شاسوي فيه ؟؟؟؟ ودي اعضه بعضه تبرد حرتي

[سكون النجوم]

السلام عليكم

بناااااات بموووت من القهرررر

الرياايل شنسووي فيهم ؟؟؟ الوحده تزوج تبي حيااه حلوه وسعيده

حياه نتقاسمها ونتساعد فيها مع زوج

ماتوقعنا انه هالريايل اهيه الي بتعور قلبنااا

.
.

تخيلوووو في الخطووبه شي والحين عقب الزواج شي ثاني

قسم بالله فيني حره لدرجة ودي اعضه بعه لين اشيل اللحم

.
.

اكره شي عندي احد يتم يصارخ علي ويتامر كاني خدامه مب زوجه

اليوم من الصبح قعدت من النوم ماحصلته .. اتصلت عليه الا قالي ياي في الدرب

لين وصل تم يكلمني عن سياره يبي يشتريها ... والمشكله ماعنده بيزات وتوه الملك حمد ماعطنا زياده في الرواتب ... يبي يضيع هالزياده على سياره بدال ما يجمعها للمستقبل

عاد انه تميت اناقشه لاني مب موافقه

قلت له انطر لين اشتغل انه على الاقل يكون فيه مصدر دخل ثاني

تالي تم يحن يبيني اخد قرض 10 الاف عشان اشتري السياره الي اهوه يبيها لين الله يكتب واشتغل ... قلت له انه من زمان احلم اشتغل عشان اروح انه بنفسي واختار السياره الي انه اختارها مب انت الي تختارها

مع انه كلامه قهرني بس سكت ... وتالي راح ينسدح واهوه معصب وزعلان وينفخ كل نفخه جنه بيسبب اعصار ... المهم ماعطيته ويه وتميت انظف البيت وكنت بروح الصالون مع اختي عقب المغرب ... تم يسولف بنفس خايسه وختج هذي ومادري شنو اكره شي عندي احد يسولف عن اهلي بهالطريقه .. وجان اعصب عليه وكان يبي يطلع من البيت بس ماخليته من زود ما انه مقهوره وبعدين ياني قالي احضنيني ومادري شنو ويتدلع حضنته وانه دمعتي على خدي ... والله ماكلف على فسه انه يمسحها بس .. قمت اكمل وانه حده فيني غصه من الي صار ... وتالي تم يتلصق وسامحيني .. المهم سامحته

وبعدين في الليل واحنه راجعين قلت له ابي عشى ... قالي اوك شنو تبين قلت له كنتاكي ... تم يصارخ ويصارخ ... والله عيوني طلعت برا من الصدمه ... على شنوووووووو
سكته وقلت له روح البيت الله لايحوجني لك

بس قام ورح كنتاكي ونزلت انه غصبن عنه وشريت لي عشى ماخليته ينزل

ولين وصلت البيت قلت ولاا ابين اني مقهوره ولاشي ... رحت فرشت لي وتعشيت وجفت المسلسل وخذت لابتوبي وبطلته واهوه راح يرقد ... بس ماهان علي يروح هلون ... رحت له وبسته على خده وقلت له تصبح على خير

تخيلووووو شنو ردت فعله ... ماقال ولا كلمه وطلعت انه وصكيت الباب .. عبالي بيلحقني .... حقرني وكمل نومته

والله انه حدددددددددددددددددددي مقهوووره .... تمنيت اني لارحت له ولاااشي

فيني غصصصصصصصصصصصه فقلبي

حسبي الله عليهم من ريايل .. عورووو قلوبنه

هذا وانه متزوجه من 4 اشهر بس
عيل عقب سنه شبيسوي

قولو لي صح الي سويته ؟؟

قولولي شوروو علي ... شاسوي فيه ؟؟؟

شلون اتعامل معااااه ؟؟؟

اهوه جنوبي بس مادري شرقي لو غربي

وانه يقول لي اني شماليه ​

 

[دلوعه ابوهاا]

لو انا مثلك كان عضيته ههههههه امزح والله

بالعكس عادي يالغاليه

اول سنه كذ لازم الزعل ولازم المخاصمه ع اتفه شئ

بس بالعكس لمن تتعودون ع بعض مستحيل يزعلك

بس انتي خليك صبوره ولاتبكين كثير قدامه

وانصحك لاتسوين قرض ترى نهايتها بيتزوج عليك ويخليك ع الديون

والله يوفق الجميع

دعواتك لي​

 

[ساكنة الوادي]

سيم سيم
نفس حالتك متقلب ويدورالزله والمشاكل بس الشكوى لله ماندري وش الحيله

 

[سكون النجوم]

مستحيل اخذ قرض ... انه الي فبالي امشيه واذا بعطي احد بيزات او شي يكون بمزاجي .. لو شنو يصير

بس حدي مستغربه منه ... ماكان جذيه

المشكله بطبعي انه مااقدر احقرررررررررررره

والله انه مع الكل لو اي احد زعل علي ... اتضايق وازعل وقلبي يعورني فمابالكم بزوجي

بس لاازم اصير قااااسيه معااه




ساكنه الوادي ... حسبي الله عليهم .. ماخذينا يعورون قلبنااا

 

[quen]

حبيبتي هدي اعصابك طبعهم كذا
بس انتي صيري وسط مو مره طنشينه ولا مره تتلزقين فيه
والدموع خليه سلاح لك لاتعودينه عليه ويشوف دمعتك مالها قيمه
وماينفع معاهم الا المكايد وخلي سلاحك انوثتك
بالتوفيق

 

[سكون النجوم]

ههههه تخيلو قام اللحين راح شرب ماي .. كلمته الا حاقرني

قمت وراه قلت له اشفيك ؟

تم يقول مافيني شي واهوه يتكلم بنفس خايسه وربي

وقلت له ليش تعصب علي .. ترا هذي مب اسلوب

وحسافه عليك والله ... متأكد انك ريلي الي تزوجته ؟

الا قالي اهم شي انتي تعشيتي

الحين فهمت ليش زعلان لأنه ماقلت له تعشى خخخخ

المهم قلت له اذا انت تعصب ترا انه اقدر اعصب بعد .. الا يقولي رقعي راسج بالطوفه

قلت له انته ارقع راسك بالطووفه ..اكو عندك البيت بكبره ... وارقع راسك فكل طووفه فيها واكو الباب ارقع راسك فيه بعد
وطلعت عنه وصكيت الباب بالقوه

 

[سكون النجوم]

بيذبحني وربي

اكوو نزل دمعتي على خدددددي

حسبي الله ونعم الوكيل