شكي في محله :)

[dlo0o3t_5alo0od]

بسم الله الرحمن الرحيم ...


السلام عليكم و الرحمه ...



شحالكم بلقيسآآت ...؟؟


ببدى بقصتي و ما بطول عليكم ...



من اسبوعين كانت اتييني نغزات بقلبي ان في شي صاير .. بس كله اقووول لا اكيييد شكووك يعني النغزات اني كنت اشك ان ريلي يرمس بنااات ..

المهم من اسبوووع تقريبا ريلي كله يطلع من الساعه 10 الى 12 ليل ( بالعاده يعني ريلي ما يطلع من البيت يعني يرجع الساعه 8 و ما يطلع ابد ) .. فلما يرجع الساعه 12 يقعد 10 دقايق بالغرفه و عقبها يظهر برع اونه يرمس بالفووون مع الدوام مع انه كان يرمس صووبي ..

طنشت و ما حطيت فبالي ..


المهم ..



امس كانت عمليته و طبعا لما دخل غرفة العمليااات كانت تلفووناته عندي و الله و بدووون قصد فتح فونه ( البلاك بيري ) و ظني و شكي كان بمحله .. كلام حب و غزل ( مشتاقلج ، بذمتج ما وحشتج ، ما اقدر انام قبل لا اسمع همس صوتج ، اتصلت فيج و ما رديتي ..........الخ ) .. و كان النك مبين فيه اسم البنت و عايلتها ..

فقمت فتحت فوني الثاني ابي اشوووف الارقاام الي كان متصل عليها و شفت نفس اسم العايله و كذا مره متصل عليها و اكثر الاوقات الي يكون متصل عليها هي الاوقات الي يكووون برع البيت ..


بذمتكم شو الي تنصحوووني اسويييه اسكت و الا اواجهه مع اني اعرف اذا واجهته بينكر و بيجلب السالفه علي ( ليش اتفتشين فوناتي ، و انتي اتشكين فيني ،، ...... الخ ) ..



دخيلكم شووووروووو علي ..​

 

[تحيه لوطني]

ياحبيبتي يمكن تكون زوجته متزوج بالسر وترى الشى الحلال اخف من الحرام

 

[dlo0o3t_5alo0od]

اي زوجته هو وحده مب رايم عليها ... انا متزوجه من 3 اشهر ..

 

[ايامكم سعيدة]

انا قول بس ماادري وجهة نظري صح والالا انتي اسمعي مني وارجعي لعقلك انك تمسحين الرقم من تليفونة وكل الرسايل اللي مسجل عليها الرقم يعني ماتخلي شي بي رقمها وتكلمينها بس برقم جديد مو رقمت وتسالينها من انتي وتتعرفي عليها وشوفي ويش سالفتها مع زوجك واذا كان بحرام حاولي تكرهينها في باسلوب يخليها هي تبتعد يعني اي عيب او مرض او شي يخوفها منة ولو بالكذب لانك انتي بتحافظي على بيتك وبكدا تسلمي من اي مشاكلواكيد ماراح يسال من مسح لرقم وواللة يوفقك

 

[dlo0o3t_5alo0od]

لو مسحت من الفووون هو ضايفها ع البلاك بيري ... و ثانيا ما اقدر امسك فوونه اصلن بياكلني .. تسلمين ع الرد المهم

 

[التحدي صعب]

الله يهديه
متزوجه من ثلاث اشهر ويغازل
الله يعينك
يمكن من ايام العزوبية فحاولي تنسينه
خصوصا انه مريض ومسوي عملية خليك فوق راسه
يعني لاتتصلين على البنت ولاتتعبين عمرك
اهم شئ اشتغلي على زوجك زودي جرعات الحب والعشق له وجننيه عليك
واذا جا يطلع مثلي عليه انك خائفة ولازم يجلس معك واكيد بيراعيك مادامك عروسه جديدة
الله يوفقك يارب وييسر امرك
بس لاتشيلين بخاطرك ولاتواجهين
اهم شئ اسحبيه لك جننيه عليك
واذا ماتستحملين واجهيه لكن باسلوب حلو ماادامك توك عروسة ياقمر

 

[وحيده زوجها]

لالاتمسحيييييييين ولاتكلمين البنت بتنقلب كل السالفه عليج

صارحيه وبهدوووووووووووء قولي تونا عرسان وتخوني انا بشومقصره.........الخ
ولوقالج ليش تفتشين الجوال قولي كنت احاتيك وفقلت الهي نفسي بجوالك فانصدمت من شفت الارقام والمكالمات

اهم شي الهدوء والراحه وخصوصا انه عامل عمليه

 

[مايصحش هالحتسي]

لا تقولين لزوجك شي لان السالفه بتنقلب ضدك
دامك معك رقم هتعبانه خذيلس شريحه جديده وارسلي لها رسايل انج بتفضحينها عند اهلها وقوليلها اسمها وعايلتها بكذا بتخاف !!
شوفي وش الي ناقص زوجك وعطيه حب وحنان وعطف واشغلي وقته بطلعه

 

[RENO]

انا اشوف لازم تصارحيه لا تشيل كل هالهم والحزن بروحك لازم يحس بحجم غلطه ويتراجع عنه
والله يسخره لكي يالغلا

 

[حلم غافي]

سبحان الله وبحمده سبحان الله العظيم

 

[شمعة تضئ للغير]

لا تقولين لزوجك شي لان السالفه بتنقلب ضدك
دامك معك رقم هتعبانه خذيلس شريحه جديده وارسلي لها رسايل انج بتفضحينها عند اهلها وقوليلها اسمها وعايلتها بكذا بتخاف !!
شوفي وش الي ناقص زوجك وعطيه حب وحنان وعطف واشغلي وقته بطلعه

أنا راى من راي الأخت :icon30:

 

[dlo0o3t_5alo0od]

المشكله انا حامل و تعبانه وايد بطني يعورني من ساعه ما عرفت و شفت المسجااات خايفة ع الجنين وايد ..


زوجي عمره 31 يعني مب صغير اكبر عني بـ 11 سنه ، و مطلق و عنده ولد يعني بو عيال و يعرف الغلط من الصح ,,, و القهر انه دوووم يرمس عن الرياييل الي يرمسووون بنات من ورا حريمهم ،،

 

[الفخورة بزوجها]

اللة يعينك ادعيلة وطنشي واللة اختي لمن كشفت رجالها ما استفادت ما غير معاملة زفت وضرب

 

[بحر الجواهر]

ليش كل رد تقولون عطيه حب وشوفي وش ناقصه
بالله عليكم كل هالاوادم الي يخونون في جميع الدول العربيه حاصه ناقصهم شي اجل لاتجيبون عيال يطلعون خونه للام بتعطيه ولا الزوجه بتعطيه من الحنان حرام اجيبه وضيعه


ارقوا شوي بالتفكير ..................................البعد عن الله هو سبب الفتن ودمار البيوت والله الخيانه ليس لها مبرر وعقابها واضح وصريح في الشرع
الا وقفيه عند حده وكلميها بعين قويه وهدديها احسن يعرف انك قويه قبل العيال مايجون وتشوفين ردة فعله
سكوت المراة عن حقها وطبطبتها عليه هو ماجعل الرجال يتمادون في ضياع اسرهم

 

[dlo0o3t_5alo0od]

يعني اسكت عن السالفه ،، و اخليه حق التعبانه الي ترمسه .. و انا شو ؟؟؟


و الله يا بنات اني متحمله اسلوبه وياااي مره يضحك و يسووولف و مره ينقلب علي و كله يبي يضارب .. متحمله تقصيره وياي و كل ما اقوووله ابي الشي الفلاني او ابي بيزات يقولي : ( ليش ، شو تبين فيه ، مب لازم ، عقب بعطيج ..............الخ ) ..


و يت فترة وحامي و كرهت كل شي كرهته و كرهت الغرفة و هو ما كان مصدق انه وحاام و رحت بيت اهلي والله يا بنات شهر كامل بيت اهلي لا مصرووووف و لا حتى مسج يطمن علي .. أكيييد كان غارق بالعسل ويا حبيبة القلب ..

 

[ديم 1]

والله مشكله الله يعينك ويصبرك ويفرج عليك بس لازم تصارحينه يعني ماتسكتين على الموضوع مثلا تاخذين رقمها وتتصلين عليها من شريحه ثانيه وتكلمينها وتشوفين وش قصتها مع زوجك بس انتبهي لاتغلطين وتقولين انك زوجته سوي نفسك انك غلطانه وتعرفي عليها وقولي لها انه عندك مشكله وتبين حل وشوفي وش ترد عليك ..الله ينصرك .

 

[dlo0o3t_5alo0od]

والله تعباااانه

 

[هيفاء الصغيره]

لا تقولين لزوجك شي لان السالفه بتنقلب ضدك
دامك معك رقم هتعبانه خذيلس شريحه جديده وارسلي لها رسايل انج بتفضحينها عند اهلها وقوليلها اسمها وعايلتها بكذا بتخاف !!
شوفي وش الي ناقص زوجك وعطيه حب وحنان وعطف واشغلي وقته بطلعه

زي ماقالت اختي مايصحش هالحتسي الله يوفقها ويوفقك ويوفقني
اشتغلي عليها من دون مايدري زوجك
ومن دون ماتدري هي علشان ماينقلب ضدك زوجك
ويحقد عليك ويميل عليها اكثر
وانتي بوقت ماتهددينها وتخوفينها قوليله كلام حب واعتني فيه فرصه
تعبان اللحين واهتمي فيه الله يوفقك وينصرك عليهم
ويسخره لك

 

[حنان الحب]

مثل ما قلتي كبير وعاقل لا تواجهيييييييييييييييييينه بحط الغلط عليج

زودي جرعااات الحب

 

[dlo0o3t_5alo0od]

والله اني اكتب الكم عيوني كلها دموووع .. انا خايفة ع نفسي و ع الي فبطني و هو ما حاطتنه في بالي لانه ما حطني في باله و لا فكر شو الي راح يصير فيني اذا عرفت ...