البيت السعيد**
New member
- إنضم
- 2009/01/03
- المشاركات
- 603
السلااااام عليكم ورحمة الله وبركاته،
أعضااائنا الكرام الضعاف والدباديب،
يايبة لكم اليوم حلى السينابون اللذييييذ، بس عاد هالحلى سهل وايد، لأنه بدون عجين، تحتاجين إلى الصمون،:icon30:
والطعم ولا أشهى،:icon26:
يالله نبدأ
سينابون بالصمون
المقادير:
ثلاثة أرباع كوب سكر
نص كوب ماء
بيضة واحدة
إستكانة شاي صغيرة زيت
9 حبات جبن كيري
ملعقة كبيرة دارسين
ملعقة صغيرة هيل مطحون
ثلاثة أرباع حليب محلى
صمون الطوال (وأفضل اللي من المخبز الكوري يطلع أحلى)
كاكو هرشي
ملعقة زبيب وملعقة فستق للتزين
الطريقة:
- في خلاط العصير إخلطي (البيضة + السكر + الماي + الزيت + الدارسين + الهيل + حبتين جبن كيري)
- خليهم في طاسة وقطعي الخبز بالشكل اللي تشوفينه، وبعدين غمسي القطعة في الخلطة وشيلها بسرعة، ما نبيها تغرق،
- الخلطة بتكون إشوي لزجة، وبعدين صفيهم كلهم في قالب تشيز كيك، أو أي قالب متوفر عندج، بس حاسبي للكمية، ونثري الزبيب على الطبق (وتقدرين تستغنين عن الزبيب)،
- أحين غسلي جك العصير، وحطي فيه 7 جبن كيري + ثلاثة أرباع الحليب المحلى وخليه ينخلط زين ما زين،
- بعدين صبي (((نص))) الكمية على الصمون، ودخلي القالب في فرن ما يكون وايد حار، وخليه جذي ربع ساعة تقريباً إلى ثلث ساعة،
عقب ما تطلعين القالب بتشوفين إن الطبقة البيضة يبست،
أحين وهو حار ضيفي النص الثاني من الخلطة (الجبن + الحليب المحلى)، وزيني الطبق بكاكو الهرشي والفستق، بيكون بهالشكل،
وهذه لقطة جريبة،
وإهني عقب ما شلت الحواف، شوفي شلون صار شكلها، فظييييعة وخصوصاً إذا عندج ضيوف،
خب عيالي ما نطروا، بسرعة بسرعة يبون، شلت لهم في صحن، حتى بنت تمت تنط ناطرة صحن لها،
وهذا الصحن من جريب،
جربوا الوصفة، تراها سهلة ولذيذة،
بس عيالي ما حبوا الزبيب، فالمرة الياية ما بحط زبيب:shiny:
وصحتين وعاااافية :essen:
أعضااائنا الكرام الضعاف والدباديب،
يايبة لكم اليوم حلى السينابون اللذييييذ، بس عاد هالحلى سهل وايد، لأنه بدون عجين، تحتاجين إلى الصمون،:icon30:
والطعم ولا أشهى،:icon26:
يالله نبدأ
سينابون بالصمون
المقادير:
ثلاثة أرباع كوب سكر
نص كوب ماء
بيضة واحدة
إستكانة شاي صغيرة زيت
9 حبات جبن كيري
ملعقة كبيرة دارسين
ملعقة صغيرة هيل مطحون
ثلاثة أرباع حليب محلى
صمون الطوال (وأفضل اللي من المخبز الكوري يطلع أحلى)
كاكو هرشي
ملعقة زبيب وملعقة فستق للتزين
الطريقة:
- في خلاط العصير إخلطي (البيضة + السكر + الماي + الزيت + الدارسين + الهيل + حبتين جبن كيري)
- خليهم في طاسة وقطعي الخبز بالشكل اللي تشوفينه، وبعدين غمسي القطعة في الخلطة وشيلها بسرعة، ما نبيها تغرق،
- الخلطة بتكون إشوي لزجة، وبعدين صفيهم كلهم في قالب تشيز كيك، أو أي قالب متوفر عندج، بس حاسبي للكمية، ونثري الزبيب على الطبق (وتقدرين تستغنين عن الزبيب)،
- أحين غسلي جك العصير، وحطي فيه 7 جبن كيري + ثلاثة أرباع الحليب المحلى وخليه ينخلط زين ما زين،
- بعدين صبي (((نص))) الكمية على الصمون، ودخلي القالب في فرن ما يكون وايد حار، وخليه جذي ربع ساعة تقريباً إلى ثلث ساعة،
عقب ما تطلعين القالب بتشوفين إن الطبقة البيضة يبست،
أحين وهو حار ضيفي النص الثاني من الخلطة (الجبن + الحليب المحلى)، وزيني الطبق بكاكو الهرشي والفستق، بيكون بهالشكل،
وهذه لقطة جريبة،
وإهني عقب ما شلت الحواف، شوفي شلون صار شكلها، فظييييعة وخصوصاً إذا عندج ضيوف،
خب عيالي ما نطروا، بسرعة بسرعة يبون، شلت لهم في صحن، حتى بنت تمت تنط ناطرة صحن لها،
وهذا الصحن من جريب،
جربوا الوصفة، تراها سهلة ولذيذة،
بس عيالي ما حبوا الزبيب، فالمرة الياية ما بحط زبيب:shiny:
وصحتين وعاااافية :essen:
