سويت كارثة ساعدوني

عزيزتي ..

أنا أرى أنك إتسرعتِ عندما أخبرتِ أختك ...وطبيعي زوجك زعل ...لأنه مايبغى أحد يدري لأنه عارف في قرارة نفسه ان اللي بيسويه غلط....

إبلاغك عن الشبكة ماحيحل المشكلة لأنه ممكن يشترك في شبكة أخرى ....

أبدأي بمحاولة إصلاح زوجك ....بتقوية الوازع الإيماني فيه ...وبإشغاله بأي شئ مفيد...وعدم تركه بمفرده فترات طويلة .....

ألجأي إلى الله عز وجل وأدعيه أن يصرف زوجك عن الأشياء البطالة ...

تقوية وازعه الديني لايكون بالتوجيه المباشر ...ولكن من خلال تصرفاتك ...عندما يراكِ إنسانة تخافين الله ...وأنكِ غضبتِ من أفعاله ليس من أجل نفسك إنما من أجل الله عز وجل ...حيبدأ ضميره يأنبه من الداخل ...

إذا بتصالحينه ...قولي له أنا إتفاجأت بفعلك ...وما إتوقعت إنه يصدر منك ...لأننا كمسلمين هذا الشئ محرم علينا ...وانا كمسلمة أخاف من عقاب الله عليا لو رأيت هذا الشئ وسكتت ...

تعالي له من الناحية الدينية لأنه ماراح يقدر يجادلك في صحة الشئ اللي يسويه

والله يعينك ويوفقك ...​
 
لا حببتي لا تعتذري وتقولي اسفه خلي الموضوع عادي وكلميه كأنه ما شي صار انا زوجي شمالي شرقي وبعدين لما اتشوفي الامور هادية بينكم روحي اعتذري له باسلوب غير مباشر انا زوجي شمالي شرقي لما اعتذر له يكابر وما يسامحني بسهولة بس لما اطنشه وخلي الموضوع عادي يكون زعلان بس يرضى من حاله
هاذي نصيحتي لش
خليك قوية واذا صار وناقشك في الموضوع قولي له ليه خايف معنى تصرفك انك تعرف انك ع خطأ صلح نفسك عشان امدحك قدام الكل وبعدين انا تعبانه نفيسيا ابي اطلع اللي في خاطري
العيب مو مني من اللي تسويه
طبعا لا تزيدي ع اللي قلتيه حرف لو قال كلام يجرح خليك ساكته بعدين اهو بيحس ع نفسه وبيجي يعتذر بس نادرا ما يسويها الشمالي الشرقي
 
ففي يابعد الدنيا الله يسعدك والله اني ادعي من قلبي واقول يارب
انا والله كانت نيتي طيبة والله كل الي في بالي اني ارسل رقم وايميل هالحيوانات للهيئة بدون ما يتضرر زوجي وقدر الله يسمع شسوي ياربي
 
ام حمدان ياكل الغلا والله كلامك صح بس هوا مو راضي اصلا يكلمني ولا راضي يرد عليا كيف طيب .؟
 
اووووووووووووووه بعد شمالي شرقي يالله ياهالشمالي اللي مجننا
المهم حبيبتي انتي في نظر الشمالي الحين انك غلطتي في حقه ومسيتي كرامته وخصوصيته وهو مايحب اسرار بيته تخرج للناس مهما كانت صغيره او كبيره ..
الله يعينك والله مادري وش اقولك لكن عسى ربي يفرج همك وهمي ياحي ياقيوم
 
عليك بتهدئة الامور ومشي يومك عادي وبعدين اجلسي معه وبرري موقفك انك اخترتي اختك لانك تثقين فيها وان لها القدره على تهدئتك اذا كان هناك امر متعبك وانتي واختك تستشيرون بعض في همومك00

واذا رأتي انه هادي وبيسمعك انصحيه من الناحيه الشرعيه وفهميه عن حقيقة الاستدراج التي ذكرت في قوله تعالى سنستدرجهم من حيث لايعلمون واملي لهم ان كيدي عظيم

ذكريه بملك الموت وظلمة القبر -----ذكريه ان له ابناء يمكن الله سبحانه وتعالى يبلاه في احد ابناءه

رغبيه في امور غض البصر وان ذنوب الخلوات من اعظم الذنوب لانه يجعل الله من اهون الناظرين اليه000



وعليك باللجوء الى الله وقيام الليل والدعاء في ثلث الليل الاخر وكثرة الاستغفار والصدقه كل هذه تعينك على نصح زوجك ولاتنسين ان قلب زوجك وقلوب العباد بين اصبع من اصابع الله يقلبها كيف يشاء اسئلي الله ان يقلب قلب زوجك من ذل المعصيه الى عز الطاعه ليس ذلك على هين000

اسئل الله العظيم ان يسخره لك ويغنيه بحلاله عن حرامه000
 
غاليتي بكاء السماء أذا حسيتي أن كلامك كان قوي وماله داعي خلي اختك توصل له اعتذارك
ولو كان يستاهل خليه يطق راسه بالطوووووووووووووفه
 
ذنبه على جنبه،،

بسكم مثاليه بالردود و الله لو وحده ثانيه بمكانها راح تسوي اكثر عن اللي سوته

و بعدين هي ما فضحته عند الناس بينها و بين اختها و ما رمست عند اختها الا هي ضامنتنها

و الله ثم و الله ان نقطه ضعف الحريم الطيبه الزايده و المثاليه اللي مستغلينها فيكم الرياييل

اذا الريال اللي يمشي سيده امشي وياه سيده و حطيه تاج ع راسج و اللي يلف و يدور راويه العين الحمرررره عشان ما يركب عراسج

حسسيه بغلطته قوليله كلمه (اذا انا غلطت اعترف بهالشي بس غلطتي مب أكبر عن غلطتك)
و اذا هو خايف على صورته انه ما تنهز جدام الناس قوليله حافظ عليها بنفسك لا تسوي الغلط و تتريا من الناس المدح
و الله قهرررر الرياييل محد وصلهم لحد التمادي علينا
غير المثاليات اللي صارت ما تنفع بزمنا هذا

الله يهديه و يصلح حاله و حال المسلمين​
 
يا اختي انتي ما غلطي لانه انت كان قصدك تحلي المشكله وما تخربي بيتك لو كانت المشكله خلاف عادي بينكم كان نقول انت غلطانه لكن انتي ما تكلمتي الا لما طثح الكيل بعدين احنا بشر ولينا قدرت تحمل ممكن باي لحظه ننفجر انتي اعتذري مره وحده وبس وان شاء الله يرضي اما من ناحيه السب قول له احنا كذه الحريم لما نزعل نقول كلام مو من القلب وخلاص وما يصير الا الخير
 
ياربي يسعدكم كلكم
لولوة الصغيرة ربي يرفع قدرك وينولك الي ببالك والله انا مو كاتبة ابغى احد يطبطب علي ويقولي شاطرة انتي فهمتي ايش الي ببالي
انا فعلا خلاص احس يمكن يوم تجيني امراض ومن ورا هالشغلات تعبت وكلوا الا هالاسفاف
انا ما ابغى اخرب بيتي ابغى اعدله ارجعه لدينه وعقله لكن في نفس الوقت من حقي اقول لاهلي من حقي استشير تخيلوني متهورة وقايلة للهيئة وبعدين مسكوه معها
اقلها الفضيحة لي ولاولادي صح ولا لا
انا هادا هدفي
وانا بس ابغاه يسمعني
لاني بنصحه وفي نفس الوقت بحط حد لهالمهزلة لا يلتفت لربه ودينه ويبطل هالحقارة يا ساعتها ابدا افكر بالبدائل الي الله يسعدك ياغالية


ملكة الجليد الله يبيض وجهك ويهني ايامك والله انا مشكورة لك ردك وبحاول اشوف طريقة اكلمه فيها يمكن اتوكل على الله وارسل له ايميل او رسالة وساعتها
ااكون بريت ذمتي لو طبعا مارضي يتكلم
والله يعيني
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل