والله حبييتكم كنت اتحرى بس انا ريلي جي بخبركم الصفات اللي مب زينةمع امثلة وتايدوني ولا لا
1-مب مرتب يرمي ملابسة كل مكان الشامبو ما يسكر غطاتة زين لما يدخل المطبخ يخيسة اخر تخييس لوبيسوي كوفي بس مكتبة مب مرتب الاوراق المهمة يحطها باماكن غير طبيعية؟؟
2-الغيرة الزايدة عن اللزوم يعني قبل ما كنت اتنقب الحين لازم واحس اني بختنق وما يخليني اتغشى بعد واذا لابسة بنطلون لازم البس فوقة تنورة قبل العباية والله اني حاطة تنورة خاصة حق الطلعات
3-كل شي عندة يضحك نكت وغباء ما شي جدية
4- ما يستحي يعني .. قدام الناس يعني في السوق يحط ايدة حولين خصري جنة يحضني تخيلو منقبة وجدام الخلق واذا كنا في المصعد بروحنايسوي عجايب اقولة تخيل في كيمرا.. ويردد كلمات غبية مع العيال جنة ياهل بصوت عالي والناس يطالعونه وجنة عادي وانا ويهيي احمررر
هاي الاشياء الربعة ماذيتني في حياتي ما ادري كيف اغيرة اما باقي الاشياء الزينة فيهم وااايد الحمد الله
نسيت اخبركم انه انا شمالية شرقية وهو جنوبي شرقي
