شايلة هم الزواج

[محبة خطيبها]

السلام عليكم
صباح الخيرات

بنات انا طبعي استحي اذا استحيت أحس رجولي مو شايلتني وارتجي حتى أيدي مع اني أحيانا مافيني حياء عادي بس أيدي أحس ارتجف كان فيها اعصاب

شايله هم زفتي القاعة فيها درج خايفة يصير فيني شي حتى أتمنى زفتي تكون بطيئة بس اذا استحيت أمشي بسرعه^^

فكرت أن الأطفال يكون لهم زفة وينزلون من الدرج وانا ارقص ع خفيف إلى الكوشة كذا افضل

وش رأيكم زواجي بعد شهر أحس حيائي متعبني ودي استانس

 

[شمس بيني وبينك]

الف مبروك والله يتمم لك على خير


هالله هالله بالرزة والهداوة

لاتستعجلي وتركضي على الكوشة

الليلة ليلتك والكل بينتظرك

امشي بشويش وعلى اقل من مهلك


وتمطعي بكل خطوة نص ساعة ههههههههههه

بالتوفيق ​

 

[الحمدلله والشكر]

ماشاء الله لاقوة الابالله مبروك حبيبتي ربي يتمملك على خير 
حلو الحياء على العروس واكيد راح تحسين بخجل بس تذكري ذي ليلتك استمتعي بيها لانها ماتعود ثاني وانا احب العروس تكون بقمة خجلها ومااحب العروس اللي ترقص بالشرفه ولا وقت الزفه حلاة العروس بخجلها ورزانتها تبين ترقصين ارقصي بعد الزفه وبخجل ربي يسعدك قلبي

 

[محبة خطيبها]

الله يسعدكم جميعا

مافية حبوب أو شي استخدمه يبعد التوتر قبل الزفة أو اشربه في  نفس اليوم؟

قرأت أن فية وحدة عندها توتر بس الصيدلي رفض قال يحتاج وصفة طبيه عادي اشربه من الصيدلي

 

[وردة الرحى]

أولاً ألف مبروك حبيبة قلبي وربي يتمملك على خير إن شاء الله
لا تحاتين ولا تفكرين فهالشي وايد لأنك كل ما فكرتي فيه راح تتوترين زياده ..
قبل لا تدخلين إقرئي المعوذات وآية الكرسي راح تحسين براحه إن شاء الله ..
أهم شي لمن تدخلين القاعة إمشي على مهلك ولا تطالعي في وجوه الحضور علشان ما تتوترين إمشي كأنه مو موجود حد أنا عن نفسي جذي كنت مسويه وما حسّيت بتوتر أبداً والحمدلله
أما سالفة الرقص أنا ما أحب هالشي أفضل العروس تكون رزينه وملكه متوجه على كوشتها ..
تقبلي مروري ودمتي بود

 

[ريمة 2]

مبروك ربي يتمملك على خير اذا الخجل عندك زايد عن اللزوم زوري الطبيب و اذا كان عادي تظاهري انك عادية و استمتعي و لا تبالي لخجلك

 

[محبة خطيبها]

وردة الرحى تسلمين ع كلامك المريح الله يكتب اجرك

ريمية بإذن الله  تسلمين والله

الله يبارك فيكم يارب ويسعدكم ياغاليات

 

[محبة خطيبها]

زواجي يوم الأحد خايفة موووت يابنات أفكر حتى مانزف ابدا بس مابي انقهر بعدين اني مانزفيت سمعت بحبوب الاندرال سألت عنها بس غير متوفرة وخفت بنفس الوقت مع أنها يقولون مو نفسية تؤخذ قبل المناسبة بساعتين سمعت نصايح كثير بس التطبيق صعب انا مو اجتماعية واستحي عاد كيف الاضواء مسلطه علي عندكم حل ساعدوني أتمنى أكون طبيعية وافرح ولااحس بخوف يديني ورجولي ترجف وافقد تركيزي اذا عندكم حبوب مؤقتة ليوم الزواج بس