شفت هدايا العشيقه اليوم ايش اسوي؟؟؟

م

ملكه وزوجه ملك

New member
إنضم
2011/03/27
المشاركات
30
السلام عليكم
كل عام وانتو بخير وعساكم من عواده جميعا

انا قاعد اكتب لكم واحاول قد ما اقدر اضبط اعصابي
من زمااااان شاكه فيه مو شاكه الا متاكده بس باقي اشوف بعيني واسمع باذني
وخايفه من هالخطوه
ليش خايفه لاني جنوبيه واحب اعيش بالاحلام
احلام الحب والرومانسيه
وهو شمالي شرقي واثق مغرور شايف نفسه
وانا ميته فيه :33:
بس اليوم بعد الفطور وانا جالسه مع اخته الا تقلي كنت ابي اسال زوجك عن البي بي ونسيت
قلت لها وشو قالت كاتب في البي بي مس يو (افتقدك او اشتقت لك)
طبعا انا ماعندي بي بي
يعني اكيد مو كاتب لي انا ولعت حدي وبينت اني مو مهتمه للكلام
بس رحت شقتي واقفلت الباب وقعدت ادور على خيط
خلاص النار شاعله بقلبي
دورت ودورت ودورت
لحد مالقيت اكياس فيها علب وخبيه بشنطه العمل
وفتحتها لقيت شغلات اشتراهم باخر سفره لنا قبل شهر وقال انهم هديه لعمته
ومازالو مخبئين مع اننا رحنا زرناها واعطيناها هداياها
والشي اللي صدمني علبه واصلته عن طريق الشحن فيها عقد نسائي سعره ماوصل للالف
لكن انصدمت حدي
ليش شاريهم ولمين
شسوي الحين
طبعا رجعت كل شي مكانه وجا فجأه وانا اكلم بالتلفون
لما فتحت الباب قفلت الخط على طول
طبعا هو يموت من هالحركات
على طول سالني ليش مقفله الباب علي
قلت له كنت ابدل
وسالني ليش قفلتي الخط ومارديت طنشت
ايش الحل وايش اسوي الحين
 
تعوذي من الشيطان..ومافي انسان كامل ولاتفتحين الموضوع معه ابد لانك بتندمين وماراح تستفيدين ابد وبالعكس ماراح يحسب لك اي حساب على اي خطوة يسويها..
افرشي سجادتك كل ليلة وادعي ربك والتجأي اليه واستغفري عند النوم 500مرة..
لقرابة شهر..وماراح تندمين صدقيني بيبدل الله هالحال الى حال انعم واحلى..واهم شي التوكل على الله..
وكل انسان عنده نقص ومافي انسان كامل..ولاتخبرين احد من اهلك ولا اهله..
وان حصل اشتري بي بي عشان ترسلي له ويستغني عن غيرك..وشوفي ايش اللي يحب الزوج الشمالي سويه..ويمكن انتي جنوبيه خفيفه شوي وتتكلمي كثير..الزمي الصمت في بعض الاحيان وخلك غامضه مادام قلتي انه مغرور..وربنا يسعدك..
 
الله يعينك علي بلواكي
لكن لازم تتاكدي اكثر وتعرفي من هي وبشو تتميز عنك
واذا هو جاد ولا بس يمضي وقت معاها
واتبعي اسلوب التغيير اللي ينصحو الكل بيه ياليات عمداتي الشمالي واصحاب الخبرة يفيدوكي بالطريقة الامثل
لكن لك دعوة من قلبي الله يفك عنك ويرد كيدها في نحرها ويسخر قلب زوجك لك قولي امين حبيبتي
 
مشكوره عزيزتي
انا ماني ناويه افاتحه بالموضوع اكيد
ولا بقول لاهله ولا اهلي بس ابي احل الموضوع هذا وانهيها من حياته
وبدون ما يعرف
اقصد يعني ابي خطه تخليه هو اللي يتركها عشاني
بدون ما يعرف اني عرفت
شسوي
احيانا احسه يحبني وان هذي مجرد تسليات يتسلى بها
بس اليوم حسيت اني غلطانه وان الميه تمشي من تحتي وانا مو داريه بعمري
 
امممممممممممم لاتفاتحيه ولاتقولي شي اصبري حبيبتي
عليك بالاستغفار والدعا
بس انتي متاكده ان شكوكك بمحلها لايخرب عليك الشيطان
والبنت اذا تبي تبعديها بشكل غير مباشر لاتواجهيها لانها بتقول لزوجك
 
اولا لك هذا الرابط:
http://www.niswh.com/vb/showthread.php?t=314789
جدا مفيد

اما الهداية والله ما تشوفهن،، بس ماعليه الامر بالتاني فالتسرع هبالة. بعد كم يوم، بعد ما دلعتي زوجك وسولفتي وياه سوالف حلوة كم يوم. طلعي الهداية وابعثيها لعمته والعقد خليه مكانه. يوم يرجع من العمل قوليله حبيبي كنت ارتب الكبت وحصلت الهداية الي حق عمتك! تصدق! فبعثتلها اياهن بالحال (ابتسمي ابتسامة البنوته الشاطرة وكانك تنتضرين شكر منه،، انزعي اي شعور بالكبث او الكيد من نفسق كي لا يطلع في صوتك او حركتك) لا تنتضري جواب وابتسمي ابتسامة خجل وقولي ووجدت الهدية الي لي انا اسفة ما قدرت انتضر حاولت اني اسكت وانتضر (عيد ميلادي، عيد زواجنا، العيد) لكن ما قدرت اكتم فرحتي!!!! شكرا شكرا شكرا!!!!

انتي امرأة قوية لا تخلين وحدة من الشارع تاخذ زوجك دلعيه وتغنجي له واتمنى لك التوفيق :)**
 
شوفي الهديه خديها لك انتي من دون ماهو يدري خبيها وان سالك وااكيد ماراح يسال بس ا
اذا خاف وسالك قوليله اي لاقيتها واخدتها وانت اكيد شريتها لي ...
وكمان اذا شفتي شي تاني رسايل ولاغيره ماتسكتي استغرب من اللي يقولوا اسكتي ولاتواجهي
طيب لين متى طول ماهي ساكته زوجها بيتعلق بالعيشقه اكتر
عشان كده ماانصحك تسكتي واجهيه بس باأدله عشان لايكذب ولا يطلعلك غلطانه وخدي موقف جدا قوي ولاتكوني ضعيفه وترضي ع طول ترى هالنمط كل ماشافوكي ضعيفه بيزودو خيانه وبيستغلوا ضعفك انتبهي
 
اها يعني شمالي معناه لعب على الاعصاب يعني الغموض والاهتمام بنفسك بيني له عدم المبالاة به خليه هو يلحقك معناها ادخلي خذي كورس لاي شئ مو عشانه عشانك اولا لغة تجميل اي شئ تميلين له ثقفي نفسك اجعلي الكتاب محور حياتك خليه يدخل يشوفك ماسكة كتاب تقراين فيه لا تروح له الا اذا هو تقرب منك حاولي تعطيه الجنس قد ما تقدري حتى لو يوميا الشمالي لما يشبع جنسيا يفقد لغة الغزل ولا يعرف يحكي كلمتين على بعض معاناها ما عاد يتغزل فيها او حتى يفكر فيها بس مو كل شئ يجي مرة وحدة خطوة خطوة اقرئي قصص لناعمة الهاشمي اكيد بتستفدين منها
والله يوفقك ويسخر لك
 
ولا تواجهينه ابدا خصوصا في الوقت الحالي ولا حتى بعدين نصيحة
 
لو اني مكانك كان اخذت العقد ولبسته ..

وفتحت له الباب وبسته واقول له الله لايحرمني منك تبي تفاجئني فيه يابعد عمري انت .. ههههههههه اتحدى اذا بياخذه منك


واعتقد وعلم النوايا عند الله انه الهدايا لـــــــــك ... ربي يسخركم لبعض يارب
 
الله يرده ردا جميلا مافيه دليل قاطع ان بعض الظن اثم والله يسخره لك
 
مع صفير البلبل
سوي اللي قالت عليه عارفه ليه
لو كانت الهدايا لك بيزعل و يقول ليش استعجلتي وارسلتيها انا بغيتها لك انتي
اما اذا سكت معناها فعلا لعشيقته
 
حبيبتي انتي مو متأكده لمين الهديه يمكن حابب يسوي لك مفاجئه انتظري وشوفي
ولاتخسري زوجك بسبب شكوكك خلي الثقه اساس العلاقه بينكم..
الله يوفقك ويحليك بعين زوجك ويبعد عنه بنات الحرام..
 
شاكره لكم ردودكم وحده وحده
طبعا لما رجع البيت استقبلته عادي ودلعته بعد
ولا كان شي صاير
وبصراحه انا فكرت انتظر ليوم العيد بالليل اذا ما شفته جاب طاري
ابقوله اني كنت ادور على ورقه مهمه ومالقيت بالشقه
قلت يمكن عنده نسخه منها بشنطه العمل
وبقوله بصراحه وانا ادور شفت العلبه وفتحتها ادري تبي تسوي لي مفاجئه وانا خربتها على نفسي
وباقي الاغراض ما بجيب طاري هو بيفهم اني اكيد شفتهم وبشوف شو بيسوي
شرايكم
 
فكرتك حلوه
بس اخاف يقول ليش تفتشين في اغراضي من غير ماتساليني و يسويها سالفه

وش رايك تقولين الاولاد لعبو في اغراضك و فتحو شنطتك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل