شر البليه مايضحك ؟؟؟

[مرمرها زمانها]

زووجك وانتي عسسسل

نقطه وحده يبي بس يسوي له شخصيه بس موعارف عطيه فرصه

وبهداوه شكله طيوووب مدام تأسف منك

يعني فرغتي عصبيتك وشتمتيه زيين منه ماسوا لك شي


ربي يسخركم لبعض
​

 

[اصغرزوجة]

بصراحة القصة مضحكة جدا جدا واسلوبك رائع مع زوجك الين قولتيله يابقره يابهيمه لاحبيبتي مايصير هذا ابو عيالك​

 

[sandycu]

اختي الحبيبيه انا مو خبره بهذاا النوع من الرجال بس اعرف وحده تصير قريبتي ونفس السيستم تبعكم يعني هي المسيطره وهو الله يهديه بعد زي زوجك ماايعرف يتصرف بسرعه يعني مو لهلووب ع قولة اخوانا المصررييين وكرهتته وطلبت الطلااااق ورفض وحااول بس هي ااصرت وطلقهااا وسبحان الله تزوجن وااحد مااجلست عنده 6 شهوووور طلع عينها وتزوج عليهااا وهي عروووس وعاارفه اختي وش صاار رجعت له هالحييييين زوجها الاول .. هذي اخطااء بسيطه مقاابل ماايفعلونه الشماااليوووون بزوجااتهم .. احمدي ربك ورااضي زوجك والحلو ماايكمل يااحلووو ..

 

[صمود بنوتة]

موتيني ضحك بس والله بنت ابوك انا اقري انبطت كبدي من اللي تقولينه واهو يستاهل ماعليك من كلام البنات والله لو تعملينه لحساب ليلعب فيك انا اعرف وحده اول مااخذته كان كل شي يسويه حتى اثيابه يكويهم وقامت تفلسف عيب هذا وهذا عيب وانا لازم اخدمك ومن هالكلام الين الحين ركب عليها حتى الطلعه بالعزر يطلعها والله ها الايام الرجال حطي تحت رجلك ودوسيه وعسى عسي تلحقين صح ولا غلط كلامي

 

[هوى الشمال]

ههههههههههههههههههه
والله ضحكتيني
شكلك متوحمه عليه عشان كذا متنرفزه من تصرفاته
هوه يقهر بصراحه بس في نفس الوقت حزني
وبعدين المفروض تحلين الموضوع بسرعه ماتخلينه يتطور لين الساعه وحده الظهر هههههههه
وبعدين هوه شخصيته كذا لازم تتقبلينه مو تقعدين تكرهين عمرك فيه ....
وبعدين شخصيته متسرعه ويعمل بدون مايفكر ...عادي تحمليه
واغلب المتزوجات حديثا يشتكون من بلاهة ازواجهم في الأماكن العامه ومع الوقت رح يتعود
لا تكبرين المشكله ..
وخاصة أغلب الرجال نادرا مايزورون المستشفيات ولمن يتزوجون يحتكون فيها كثير ههههههه الله يعينهم علينا..
وأكيد هو يحس إنه مسؤل عنك خارج البيت وهي فعلا مسؤليته ,,,فلا تحرمينه الاستمتاع بها المسؤليه...
ودمتي بحفظ الرحمن