سيطلقني اليوم ....... هذه أخر أخباري

الله يكون بعونك
 
أختي دامك تبين زوجك وندمانة على سيرة الطلاق

انسي الموضوع وقوليلة أنا جالسة علشان ابني فقط

وانت مع ربي تنجاز

واتركي ولاتكلميه بشي ثاني وشوفي وشلون يجيك ويتعذر

وعليك اهم شي بالصلاة والدعاء والاستغفار

ربي ييسر امرك ويسخرلك زوجك
 
لا اللللللللللف لا ليش ترضينها على نفسك
صحيح اني مالي بهذي السوالف لكن حرقني قلبي عليك الدنيا فوضة يعني
اذا عندك تلفون دقي على الاستعلمات واطلبي سيارة تاكسي وروحي لاقرب مركز شرطة وارفعي قضية قذف وان الي قذفك زوجك وضرتك وهي اولا واصري عليها وقوي قلبك مو تخافين لين متى بنسكت عن حقوقنا ولا تردين على زوجك لو سالك ليش سويتي كذا او قولي له اذا انت ما بتدافع عني انا بدافع ععن نفسي بقووووووة ومحد بيردني ولو مد يدة عليك اكسريها له حلوة ذي يرمي عليك الجوال انا لو منك رميته على راسة
اعذريني كلامي متهور لاكن من الغيظ الي فيني
ان شاء الله تنحل اختي بس تشجعي وبيصير الي تبغينة ​
 
أنا ياجماعة الخير على الإنتظار الحين .... هو قلب الموضوع علي وكأني أنا يلي أبي الطلاق ويبي يتفاهم وأنا مو راضية ... وصار هو البريء ... مع أن القرار كان قراره لأني أنا خيرته ....
يلي سويته إني بعت له مسج وقلتله يجي على العشا عشان نتفاهم بس هو مارد.. وهاد أكبر دليل إني أبي أتفاهم ونحط حلول وسط بس هو مايبي ... ويبي يحملني السالفة كلها ويطلع نفسه منه وكأني أنا يلي جنيت على روحي ... وأنا الحين أنتظر ...

ما أدري بس أحس إن المسج يلي طرشها لي الصبح دليل إنه مايبي يطلق وإنه مقهور ومانام الليل وإلا كان إتصل من الصبح وقال يلا على المحكمة .... بس هو قاعد يلف ويدور ويكسب وقت ... ما أدري بويش قاعد يفكر أو ويش فيه حقيقة بباله وهل هو صراحة حاس بالذنب ....
 
لاتخافين هاذا حركات الرجال يحب يهدد ويحس ان المراه تركض وراااه واذا الشاف ان زوجته مطنشه ركض وراااهااا تاكدي حبيبتي مرااح يطلق بس يبي يخوفك وانتي اللي عليكي طنشيه ولا تتصلي ولاترسلي مسج حتى على رسايله لاتردي ولاتذلين حالك اكثر من كذا خلاص هو انتي خيرتيه ولا ترسلي وطنشي وبيجيك..وانا متوقعه ماكبر راسه الا لما قلتي انك تحبيه وهو قبلهاا راسلك احبك بس لاااااااااااترسلي وشوفي
 
كل شي الا القذف

هو راضي بقذف زوجته لك
وزودها بانه صار يشك

وما يبغيك تتخذي مو قف جدي مع زوجته


اختي استخيري
وربي يكتب لك الخير
 
ردي عليه قولي براحتك انت اللي تقرر مو أنا ....
واتركيه وحسسيه ان الوضع عادي
أنا متأكده انه متحسسسسسسسسف لكن يبي يجس نبضج لحد الآن مصره أو تنازلتي

 
الله يفرج كربك وهمك_أكثري من الإستغفار والدعاء
 
هذي حركات هو مسويها عشان انت اللي ترجعي


وماراح يطلق بإذن الله

وداومي على الإستغفار والله العظيم انه سلاح

ربنا يسخر لك زوجك
 
هم الرجال كذا

تلحقين وراه يتغلا

تسحبين عليه يركض وراك

هو ما يبي يطلقك بس يبيك انتي اللي تتراجعين وتركضين وراه

الله يعينك
 
إتصل فيني ... وقعدنا ساعتين نتكلم على التلفون ... تفاوضنا .. ماحصلت كل شي أبيه بس على الأقل حصلت بعض الأشياء .... وقلتله خلينا نعطي نفسنا فرصة شهر ونشوف ..... عشان يفهم إني بعطيه فرصة ليتغير أو خلص يروح بطريقه .....
قال لي إني أنا يلي قررت الطلاق فقلتله لايرمي تصرفاته علي وإني أنا خيرته بين حقوقي والطلاق وهو إختار الطلاق ... فوقتها بدا يتفاوض .... طبعا كالعادة قال أنه يحبني وقلت له أنا أريد أفعال وليس أقوال
إنشالله الله يكتب الخير ويتغير ......
 
حبيبتي بحرينية مظلومة
اصل المشكلة كانت بشكة فيك وانت مظلومة هذي من ناحية وضرتك الي شكلها جالسة تدق الحديد وهو حامي
انا اقولك راجعي نفسك الموضوع تغير كانت المشكلة بموضوع القذف وبعدين صار طلاق
احسة جالس يماااااطل وتدرين وليش؟ لان الموضوع من البداية تلكك هو بيجلسلك على الحبة ولمن لقى شي يعجبة جلس يتمشكل فية والحين لمن تطور الموضوع انصدم بالواقع وقرر انه يتراجع بس ""كرامتة "" ما تسمح له وصدقيني طنشي كللل كلمة الرجال ما يجون الا بذا الاسلوب
والله ينولك الي ببالك​
 
الله يهدي بينك وبين زوجك ويسخر لي زوجي ياقادر ياكريم
 
ابقول لك عن تجربه
طول مانتي مع الله لا تخافي ابدا وصدقيني زوجك ماراح يطلقك
هو يهدد بس
انا تعرضت لظلم ولكن من زوجته الاولى وابنائه وكنت دائم ادعي ربي ينصرني وانا والله عمري مارديت عليهم رغم قلة ادبهم معي ومايحترمون لاصغير ولا كبير وفي كل مره ينصرني ربي
اخرها اليوم صار لي موقف بين معدنهم وكرهم لي والتزمت الصمت
وكنت اعقل منهم وهو بينوا غيرتهم وصغر عقولهم والحمدلله ربي نصرني عليهم وزوجي اخذ حقي وزياده وربي وربي اني سكت كثييييييييييييييييييير على تصرفاتهم وهو عارف لكن طفح الكيل وقررت اكون حاسمه وقلت لها انا سكت كثير واذا ماراح تحفظ لي كرامتي ابتركك بدون حسف وربي انه اخذ السماعه وكلمها وانا على الخط الثاني وشرشحها واخذ بحقي وربي نصرني
انا ماني ضد الاولى لكن انا مثلك مابقى شي ماحطته فيني وكل مره اكبر عقلي رغم انها اكبر مني بكثير والمفترض تكون اعقل
لكن ربي نصرني ولله الحمد اصبري وادعي الله وخلك حازمه في امور كرامتك وحياتك عشان خلاص يتوب يشكك فيك ويسمع كلامها
 
أنا بصراحة عطيته فرصة ثانية لكن للأسف ما إستمرينا يومين إلا وخلق لي هوشة جديدة الخميس يلي طاف و وصلت إنه مد يده علي فقلتله انت ماتستاهل حتى ان الواحد يعطيك فرص واان هذي المرة مايخيرك لأني أنا يلي أبغي الطلاق ....
تركني وبعد 6 ساعات اتصل بس انا مارديت وبعدها طرش تصبحين على خير بس بعد مارديت ...
أمس الجمعة كل اليوم وهو كل شوي يتصل وطرش لي مسج يعتذر وطلب اسامحه وقال انه اول مرة يحس انه مايقدر على فراقي بس انا بعد مارديت ....
اخر الليل بعد ماعجز اتصالات صرش لي مسج يقول الظاهر صدق هذي النهاية وحتى لو اني احبش اذا تبين الطلاق فأنا خلاص بعطيش ياه شوفي متى تبين نروح المحكمة خبريني ...
طبعا انا للحين مارديت ولا عارفة ويش ارد ومترددة ما أدري هل جد أبي الطلاق او لأ .... أحس إنه مابيتغير وإنه نفس كل مرة بيتعدل يومين وبيرجع .... ما أدري ويش أسوي ....
 
وش هذا يستهبل زوجك الطلاااق مهوب لعبه ترى مايجوز تتهاونون فيه .. واذا بتزعلين اتركيه ولاااتتكلمين معه ابد ولاتردين على مسجاته واذا تكلم بالطلاااق لاتردين عليه بس اذا جالك البيت واعتذر سامحيه بشروط وانتي بنفس الوقت خلك ثقيله عليه مع دلع شوي .. خليه يحس ان اللي يسويه اثر فيك نفسيا خلي ضميره يأنبه على اللي يسوي وانسي الطلاااق .. الله يصلح حالي وحالك .
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل