شسوي مع هالزوج على اقل شي يحرمني من كل شي

[هبـا]

السلام عليكم عيدكم مبارك
خواتي مدري شقول لكم بس وربي تعبانة من هالزوج مشكلتي هي خاصة شوي بس اسمحولي لانها متعبتني
اول شي زوجي من النوع اللي وقت مايبي يجي حتى لو كانت نايمة في سبات عميق وياويلي اذا رفضت حتى ونا نايمة يقلبها علي مشاكل ويحرمني من كل شي ويقفل عليه الباب ولا يرضى يفتحه يظل طول اليوم بالمجلس واذا شفته وحاولت اراضيه يضرب ويصارخ
من تزوجته شفت ان هذي المشكلة لايمكن انها تنحل كل المشاكل اقدر اتفاهم معاه الا هذا الشي انا ماامانع يجيني اي وقت الا اذا كنت نايمة والله ماحس بشعوري
امس بما انه العيد قالي شرايك بكره نسافر بس انا واياك نجدد زواجنا مانبي العيال وبنهاية الاسبوع نروح شاليه والاسبوع اللي بعده نخليه حق اسواق المدارس كل يوم نطلع للسوق ونتعشى باحد المجمعات طبعا قلت له موافقة يعني المفروض الحين انا مسافرة .
طبعا البارح قلت له خلنا نطلع قال صج يالحريم انتو مالكم امان اقولك بكرة بنسافر تقولين تبي تطلعين قلت له بس لانه العيد قال لا خليها بكره قلت انزين وقالي يلا بطلع انا الحين وتكشخ ولبس وتعطر قال بروح لربعي اعايد بهم قلت له حقك جلست شوي زهقت شفت عيالي كلهم نايمين وانتظرته بعدين حسيت ان النوم غلبني والبيت هاديء ومافيه احد رحت توسدت ونمت وجاني اول ماجا من ربعه ممكن الساعه 1 بالليل ويبي ياخذ حقه وانا نايمة والله اني ماعرفت شقلت له المهم اني مارضيت وصارخ وهاوش هذا كله وانا نايمة بعد ماجلست حسيت اني احلم انه جاني ورحت له ماشفته الا دزني وحلف يمين ان هالعيد مافي طلعه وراح اقضيه كله على هالجدران الاربع حتى مع اهلي ماطلع طبعا حاولت اتفاهم معاه اني ماكنت بوعيي والله نايمة وقام يصارخ ويهاوش والحين هو مايكلمني ومقفل عليه المجلس وكل الطلعات تبخررت مع الريح لانه حلف ياناس زهقانة والله شسوي طيب والله ماكنت ادري انه جا والله اني نايمة ماحسيت فيه شسوووووووووووووووي ارشدوني على الحل الله يخليكم

 

[ice creeem]

الله يعينك

 

[اعز انسانة]

على ما اظن كان يبحث عن اي سبب تافه عشان يحرمك من السفر

انت فهمتيه والباقي عليه ما تبينين انك ميتة على السفر انبسطي مع اولادك واو وضحكي معهم وفرفرشي وطنشييييه لا تبينين ابدا انك زعلتي لانك ما سافرتي بالعكس بيني له العكس لانك ببسااطة ما غلطتي في شي هو اللي غلط في غلط وهو اللي حرم حالو من السفر وحرمك معو بس زي ماقلت ماتبينين وقهريه بانبساطك وضحكك كانو مااااصاار شي

 

[درب عسير]

السلام عليكم ..


عندك أطفال وزجك هذا معك لها أكثر من سنة و لا أعتقد إن هذا الأسلوب منه هو أسلوب جديد عليك فلماذا لاتأقلمي نفسك وتهيئها أنك ستحلمين حلما جنسيا كل ليلة ؟, ربما صار يلجأ للفراش أثناء نومك تقديرا لتعبك طوال النهار ( هل أنت إمرأة مشغولة ؟ ) , أو خوفا من أن تفتحي مناقشات معه في أي موضوع (يعني هل أنت نكدية؟)

هيئي نفسك كل ليلة وبدون مناسبة لاستقبال زائر الليل .. يبدو لي زوجك يتخيل مغامرة اغتصاب والله أعلم !!
ربما سيهدأ ويستقر ويطمئن أنه يأخذ حقه بدون ضغط أو مشاكل وبعدها تخف عصبيته إذا أحسنت التصرف أثناء النوم , ثم استغلي وقت هدوءه واطلبي مواعيد مختلفة للفراش ..حفظك الله