سويتي كل شي لزوجك ولا في فايده منه ؟؟؟....(حياااكم ) :)

ي

ياخوفي عليك

New member
إنضم
2008/11/17
المشاركات
52
السلاااام عليكم


اشلوونكم يا احلى عضوات وزوجات وامهات وبنوتات :)

عساكم بخير وصحه وعافيه دايمه يارب


.....


الصراحه



ندش بالموضوووع على طول

انا من حياتي مع البنات المتزوجات ومن كثر ما قريت بالمنتدى


ومن علاقتي الزوجيه الشخصيه

ودراستي النفسيه


مممم اكتشفت شغلات وايد

وبديت انصج المقربين مني والنتايج كانت حلووووه

راح ابدي بالمقدمه

واذا شفت ان في ناس يبون حلووول ويمرون بنفس الاشياااء

راح ابلش معاكم الموضوع

لكن اذا انتوا حاسين هالشي ما ينطبق عليكم فما شاء الله عليكم

والله يتممم :)


المقدمه


احنا البنات من انخلقنا واحنا فينا حناااااااااااااااااان زايد

واذا حبينا شخص مانقصر عنه وهالحنانه كله له

فمابالكم اذا كان هالحبيب اهوو الزوج

الزوجه ماتدري شتسوي بس عشان رضااه خصوصا اذا كانت تحبه

تغرررقه حناااان وما تقصررر معاه وتموت فيه حب

وقبل لا يقول اهو شنو يبي او محتاج البنت تفهم وتسويه له

اخرررر دلع واخر تجارب وفناتق وحب

وكله يوم تغير من شكلها ولبسها

وتدلعه وتفاجئه وكل النصايح تطبقها

ومع هذا كله ماكو فاايده

اهو زين معاها لكن يخوووووون ... طبايعه السيئه مو راضيه تتغير

معامله سئيه جدا جدا ... اهانات وغلط

وعينه تلف يمين ويساار وموعاجبته اللي عنده مع انها مرات تكون ملكة جمال

وعينه تروح للفلبينيه والا للي مافيها ذرة جمال


ليييش؟؟؟

والبنت تسال روحها دايم انا شنوو قصرت فيه ؟؟

انا كل شي سويته له ما يمدي ينطق الا وسويت له هالشي

وماني قادره اصلحه

وفي بنات وايد عندهم اذا زوجي له سوالف وايد وخرابيط او طبايع سيئه

بدلالي ودلعي له بيحبني وبيتغير

وصح في رياييل يحبوون حريمهم من هالشغلات ولكن يخوووونووووون؟؟؟!!!!!

والوحده تستغرب ... شلون يحبني ويخوووني؟؟؟ بنفس الوقت ؟؟؟ معقووول؟؟؟؟

لي درجه الوحده تشك بنفسه وتحس بضيقه ليش ما يفهمني ولا يحس فيني

شنوو يبي اكثر ؟؟؟؟ شسوي اكثررر ؟؟؟ انا تعبت ؟؟؟؟ متى اشووووووف مقااابل

كله انا اسوي وماافي مقابل؟؟؟؟ ليش يروووح لغيري ؟؟؟؟؟

تمر فيكم هالحالات بناااات ؟؟؟

يعني انا مثلا في بنت معاي بالنادي الصحي

ماشاء الله تبارك الرحمن جمال وجسم

واهي خايفه الله وعفيفه

تعرفت عليها ومع الكلام حسيت فيها حزززن

وانصددددددمت لما دريت انها متزوجه

شكلها حده كوييييت وبيبي واتينن

وانصدمت اكثرر يوم قالت عندها 4 عيال

على طول قلت بنفسي يا بخت زوجها اكيد ميت فيها

وقلت لها هالشي


قامت تضحك قالت يحليلج

قلت شناقصج بياض وجمال وشعر وجسم ؟؟؟؟ وانت ام 4؟؟؟ ماشاء الله قالت

شفتي هالجمال كله مايبيه ؟؟؟

انصدمممممممممت ليش؟؟؟

قالت تخيلي تغير علي ودريت انه متعرف على بنت حرام

وصدمتني يوم قالت مواصفات هالبنت

انها متينه حيييييييييل وبشرته داكنه حيييل وفوق هذا مو صافيه وحبووب وبلاوي

فوووق هذا شعرها مو ناعم والواحد يشمئز منه تقول شكلها يصدم

تقول كل مالي انكسر واقول نزوه وطيش

واكيد بس خرابيط وبيرجع

تقول دخل علي وحسيت انه بيصارحني وانه بيتوب خلاص

انصدمت انه يقولي بتزوجهااااااااااا

انقهرررررت وسكت عشان ما اتهور بالحجي

تقول رحت وسالت عنها طلعت حامل بولد حراااااااااام

وزوجي تزوج منها وولدت ونسب الولد لنفسه؟؟؟؟؟؟؟؟؟


عيالي بيصيرون اخوان ولد حرام بالورقه هذا غير بالورث اللي بيكون له من غير حق

وتقول صار يعبدها عباده


قلت لها يمكن سحر تقووول لا مو سحر اهو ميت فيها

ومنبهر ونساني انا وعياله

تخيلوووووووووا ......


شاللي ممكن يخلي شخص عنده كل هالزين ويشووووف غيرها .....


انتظر ردودكم ورائكم اذا مريتوا بهالشي ومنتوا لايقين حل

تحسين انج تحرقين روحج عشانه واهو مو سائل

يمكن اهو يطلب منه سوي جذي وابي جذي وجذي

وتسوين يستانس ويعجبه ولكن بنفس الوقت ماغير البلاوي اللي يسويها ولا انتي قادره تغيرينه

مسويته يادهينه لا تنكتين وهم مايبين بعينه وموهامه ومايلتفت لج


منتظره ردودكم اللي بتحدد مصير الموضوع التكمله او التوقف عند هذا الحد

والله يعطيكم العافيه

وطبعا كل اللي بذكره ناتج خبره شخصيه وتحليلات بسيطه

الي بتاخذ فيها تاخذ والا ماتبي على راحتها كل واحد ويشوف اللي يفيده

وسلامتكم
 
لا تحرقين أعصابي والله محتاجة حيل الى هالنصايح :tears::tears::tears::tears:​
 
ممممممم مادري والله الرياييل ما يعيبهم شيء
لازم يطلعون لج سبب من تحت الأرض

الله يهديهم
 
السلام عليكم و رحمة الله تعالى و بركاته
أختي يا خوفي عليك كل عام و انت بالف خير و بصحة و عافية ينعاد عليك وعلى كل الاخوات البلقيسيات بالسعادة و الهناء.
انا لس ما دخلت دنيا الزوج و لكنني متحمسة لاعرف نصائحك حتى تكون الوحدة على استعداد لاي هجوم مشين من طرف الزوج و لا تترك له ثغرة هههههههههه.
دمت للمنتدى و لنا ....
 
موضوعك خطير

بس ياليت من غير تقطيع !!!!!

يعني قولي نصائحك وبعدين نناقشها مع بعض


تحياااتي
 
حبيبتى ياريت نتكتبين لنا النصائح وان شاء الله كل وحده تستفيد
(( بس ياااااااااريت بدون تقطيع))
وان شاء الله يكون فى ميزان حسناتك ياااارب
 
زيييين في تفاااعل

واهم شي الكل متعقد من التقطيييع مووو قصدي بس بشوووف اذا في احد

عايش هالوضع

وحلوه فكرة انا نتناااقش
\

يابنات انا ماعرف اكتب نقاط ونصايح حرفيا واصفصف الحجي ابدااا

انا بقووول الكلام من القلب

واللي من القلب يوصل للقلب ان شاء الله

واذا كلامي صح ياليت توضحون واذا غلط هم تقولون

احنا كلنا نستفيييييد

تعرفون اغنيه نجوى كرم يوم تقووول كثر الدلال ما يفيدك ياحلووو؟؟؟

في زوجات كثااار يخربووون رياييلهم بكثر الدلع وبكثر الدلال

يعني بالمختصر الزوجه عودت الزوج على انه ياخذ بس ما يعطي

وعليه تتحمل كل اللي اييها من هالشيء

انتي لما تعودين شخص على شي فانتي شريكته بالغلط اللي يسويه

الزوجه يشووفج مدلعته ومو مقصره معاه واهوو موزين وفي بلاوي

بيقووول اهي عاجبتها عيوبي او مع عيوبي اهي راضيه ومدلعتني ليش اتغير ؟؟؟

ليش اتعدل ؟؟؟؟

اهييي راضيه بهالشي وايد رياييل هذا تفكيرهم

لازم توضحين له ان اسويلك وابي مقاااااااابل


مثل ما انت تحب الدلع انا بعد

مثل ما انا مومقصره معاك يالبيتك ماتقصر معاااي

وووقت ما انتي تدلعينه حتىى بالفراش وبعد لقاء حميمي همسي باذنه هالشي يضايقني

انا ابيك تتغير

انا احبك وماقصر معاك وانت تزعلني ؟؟؟؟

شووفي شنو يرد عليج

ترى بهالفتره الريال يسمع وايد لانج اشبعتيه

وتدلعين عليه

وحتى كغشمره حاولي

لايكون في حاجز بينج وبينه

مثلا يوم تكشخت وتدلعتي وتزهبتي وجهزتي البيت والاكل

واهو مستانس لا تخلينه يتسااانس من غير ما يعلق ...

قوولي شرااايك باللبس وبالشكل وشرايك باللي سويته

وبعد ما تخذين رايه قووولي ترى كل هذااا مو ابلاااااش وضحكيييي

وبيني انج تبين مقااااابل على ضحك ولا تدشين بنقاش عمييييييق...

اتمنى انكم فهمتوا هالنقطه واذا في تعليق ونقاش ياريت تتقضلون فيييه ....

...............................................

اللي بعدوووووو


في نقطه البنت دايم تكشخ وتغير بشكلها

اكتشفت ان في زوجات وايد زوجها يقولها صبغي شعرج هاللون وتروح تصبغ واهو يستانس يوم وبعدين عادي ... ايها بعد اسبوعين ويقول ابيج تصبغين لون ثاني واهي تروح وتصبغ وهم مو عااجب مع انها تسوي اللي يبيها ... حتى بالنسبه للبس لبسي جذي وسوي جذي

حتى بالفراش يطلب حركات ويطلب شغلات والزوجه تسوي وهم موووو عااااجب

نصيحه مو كل شي يطلبه الزوج تسويييييييييينه ....

ما اعني انج تعاندينه او تخلينها في خاطره لااااااااااا لا تفهمون جذي


طلب شي لا تسوينه سوي شي ثاني من مزاجج

خل يكون لج شخصيه ...

انا زوجي خوش واحد وكنت استخدم معاها هالطريقه والله والله مافادني الا هالاسلوووب

وااايد تعلق فيني وحبني

وبنات كل وحده تعرف عيوبها انا ما ادلع وايد وما اقوله كلام حلووو نهائياا احاول طبعا لازم

ولكن انا جافه معاه مع ذلك يموووووت فيني

اهو الزين ومدلعني وايد وانا مقصره

هالشي خلاني افكر اهو ليش متعلق فيني هالكثرر وبالمقابل اعانده وما اسوي اللي يبيه دايما؟؟؟

مثلا اول ما تزوجنا قاالي انا احب البنت السمراااا

وانا بيااااضي كلوووووركس ههههههههههههههه

شسوي بعمري يعني ؟؟؟

وهم قال احب الشعر اشقررر

سكت وماعلقت وقمت افكر اروح البحر واخذ تااان واصبغ شعري ويوم صارحته استانس ويقوول يالله روحي

وطلعنا بيوم وشاف بنت بنفس المواصفااات وقاااال جذيييي انا احب وجذي ابي تسوين ليييي


انااااا عصبت حددددددييييي وتضايقت قلت اي شييي وجدامي

قال حبيبتي ماقلت شي طلبت هالشي منج مو من غيرج

وابي تسوين كل شي عشان ماشوف غيرج

بس يابنات انا حدي احتريت

ويوم قعدت بيني وبين نفسي فكرت حسيت اني لعبه او اني بنت حق ..... وبس

انقهرررررررت

وقلت عناد ماراح اسوي
\

وفكرت بالمقابل شسوي ؟؟؟؟؟

واهو يحن متتى تروحين البحر وانا اقوله ماني رايحه وانسى الموضوع

عصب وتضايق بس سكت لانه حس اني تضايقت

المهم

قمت اسوي اعناد اشتري كريمات تفتيح بشره وافتح برتي واشتغل بالمكياج اللي مايكون حلوو الا على لون البشره البيضه ونفس الشي اللبس اخترت اللي يناسب بشرتي ويبرزها ويحليها

خصوصا الاحمر والاسوود

اهو حددده مستانس وعااااااااااااجبه

وشعري قصيته قصه مينونه غيرت شكلي 180%

وخليته يفقد الامل بهالشي

وقمت احره ان شقت ريال طويل وجسمه حلوو اقول الللللللللللللله ابيك تسويلي مثله

اهو يعصب ويعتفس اقوووله ليش تضايقت انا اطلبه منك وموو منك غيرك

اهني حس فيني وباللي صار وسكت وبعد ما اييب هالطاري

تخيلوا بنات عوده قام يطلب مني لبس واشياء اقول وين شفت هالشي وليش؟؟

مرات يقول شفتج وتخيلتج بهالشكل او هاللبس اهني على طول اسوي اللي يبيه ومرات يقول شفته تلفزيون او بالسوق اهني اقوول عنااااااااااااااااااااااد ماراح اسوي

بس طبعا بدلع ونعووومه اول شي كان يتضايق بعدين قااام يستااااانس

حتى بالهدايه مرات يقط نغزات انا ابي جذي او ناقصني جذي وانا عناااد اشتري له شي ثاني يعصب

يقولي ماتوقعت هالهديه اقوله احسن انا اشتريلك هدايا بكيفي ومزاجي مو على كيفك

شلون تعجبك اذا انت عارفها

ينصدم ويضحك

وبنات تخيلوا بعد سنه من زواجنا قام يقوولي تصدقين احلى مافيج بياااضج

ولووون شعرج يغريني لووووووووووووووووووووووووول

حددددددددددددددددييي استاااانست

مقاااييس الجمال عنده تغيرت لانه حبني انا مو شكلي وبس

كل ريال لما يتزوج يكون له مقاييس جمال معينه مايشوفه بزوجته ويبي زوجته تسويها ساعتها ما يحبها لذاتها لا علشان اهي نفس ما يبي

خليه يحبج مثل ما انتي لذاااتج

انا بعد هالسالفه على طول خذيت تاااان وصبغت شعري اصفر مثل ماهو يحب ما تتخيلون وناااسته وقال بس هم لونج احلى من السمااار وشعر احلى من الصبغ

يعني اروح ارجع اسوي اللي بخاطره لكن بعد ماخذ شي منه والشي اللي ابيه

الريال ما يحب البنت اللي اي شي يبيه تسوييييه على طوووووول

طولت عليكم ادري

بس بالمختصر خليه يحبج لذاتج لانج مو دايم تقدرين تغيرين بشكلج وتسوين اللي يبيه

راح تتعبين وعدين لي كبرتي شعرج وجسمج وكل شي فيج ما بيتغير وبيستمر

فلازم اهووو يحب الاسااااااس وعليه راح يحب اي شي منج

ويتقبل اي شي حتى وانتي معفوسه ومو متزهبه ومومضبطه نفسج بيحبج وبيموت فيج

لا تسوين كل شي يبيه سوي شي وخلي شي بس بطريقه ذرربه

عشان ماتكونين لعبه ويمل منج ويزهق

وضحت الفكره في اي استفسار او شي نقاش انتقاااد ؟؟؟

________________________________


اللي بعدووووووووووووو

دوووخييييه وراج لا تخلينا يعرفج ويعرف كل شي عنج وفي خاطره وطريقه تفكيرج

خل ينصدم منج

كل شي انتي متعوده عليه ومعوده زوجج عليه فجاه غيريه


مثلا معوده زوجج على اكل وطباخ معين ؟؟؟

فجاه تعلمي اكلات يديده وسويهااا

واخذي رايه شلونها زينها ... شنو ينقص عالاكله

بيني انج مهمه تنوعين له وتغيرين وتبين رضاااه حدددده بيصدق نفسه ويستانس على اهتمامج الغريب والمفاجيء

مثال ثااني

اذا راح للدوام انتي اخذي يوم اجازه من غير ما يدري

وغيري اثاث بيتج فوق تحت

صفت الكراسي الكنبات ومكانهم غيريه التلفزيون والطاولات

وحدي اضافات جديده خليه يحس داش بيت غريب

غرفت النوم شارشف وكفر يديد

ودروووود وعطووور يديه للتبخير

اشياء يديده وغريبه حتى بالحمام

صور وبراويز لزوجج يديده او لكم مع بعض ويعني ...

مثال ثاني تسولفووون سالفه انتي تدري انه يتقوع رد فعلج عالسالفه معين انتي صدميه برد فهل ثااااني خليه يحس انه مايعرفج :)

او انه طريقه تفكيرج غريبه عليه

بيحس انج وحده ثانيه بيحبج اكثر بينصدم ,,,


مثلا في الفراش اهو متعود انه اهو اللي يطلبج وما تقصرين

اهو معودج اهو يتصل ويقووولج ابيج تعالي او اي شي

صدمي بمكان وزمان ما يتوقع انج تطلبينه فيه

وانج تبينه
مثلا بالمطبخ تقولين امبيه حديي ابييه وتحرشي فيه

او بزواره بتطلعون منها بعد شوي وراجعين للبيت تحرشي فيه وانت بالزواره جدام الناس من تحت لي تحت

ومسجات وكلاام خليه ينصدم منج


حتى بحركاتكم في العلاقه الحميميه همسي في اذنه قولي ابي هالحركه وتكووون غريبه عليكم او مايعرفها وعلميه وسويها ترى بيطير من الونااااسه

حتى بقمصان النووم معودته على شي صدميه بشي غير


او سويه حركه يديده طفي الليتات وخليه يدووور ويدوووور ههههه وانتي تحرشي بالكلام

يعني حركات

صدميه في انج تطلبين منه يوديج لاماكن عمركم مارحتوا او ماتوقع انج تروحين لها :)

وبدعي فيه


وصلت النقطه ؟؟؟

____________________________


اللي بعدووووو

لا تغرقينه وايد بالكلام الحلووووو

علشان يشتاااااق له ويحس بقيمته وانه مو بسهاله يطلع

في بنت تصيرلي زوجها صارلها 10 سنين ليلحين وماتعطيه حجي حلوو قووي
تعلقه مرات ومرات :) تيننه

اقولها حرام يموت فيج لي متى ؟؟؟

تقول احسن ما تعلق الا لانه هالشي ماشي معاااه

ما تنفره اللي يعوفها بالعكس كل مره تقوله شي بس مو مره وحده

مع الايام كل مره كلمه وكل مره شي يديد

تقول يموت فيني لانه ماشبع مني بعد كل مره يطلع مني شوي واهووو يطييير من الوناسه بهالشوي

لانه غاالي ماطلع بسهاله

موووبس جذي بناااات خلووا الزوج مايكون ضامن زوجته ميته فيه 100%

لانه ماراح يهتم ولا يلتفت لها لانه حصل عليها واهي ميته فيها وتداريه ودايخه وراه

والعكس صحيح خليه اهو اللي يدووور وراج


اهووو اللي دايم يسال تحبيني ؟؟؟ انا عاجبج زيم معاج ؟؟؟ راضيه عني ؟؟؟

لا تعطينه الضمان تدلعي عليه يننيه :)


واااضحه هالنقطه؟؟؟؟

--------------------------


اللي بعدووووووو


حبيباتي سواء اللي زوجها جميل او لا ... لا تمدحينه وايد

ولا ترفعين فيه السما وايد كل شي بالعقل زييييييييييين

لا تبينين انج منبهره بجماله وايد وانه وااايد جمييييل

والنقطه السابقه تجر لهالنقطه كثر الحجي الحلوو والدلااال

وتمدحين شكله وشحلاتك وتهبل ويازييييينك واغااار عليييييك واخاف احد ياخذج مني

ويابختي زوجي اينن لااااااااااااااااااا


لانه واايد رياييل يصدقووون نفسهم ويشيخووون على زوجاتهم

ويقووول اذا مرتي ميته علي وشايفتني ملك جمال شلوون باجي البنات

يصير يطلع بروحه ويدور بنات ويصدق عمره صدقوووني

انا زوجي ميننته

زوجي جميل بدرجه فضيييييعه

صج كل ما يطلع ايدي على قلبي

وصار وايد يتحرشون فيه جدامي وانا معاااه :( واموت قهر

عقب قام يغثني ويقووول لا تزعليني لا تغيرج واايد ميتين علي
وبس تتحرش فيه وحده يقووول ها شفتي ؟؟؟ اروح له

طالعي تدلع لي مو انتي ماتدلعين

انا اسوي روحي اضحك وعادي ومن منداخل منطبخه

وقاااام يتمادى ههههه عقب قمت اقوله من زينك عاد

رووووح دووور اللي ميتين عليك

وايد عليهم اهوووو ينصدم اقوووله اصلااا محد محليك غيري

ومافي بنت تدلعج وتحبك نفسي لانك اصلا انخلقت حقي

واصلا هالبنات موجودين قبل الزواج لي مارحت لهم واخترتني

ماغيييير انا مسكته واغطي علييييهم كلهم هههههه اهني ماقام يقدر يرد ههههه

وعقب كله اقول امبيه انت مو حلوو اخاف بناتي يطلعون مو حلوين ابتلش فيهم

لوو صبيان عادي اهم شي البنات لا يطلعون عليك والا محد بياخذهم

اهو يقول ليش عيوني موحلوه خشمي مو حلوو شكلي اقووول الحمدلله والشكر مافيك ذرت حلاا


لوووووول والصج قام يشك برووووحج لوووووووووول

وقام يسال انا صج مو حلوو انا صج مو عاجبج؟؟؟

اقوله انت مو حلوو صح بس عاجبني ونص

اصلا انت بعيوني احلى رياااال

مافي احلى ولا اجمل منك انت حبيبي

وكافي حبك لي مخليني ما اتنزل واطالع غيرج انت وبس فدييييييته

اهووووو حده يتشقق اهني لوووووووووووووووووووووول

بس طبعا اللي انا سويته مع ريلي مو كل وحده تسويه

على حسب الزوج يتقبل او لا

وعلى حسب شخصيته ونوعيه العلاقه بينكم مو تخربوونها

بس اني اعطي مثال وكل وحده تطبق على حسب شخصيه وطبيعت زوووجها :)


مممممممممممممممممممممممممم


وحاليا وقفت الافكار والامثله :)

واي شي اذكره بقوله لكم

وبناااات كل النقااااط اللي قلتها تدور حول شي وااااااحد واهو عدك المبااااالغه كل شي بالعقل زين

كل شي زايد بينقلب عليييييج

واهم شي الثقه بنفسج وبشخصيتج وجمالج

حتى لو ماكنتي جميله زوجج بيشوفج جميلت الجميلااااات

كل وحده تاخذ اللي يفيدها وتحسه انه هذا اللي بيفيدها

يالله عاد ابي ردودكم ونقاشاتكم

ومنها يمكن اذكر نقاط ثاااانيه


والله يوفقكم يارب

دعواااااتكم .....


 
السلام عليكم

عايبني الموضوع

كيف ما قولتي ما في فايد ما خليت ما سويت

ما في امل سلمت امري لله
​
 
كل الي قلتيه سويته من قبل و اكتر بعد

ما ضن انو زوجي بيتغير فيوم من الايام
 
يا ريت ما تتسرعي وتكتبي لنا شوية شوية لان الكثرة تمل القراءة
 
والله يابنات حيرتوووووني :(

بنات يقولون مانبي تقطيع وبنات يقولون شوي شوي :(

عموما بالنتظااار النقااااش وحياكم الكلام

هذا نتائج خبرتي محتاجه ردودكم وتفاعلكم ونقاشكم عشان اعدل على خبرتي

وافيدكم وتفيدوني ياااريت .....
 
نحن نقصد ان تكتبي نقطة نقطة للنقاش وتكون الردود لتلك النقطة ثم الانتقال لنقطة ثانية
وعدم التقطيع القصد ان تكتبي وتتناقشي مع البنات في نفس اليوم ما تكتبي نقطة وهاك يا سييل الردووووود الي 10 صفحات لمدة اربعة خمسة ايام ثم فجأة تطلي وتقولي اعذروني تأخرت
 
مشكورة اختي على موضوعك الاكثر من رائع والله لما قريت موضوعك كاني اطالع حالي لان انا نفسج اسوي بزوجي هالاشياء واتعامل معاه بهالطريقه اسقي الحب والحنان والاهتمام على جرعات واخلي دومه ولهان عليه وعلى وجودي معاه يارب التوفيق للجميع
 
حبيبتى ياريت نتكتبين لنا النصائح وان شاء الله كل وحده تستفيد
(( بس ياااااااااريت بدون تقطيع))
وان شاء الله يكون فى ميزان حسناتك ياااارب



​
 
ملكة عرشي

طيب مع النقاش بتطلع نصايح ثانيه

لكن وين ردك ونقاشك ؟؟؟؟ النقاط محدده وبينهم خطوووط

اقري نقطه نقطه ونتشارك ونتناقش فيه

بانتظارك

هاله المسافر

العفوووو حبيبتي :)

والله يتمم عليج ياربي

غير كل الورد


كتبته في الصفحه الثاني اول شي من غير تقطيع

ياريت تقرينه

وتقولين لنا رااايج :)


حياكم الله حبيباتي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل