سمعوني ؟؟؟

ن

نوفا_المملوحه

New member
إنضم
2010/10/03
المشاركات
80
مساء الخير بنااات ... اشلونكم شخباركم ... أول شي حبيت اكتب هالموضوع من باب الفضفضه ... ودي اتكلم بس مالي الا هالمنتدى اللي اقدر اقول مشاكلي الخاصه ... اتمنى اني القى اذان صاغيه تحس باللي فيني ...
أنا الحين حامل بالشهر الثامن و يعتبر اول حمله لي من زواجي اللي دامت علاقتنا سنتين وان شاء الله ماشين بالثالثه و عسى ربي يتمم علينااا.. و طبعا حمالي من نوع اللي يسمونه الغزلاني الدروه تيلي كل شهر ...طبعاا علاقتي الجنسيه مع زوجي قلت من هالسبب ... لان من بعد ما ينزل الدم ايي وراه بقع بنيه فما اقدر انام مع زوجي .. و في الوقت نفسه انا من عقب ما دخلت المستشفى في الشهر السادس تبين اني مفتوحه واحد سانتي قبل ما ادخل المستشفى كنت نايمه مع زوجي قبل دخولي بيوم ... هالشي سببه صدمه و حس بتأنيب الضمير فعقبهااا بدت عند اهلي وهو يزورني من فتره لي فتره ... اموري استقرت في بدايه الشهر الثامن قررت اني ارد لزوجي و كنت ابي امارس مع الجنس بس هو في البدايه رافض هالشي ( من باب يخاف علي و على اللي في رحمي) اصريت و يبت ادله و اكلمه ... ووافق بس لما صار هالشي الانتصاب ماصار هو حس بضيقه الخلق وانا كنت اقوله "السبب انك انصدمت من البدايه من اللي صار فيني" و حاول كذا مره ماكو فايده وقفنااا ... بعدين رديت ابات عند اهلي ( سبب نومي عند اهلي هو ان شقتي في بيت اهل ريلي و اهي في الدور الثالث و لا اصعد بالسلالم وهالشي يتعبني واايد) طرش لي مسج البارحه انه متضايق من اللي صار ... انا حسيت بتأنيب الضمير لاني كنت لحوحه معاي فالشي اللي احاتيه انه هل يبرد من بعد ما اطلع من النفاس ؟؟؟ والا راح يرد زوجي اللي ابيه ؟؟؟ مرات اقعد استغفر ربي و الله ندامه لاني طلبت هالشي منه ... و سلامتكم يا بنااات طالبه دعائكم لي ...​
 
لا ياختي لاتحاتين ماراح يبرد بعد النفاس لكن تكونين نزلتي الحمال
والحمال هو اللي مخوفه وخلاه يبرد
ان شالله تولدين وتردون بشوق اكثر من اول
 
الله يقومك بالسلامة ,لا تستعجلي الزوج في الحمل الاول يكون متوتر واذا صار مشاكل في الحمل يتوتر زيادة وهذا ياثر عليه ,انتي خلاص هانت ما بقى الافترة بسيطة وتولدي باذن الرحمن ,انتي هوني عليه بالكلام الحلو ووالتكشخ والجلسات الهادية الفرحه بعيد عن مشاكل الحمل والاشياء الاخرى,بما انك عند اهلك اكشخي واطلعي وياه المطاعم اواي مكان ترتاحو فيه .
 
اللي صار طبيعي خوفه عليك خلاه كذا ان شالله بعد الولاده المياه بتعود لمجاريها
 
قولي له كل هذا حب لولدك ما شاء الله :)

وتكلمي معه ببساطه عشان حتى هو ما يحس بنقص ..

وفعلا ترى مع كثرة الجماع ينفتح الرحم ..

الله يقومك بالسلامة يارب ..
 
الله يقومج بالسلامه يارب وتردون عقب الولاده احسن من اول....
 
لا تخافي انشاالله مايصير الا كل خير والله يقومج بالسلامه وبعد الولاده تردون احسن من قبل الحين بس علشان بطنك والجنين موتره لايصير فيه شي بس بعد الولاده والنفاس ترد الامور مثل اول واحسن
 
لاتخافى ياغالية هويخاف عليك وعلى اللى فى بطنك الله يسعدكم
 
شيء طبيعي وان شاء الله بعد النفاس كلشي زين


انا الصراحة استغرب للي يقولون انه يتواجد معاهن ريايلهم وقت الولادة شلوووووووووون ماتبون يعيفون؟؟؟؟؟؟
 
الله يسمع منكم ... صج والله حسيت اني بين خواتي :)
حبيباتي والله حسستوني بالامان من بعد ما كنت مضطربه و ماني عارفه اقول لمنو ...؟ بس والله عسى ربي يرزقكم راحه البال و الطمأنينه بقلبكم :*
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل