شكلي هززززززززأأأأت زوجي ....!! ( بالله كيف تعرفين اذا زوجك سكران .!!!! )

[ميمو الدندونة]

السلام عليكم ورحمة الله وبركاته

كيفكم بنات يارب بخير ..

بنات احس فيني قهر وكبته وضيقه وحتى مو قادره أكتب بس بأختصر قد ما اقدر ..


انا مملكه من قتره وعلاقتي بزوجي الفتره الي راحت كانت مررررره حلوه وخقق

ميتين في بعض و24 ساعه مع بعض طبعاُ حالتنا هذي صايره جدديد يعني تونا بدينا نموت في بعض لاني ما كملت 3 شهور مملكه ..


الموهم ما أنكر كان فيه شكوك وسوالف قديمه بس انتهينا
اختصاراً لكل السوالف .. هو اللحين في جده ومره كلمني وشكيت انه كان شارب ..
شارب يعني شارب يعني درينك يعني خمر اعووذ بالله ..

طبعاُ انا شكيت لانه صوته متغير واسلوبه وكان يقط خيط وخيط وومدرررررري احساااسي وقتها قالي انها شارب .. مو شرط وقتها كان فاقد لكن شارب له كاستين من باب الرواق يعني لسه مروق ومتنح ما امداه يفقد ..


الموهم انا شماليه دمي حار وهو جنوبي بارد يفقع القلب ..

دخلت بعينه وبكل هدوء سألته ليه صوتك متغير قالي تعبان مواصل << وهو ما كمل 12 ساعه صاحي

رجعت سألته يا بيبي ليه صوتك متغير وكلمه مني وكلمه منه ولعت المشكله بيننا وكبرت

صاير يقولي وش تقصدين تحسبيني شارب انا لو شارب ما شفتيني واعي لنص كلمه قلتها لك ..

الموهم وقام يتفلسف علي وذكرني بمواقف سويتها معاه من قبل وهو طنشها لي يقولي لانه عقلي كبير ومستحيل اشك فيك .. وانتي بهالسوالف عقلك صغير

ترى قعد يقولي كلام ما يقوله وهو صاحي وهذا الي خلاني اشك اني ظلمته ومو شارب ..

يمكن اتوهم يمكن صدق هو شارب مدررررررررري ..
الززززززبده

تخييييلو من ضمن الكلام الي قلته ..

(( اقسم بالله انك شااارب / وربي انك مررررررفع / رووح تروش وبعدين صحصح ولكمني / انا مو مجبوره استمر معك لين اجي عندك البيت واشوف بعيوني )) وكلام وققققح كثير

ااااااااااااه كل ما اتذكر احس اني بموت على قد ما مسكت نفسي طووول ال3 شهور الي راحت خررررررربت كل شي بطولة لساني وقلة ادبي معاه كأنه وحده من صديقاتي ما كأنه زوجي ..

بالنهايه حللللللف لي بالي يفقده امه وابوووه اغلى ماعنده انه مو شاااارب

بعد ما قفلت منه بكييييييييت بكيييييييت بكيت لين انفجر راسي وكلمت صاحبتي وحكيتها بالتفاصيل ودخلت في عيني انه انااااااا غلطانه وانه الادمي مو سكران واني اوسوس واتوهم بس انه اقسسسسسسسم بالله صوته واسلوبه وكلامه يشكك ورجعت ارسلت له مسج ابي اررررررقع مصيبتي ..


(( وربي يا بيبي بعد ما قفلت منك بكيت لين عورني راسي .. تعبت وتعبتك معااااي بس اذا انت ما راعيتني وفهمتني واحتويتني مين بيراعيني .. غلطت معااااك وأنا آسفه بس وربي من خوفي عليك .. انت مو مستوعب انته صرت ايش بالنسبه لي انت سندي وعزوووتي .. انت الانسان الوحيد الي بسلمه نفسي وحياتي .. واذا اني قلت الي قلته فكل الي ابيه منك لحظتها .. تطمن خوووفي وتمسك ايديني وتهديني عشان تريحني وترتاح لأني بجد محتاجتلك حيييييييل واعرف انك تبيني كثر ما أبيك ))


ولااااااا رد ولا اتصل .. وقعد يوم كامل محد سال في الثاني واليوم الصباح ارسلت له مسج شعر انه فقدت ومن هالكلام ..


اللحين ابي ابي افهم انا خلااااص خسرت زوجي .. كل علاقتنا الحلوه بتتخرب .. كيف بيسامحني اذا اني ظلمته

كيف بينسى الي صار ونرجع زي ما كنا

كيف اعتذر

كل الي اعرفه انه اذا صار قدامي بينسى كل شي بس وربي لو انه بالشرقيه بروح له البيت بس هو اللحين بجده يعني مااااااااااااالي أمل اشوفه ويشوفني ...


بنات وش اسوي !!

 

[غــــلا]

حبيبتي يمكن تشوفين نفسج غلطانه لانه قسم بربه بس انتي كنتي شااااكه وايد يعني شكج خلاج متاكده !! بس انتي سويتي اللي عليج اعتذرتي وكلامج كان وايد حلوو ورومانسي وحسستيه بقيمته وان الحياة بدونه ماتسوى وهذا اهم شي خليج ع انتظارج وشوفي ردة فعله وغلاتج عنده قد ايش ..... اكيد حس باهانه يمكن او كلامج هزه بس كنتي معذوره صراحه !! لاتسوين شي يكفي اعتذرتي واذا طول ومارد عليج دزي مسج انج مستغربه انه هان عليه يخليج ولايحل المشكله ......

هاااذي وجهة نظري وانشاءاالله ييسر اموركم وتردون لبعض والله يهنيكم =)

 

[قلب ناعمه الطيب]

تقولين صوته متغير وكان يقط خيط وخيط !!!
وهو حلف لك واللي يفقده اغلى ما يملك يعني احسني الظن بزوجك وأكيد انك ما وافقتي عليه لين سألتوا عنه انه انسان مستقيم ومايعرف خرابيط ...
مااقول الا الله يسخره لك ويسخر لي زوجي يا رب ...

 

[sabreena]

والله مدري ليش بقولك بصراحه حالتك مرررره صعبه
الله يهديلك بالك ويكتبلك الخير

 

[جلجامش]

ليش شكيتي انه شارب؟هو شرب قبل؟
شكله له ماضي وهذا الي يخليج شكيتي فيه وبعدين انفجرتي شكلج ...خلاص اعتذرتيله وانتهى الموضوع طنشي ..هوبروحه بيرتاح وينسى ويجيج ان شالله..الرجال كثير منهم يحبون يبتعدون لما تصير مشكله..ومايعرف يتعامل معاها..بعدين اذا هو يشرب فحتى حلفانه اشك فيه..

 

[أم ألودي]

واضح من كلامك أنه فعلا كان يشرب وتاب وخفتي يرجعلها تاني صح ولا لا ؟ ولا إيش خلاكي تفكري انه شارب ومعليش كلامك معاه غريب مافيه أنوثه بالمرة يعني (مروق ومتنح وكاستين وغيره ) إذا كان يشرب فعلا فعفا الله عما سلف لا تذليه وتندميه انه قالك راعي شعوره تصدقي حتى أنا لما أواصل صوتي يتغير واقط خيط وخيط وكثير صحباتي يستغلوا هالنقطة فيا ........عيوني أنا بانصحك مثل أختك الكبيرة حكمي عقلك قبل ماتتكلمي مو معاه بس بل حتى مع أهله وتروي ولا تتحدثي بعصبية ومن حُلف له بالله فليرضى وإن لم يرضى فليس من الله ... يعني عجبك كذا تجلسي تترجيه وهو ما سأل فيك عموما استفيدي من أخطائك لا أحد يتعلم بسهولة وأكبر دليل أنه لم يرجع ويكلمك حتى يبرر موقفه بل ثأر لكرامته والله أعلم أيش حايسمعك كلام ؟ بس اتحملي ( لا تزعلي مني نصحتك كأخت )

 

[احاسيس مخمليه]

مافيه احد معصوم من الخطاء او الشك ولكن الثقه حلوة خصوصا للزوج المستقبلي واذا استمر الشك فنصيحه انك ماتكملين معه لانك بتهدمين حياتك وحياته

وانا لو كنت مكانك راح ارسله رساله واكثر لحد مايرضى

منها اعتذر له واني احبه واني ندمانه اشكر انا غلطت بحقه

فانتي ارسلي له مسجات وشوفي النتيجه لانك غلطتي بحقه كثير

وانتظري النتيجه وان شاء الله مايكون من النوع الي يطول بالزعل وينسى

 

[مكان القمر]

بالنهايه حللللللف لي بالي يفقده امه وابوووه اغلى ماعنده انه مو شاااارب

هذا الحلف مايجوز

زبدة المشكلة

قد تكونين على علم انه كان يشرب لذا تحرك فيكِ الظن
وقد يكون يشرب ومستمر وحلف لك ان يقلع عنه ولكنه نقض وشعرتي اني اخلف الوعد

الحقيقة ان موقفك جميل جداً ليس في التجريح
ولكن لأنك لم تكتمي مابنفسك وكنتِ واضحة معه
وهو سيحسب لغضبكِ الف حساب وحساب
لأنه سيعلم ان له زوجه حريصة على حياتها الزوجية

صدقيني هو غاضب لكن في داخل نفسه سيشعر بالخوف من ارتكاب اي معصيه لأنك لا تحبين الخطأ

الجئي لله وادعي ان يأتيكِ نادما
واستخيري الله في اكر اكمال الزواج
فالخمر كبيره وليس سهل على امرأة أن تكمل حياتها مع شارب خمر​

 

[عنقود عنب]

هذا الحلف مايجوز

زبدة المشكلة

قد تكونين على علم انه كان يشرب لذا تحرك فيكِ الظن
وقد يكون يشرب ومستمر وحلف لك ان يقلع عنه ولكنه نقض وشعرتي اني اخلف الوعد

الحقيقة ان موقفك جميل جداً ليس في التجريح
ولكن لأنك لم تكتمي مابنفسك وكنتِ واضحة معه
وهو سيحسب لغضبكِ الف حساب وحساب
لأنه سيعلم ان له زوجه حريصة على حياتها الزوجية

صدقيني هو غاضب لكن في داخل نفسه سيشعر بالخوف من ارتكاب اي معصيه لأنك لا تحبين الخطأ

الجئي لله وادعي ان يأتيكِ نادما
واستخيري الله في اكر اكمال الزواج
فالخمر كبيره وليس سهل على امرأة أن تكمل حياتها مع شارب خمر​

عزيزتي مكان القمر

اختصرتي ما وددت ان اكتبة

انت ما غلطتي لما شكيتي و وضحتي شكك

عشان فعلا ..يحسب لك الف حساب

اعتذري وبرري تصرفك انك كنت خايفة

وان انشاء الله بعد الزواج ... تكوني اكثر اطمئنان وانت معه وتشوفينه انه ترك المعصية

وربي يسعدكم

 

[a7zan_leel]

أعتذرتي له وخلآآآآآآاص حب يسامح براحته ماحبه هم كيفه لكن لو شافك كل شويه سوري وسامحني ومدري وشو

يوم يكون غلطان حتى مابيعترف بغلطه بيقول انتي الغلطانه انلحين دام اعتذرتي خلاص اسكتي واصبري واثقلي لين هو يتصل ما اكيد مصيره حيتصل بس اصبري وشوفي

 

[a7zan_leel]

وبالنسبه لو قالك انه يشتهيك ومن هالكلام ويريدك وكذا يعني وهو مو من عوايده يقولها بس دقت يقول هالكلام بذيك الليلة اكييييييييد

بيكون شارب وأسألي مجرب

 

[معشوقه]

يا الغاليه

قلتي كلام نابع من شك قوي في فعل قوي ... و رجعتي اعتذرتي عنه ... خلاص التزمي الصمت لين يتكلم من نفسه لا اتخافين ما تخربت علاقتكم ولا شي بس صار يعرف إن مو كل شي يعدي عليج بالساهل و إنك ممكن توقفين و اتحاسبنيه .. خلاص الحين لا تتحرشين فيه خليه ليما هو يتصل أو يجي لا بعد لما يتصل مو تعتذرين خلج قويه يا أما اتعدين الموقف على هواج أو إنج تطلبينه يصالحج على موقفه الغريب إنه يتركج و يسكت ... يعني تقلبين الطاوله عليه ولا تعتذرين أكثر خلاص ...و بعدين مثل ما في احتمال إن ظنج غلط بالفعل في احتمال إنه يكون صح وكلامج أثر فيه أو صحاه ... وهالإحتمال قابل القسمه لأثنين يعني ممكن صحاه لتوبه أو صحاه اشلون يكون حويط و اكثر حرص المرات القادمة ...؟؟!! يعني باب الشك مفتوح و بوجهة نظري ماله داعي تعتذرين أكثر خلاص ...

بس فعلا إلي استغربته اسلوبج في الكلام أول مرة سوري اسمعه مرفع , كاسين و كم كلمة قلتيهم غريبين في التداول يعني أوكي لما الواحد يسمعهم يفهم معناهم لكن مو متداولين و مو سهل استرجاعهم وقت الحاجه ... بس احتمال تكونين من النوع إلي ما توقف عنده الكلمه و تستخدمينها ... ممكن

 

[الصبوره]

يا الغاليه

قلتي كلام نابع من شك قوي في فعل قوي ... و رجعتي اعتذرتي عنه ... خلاص التزمي الصمت لين يتكلم من نفسه لا اتخافين ما تخربت علاقتكم ولا شي بس صار يعرف إن مو كل شي يعدي عليج بالساهل و إنك ممكن توقفين و اتحاسبنيه .. خلاص الحين لا تتحرشين فيه خليه ليما هو يتصل أو يجي لا بعد لما يتصل مو تعتذرين خلج قويه يا أما اتعدين الموقف على هواج أو إنج تطلبينه يصالحج على موقفه الغريب إنه يتركج و يسكت ... يعني تقلبين الطاوله عليه ولا تعتذرين أكثر خلاص ...و بعدين مثل ما في احتمال إن ظنج غلط بالفعل في احتمال إنه يكون صح وكلامج أثر فيه أو صحاه ... وهالإحتمال قابل القسمه لأثنين يعني ممكن صحاه لتوبه أو صحاه اشلون يكون حويط و اكثر حرص المرات القادمة ...؟؟!! يعني باب الشك مفتوح و بوجهة نظري ماله داعي تعتذرين أكثر خلاص ...


أنا مع معشوقة 100% بس حاولي تستخدمي معاه أسلوب أفضل في الكلام معاه وبلاها العصبية الزايدة مع الجنوبي.

 

[um_noora]

ربي يسخر لج زوجك
ويجمع بينكم

 

[شوكولاته اكثر]

الخمر ام الكبائر واللي يشرب يسوي كل شي مب بس يحلف كذب

 

[ضَوءْ]

اللي صااار انتهى

ومثل مااذكروا البنات انتي غلطتي بأسلوبك بس بتوصيل فكرتك لاااا

وبعدين اللي يشرب يبان عليه مو محتاج تفاصلينه ولاتلزمينه يحلف لأنها حتى لو شارب بيحلف لك عااادي

اثقلي الان وخلي لك موقف


انتي اعتذرتي والسلام اتركي المبادره له

ولا تفتحين معه الموضوع نهااائي انتم الى الان ببداية حياتكم

ابنيها على الثقه وانه الكبير في عينك وانك ماتتوقعين منه الغلط

 

[سأظل مبتسمة]

حبيبتي ما ابيج تزعلين مني

بس اللي حسيته من خلال كلامك طبعا انه فعلا كان شارب

وانك على علم بانه يشرب

ما اعتقد يا الغاليه انك ما تميزين كلامه اذا كان شارب او كان صاحي

وانا اقول لك من خلال معاناة مع مدمن

اول ما يبدا يشرب يتذكر كل شي حتى لو مر عليه عشر سنوات كانه امس صاير

لا تحسسي نفسك بتأنيب الضمير

اعتقد ان لك اسبابك اللي تخليك تشكي

هو لازم يعرف هالشي

بس اسلوبك خطأ عزيزتي لازم يكون وقت هو صاحي ووجها لوجه بعد

ومن رائي انك تقلبين الطاوله عليه كما يقال !

اعملي انك انتي اللي زعلانه وارسلي مسج كتبي فيه

" شكرا على التطنيش ! "

وبالتوفيق ان شاء الله

 

[فرح الحياة]

زوجك شارب ... اذا لاحظتي عليه اختلاف في أسلوبه
و تغير في صوته و اذا شفتيه مرووووووق مرة .... انت اعتذرتي له و سويتي اللي عليك ... لا تنزلين نفسك أكثر .. الآن الدور عليه هووو ... و استخيري يا قلبي ...


تحياتي

 

[ميمو الدندونة]

«

غـــلا

تسلمين حبيبتي وبجد كلامك أقنعني وفعلا هذا الي بسويه ان شاااء الله
دعواتك ولا خلااااا ولا عدم

قلب ناعمه الطيب

هلابك يا عومري .. اوكي أحسن الظن .. بس ما احب احسن الظن الين اوصل لدرجة انه يستغفلني وهذا الي خلاني اتكلم هالمره ..

الله يسعدك ويسخرلك زوجك ياااارب

سابرينا

ايه والله صعبه حيل .. لاهنتي حبيبتي ع التواجد

جلجامش

لا والله ما سواها من قبل بس لانه دايم يطلع البحرين ويرجع متغير ومدري ليه هالموضوع مسبب لي ازمه يمكن لاني اعرف انه اخوياه يشربون

أم لودي

الله يسعددددددك وييسرلك امورك وربي ردك غييييييير فديت قلبك حسيتك فاهمتني وبجد حاسه فيني ..
عموما انا ما قد صدت شي عليه من قبل ولا انه كان يشرب وتاب لكن انا احس انه كذا
احسه كان يشرب قبل يملك علي وبعد الملكه بدأ يحاول يبطل حتى روحاته للبحرين قلت =(
تسلمين حبيبي ونصيحتك بسمعها حرفياُ رغم اقتناعي اني غلطانه على اسلوبي لكن مو غلطانه في شكي وخاصه اني احيانا واغلب الاحيان احس اني متأأأأأأأأأأأأأأأأأأأأأكده انه كان شارب ..
الله يوفقك ويسخر لك زوجك ولاهنتي ..

احاسيس مخمليه

تظنين اعتذر له واركض وراه وانا حاسه انه غلطان حل ؟؟؟؟؟!!!!!
ادري اني حطيت الموضوع ابي اسمع ارائكم بس اني عبيطه الله يهديني مدري احس ما اقدر اسوي كذا
مشتااااااااقتلله بس معليش بنطم ولا بدق
فديت قلبك ولاخلا ولا عدم حبيبتي ..

مكان القمر

هو حلف لي بالي يفقده امه وابوه اذا كان يكذب والحلف يرجع لله سبحانه يعني الحلف ان شاء الله يجوز .. هذا في البدايه
وكلامك بجد هو الي انا اللحين احسه
انا احس نفسي غلطانه بأسلوبي لكن مو بشكي ..
والله يطمن قلبك ويريحك مثل ما ريحتيني لاني حسيت انه بجد مو غلطانه 100%


»

 

[بنت قلبي]

موفقةةةةةةةةةةةةةةةةةةةة