سويت عملية الشفط والشد وجيتكم بالسلامه

[وووهج الأمل]

مرحبا خواتي انا مثل ماقلت لكم كان مقرر اني اسوي عملية شفط وشد بطن بعد معاناه بالرياضه والريجيمات وماكان فيه فايده انه يروح بطني المهم اليوم طلعت من المستشفى ورديت البيت واللي حابه تستسفر مني بالموضوع انا حاضره بعد ماصرت صاحبه تجربه ولاتحرمون من دعواتكم الطيبه
تحيتي

 

[kindly]

الحمدالله على السلامة :shiny:

 

[sandrila]

الحمد لله على سلامتك..........

ما هى النتائج......هل تشعرين بتغير

 

[أم سعونب]

الحمد الله على السلامه

 

[حنين الامل]

الحمد لله على السلامة ولله يقومك باالعافية لدي سوال لو سمحتي؟من الي عملها لك طاقم طبي نسائي او رجالي؟وكم يوم جلستي في المستشفى؟هل ظهرة النتائج بسرعة ولا يبغالها وقت؟وفي اي مستشفى سوتيها ؟ولك جزيل الشكروالعرفان

 

[*^ ندى الورد ^*]

الحمدلله على السلامة والله يعطيك خيرها ويكفيك شرها .. والله جيتي بوقتك
ممكن اسأل انتي باي منطقة ؟ وباي مستشفى وعند اي دكتور ؟ ووش المناطق اللي عملتي فيها العملية ؟ وكم كلفتك ؟

 

[رموش نمله]

الحمد الله علا سلامتك

حبيبتي كم عمرك وهل بعد العمليه قطعتي فكره الحمل

لأنه العمليه هاذي تمنع الوحده من الحمل لأنه لو حملت بتكون خطر عليها وعلا الجنين

 

[وووهج الأمل]

الله يسلمكم خواتي من كل شر
سندريلا النتيجه من اول مافتحت عيني من التخدير كاني مفجوعه يدي عالكرش ادوره مو مصدقه وينه طار بعد 10 دقايق من دخولي الجناح جتني الممرضه بيدها كيس وتقولي شوفي الخيرات الله يعزكم انصدمت كل هذي بجعبتي؟؟ ورتني شنو شفطو من شحوم خلاصة االقول البطن صفق الظهر .
اخت حنين الامل الله يسلمج من كل شر اولا ثانيا اللي سوى لي العمليه فريق كامل بادارة استشاري تجميل وحروق وطبعا عباره عن الاستشاري واثنين اخصائيين معاه وممرضتين هذول بالضبط اللي شفتهم بالعمليه وعرفني عليهم الطبيب
وجلست من يوم الاربعا الموافق 11/6 لين 15/6 سويت العمليه الساعه 3 الظهر والمغرب الساعه السادسه والنصف بالضبط كنت بالجناح مع الاهل وكان المستشفى السلمانيه الطبي بالبحرين والعمليه سويتها بمنطقة البطن فقط والنتيجه فوق ماتتصورين ماكو بطن بالمره ابدا وكلفتني 300دينار للطبيب و300 دينار حجز بالمستشفى والكورسيه 90 دينارماركة فرنسيه ولازم يكون طبي
ندى الله يسلمج يارب من كل شر ومثل ماقلت لاخت حنين انا بالبحرين والدكتور اسمه عبدالشهيد فضل استشاري طب تجميل وحروق وكلفتني كامل 690 دينار بحريني
الف تحيه لكم خواتي

 

[دوار الشمس]

الحمد لله على سلامتك
كيف قضيتي الصلوات اللي فاتتك ولا قصرتي وجمعتي قبل العمليه

 

[وووهج الأمل]

رموش نمله الله يسلمج لاتخافي اقدر احمل بس بعد سنتين وانا افكر مااحمل عشان الشغل واكشخ كفايه على معاناتي مع الكرشه قبل وانواع البهذله واذا عالخطوره مع الحمل ماكو ااكد لي الطبيب اقدر
اخت دوار الشمس بديت اصلي من يوم الاحد بالجلوس يعني الركوع والسجود انحناءه خفيفه بس اما على قضاء اللي فاتني فسئلت احد الشيوخ فقال لي لما تتعافين زين تقضيها كامله وصحيحه بدون جلوس فبخلي اللي فاتتني لين اقدر اركع واسجد بصوره صحيحه والله يسلمج ان شاء الله

 

[Qtr82]

اختي شلون عن الالم ..

 

[كوكب77]

الحمد الله على السلامة

 

[مُحبةالطفولة]

رد

الحمد الله على السلامه ..عاد شوقتينا نشوف صور
شخصية لج .. :msn-wink: ..هههههههه
والله حمستينا ..ويعطيج الف عافية ..

 

[كلمات بلا حروف]

الحمدلله على السلامه
الله يوفقك يارب

 

[وجوووود]

حمدالله على سلامتج ويا بختج تخلصتي من الكرش....

 

[الكيان كيانيه]

الحمدلله عالسلامه حبيبتي

طيب والالم وش اخباره؟

 

[رموش نمله]

ياللله خبرينا نستناك علا أحر من الجمر

 

[وووهج الأمل]

قطرية الالم اوول يومين بعد تصحين من التخدير ويوم تقومي تمشين بس انا حاليا خف ومشكلتي هي مازلت مااقدر اشد ظهري ونسيت ابلغكم اخذ مضاد بعد العمليه مباشره لمده اسبوع عشان ماتجيني اي مضاعفات واكتشب مناعه عن اي التهابات مثل زكام او كحه ااو اي شي يتعبني
محبة الطفوله حياج البيت نشيلج عالراس وشوفي عالطبيعه بدل الصور وانا افكر حاليا اذا رديت الدوام وسئلوني وين طار الكرش هااي صج مشكله ههههههه واذا انتي بالبحرين من صج حياج تفرجي يابلاش
كلمات الله يسلمج فديتج
وجود يسلمج ويخلصج من كرشتج انتي بعد
الكيان حاليا مثل ماقلت ماكو الم عندي بس مشكلتي مقدر ارفع ظهري حيل ويمكن لاني اخذ مضاد مااحس بالم وايد مجرد نغزات كل فتره
رموش حاليا ماكو اخبار يديده الامان مستتب والحاله ممتازه ولمعنويات فوق بس مازلت تحت تاثير عدم مصداقيه اختفاء الكرش يعني مفجوعه بعدي ههههه
دعواتكم لي يااخوات والله يبعد عنا وعنكم كل سوء ويرحمنا برحمته الواسعه
تحيتي للجميع

 

[**العيون**]

ألف ألف ألف الحمدلله على السلامه ..............


تقولين اللي تبي تستفسر ؟؟؟؟؟؟
إلا أنا مو أبغى أستفسر وبس إلا راح أهريكي أسئلة ...................... معليش يعني من زمان وانا اتمنى أتخلص من هالشحوم ............... وجايتك بالأسئلة .

 

[عيون تعانق بصمت]

الحمدلله على سلامتك ياعسل
بس بغيت اسألك الوحده تقدر تحمل وتولد عادي بعد العمليه؟؟؟