سوالف النفاس

[سوسو المملوحه]

صباح ومساء الورد
بنات هالموضوع اتمنى مايتقفل ولاينقل لقسم ثاني بما انا لنا 9 اشهر معكم بهالقسم ومتعودين عليكم للحين ماتهئينا نفسين نغيره او نفارقه

نبي ندردش ونسولف عن هالفتره ومعنتنا وفرحتنا واحاسيسنا ووووالخ

​

 

[سوسو المملوحه]

بنات بنتي عمرها 26 يوم
وترضع من صدري ومن الحليب الصناعي وحليبها رونالاك
بس سارلها اسبوع ترضعه من هنا وترجعه مايقعد ربع ساعه في بطنها
وحليب صدري له 5 ايام ماعد يطلع الا حول سانتي واحد بس
يعني في اليوم كله قطره ماتسمن ولاتغني من جوع
الحمدلله ماعندها اسهال ولا امساك
بس الغريب انها من عمرها 4 ايام لليوم بس تتزحر وتصير حمرا طول الوقت وهي تتزحر معدا في وقت الرضعه
اما الغازات احسها كثيره

من جربت حليب رونالاك واذا هو سبب تزحرها والاستفراغ
واذا فيه اي عيوب ياليت تذكرونها
والله قلبي منقطع عليها نتفه ماكبرت ​

 

[سوسو المملوحه]

17 وحده ولاوحده فيكم ردت ع الاقل ادعو لبنتي بالصحه والعافيه
ياربي منكم معد فيه تفاعل
وين بلقيس قبل (فيس يصيح )​

 

[فجر..]

طبيعي في هذي فتره النفاس يجي المولود امساااك
غيري الحليب اوجربي اعطيها مويه وسوائل يانسون شاي اطفال على الريق مو بس على الحليب
الله يحفظها من كل شر ويشفيها يارب

 

[قلب يحيا بالأمل]

الله يعينك ياقلبي
انا بنوتتي عمرها 3ايام ودوبها اللي اتعلمت على حكاية المص والبلع بس مشكلتي معاها انها لمن احطها على صدري تنااااااام
حاولت معاها ومافي فايدة ودحين صدري بدأ يوجعني وماابغاها تتعود على الصناعي كتير وماني عارفتلها بديت اغلب معاها
سوسو انتي كيفك دحين وكيف جرح خياطتك؟
لاني انا برضو ولدت قيصري
فحابة اعرف منك شو عملتي وشو سويتي؟
بإنتظار ردك

 

[آنوثه متمرده]

الله يبارك ف عيالكم ويسعدهم ويخليهم لكم ويحفظهم من كل شر وعين حاسد

 

[يفداني بقلبه]

اسدحيها على بطنها بحضنك عشان ترتاح من الغازات
الله يعين هافترة الطفل يتعب كثير
بالنسبه لصدرك اشربي حلبة او حليب بالحلبة
اكثر من اكل الرهش
يكثر الحليب ويدره ان شاء الله
حليب الام والرضاعة الطبيعية مفيدة لك انتي اكثر من طفلك

 

[الاصايل وبس]

الدكتوره قالت لي الطفل لين يكمل شهرين ما تعطينه كمون او يانسون ابدا اعطيه علاج من الصيدلي

 

[.PRADA.]

//

اهلين سوسو كيفها نواري ان شاء الله حلوة وعاقله ماتتعبك ^_*

قلبو اتوقع ان الحاله اللي تجيها بسبب المغص حاولي تنومينها على بطنها من فترة لفترة , واكيد عندك الماما ماراح تقصر وتنصحك افضل من نصايحنا ​

 

[أم الهام]

ماتشوف شر يارب

 

[سوسو المملوحه]

فجر يسعدك ربي ع الرد
قلب يحيا بالامل الف مبرررررررررررررررروك البيبي تتربى بعزكم
تعالي افضفض لك مو بس اعلمك
اول شي من ناحية الجرح والالم بصراحه معاناة اولاسبوع بس من رابع يوم شديت على نفسي حاولت امشي بس مو كثير طبعا والحمدلله مع المشي خفيت بسرعه بفضل الله يعني ع 14 يوم رجعت مثل قبل وخف الالم بنسبة 80%

الجرح الحمدلله تمام ماحس باي مشاكل طبعا انا خياطي كبس تجميلي مو مبين شي
اول 11يوم كان مغطى الجرح بالبلاستك حق المستشفى واتسبح طبيعي بس بعدها رحت فكيتته وقالت الدكتوره عادي اقدر اخذ الشور من دون مشاكل بس ماطول بالمويه يعني شور سريع مو اكثر
ومن ناحية الرضاعه المسي اذنها من ورا بتقوم او المسي مكان يكون نقطة ضعف فيها
بنتي مارضعت من صدري مباشره لازم احطه لها بالرضاعه
من ناحية الاكل اكلي كله بر ومرق لحم وسمن وعسل الحمدلله ماحس بغازات ولاغيرها لان الغازات بتتعبك وبتاثر على العمليه
وتمر معبوط بالسمن والرشاد والحبه السودا مررررررررررررررررره زين للامساك اللي يجي بعد العمليه ووينظف البطن بنفس الوقت خلي الوالده او الخوات يسونه لك الحبه كبر غطا الفيفادول وكلي 3 حبات او 4 باليوم طبعا التمر المعبوط بس بالعشرين الاولى

اما شربي الصباح اخذ ملعقه حلبه مطحونه مع مويه او مع حليب او مع قشر لاني ماقدرت اسفها بس د جابر القحطاني يقول افضل شي تسف مع كاس مويه
واخلي الشغاله تسوي لي قشر تطبخ معه 10 او 7 حبات تمر وشمر وزنجبيل وقرفه وتحطه بترمس وتسوي ترمس ثاني حليب بالزنجبيل
واذا جا المغرب تسوي مره ثانيه نفس الترامس
ماخربطت كثير والحمدلله مرتاحه وترى هذا النظام حق جابرالقحطاني مو نظام حريم كل وحده تتفلسف من راسها اقصد المشروبات لحالها اما الاكل لا نظام الوالده ومعروف البر والسمن والعسل مافي مثله

اما النوم ودعيه انواع الازعاج مابين البيبي والاهل والضيوف والله قمة الارهاق الله يكون بعونا
واي سوال ثاني من عيوني
​

 

[سوسو المملوحه]

انوثه الله يبارك بعمرك ويسعدك ويخلي لك كل من يعز عليك

يفداني بقلبه الله يجزاك الجنه على هالمعلومات بس وشو الرهش

الاصايل امس كنت عند الدكتور وقالي لي انه عادي لو اعطي البيبي كم رضعه يانسون باليوم مايضر بالعكس يهدي

برادا تعالي خذي نوني ويعطيك معها 3 ريال هديه مززززززززززززززززززززززعجه وطقاعه وعنيده وعصبيه هذا وهي مابعد فقست
والله جد الامومه معانه بكره لاودتي بالسلامه بتجرين شي ماقد خطر على بالك
الله يفرحنا فيك وبالعسوله او العسول حقك

والله يخلي لنا امهاتنا من دونهم نضيع ​