شتان بين الثرا والثريا

[بنت الدهيثم]

والصلاة على اشرف الخلق عليه افضل الصلاوات واتم التسليم وعلى اله وصحبه اجمعين ..رضوان الله عليهم ..اجمعين..



اشتقت للمنتدى وكلي شوق له ..وللبنات الحبوبات ومواضيعهم المفيده والفكاهيه وتعاليقهم اذا كانو طفشانااات

ولا ننسى مشرفاتنا الغاليات ..تاج على رؤسنا ..والله يجزاهم كل الخير على مجهودهم ..



...

راح اتطرق بموضوع حبيت اخبركم فيه .. ..وابشركم فيه ولله الحمد على نعمة الاسلام وكثرة دخول النصارى
وغيرهم للاسلام

وهذا يعود بفضل الله ..الى كل من ساهم بوقته وجهده ..عبر المنتديات ..عبر وسائل الاعلام والكتب والنشرات المترجمه

لهم جزيل الشكر مع الدعاء ..والله يوفقهم الى مايحبه ويرضى


ابداء الموضوع بمقتطفات ..حتى اتوصل الى مأاريد بالموضوع ..




كلنا نعرف ان ماصار اسبوع او اكثر على ذكرى احداث سبتمبر..

حبيباتي ..

الحكايه كلها ان جاءت دعوه لزوجي ولقسمه كله وللجامعه كلها عموما... الى حضور مؤتمر

وكان بأسم العنف بعد احداث سبتمبر..

انا ولاول مره احضر مؤتمرات مع زوجي .. ..قالي راح نروح بكره لمؤتمر بالجامعه وابيك تروحين معي..وافقته ورحت معه اليوم الثاني ...


دخلنا قاعه المؤتمرات ..وتاخرنا يمكن 10 دقائق.. ماحصلنا مكان الا بالصف الثاني ..وتلفت عسى الاقي وحده مسلمه او متغطيه ..

لكن ماحصلت

عموما..

بدا المحاضر يعرف بنفسه..وانه محاضر في الجامعه الفلانيه وراح يتكلم عن العنف ..

كلامه هاادئ جداا

وصل لنقطه الاسلام..وهذا ماحنا الي كنا نستناه..

بداء يقراء قران بصوت عربي مكسر .. وياسبحان الله ...


وبعدها ترجم الى الانجليزي ..واخذ يفسر الايه ..والارهاب ..

وذكر ان الاسلام لايدعو الى الارهاب ..وان من يخرج من طاعة ولي الامر ..يتعبر في الدين الاسلامي من الخوارج ..وذكر الخوارج منهم .. ..الخ من كلامه ..


الان اخذ وترجم كلام بعض الكتاب سواء بامريكا او اوربا ..اوالهنود..وغيرهم ..

الي اخذو ايات من القران وبداءو في تفسيرها حسب مزاجهم بتحليل مايشتهون..وغيره..

سبحان من اعطاءه العقل ..والتدبر في الايات ..والدفاع ..(وياسبحان الله الهدايه بيد الله ..يهدي من يشاء..)

علق على كل حرف من كتاباتهم ويرد عليهم بالقران ...واسباب نزول الايه ..

..

وبين كلامه يقراء قران بالعربي المكسر ويترجمه الى لغته..

(ومن الايات الي ذكرها ..وانا الان متذكرتها ..)


الايه
..

(مِنْ أَجْلِ ذَلِكَ كَتَبْنَا عَلَى بَنِي إِسْرَائِيلَ أَنَّهُ مَن قَتَلَ نَفْسًا بِغَيْرِ نَفْسٍ أَوْ فَسَادٍ فِي الأَرْضِ فَكَأَنَّمَا قَتَلَ النَّاسَ جَمِيعًا وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا) المائده


وايضا ذكر الجهاد بالاسلام متى وكيف واحكامه ..الخ

وكل الشرح هذا يبين للحظور ان الاسلام لايدعو للارهاب والاسلام دين يجب علينا احترامه ..

والاسلام دين سلام ..وهو الصحيح ووالخ

انتهى كلامه بعد ماعجبنا ودعينا له انا وزوجي ان الله يهديه ان كان مااسلم ..وان كان هو مسلم الله يثبته ..


...



يمكن يكون بدايه موضوعي بالمحاضر الامريكي ماله علاقه في الي ابي اطرحه ..

لانه كان يدورحول ان المسلمين مش ارهابين والاسلام بريء من الارهابين..والقضيه تدور حول الاسلام والارهاب .والعنف ..


لكن ابي اوصلكم لنقطه معينه ...


وهو في نهايه موضوعي

...


بعده بيومين تقريبا..جالسه على التلفزيون ....وكان فيه اعلان برنامج ..




((مسلم سعودي)) ..يتنصر ويتحدث عن اسباب تنصره ..!!!

{قُلْ يَا أَيُّهَا النَّاسُ قَدْ جَاءكُمُ الْحَقُّ مِن رَّبِّكُمْ فَمَنِ اهْتَدَى فَإِنَّمَا يَهْتَدِي لِنَفْسِهِ وَمَن ضَلَّ فَإِنَّمَا يَضِلُّ عَلَيْهَا وَمَا أَنَاْ عَلَيْكُم بِوَكِيلٍ} (108) سورة يونس.


صدق الله تعالي ..
ان هدايته لنفسه ..






(دورو الاعلام عنده..يموتون بالاخبار هذي..لانهم يصتادون بالماء العكر ..)

استنيت البرنامج ..

وكان مقابله مع رجل وملقب نفسه.. الفادي !!!

جلس بكل وقاحه وبلا خجل من ربه ..

يعترف ان السعوديه بلد تضطهد المراءه !!

والاسلام يضطهد المراءه

وان هو مو عاجبته العيشه في السعوديه والاسلام عموما ..مو عاجبه !!(الاسلام برئ منك )

{وَمَن يُشَاقِقِ الرَّسُولَ مِن بَعْدِ مَا تَبَيَّنَ لَهُ الْهُدَى وَيَتَّبِعْ غَيْرَ سَبِيلِ الْمُؤْمِنِينَ نُوَلِّهِ مَا تَوَلَّى وَنُصْلِهِ جَهَنَّمَ وَسَاءتْ مَصِيرًا} (115) سورة النساء.


( ..هو العبد الضعيف الي نسه ربه ..ابتلاء من الله ..بسيط كـ مرض له ..بيرجع لعقله وربه ويطلب الغفران والسماح من ملك الملوك)


((باللحظه هذي رجعت فيني الذاكره للمحاضر..

سبحان الله شتااان بين الامريكي المحاضر المدافع عن الاسلام وشرحه للايات ..وهو بالاصل مسيحي !!!!! او كان..مسيحي..

وطول عمره في جهل ....!!متى عرف الاسلام ..نقول سنتين ..4 ..9 بالكثير..سبحان الله ..امداه يتثقف في القران والاسلام ..والشرح والدفااع!!




وفعلا شتااان بين المسلم المتنصر الي قضى كل عمره بين حارات ومساجد وامان وامن ..

المسلم المتنصر.. يشرح ايات من القران ويغير فيها !!!وبكل بروده .!! ))

{ قُلْ إِنَّ اللّهَ يُضِلُّ مَن يَشَاء وَيَهْدِي إِلَيْهِ مَنْ أَنَابَ (27) الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ أَلاَ بِذِكْرِ اللّهِ تَطْمَئِنُّ الْقُلُوبُ} (28) سورة الرعد

فهو سبحانه يهدي إليه من أناب.

{مَنْ عَمِلَ صَالِحًا فَلِنَفْسِهِ وَمَنْ أَسَاء فَعَلَيْهَا وَمَا رَبُّكَ بِظَلَّامٍ لِّلْعَبِيدِ} (46) سورة فصلت


والادهى والامر ..كاتب كتاب يشرح فيه القران والايات ويسب فيها...!!لاحول ولاقوة الا بالله العلي العظيم ..

لاحول ولا قوة الا بالله ..يارب ثبتني على دينك ..

((بقدر ما انا تحسرت وغلى دمي ...بقدر ما انا رحمته من عذاب الله في الدنيا والاخره ..))

توقعت انه :

(..يا يكون مريض نفسي ومتعقد
او عنده انفصام في الشخصيه !!!
او مجنوون رسمي ..!!)<<<وهذا هو موضوعي


(ونقول هنا يارب لاتبلانا وتعافينا وتثبتنا على دينك ..)

(منو العاقل الي يعرف ربه ودينه ..يرتد ..!! ويغير بايات الله ويفسرها على هواه!!!)

(والمبكي بالامر ..يقول اكتشفت ان النصارى طيبين كثير والمسلمين مايحبونكم ..وووووالخ )

كانه يستعطفهم ..!!

ويقول ان اخوه في السعوديه يهدد بقتلي!! (كلنا نعرف حكم المرتد وماالوم اخوه لو يبي يقتله)


,,

مع كلامه ..كانو يطلعون صور لسعوديه وللحرم الله يشرفها من اشكالهم ..

وصوره لمسلمين يصلون جماعه امام البيت الابيض في واشنطن..

وقال ان المسلمين ..يتكاثرون في امريكا عشان يغيرون نظام امريكا ..!!!

(نسى ان الله وحده قادر ان يزيله وويزيل العالم ..كله ..مو اناس ضعفا يتقربون الي ربهم ليل نهار .. في غربتهم وكربتهم ..يغيرون نظام ظالم )


(أفلا يتدبرون القرآن أم على قلوب أقفالها ( 24 ) إن الذين ارتدوا على أدبارهم من بعد ما تبين لهم الهدى الشيطان سول لهم وأملى لهم ( 25 ) ذلك بأنهم قالوا للذين كرهوا ما نزل الله سنطيعكم في بعض الأمر والله يعلم إسرارهم ( 26 ) فكيف إذا توفتهم الملائكة يضربون وجوههم وأدبارهم ( 27 ) ذلك بأنهم اتبعوا ما أسخط الله وكرهوا رضوانه فأحبط أعمالهم ( 28 )





سبحان الله ..ارتد واصبح كافر....والسبب ضعف ايمانه ....!!

وليش ضعف ايمانه ..!!

هل من تربيته ..!! او من عقله !!

من هو الملام !! هو او ولي امره !! .!!

مانظلم الاب لكن ..الله العالم ...




قال تعالي في كتابه
(
( مثلهم كمثل الذي استوقد نارا فلما أضاءت ما حوله ذهب الله بنورهم وتركهم في ظلمات لا يبصرون ( 17 ) صم بكم عمي فهم لا يرجعون ( 18 ) )

!!!( يـاالهي.. ياربي رحمتك وعفوك ..ياربي لاتغضب علينا ..)


,,,


...



الحمدلله قبل اسبوع او اكثر اعلنت حرمه واهلها اسلامهم ..الله واكبر

ويزداد دخول الكثير والكثير منهم الى الاسلام ..



...


بعيد الفطر..كنا في مطعم نفطر ..ومرت من امامي..امريكيه كبيره بالسن ..ولابسه عبايه!!

واالقت تحيته الاسلام ..

..فرحت مرره ..لسببين ..

الاول ..ههههه لاني توني واصله من السعوديه وكان جدولنا نعيد عند اهالينا ..وللاسف الظروف اقوى مننا واضطرينا نسافر قبل العيد بيومين ..الخبر محزن لوول

الثاني ..فرحتني بسلامها لي والقاء التحيه وهي ماره ...وباركت لنا بالعيد ..

..


الشي الثااني المهم ...

بحول الله وقوته ..ناويه بالدعوه الى الاسلام .

وراح ابدا في جارتي العجوز ....والسبب لانها قالت بالحرف الواحد..(فيه اشياء ابي اعرفها عن الاسلام)

والسبب بسيط ..تدرون ليش...

كنت جالسه اتقهوى داخل البيت بطاوله الطعام المطله على الحديقه واولادي يلعبون بالحديقه وجات تسلم عليهم وانا شفتها وماقدرت اطلع لها بلبس البيت

وكل جيرانا بيوتهم جنب بعضهم ..

لبست شرشف الصلاه وطلعت اسلم عليها..قالت لي..انا حرمه ليش تتغطين مني ..(على فكره اول مره اقابلها وتقابلني لاننا نازلين بيت جديد وهي جايه تسلم على الجار الجديد)

قلت لاني برى بيتي ..واتغطى من الرجل الغريب الي ممكن يشوفني الان ..لكن لو انا واياك او حرمه ثانيه ..عادي لاننا حريم ..

لكن اكشف قدام رجال مش محرم ..هنا الحرام ..

تعجبت وقالت لي كلمتها ..الي خلتني افكر جدياا في طرح مواضيع عن الاسلام..

..


خلاصة موضوعي ....


اشياء بسيطه ..جدا ..تجعل من الكافر مسلم ..والمسلم يزداد قوة ايمانه بربه .

ابداؤ في خدمكم ..اظهرو اسلامكم بتعاملكم الراقي وليكون عليه السلام قدوه لكم ..في كل كبيره وصغيره..

تنشاءة الاطفال على الدين ..وليكن الدين في معاملتنا اليوميه معهم ..مثل :

ذكر الادعيه عند البدء في الاكل .والانتهاء منه..عند دخول الخلاء.والخروج منه..عن اللبس..عند الخروج ..عند النوم..

وقت الجلسه ..وانتو سواء..حاولي تقرين أيات بصوت مسموع ..عشان يرددون معاك ..

الطفله الصغيره تحببينها في الصلاه ..مثل..تقولين لها تعالي نصلي سواء واعطيك الشي الفلاني ..(مثل ما انا اسوي بااولادي ..والحمدلله يارب)

الولد ..ياخذه والده الي المسجد ..يعلمه الصلاه ..مو شرط يكون وقت صلاه ..!!

بناتنا بسن المراهقه ..!!! يبي لهم توعيه وحرص من ناحيه الدين ..لان للاسف ماراه بعيني في المجمعات شي يخجل ..ويبكي القلب..وهذا شي ثاني راح اتطرق له بموضوع ثاني ان الله راد..

..

المراهق ..يحرص من قبل والده على الصلاه بالمسجد ..ولو اضطر الى ضربه ..

..

مشاريع عائليه تبداء من الابوين ..بجلسه كل اسبوع ..تكون دينيه ..سواء طرح اسئله ..او الاستماع الى محاضره ..
وغيرها ..

او قراءة سوره الكهف كل جمعه مع تفسيرها

ليزداد تعلق قلب الاطفال او المرهقين ويحرصون على الصلاه وغيرها ..

تربيتهم وتعليمهم الصح من الخطاء..واي يخطاء يعاقب عليه المراهق ..يعدل من سلوكه ..


نبي اطفالنا والجيل هذا ينشاء نشاءه صحيحه وقائمه على دين الاسلام وسنه نبيه محمد..عليه الف الصلاه والسلام

مانبي جيل ..بين كل كلمه وكلمه ..يرتد ..ويخالف شريعته ربه ..وممكن يلحد ..!!

نبي جيل قائم بالمجتمع ..يأمر بالمعروف وينهي عن المنكر ....يصير داعيه ..يصر مخاطب ..يصير مترجم للاسلام

محاضر في جامعه في مدرسه ..في حلقات المساجد ..

وكذلك البنت ..


..




تعبت في الموضوع ..وان شاءالله مالخبطت في الكلام ..اعذروني ان قصرت في شي..لاني من زمان ماكتبت مواضيع

لكن هذا الشي خلاني ادخل واكتب لعل ارتاح شوي من الي شفته..ولي رجعه بمواضيع ثانيه باذن الله بعد ماأستقر في بيتي الجديد..
..


جعلنا الله واياكم من المهتدين الثابتين الى يوم الدين على الصراط المستقيم





​