سيطلقني اليوم ....... هذه أخر أخباري

من كل قلبي اقول (( الله يعينج اختي ))
 
الاحول ولاقوة الابالله انشاءالله يسخركم البعض ويهدي سركم حبيبتي خليك على الدعاء
 
وانا اشوف بعد انج تبتعدين فترة لا تردين عليه ابدا .. خليه يتصل ويذل روحه اشويه وانتي اقعدي واشتكي عليه عند رب العباد ربج وربه وتوكلي عليه .. ولا تردين عليه الا بعد فتره علشان انتي في دوامه ما اتعرفين انتي تبينه ولا ما تبينه فكري عدل .. حطي الايجابيات بورقه والسلبيات بورقة ثانيه .. شوفي روحج اذا انتي صغيره وما عندج عيال شو اللي يجبرج على هالزوج ؟؟ اواذا انتي تبين الجنه فهل عندج القدره على الصبر ؟
اكتبي كل الاحتمالات الوارده ..اكتبي كل سؤال وجاوبي عليه ..
وبعدين وبعد فترة
اطلبي منه تراجعون مستشار الاسر في المحاكم يمكن سبحان الله يقول له شي يغيره .. المهم . لا توقفين عند نفس النقطه تسامحينه وتردين له ويضربج وتطلبين الطلاق .. \
 
بحرانية مظلومة قال:
أنا بصراحة عطيته فرصة ثانية لكن للأسف ما إستمرينا يومين إلا وخلق لي هوشة جديدة الخميس يلي طاف و وصلت إنه مد يده علي فقلتله انت ماتستاهل حتى ان الواحد يعطيك فرص واان هذي المرة مايخيرك لأني أنا يلي أبغي الطلاق ....
تركني وبعد 6 ساعات اتصل بس انا مارديت وبعدها طرش تصبحين على خير بس بعد مارديت ...
أمس الجمعة كل اليوم وهو كل شوي يتصل وطرش لي مسج يعتذر وطلب اسامحه وقال انه اول مرة يحس انه مايقدر على فراقي بس انا بعد مارديت ....
اخر الليل بعد ماعجز اتصالات صرش لي مسج يقول الظاهر صدق هذي النهاية وحتى لو اني احبش اذا تبين الطلاق فأنا خلاص بعطيش ياه شوفي متى تبين نروح المحكمة خبريني ...
طبعا انا للحين مارديت ولا عارفة ويش ارد ومترددة ما أدري هل جد أبي الطلاق او لأ .... أحس إنه مابيتغير وإنه نفس كل مرة بيتعدل يومين وبيرجع .... ما أدري ويش أسوي ....
أنقر للتوسيع...

طنشي

بيجي بيت اهلك ويعتذر على الي سواه
 
بحرانية مظلومة قال:
أنا ياجماعة الخير على الإنتظار الحين .... هو قلب الموضوع علي وكأني أنا يلي أبي الطلاق ويبي يتفاهم وأنا مو راضية ... وصار هو البريء ... مع أن القرار كان قراره لأني أنا خيرته ....
يلي سويته إني بعت له مسج وقلتله يجي على العشا عشان نتفاهم بس هو مارد.. وهاد أكبر دليل إني أبي أتفاهم ونحط حلول وسط بس هو مايبي ... ويبي يحملني السالفة كلها ويطلع نفسه منه وكأني أنا يلي جنيت على روحي ... وأنا الحين أنتظر ...

ما أدري بس أحس إن المسج يلي طرشها لي الصبح دليل إنه مايبي يطلق وإنه مقهور ومانام الليل وإلا كان إتصل من الصبح وقال يلا على المحكمة .... بس هو قاعد يلف ويدور ويكسب وقت ... ما أدري بويش قاعد يفكر أو ويش فيه حقيقة بباله وهل هو صراحة حاس بالذنب ....
أنقر للتوسيع...


هذا اسلوب الرجال كلهم اذا ماثبتي على حقك يقلبون الموضوع عليك ويطلعون نفسهم ابرياء
 
يلي صار إنه امس طرش لي مسج أجهز أغراضه وأقوله متى يقدر يجي ياخدهم ....
أنا إتصلت عليه المغرب وقلتله أغراضك جاهزة خذهم وأنا بستناك بكرا الصبح في المحكمة ...فقالي بيتصل فيني بعدين لما يخلص الدوام .....
وقت اتصل صار يقول لي يعني إنتي مصرة على الطلاق فقلتله إن إسلوب معاملته ماحد يقدر يتحمله ومو أنا يلي قلتلك تعال خذ أغراضك إنت يلي قلت وإني مصرة عالطلاق ...
حسيته بدا يتفاوض ويقول ويش يلي تبغينه ... فقلتله بكل بساطة أنا إنسانة متزوجة صح؟ فقال لي صح! فقلتله إذا أبي أحس إني متزوجة وأعيش حياة وحدة متزوجة ... أنا تعبت أفكر فيك على حساب نفسي ... ظروفك خلاص ماتهمني ولا هي مشكلتي ... وإني وجوده وعدمه واحد صار بحياتي وإني أصلا قاعدة أسوي كل شي بروحي فبالناقص من وجع الراس يلي هو مسويه لي... وأنا بالنهاية إمرأة وحتى لو أحبك لكن الحب يموت بالإهمال وإنت فوقها معيشني بسجن ومانعني عن كل شي .... أبي أعيش حياتي ألبس وأطلع وأسافر مثل باقي الخلق وإذا إنت ماتقدر بسافر بروحي ....
وقتها هو طلب إني أعطيه فرصة ثانية فأنا قلتله يعطيني يومين أفكر .... وأنا الحين قاعدة أفكر ....
ما أدري ويش رايكم ؟؟؟؟ احس إنه متمسك فيني وصدق يحبني وإلا كان طلقني بكل بساطة
 
طبعا هو قالي إنه كان يحاول يراضيني بالمسجات بس أنا قلتله إنه هاد مو إسلوب مراضاة وإن يلي يبي يراضي يكتب أسف أوعدك ما أمد يدي عليكي مرة ثانية أو إني هأتغيير أو بعطيكي حقوقك .... قلتله أي مراضاة وإنت قعدت تشوتني مثل الكورة ... والله يابنات الظاهر مفكر روحه بلعبة كرة قدم وقام شاتني على الرحم وأنا أصلا عندي نزيف من كم يوم ... ولما قلتله حسبي الله ونعم الوكيل فيك إنت عندك أولاد الله براويك فيهم قعد يضربني بوكسات على العمود الفقري ويقولي لا أدعيين على ولدي مع أني مادعيت بس كنت أنبهه إن ظلمه بيطلع بأعز ما عنده ....
 
لاحول ولاقوة الاباالله
الله يعيينك ويسخره لكـ
يارب
ويكتب لك مافيه خير يارب
 
الله يفرج همج ياربي ..كثري استغفار و استخيري يمكن ربي يجعل في حياتج معاه (مو لازم احين ، بعدين) موده والفه وراحه ،، وطبعا ممكن اخير لج الانفصال ..

مافي ريال يحب التهديد ، هو حس انج ضغتي عليه فكري برويه و هدي اعصابج ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل