شعوووووور غريب

[الاميره الحلوه]

السلام عليكم بناات
اتمنى انكم تجاوبوني بكل صدق
انا يابنات احس بشعور غريب من الناس
وهذا الشعور بدأ مع اهل زوجي
احس اني غريبه بينهم مع اني قريبتهم
كنت اشيل نفسي بحكم مضايقت سلفتي لي تعرفون التنافس بين السلايف كيف
فصرت اذا اجتمعت مع اهل زوجي احس انهم مايحبوني ويحبوا يتكلموا مع سلفتي
اذا اجنمعت مع حريم اخواني بيت اهلي احس ان حريم اخواني كووووووولهم يد وحده وانا مهمشيني
اذا اجتمعت مع حريم اصحاب زوجي نفس الشعور احس انهم كوووولهم يسلفون مع بعض وانا محد يحب يسولف معاي
يمكن ظاهري اني انسانه متكبره او جديه شويتين بس والله احب الناس وامزح وعادي بس المشكله الشكل العام لي (مرسومه شوي مو متكبره بس طبعي هادي)
وهذا الوضع سيطر علي صرت انسحب من الناس انسحب من تجمعاتهم
اخرج وانا متوقعه اني ماراح القى قبول من احد
وبعض الاحيان اخرج بنفسيه عاليه اتكلم مع الكل وامزح مع الكل فيكون الوضع عادي
احيانا اقول العيب فيني مو بالناس واحيانا اقول لا الناس كولهم كذا يجاملون بعض انا ماعرف الا الصراحه على طول
يعني ماعرف اجاري وحده واجاملها وانا مو صادقه معاها من جو
مادري هل هي حاله نفسيه فيني او ايش
نفسي اتخلص من هالشي لانه متعبني حييييل
من مرت بهالحاله واتغيرت والي تغيرت تقولي كيف يمكن تكون الفايده منها
مابي هالحاله تأثر سلبا على حياتي العامه او حياتي الزوجيه

 

[RO7]

اختي مب معقولهم كلهم مهمشينك اكيد هذا شعور سلبي في داخلك خلك واثقه من نفسك وقويه لاتصيرين كذا واطردي هالشعور من داخلك

الله يوفقك ويفرج همك يارب

 

[red-rose 1]

نصيحتي لك لوجه الله تعالى ومن تجارب عده اختى ...
كذا الوضع احسن لك كثير لان من كثر كلامه كثر خطؤه ....
واذا صرتي تسولفين كثير لازم تتحملي المزح الثقيل واحيانا التجريح ....
وبعدها توصل لمشاكل ....

فانتي كذا متحكمه بنفسك متى ما تبي بتسولفين ومتى ما تبي تسكتين
اما انا مشكلتي انه لما اجلس اسولف مع جاراتي خصوصا ...
لانه يغارون فيمزحزن مزح ثقيل وتجريح ... بحجه انه ماخدين على بعض وعادي
...
بس اليوم صار موقف وكتير اتضايقت منه ..
فجبت ورقه وكتبت الاتي ...
* لازم اخفف من الحكي اجمالا معهم
*لازم اتخلص من اظهار سلبياتي وعيوبي ( هالعاده فيني ) ولازم اتخلص منها
* لا اتدخل في ما لا يخصني مهما كان ..
*ان ارد الصاع صاعين لمن يجرحني او يقل كلمه لا تعجبني ... وذلك افضل من التفكير والزعل وهي تنام مرتاحه

والله يا اختي اني لا اكذب ان هذا ما حدث وهذا ما كتبته عندي حقيقه
ويا ريت اصير ثقيله قدام هالجارات عشان اعطي لنفسي قيمتي
وفقنا الله لما يحبه ويرضاه

 

[ام ميمي الحلوه]

نفس حالتي سبحان الله كأنك تتكلمين عني

 

[ام سعود2010]

حبيبتي عززي ثقتك بنفسك
ولا تحسين انك طرف مهمش ممكن الشعور هذا يتغلل بنفسك ويكون طبع فيك الانزواء لحالك كل ما اجتمعتي مع احد
انتي تهونين على نفسك وتقولين شكلي متكبره
حبيبتي الخلل فيك معليش تقبلي الصراحه بروح ياضيه والدليل انك تقولين اذا كانت نفستي تمام صار الوضع تمام
لذلك حاولي تختلطين بي المجموعه وتتقربين منهم بس مو التقرب اللي ممكن يسبب لك مشاكل
حلو الوسطيه بكل شي اعرفي متى تدخلين ومتى تبتعدين
وبنفس الوقت احسني الظن بي الاخرين لا تقولين حريم اخواني او اهل زوجي
يمكن اهل زوجك لان سلفتك سوالفها حلوه يفتحون مواضيع معها وانتي ساكته علشان كذا ما حبو يقلقون خصوصيتك حتى حريم اخوانك يمكن متخوفات لانك اخت ازواجهم وممكن يسببون لك مشاكل
لذلك اعتبري الكل اخوات لك وحاولي تتقبلين الناس بي مميزاتهم وعيوبهم علشان تعيشين بسلام معهم
لان كل واحد منكم جاي من بيئه وعادات وتربيه تختلف من بيت لبيت
وروحي عن نفسك ادخلي بي الناس وانبسطي وسولفي لان النفس البشريه تحتاج لنفس اخرى تشاركها
ولا كان كل واحد مننا بمكان وما عشنا بي مجتمع واحد

 

[مزايا انسانه]

تحتاجين الى تعزيز الثقه في النفس اكثر واكثر
واعلمي ان من كثر كلامه كثر غلطه
واعلمي ان الحديث نندم عليه لاكن الصمت استحاله الندم عليه