
 
اخفي دموعي قال:
قال صايره تشبهين زوجة اخوي
أنقر للتوسيع...



كلامه قوووووووووووي بس مابعلق عليه...

انا يهمني شي اكبر ...

* اولا حكم كشفها على اخو زوجها .. اتركك مع الحكم:


رقم الفتوى (3649) موضوع الفتوى هل يجوز للزوجة كشف وجهها على أخ الزوج السؤالس: ما حكم كشف وجه الزوجة على أخ الزوج والحديث معه بِرَدِّ السلام فقط ؟ الاجابـــة
هذا السؤال له إجابة مُشابهة وهي: ـ

س: فقد ظهر في الآونة الأخيرة من بعض النسوة -هداهن الله- التعدي على حدود الله عز وجل, وذلك أن تكشف وجهها لأخِ زوجها, أو بعض أقارب الزوج من غير محارمها، مدعية بأنها مرغمة من قبل زوجها, ويجب عليها طاعته، أو أن أخاه هذا كان منذ الصغر عندهم فهو مثل أخيها ! نرجو توضيح الحكم في ذلك, مع النصيحة لمن وقع في مثل هذا الفعل. .. والله يحفظكم ويرعاكم.
لا شك أن أخا الزوج من الأجانب، ولذلك تَحِلُّ له زوجة أخيه إن طلقت أو مات عنها أخوه، فلذلك يلزمها الاحتجاب التام عنه بتغطية وجهها ومحاسنها، وقد ورد أن النبي صلى الله عليه وسلم قال:
h2.gif
إياكم والدخول على النساء " قالوا: يا رسول الله ! أرأيت الحمو؟ قال: "الحموُ الموتُ !
h1.gif
أي أن خطره أكبر, فإنه يعتذر بالقرابة والمشاركة لصاحب البيت. والمراد بالحمو: أخو الزوج, أو عمه, أو خاله, ونحوهم من الأقارب.
وقد بَيَّنَ الله المحارم, وهم: الأب, والجد, والابن, وابنه, وابن البنت, والأخ, وابنه, وابن الأخت, والعم, والخال, وأبو الزوج, وابنه، فلا تكشف المرأة لغير محارمها؛ لقول الله تعالى
b2.gif
وَلَا يُبْدِينَ زِينَتَهُنَّ إِلَّا لِبُعُولَتِهِنَّ
b1.gif
الآية، ولا يجوز للمرأة أن تطيع زوجها إذا أمرها بالكشف للأجانب, فلا طاعة لمخلوق في معصية الخالق, ولو كان أخوه قد تربي صغيرًا مع زوجته, فإنها تحتجب عنه عند وبعد بلوغه، وعليه إذا دخل أن يستأذن لقول الله تعالى
b2.gif
وَإِذَا بَلَغَ الْأَطْفَالُ مِنْكُمُ الْحُلُمَ فَلْيَسْتَأْذِنُوا كَمَا اسْتَأْذَنَ الَّذِينَ مِنْ قَبْلِهِمْ
b1.gif
وننصح الأزواج أن يحرصوا على حماية الأعراض, والبعد عن التساهل في ترك الاحتجاب، فقد جعل الله الرجل راعيًا على أهل بيته وهو مسئول عن رعيته، ولا شك أن إبداء الزينة ومنها الوجه سبب للفتنة , ودعوة إلى إثارة الشهوة, وخُلِقَ الإنسان ضعيفًا. والله أعلم.

عبد الله بن عبد الرحمن الجبرين



طيب اتفقنا ان الحكم حرام ..
يعني اول شي لازم تتغطى المحروسه عن زوجك بكيفهم او غصب عنهم ..
ليه هي الوحيده الي تكشف على اخوان زوجها مرفوع عنها القلم والا جدتهم على غفله؟؟!!!!!!!

هذي اول خطوه تتخذها..
اول ماتغطي الاخت عن زوج صاحبتك راح تقل الاحتكاكات والمقارنات والحركات اللي مالها لزمه...
بس بشررط
تغطي بالمعنى الشرعي بكل حذافيره...
اي تغطي وجهها ولا تكلمه ولا تركب معاه لوحدها و لا يخلو بها وووو إلخ
اوكي
طيب انتهينا من هالشي ..
ننتقل عالامر الثاني....
قولي لصحبتك الشطوره لا تجيب طاريها ابد ابد واذا تكلم زوجها عنها تغير الهرجه تماما
طبعا ممكن تستخدم كيد النساء زي ماقالولك البنات يعني لما تمدح نفسها وهالحركات..

عندي سؤال حابه اعرف منك اجابته
ايش نمط شخصية صاحبتك.اتمنى الاجابه على السؤال..

خلي صحبتك تعرف نمط زوجها عشان تعرف كيف تتصرف معاه بالاضافه الى اهم شي انها تدعي الله وتستغفر كثيررررر...






ننتقل إلى بعض الاخوات الي ردو عليك..

ياجماعه لا تقذفوا احد بدون بينة.. الاخت صاحبة الموضوع مو متأكده انو صار بينهم شي.. يعني كل اللي بينهم على حد قولها اعجاب, اهتمام ,الخ يمكن ماوصل للمرحلة الفراش..
يعني لا تحطو في ذمتكم احد ..
وابحثوا في النت على حكم القذف بدون بينة
وجزاكم الله خير
 
من جــــــد عصصصصصصصصصصصبت والله لو مكانك كان قااااالبه الدنيا عليهم

بس اييييش الي مسكتكي عنهم ؟؟؟؟؟؟؟؟؟؟؟؟؟؟؟؟؟
 
هذيتبيله فرررش
يعني جلد الله ياخذه
والله تنرفزت بالحيل
صدق قلت ادب
لالا تسكتيييين
قهر​
 
اتعبني هواك قال:
وجع يشيلها ان شالله وين عايشين انا قلة ادب وقلة حياء
والله الشرهه موعليها الشرهه على زوجها اهواللي معطيها وجه
بزياده لوه مايبين لها كل هالاهتمام ماعرته ولافكرت فيه بعدين وش هالبرود حبيبتي عندها اشوف اشياء غريبه بينها وبين زوجي واسكت ولاالميانه اللي بينهم زادة عن حدها ولااقول شي
انا سمعت انا فيه ازواج يحبون يجلسون مع خواتهم وحريم اخوانهم لكن قلت الادب هاذي ماتوصل بعدين على اي اساس يوصف جسمها ولاتعلق على كلامه ليش ماقالت استحي على وجهك تقول هالكلام عندي وصلت فيك انك تقارني بهالحقيره انت اصلالوعندك ذرة حياء ماترفع عينك بعينها اذااهي قوية وجه لاتترززفي مكان تكون موجوده فيه وبطريقتك هاذي تقلل من قيمتي واحترامي عندها ولوموشايفه منك قول لتصرفاتها ماكان تعدت حدودها بكل شي وحط في بالك انك قبل لاتخوني تخون اخوك
حتى لوماجيتها ولالمستها يكفي نظراتك لها ,, وين عصبية اخوك الااهي اللي مأدبته ومربيته ولالواهورجال ماخلها تتسرمح بين رجاجيل حتى لواهم اخوانه,, وين امه وين ابوه ولاجرأتها هاذي من وراهم شوفي ياقلبي اذاامه ولاابوه موواقفين معها الكلمه اللي تستحي منها بدها لاشفتي تصرفاتها كذا لاتهمك العني خيرها
قولي سالفة انك تروحين عندهم ولاتجلسين معهم شي خاص فيك لانه الحياء بهالدنيا انعدم,, لكن كنت اتغاضى عن اشياء كانت تحصل قدامي وقلت ماعليه الايام تغيراطباعها واللي للحين ماتغيرت
اقولها لك انتبهي من تصرفاتك وخاصه زوجي قلة حياك موعلي انا روحي دوريلك واحد ثاني استهبلي عليه لاتخليني اسوي شي يقلب عليك ولواظطراقول كذبه لزوجك ماعاد يهمني اقلبها علي وعلى اعدائي طبعا(لتخويف لان واضح عليك موحقت مواجهه)
واسويلك سالفه ماتسوى عند زوجك بالذات وخذي حكي بين الناس قولي لها تقي شر الحليم اذاغضب ولاقالت لدجاجه زوجها وجا عصب عليها قولي ترضى ان اخوك يناظرني بنفس نظراتك ترضى يقول حتى لزوجته جسم زوجة اخوي كذا كذا ترضى انه يوديني لحالي من دون زوجته وووووالاماله نهايه قولي اذاترضى فانت ماعندك غيره على زوجتك انا مااسويت كذا الااحافظ على بيتي وعليك اذااهي صايعه صياعتها موعلي تدور احد ثاني
اهم شي توقفه عند حده قبل لايطيح الفاس بالراس
الله ياخذحريم عقولهم تعانه زي هاذي ولامتزوج وش تبي فيه
:30:اسفه على الاطاله حبيبتي واذاشديت الكلام معك فهومن حرصي عليك..
أنقر للتوسيع...
نفس الكلاااام
وش رايك ياأتعبني هواك نروح انا وياك
ونرض اعظامته :18::18:هههههه
ناخذ حقه ​
 
لاحول ولا قوة الا بالله..

استغفر الله العظيم يااخوات لاتحطون بذمتكم شي ان شاءالله مايصير بينهم شي كايد..

لكن يااختي صاحبة المشكله انا ماراح الوم زوجك ولا زوجة اخوه ابلومك انتي ليش تاركه له الدرعه ترعه

مايصير كذا انتبهي لزوجك وتصرفاته وذكريه بالله وسوي نفسك غبيه جاريه في الكلام لمن يتكلم عنها شوفي وش نهايتها..

اما زوجة اخوه اقهريها ولاتعطينها مجال انها تحتك بزوجك كلام او غيره نهائيا

الله يهدي زوجك صراحه مررره شي يضيق الخلق..​
 
اولا الخوات الي يقول مافي شي الا بداية لاهتمام شي وشي كبير مافي رجال يهتم بمراه عشانها كانت تهتم فيه وتأكله لا كان مافي رجال خان زوجنه
الموضوع واضح لازم تشتغلين عليها هي بالاول اشغليها بزوجها خليها تخاف عليه لان تفكيرها وسخ والدليل خافت انك تكشفين خليها هي الي تبعد عنكم وتخاف على زوجها منك شككيها بحالها
اكشخي على يوم كشخه وتكون فيه جمعه ولا شي وقول يوه كان زوجك شافني (طبعا مو حقيقي)او مدري زوجي بس لاتاكدين الموضوع وابتسمي كانه عاجبك الموضوع قولي صفه تعجبك بالرجال وانها تعجبك حيل ومستعده تبيعين العالم عشانها وبعدين اسكتي شوي وقولي صح زوجك فيه هذه الصفه وغيري الموضوع على طول وقوليلها انا بروح مكان وزوجي مو فضي يمكن اخلي زوجك يوديني عادي انتي تروحين مع زوجي وتتعبينه خل اتعب زوجك وقوليها بضحك بس بين لها انك جاده
ودوري فيها عيب ماتقدر تغيره وقولي زوجي مايحب الحريم الي فيهم كذا ويرحمهم ويجاملهم قوليلها يوووه زوجي يقول الي عمرها كبير بالثلاثين مادري شلون تستهبل وتسولف يقول احسه خبله ومهرج واضحك عليها
يعني وكذا اشتغلي عليها بس اهم شي اشغليها بزوجها خوفيها
والله ينصرك عليها
 
ملح ينثر قال:
اولا الخوات الي يقول مافي شي الا بداية لاهتمام شي وشي كبير مافي رجال يهتم بمراه عشانها كانت تهتم فيه وتأكله لا كان مافي رجال خان زوجنه
الموضوع واضح لازم تشتغلين عليها هي بالاول اشغليها بزوجها خليها تخاف عليه لان تفكيرها وسخ والدليل خافت انك تكشفين خليها هي الي تبعد عنكم وتخاف على زوجها منك شككيها بحالها
اكشخي على يوم كشخه وتكون فيه جمعه ولا شي وقول يوه كان زوجك شافني (طبعا مو حقيقي)او مدري زوجي بس لاتاكدين الموضوع وابتسمي كانه عاجبك الموضوع قولي صفه تعجبك بالرجال وانها تعجبك حيل ومستعده تبيعين العالم عشانها وبعدين اسكتي شوي وقولي صح زوجك فيه هذه الصفه وغيري الموضوع على طول وقوليلها انا بروح مكان وزوجي مو فضي يمكن اخلي زوجك يوديني عادي انتي تروحين مع زوجي وتتعبينه خل اتعب زوجك وقوليها بضحك بس بين لها انك جاده
ودوري فيها عيب ماتقدر تغيره وقولي زوجي مايحب الحريم الي فيهم كذا ويرحمهم ويجاملهم قوليلها يوووه زوجي يقول الي عمرها كبير بالثلاثين مادري شلون تستهبل وتسولف يقول احسه خبله ومهرج واضحك عليها
يعني وكذا اشتغلي عليها بس اهم شي اشغليها بزوجها خوفيها
والله ينصرك عليها
أنقر للتوسيع...



هههههههههههههههههههههه
عيني عليك بارده
ردك عجبني بس ياليت الاخت تاخذ بكلامك
:31:
 
طيرشلوة قال:
حرام عليكن يابنات تطعنون بزوجة اخوها حرام,,,,,​


اختي مايعني اللي يصير غلط,,,,,,,,,,,,,,,​

بس على فكره اذا زوجج وزوجة اخوه يسون شي​

تأكدي انهم راح يتحاشون يضحكون مع بعض قدامكم
او حتى تكشف الوجه
حتى لايزيد شك من حولهم وخصوصا انتي او اخ زوجج,,,,,,,,,,​


نعم مايحصل خطأ.......​

ولكن انا ارى انه ليس هناك بينهم علاقه​

ولكن انتي بشكج وكلامج معه عن هذا الشي
راح يخلي زوجج يفكر في هذا الشي كثيرا​


ولهذا السبب انصحج لما يسولف عن زوجة اخوه انتي تجاهلي الموضوع
وغيري الموضوع ولكن دون تعمد يفهم انه لايريدك ان تتكلمي عنها,,,,,,​


كذلك من باب النصيحه,,,يعني لاتفهمينها انكي تقصدين زوجج وحده
ان تنصحينها دينيا وتقولين حرام تتكشفين وتسولفين مع اي حد
حتى لو اخوان زوجج,,,ونصحينهادينياااا​





اما ان نطعن بزوجة اخو زوجج​

اعتقد لو كانوا يعملون شيء
ماخلوا حد يفكر او يعتقد ان بينهم علاقه
او يضحكون
المفروض اصلا يبينون العكس حتى لا اي شخص يشك بهم​


وعليج بالدعاء,,,,,​
أنقر للتوسيع...
بالضبط
 
الحمو الموت يابرودك واضح انك ماتغارين لان لو تغارين كان وقفتي المهزله

وتاكدي ان القضيه مو بس شكوك لايكون شئ ثاني ونتي ياغافلين لكم الله

و ربي يعينك
 
شوفي اختي اذا هالمره ذكر لكي شكلها اوصف لكي شئ او حتى جاب ليك سيرته لالالالالالالا تضعفي وخليكي قوية واثقه وردي عليه لو مااكنت احلى منها مااكنت تزوجتني وابغاا اذكرك يازوجي الحبيبي انو ذكر انها هي زوجة اخوك ولو كانت متربية وتعرف الاصول ماكانت كشفت وجهها قدام اخووك وهي حره لاني انا مو من مستواها انا حلووة الحمد لله والكل يشهد اني احسن منها اولا لانك اخترتني ولو انا ابغا اكشف واصير اتمايع زيعها عادي ماعندي مشكله بس انا اشووووووووف انو مافي احد احق انو يشووف جمالي غيرك انت ومافي احد اولى بدلعي غيرك يعني احتي تكلمي بكل دلع وبكل انوثتك وخليكي واثقه واذا كانو عصوو ربهم راح يجي يوم ويفضحهك والله يسترها معك ويحفظ لكي زوجك واختي لاتحاولي تخبري احد مدام مو معك ذليل اللي يخليهم يصدقونك اذا جربتي تتكلمي والله راح تدمري حياتك فاتمنى تحفظي زوجك وتستغلي انوثتك وذكائك لان هي ربي راح يكشفها مهما حاولت تتخفى
 
مشكورين يابنات على الردود فعلا فعلا اعطيتونا حلول من خلال الردود وبالخاص
يعني في اشياء ماكانت منتبهه عليها صديقتي انتبهت لها وفكرت فيه وقالت لازم اسويها
الحمدلله انها مااقالت له ولا مره انها تشك ان بينهم علاقه وزين انها ساكته علشان تسوي الخطط
مضبوط


واختي ملح ينثر عجبتني فكرتك بعد بقول لها


(((( يمكن اخلي زوجك يوديني عادي انتي تروحين مع زوجي وتتعبينه خل اتعب زوجك وقوليها بضحك بس بين لها انك جاده
ودوري فيها عيب ماتقدر تغيره وقولي زوجي مايحب الحريم الي فيهم كذا ويرحمهم ويجاملهم قوليلها يوووه زوجي يقول الي عمرها كبير بالثلاثين مادري شلون تستهبل وتسولف يقول احسه خبله ومهرج واضحك عليها ))))


ماتقصرون بجد الله يعطيكم العافيه ويفرج همومك ويسعدكم دنيا وأخره
 
الحالة
مغلق و غير مفتوح للمزيد من الردود.
عودة
أعلى أسفل