شفت برنامج اوبرا ...

[سكر حبيبي]

مرحبا اخواتي...
بصراحة شفت الاسبوع الماضي حلقة اوبرا وكانت مستضيفة وحدة اسمها اليزابيث وسوت كتاب اسمها eat pray early ...
وهي كانت تتكلم انه كيف حياتها كانت بتنتهي والسبب عدم اهتمامها فنفسها وبريلها..
وانها كانت عصبية وتبحث عن واحة الراحة ..
وفجاة ياتها مثل الرؤيا او حد يخاطبها من عقلها الاواعي..
وبدت رحلتها في الانتباه لحياتها ولزوجها ولنفسها اول شي...

المهم :
بصراحة بعد ما شفت البرنامج...
يتني نفس صحوة الضمير..
وتميت اطالع جسمي في المنظرة واقول....................
بصراحة لو ريلي جسمه نفس جسمي..
بشتهي اطالع فيه..
والا اقرب صوبه...
بصراحة لالالالالالالالالالالالالالالا
..
صحيح انه هالاشياء صارت مع الولادة .. خاصة التشققات والترهل..
لكن شو سويت انا علشان اتخلص من هذا كله الا الاكل.. والنوم .. والكسل..​

صدق اني مش وايد متينة ..
لكن جسمي يباله رياااااااااااااااااااااااضة وريجيم...
واكثر شي رياضة...

وعلشان جيه قررنا ان وربيعاتي نسوي رياضة + ريجيم...
وبدينا من اليوم..
وانا كنت اراعي الناس يوم نسير عندهم علشان العشا انهم ما يزعلون واكل اكل...
لكن الحين قررت اني اعتذر ولو باكل شي بسييييييييييييييط جدا...​

وبخبركم كل يوم بيومه ..
اذا استمريت في الريجيم والا لا..
طبعا الريجيم .. مش صحي وايد ..
بس بصراحة نزلت عليه وحدة 10 كيلو بالشهر..
وانا هالشي اتمناه بصراحة...
لاني مستعيلة اتلبس واتكشخ بقمصان النوم واكون سكسي ليدي حق ريلي...​

اااااااااااااااااااااااااااااه حلمي هالشي انه ما يقدر يشيل عيونه عن جسمي...​

المهم زاااااااااد حماسي يوم كتبت لكم..

وريجيمي هو ..
الافطار : توست مع جبن او بيض يوميا + عصير لاكنور
الغدا : سلطة + دجاج او لحم او سمك + لبن اب " بدون عيش او خبز "
وبعدها بس فواكه + رياضة
فترة العصر ممكن شرب شاي اخضر او شاي الريجيم...​

وبس...​

واللي حابة تكون وياي انا وربيعتي علشان نتشجع اكثر..
مرحبابكن....​

واليوم نفذنا الريجيم وباقي الغدا والفواكه فقط ...:flex:​

 

[طفلة الورد1]

اهلين اختي سكر حبيبي .... الصراحة اشجعك على هذا التغير...... ولو ان الرجيم صعب:crazy:

ما فيه خيارات....:shutup:

انا سمعت عن كتاب ثمان دقائق رياضه لجورج كروز لانه الكل يمدح فيه ويقولون نتايجه مضمونه.. وفوق هذا مسوي رجيم غذائي.. ما تحسين عمرج انج محرومه .. الصراحه كاتب في الرجيم اكثر من اللي انا آكله
ويقول مب لازم تتبعين النضام الغذائي بس استمري على الرياضة وقليلي من الدهون وبتنحفين
بس ما استمريت عليه..مع انه سهل بس شو اسوي بالكسل​

 

[سكر حبيبي]

مشكورة اختي طفلة الورد على مرور...
وشو رايج كل اسبوع نوزن ونشوف كم نزلنا يعني نحدد يوم الخميس من كل اسبوع ونشوف هل فيه تطور او لا...؟؟
واشكرج على مرورج وردج..من بين 23 وحدة !!

 

[بنت قطر22]

:clap:انا بنضم معاكم لان ابي اغير من جسمي لكن رجيمي يختلف
الفطور شاي حليب +نصف خبز وجبن
الغدا 4ملعق رز وسلطه وصدر دجاج مشو ي
العصر شاي حليب وتوست او شابوره
العشاء حليب قليل الدسم
لكن مشكلتي ماحب الرياضه :sly:لكن بأذن الله بمارسها لان العقل السليم في الجسم السليم وعشان جسمي مايكون ضعيف ومترهل لالالالالالالالالالازم مشدود :showoff::showoff::showoff:وشرايكم نكتب وزننا اليوم ونقيسه مره بالاسبوع وناخد مقاسات جسمنا ونشوف التغير وللي تخالف النظام اتقول لنا عشان ان عاتبهاونحمسها هاها اشقولكم

 

[بنت قطر22]

نسيت اكتب وزني 57 كيلو والطول يمكن152 سم والمطلوب53
محيط الخصر 29 سم والمطلوب 25
الحوض 37 سم والمطلوب 30 والحين اسوي تمارين الصدر ابيه يصغر لان المقاس 37وان شاء الله يصغر
بنات ترى احنا محتاجين انشجع بعض عشان نحقق الهدف :bye1::bye1::bye1:

 

[*رنا*]

هلا وغلا فيك عزيزتي سكر حبيبي مرحب ملييييييييييون فيك :cupidarrow::cupidarrow:

مبروووووووووك عليك البداية ويااااااااااارب نبارك لك بعد الوزن المثالي :in_love:

صدقتي يا اختي الى متى واحنا ننتظر ونسكت عن اوزانا يكفي السنوات الي قضينها
بهالاوزان وانا اتكلم لك عن نفسي انا طول عمري وزني مناسبني عمره ماتعدا 60
وانا احس جسمي عليه مرتب حييييييييييل وطولي 158 وكنت جداَ مقتنعه فيه
رغم اني عمري ماسويت لا رياضه ولا ريجيم واذا نزل يوصل 57 يعني لا اقل ولا اكثر ,,,

وضليت على هالحال لغايت قبل سنتين نسيت نفسي مع الدراسة ولاعدت اهتم بالاكل
قمت اخبص ما اتغداء ولا اتعشى قمت اكل وجبات سريعة الساعة 1 او 2 باليل
وطول اليوم مقظيتها بشبس او كاكاو او كولا ولا فكرت بوزني وبعدها بسنتين
وقبل زواجي بشهر وقفت على الميزان وجات الطامه الكبره :shutup::shutup::shutup: وزني صار 72 كيلو
مت من القهر تمنيت اني اموووووووووت جد ملابسي بدت تضيق لاكن بتدرج يعني
كل ماجيت اشتري اشتري اكبر بشوي ولا حتى فكرت بعدها قررت اسوي ريجيم
وجات الامتحانات وشلت الفكره من بالي ,,,

وصار زواجي بعد الامتحانات باسبوع صدق اني ماصار لي اي زوايد يعني زيادة بس
جسمي بقى مرتب بس ابد ماقتنعت وبعد الزواج قبل اسبوعين وزنت ولقيت وزني 80
:icon1366::icon1366::icon1366::icon1366::no::no::no::no::icon1366::icon1366::icon1366::icon1366:

وبعدها قررت اني انتبه على نفسي وبديت دايت قبل اسبوع وحددت اهدافي لغاية لما اوصل 60

وحطيت الهدف الاول :75
الهدف الثاني :70
الهدف الثالث :65
الهدف الرابع :60

وحلفت اني ما اوقف ريجيم الا لما اوصل للوزن الي ابغاه وصحيح الحين صار لي اسبوع من
بديت ونزل وزني لغايت 75ونص :clap::clap::clap: وللحين انا مصره للوصول

مع ان زوجي يحن فوق راسي ويعيد علي مايحتاج ريجيم وخرابيط بس انا مصررررره :showoff::showoff:


معليش ياقلبي ازعجتك بهذرتي سامحيني حبيبتي :nosweat::nosweat:

صحيح حبيبتي ماقلتي لي كم طولك ووزنك؟؟؟؟ وهل لك تجارب بعالم الرياضة والريجيم؟؟؟؟:smoke1:

يااااااااااااااااااااارب يرزقنا الرشاااااقة انا وانتي وكل الي يبغى الرشااااااااااااااقة :in_love::icon26:

اختك : *رنا*

 

[some1]

موضوع رائع
احلى شيء هو الثقة في النفس
ولا يمكننا الحصول عليها الاّ بعدة عوامل وأهمها هو الجسم المتناسق الجميل
الذي يؤهلنا للبس ما نشتهي وبدون احراج وخجل ،،،
صح والاه لأ ؟؟؟
يللاه
شجعوا بعض
والدال على الخير كفاعله

 

[ملاذ الطير]

واناااااااااااااا ابي اكون ويااااااااااكم
وزني كان 60 وطولي 161 ونقص وزني وصار 58
هالارقام بداية دخولي الجامعه ..........
بس الحين تخيلن وزنت اليوم وزننننني صار 69 والاسبوع الماضي كان 68
رحت لمشرفه تغذيه معنا فالجامعه جالت لي لا تاكلي بعد الساعه 9 بالليل وامتنعي عن المشروبات الغازيه والكاكاو والشبيس بس استمر على الوجبات الرئيسيه وسوي رياضه نص ساااااعه يومياا وشربي 8 جلصان ماي يومياااا..
تخيوا هيه وزنها كان 160 تقريبا والحين فبداية ال80 يعني شوفوا الفرق ..
انا بصراحه اتبعت النظام اسوبع وحسيت نفسي صدج ضعفت بس ففترة الامتحانات رجعت وخبصصصصصت من الخاطر..

بس الصراحه ابا ارجع لوزني القبلي والله حرااام جيه وانتن شجعتني وباذن الله بستمر عالمشي ومابي اكل عقب الساعه 9 بالليل لانها اكدت اكثر شي على هالنقطه .
والسموحه طولت عليجن

 

[*روعة*]

معاااااكم انا بادية من فترة3اسابيع تقريباً
كنت66واصبحت62احم احم وواصلة حدي من الفرحة
ابي اوصل لعالم الخمسين واكون بصحة وعافية
خلونا نشجع بعض يالله نبي حمااااس
والف شكر لصاحبة الموضوع

 

[*روعة*]

صح نسيتا اكتب طولي
طولي156

 

[بيتزا شوكلت]

ربنا يوفقنا كلنا في الدايت

 

[@OM ATHEER@]

موضوع حلو ومفيد جزاك الله خير

 

[هندية]

انا جبت نظام ريجيم وهو عبارة عن تمر ولبن عاوزين تعرفوه اشوف ردكم الاول

 

[منبطه كبدها]

يعطيك العافية

 

[*رنا*]

هندية ممكن تعطينا النظام

 

[أم روعة]

انا وزني 80 وأملي اوصل لوزن 65
يعني 15 كيلو.. عندي وقت العب رياضه بس مانعني الكسل

وامووووووت على شي اسمه كاكاو خاصة بعد الساعه 12 بالليل

 

[&دره&]

مشكلتي اشوف نفسي ضعيه :crazy:

شفتوا اللي فيهم مرض فقدان الشهيه كلما شافوا روحهم يحسون انهم متاااان :nosweat:

انا العكس اشوف روحي انه جسمي ما فيه شي ومو متينه :dunno:وللعلم وزني 86 وطولي 156 يعني دبه :sadwalk::icon1366:

بس سبحان الله كلما اشوف عمري احس انه جسمي عادي:nosweat:

والكل يقولي اني متينه وادري اني متينه بس عقلي يقولي جسمي مافيه شي:crazy:

ما ادري شسوي بعمري والله :icon1366:

 

[ونيس الروح]

ههههههههههه يحليلج يا دره
الله يعينج اكبر مشكله لا انتي شفتي نفسج انج مش متينه
بس دام وزنج جيه اكيد متينه
يعني يبالج تنقصين وزنج علشان صحتج
يعني انتي قنعي نفسج حتى لو اشوف نفسي مش متينه
بس ع الاقل انزل وزني لانه يكون مثالي عسب تكون صحتي الحمدلله زينه
مافي احلى من الصحه:showoff:

 

[سكر حبيبي]

مرحبا مليوووووووووووووووون بكل من شارك وحاب يشارك في الريجيم..
واثبات الذات واننا نحن عندنا القدرة و العزيمة...
انا يا حبيباتي ..
احم احم... وزني 68 وطولي ..........154
فررررررررررررررق...
ومب حلو ابدا...
والبارحة ما خربطت الريجيم.. بس ما كان عندي وقت للرياضة...
وان شاء الله كل خميس بخبركن كم وزني..
واذا تزل او لا...
وياللله اللي تحس نفسها ينزل وزنها تخبرنا..
وخلونا نشششششششششششششد الهمة

 

[Even You]

انا بعد بشااااارك وياكم طوووووول عمري قبل العرس يقولوون هليه انتي اصلن جسمج جيه ماتضعفين
يعني لا خصر ولا شي صدر هالكبر بس كانوو دووم يقنعوني انه تشكيلة جسميه جيييه وكان وزنيه 64
وطولي 158 طبعا انا راقت لي السالفة وقلت صح انا مب متييييييينه
وكلهم يقولووووون لو ضعفتي بتستوين مب حلوووه !!!!!
وعيبتني السالفه وتميييت آكل عااادي ويوم عرسي صار وزني 68
وانا مسويه طااااااااف حملت والكل يقووول شكله مب زايد وزنج ولا مبين عليج الحمل
مع اني وصلت 75 وارتحت لهالسالفه
بعدييين حملت مرة ثانيييييه والصدمه وصلت 85
هنيييييييه بدا جرس الخطررررررر
قلت شوووية وبصيرررررررر فالتعسينااات اناااااا انا اصيير فالتسعيناااااااات؟؟
لالا مستحييييييييييل
بعد الرباا وصلن وزنيه 81.7
وتميت في نفسي اقرر بسوي رجيم وبسوي رجيم واخر شي ماسوووي شي
لمهم عزززززمت وبديييييييييت وبصرااااحه فاجأني زوجي يوم
خبرته اني بسوي رجيييم قال بصراحه يبالج شكلج كله قطعه وحده !!!!!!
جررررررحني وايد بس بصراحه بشكررره على هالشي لأني على بالي
ريلي مايلاحظ متني ولا هالزوايد ولا هالسهول والهضاب اللي فيني!!!!
بس هوو نبهني والحمدلله بديت من شهر ونص رجيم قاااااااااااسي
وشجعت نفسي بنفسي فرررريت كل شي كامل الدسم
وقبل لا آكل كاكاو اقرا الجدول اللي يكون فيه وراا
اذا حسيت سعراته وااااااايد امررررره افررره
والحمدلله على هالعزيمه اللي ربي عطاني اياها
تميت ادعي في صلاتي الله يثبت عزيمتيه لين اكووون رشيقه
وصل وزني 72.4 وحلمي بصراحه اوصل للستييين
وباذن الله ماشي مستحييييييل
الكل لاحظ التغييييير واهليه تخبلوووو كيف صرت جييييييه
عيوني صارن اووووووسع هههههه خدودي كانن مغطياات على عيوني هههههههههه
وخشميه صار سلة السييييييف وووووويو وييوو جني امدح عمري؟؟؟
بس جد بنااااااات صار فيني تغييييير وهالشي شجعنيييي
وللحينه مستمرررررررررررررره
وبستمررر باذن الله ويااااااكم
بسنا من الترهلات والزوايد لالالالا للمتن واهلا بالرشاااااااااقه

تفلسفت وايد ادري بس تحملوني وحده خفت تقريبا 8 كيلوو شو تتوقعوون يصيرلها
اكيد تنهبل ههههههههه