شسوي معاها ؟؟

ا

الريانة

New member
إنضم
2008/02/23
المشاركات
9
خالتي ام زوجي ما تحترمني وتتعمد تقط كلام علي وتسوي حركات تقلل من شاني...وتنتقدني . اطنش واكبر عقلي على اللي تسويه معاي من مواقف سيئة و اخاف الله فيها واهي ام زوجي اغلى انسان عندي .. ودايما اقول بداخلي طنشي ولا تردين وعامليها بالاحسن بجذي الله يوفقج ويرفعج ويسخرلج زوجج ويرزقج ذرية صالحه لان الاعمال بالنيات وانا مصفيه النيه مع الكل اخاف الله بكل موقف,,,وادري انها تموووووووووووووت بزوجي حب مرض تحبه اكثر من كل عيالها ...ودايما عينها عليه وتغااااار مني غيرة موت واعذرها علشان جذي.....بس الغريبة انها تقدر وتحترم مرت حماي لانها تاخذ بحقها وترد عليها وتفشلها جدامنا وتعصب وتجرح مرات وتسوي حركات جدامنا تفشلها,,,انا مستغربه ليش ؟؟ ليش تفرق بيني وبينها وليش تشجعها على تصرفاتها وتخليني الووم نفسي على اني طيبه .. احس انها تشوفني ضعيفه وغبيه علشان جذي ما تحترمني وتدري بطيبتي وحناني عليها وحبي لولدها
لكن ما اقدر اتغير هذا طبعي من الصغر هادية واستحي واراعي شعور الناس على حسابي...
بس تعبت والله تعبت واحس من اطلع منهم بضيقة ...انا ادري لو اتغير راح تتغير..7 سنين
وما تغيرت؟؟ ليمتى انزين؟؟ شسوي معاها ؟؟؟
 
الله يكون بعووونك احتسبي الاجر يابنت الحلال الدنيا ماتسوى اهم شيء علاقتك بزوجك كووويسه والباقي لاتهتمين ابدا
 
الله يعينك

حاولي تكثرين الهدايا لها يمكن تستحي

وحده قريبه لي سوت كذا واللحين هي وام زوجها عسل

كل فتره تجيب لها هدايا وهدت

الله يهديها
 
مشكورين على الرد حبيباتي....
المشكلة اني على طووووووووووووووول اشتري لها الهدايا واغلى العطور والاواني المنزلية..
ولكن طريقتها تاخذها واهي تضحك وتستهزأ وتقط كلام..
جايبتلي هدية علشان احبك ههههه اهي وبناتها.. على ضحك يعني,,, وانا ادري تكرهني لاني زوجة الغالي
اللي مستحيل يرفض لها طلب وبار فيها وايد.. وتخيلوا حط قروووض على نفسه وشرالها بيت ... وادري هم ما يلحق جزاها هذه امه ولكن انا احننه عليها واهي تشب الشر بينا.. وتجرحني..
 
صبري عليها وعمليها با الحسنه
واهتمي فيها وجيب لها الهدايه
لان الام الكبيره تحب الاهتماااام والهدايا والكلام الحلوووو
وزريها واتصلي عليها بين كل فتره وفتر وشوي اذا كانت محتاااجه

وبتكبريتن في عينها وفي عين زوجك
والله يكوووون في عووونك
 
خديها مني الزمن بينصفك مهما كان
خلك على طيبتك وخدي لها هدايا وادا قالت علشان احبك؟؟؟؟؟
قولي ما في بنت ما تبي امها تحبها !!!
 
انا اتوقع انها تحبك وتغليك لاكن عشان غيرتها منك ماراح يبين هالشي خذيها مني تراني مجربة اللي جربتيه وعامليها نفس معاملتك ولا تتغيرين عشان زوجك مايتغير عليك والله يكون في عونك حبيبتي
 
يابنت الحلال ....... كل الامهات يغارن من حريم اولادهن لكن من ام الى ام يفرق لازم بتغار هذا ولدها ربته

وكبرته وعلمته وفجأه تحصل وحده تاخذه منها ....... نفس الشي اهل الزوجه يغارون على اختهم بعد

والام والاب كذالك ......... لكن وضع ام الزوجه غير اتخاف على بنتها لاقدر الله يصير شيء عسب

جي غيرتها اقل .... اما ام الزوج هي الي تتعنتر وتحسب ان عشان العصمه بيد ولدها خلاص محد

قدهم .... كأن استغفر الله ماخذين الوحده يذلونها ولا يعقون عليها كلام .. جنها مب بنت ناس ولاعندها

احساس ............ شوفي حرمت حميج عمتج تحترمها لانها تعرف كيف تاخذ حقها وترد

ولكن كل وحده وتربيتها ...... انتي احترميها وعامليها معامله ترضي الله ورسولج

ولاتسيئين لها مهما كانت قساوه قلبها .... واحتسبي الاجر عند الله تعالى لابد الله بيسخر قلبها

في يوم من الايام ..... صدقيني مايكسر عين الناس الا الطيب حتى لو مايستاهلون

البعض منهم ...... وبعدين عشان مايكون لها عذر لاقدر اتوز زوجج وتفرق من بينكم

حافظي ع بيتج وودري عمتج والي تقوله الرمسه كلها عقيها ورا ظهرج

حاولي تتقربين منها ..... سوي الي تحبه اقعدي معاها اطلعي معاها اشتري لها هدايا

اخدميها ..... لانها هي بالنهايه امج والله بيبارك في علاقتج بزوجج واهله

....... انتي انسانه واعيه مبين من كلامج واسلوبج ...... واذا حسيتي

ان بعض المرات عمتج بتدخل ف خصوصياتكم .... ردي عليها بأسلوب راقي ومحترم

عشان تلزم حدودها ..........

الله يسخر قلبها لج وتحبج يارب
 
طنشي .. واحتسبي الاجر عند الله ... بيي يوم وبتقدرج ...
 
قلّلي احتكاكك فيها
حتى كلامك خليك معاها وبعيدة عنها بنفس الوقت
وبالتوفيق
 
عزيزتي معكي قلبا وقالبا لاني نفسك بالضبط وليس لنا الاالصبر فللاسف الطيب تهضم حقوقه ام زوجك كل ما تقوله وتفعله صحيح في نظر زوجك مهمااشتكيتي فشتكي الى الحي القيوم ان يلين قلبها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل