سوف انتقل لمنزلي الجديد بماذا تنصحنني؟؟** تم الرد**

[^.^lamaaar^.^]

السلام عليكم ورحمة الله وبركاتة
بنات بعد فتره سوف انتقل لمنزلي الجديد مستقل عن منزل العيله
وحابه تساعدوني بالاشياء التي احتاجها البسيطه قبل المهمه
وفي لافكار الجديدة وبالمسات البسيطه
مع العلم ان منزلي يتكون من مجلس حريم
ومجلس مفتوح على الصاله
وصاله
ومطبخ
وغرفه نوم
وغرفه بنتي
وغرفه اولادي الاربعه مساحتها 8في 7 كبيرره يعض الشي
بس فصلت دولاب طوله 8 امتار وعرضه مترين ونصف ليشبه المخزن اضع فيه المكانس وملابس الشتاء وهكذا
مع العلم اني الشهر الجاي سوف ابداء بتأثيث المنزل قبل سفري مره اخرى لاجراء عمليه جراحيه لولدي وأسأل الله العظيم رب العرش ان يجعله منزل مبارك
تكفون ساعدوني ولاتفشلوني مع خوات زوجي كلهن مدرسات وراعيات كشخات

 

[همي أكبر مني]

هل انتي حاطه في بالج بتأثثين الغرف كلها مره وحده ...

اهم شي في البيت كله المكيفات والصبغ والستاير ...

بعدين عندج غرف النوم اذا كان فيها كبت مفصل يبيلج بس سرير وتسريحه ...
والصاله يبيلج طقم وطاولات وسجاد اذا كنتي حاطه سيراميك ..
والطاولات الصغار حق التقديم وصواني حلووووه ...
وزباله من لايف ستايل
ومن هوم سنتر اخذي كوكلشن الحمامات ومع الزباله مع كل حاجه
وفصلي تغطيه للسرير نفس حركه الفنادق تحطينها فوق الكفر عشان يصير طقم .. تحطينه وقت لين بيجونج ضيوف ...

 

[^.^lamaaar^.^]

مشكوره اختي همي اكبر مني
البيت كله سراميك
والجدران تعتيق
وايه كله راح افرشه مره وحده
وماعليش طولت بخصوص الاواني المنزليه كيف
وين افصل مفرش السرير

 

[شموع وورد]

مشاء الله الاخت ماقصرت بخصوص الاواني المنزليه اشتري طقم السفره وطقم قدور وطقم لاستقبال الضيووف ولاشياء الضرووريه والباقي شوي شوي تقضيه

 

[^.^lamaaar^.^]

شموع وورد
شكرا على مرورك
يعني تنصحنني اشتري الاشياء الضروريه ولا اكثر

 

[شموع وورد]

العفو\\اهم شي الاشياء الضروريه اذا ميزانيتك مااتسمح الاشياء الثانيه شوي شوي يعني على وررى

 

[السر المكنون]

أول شي الله يشفي ولدك ويسهل عمليته ويقوم لكم بالسلامه وتفرحين بسلامته ... اللهم آمين
ثاني شي ان شاءالله ماتتفشلين مع خوات زوجك حتى لو هم مصصمات ديكور
أما للأشياء المهمه الأخوات اللي سبقوني ماقصرو معاج وحبيت أضيف عليهم بحكم توني مأثثه شقتي الجديدة فبحاول أعطيك بعض من الأشياء اللي عملتها
أول شي أثثت غرفة بناتي من ورق جدران وبعدين الأثاث كامل وطولت على لما حصلت على أثاثهم لأني كنت أبغى شي معين وبعد كذا الموكيت عبارة عن قطع صغيرة منفصلة ومن أكثر من محل أما ستارتهم استوحيت فكرتها من ورق الجدران وكثير طلعت الغرفة حلوة واعجبت بناتي
وبعد كذا أثثت غرفتي وهي تجميع من أكثر من محل وشي جاهز وشي عمولة وكل الأثاث باللون الأبيض (خزانة الملابس أخذتها من إيكيا ويكون على شكل زاوية) (السرير عمولة من جلد أبيض) (الستاره مشجرة أبيض بأبيض من إيكيا) (الشفونيرة والكوميدينو أبيض من إيكيا) والموكيت ملون لأني أحب التغيير علشان كذا أثاني أبيض
وللأمانة معطي وسع للمكان
والشكل العام نفس فكرة الصورة

وبعد كذا الصاله أول شي شريت الموكيت لأنه عجبني ألوان ونقشة معينه وعلى أساسها عملت الكنب وستايل الستارة
وطبعا المطبخ عندي جاهز من صاحب المنزل بحكم شقه ايجار
وسلامتج وتعيشين​

 

[^.^lamaaar^.^]

السر المكنون
مشكوره ياعمري
يعطيك العافيه ماقصرتي
اعطيتني افكار كانت مش بالي وخاصه اللون الابيض يعطي اتساع في المكان
انا بيتي شقهلكن كبيره شوي وغرفها واسعه
بس انا متعوده على البيت الكبير والحوش علشان كذا احب الوساع

 

[السر المكنون]

السر المكنون
مشكوره ياعمري
يعطيك العافيه ماقصرتي
اعطيتني افكار كانت مش بالي وخاصه اللون الابيض يعطي اتساع في المكان
انا بيتي شقهلكن كبيره شوي وغرفها واسعه
بس انا متعوده على البيت الكبير والحوش علشان كذا احب الوساع

الله يعافيج ويخليج ياقلبي
العفو حبيبتي ماسوينا إلا الواجب مع حبايب قلبي لج ولكل البلقيسيات
ونصيحتي لك لاتشترين أشياء كثيرة إلا لما تستقرين ... صارلي شهر من سكنت شقتي وكل يوم تطلع لي أشياء أحتاجها مهمة كثير من اللي حاطتها في بالي ودايما أحط ورقة وقلم بجنطتي وأكتب الأشياء باسم المحل يعني أشياء محتاجتها مثلا من إيكيا بحكم الكتالوج موجود عندي ونفس الشي مع باقي المحلات لأنك لما تستقرين تظهر النواقص خصوصا الإكسسوارت والأشياء التكميلية
والله يوفقج حبيبتي ويسهل عليك ان شاء الله لأنك محتاجه وقت وميزانية​