شرخ في الحنايا

[شرخ في الحنايا]

قالت غشيمه فالهوى وانت دكتور
وابيك تشرح لي عن الحب كلمات
/////​

هل فيه للعشاق والحب دستور
منهاج عشق ٍ ثابت ٍ طول الاوقات
/////​

وابيك تشرح لي عن العدل والجور
والبعد هل هو في بعيد المسافات
//////​

قلت الهوى لعبه وكل ٍ وله دور
والفايز اللي مايجي فيه صدمات
//////​

احد ٍ يعيش الحب ضحكات وسرور
واحد ٍ يعيشه هم واحزان واهات
//////​

قالت يقولون الهوى كله بحور
قلت اي نعم هذي حقيقه لها اثبات
//////​

ان الهوى راعيه في بحره يدور
يبغى السلامه مير مامن سلامات
/////​

راعي المحبه طول الاوقات مقهور
ويشاف في خده من الحزن دمعات
/////​

قالت واذا حبيت لي شخص مغرور
مثل الذي نقرا عنه في الروايات
//////​

ابيك تعطيني نصيحه ومشكور
تراي اخاف من الهوى والعلاقات
//////​

قلت الغرور يحول الحب لقبور
مثله مثل من يعشق انسان قد مات
//////​

والحب وش هو غير احاسيس وشعور
واحساس غامض يربط الذات بالذات
//////​

وقلبين ينبت وسطهن ورد وزهور
ووقت الوصل تصبح حدايق وجنات
///////​

وساعة جفا في حسابها عدة شهور
والثانيه عند المفارق بساعات
/////​

وسكت ماكملت يوم ٍ بدا النور
واشوفها مني تدنت بخطوات
///////​

قالت علامك قلت يابنت مجبور
من جرب الفرقا يجي فيه لوعات
///////​

قالت مفارق قلت عاشق ومهجور
وشوفي على خدي من الدمع رسمات
//////​

قالت اشوفك خاطرك دوم مكسور
ودايم عن الفرقا تغني لك ابيات
//////​

قلت ايــه خلي خافي الحال مستور
انا تراني عايش ٍ في معانات
//////​

ياما بنيت من الهوا صرح وقصور
وانهد كل اللي بنيته بلحظات
//////​

لكن تراي انسان منهي ومامور
( ولانيب ندمان ٍ على كل مافات )
/////​

وان كان ودك فالهوى نبني جسور
واعيش من عقب العذاب المسرات
//////​

قالت غشيمه فالهوى وانت دكتور
وابيك ترسم لي طريق البدايات​

//////////// ​

 

[نـ هـ ـى]

قلت الهوى لعبه وكل ٍ وله دور
والفايز اللي مايجي فيه صدمات
//////

شرخ في الحنايااااا
اجمل تحية لاعدمناكـ​

 

[قتلني الفراق]

كم جميل ماوجدت في هذا المتصفح

رائعه أخيتي

لاعدمنا هذا الحضور المميز

سلمتي وسلم لك كل غالي

​

 

[دخون العود]

 

[شرخ في الحنايا]

 

[سموح الهاشمي]

كلمات رائعـــة
جميُل مانثرتيه هنا []..~
حروف من ذهب رسمتيها هنا[].ِ.~
ربي يْسَلم إيدياتكِ ع الطُرح الـأكثًر منْ رائْع[]..~
وعسسـِـِى’ـآنآ مآ ننحـِـِرم منْ روائعْ أبداعَـاتٍكَ وخواطرك [].ِ.~
دمتِ متآلقة في سمآء التميز []...~