سمعت كلامكم وطنشت بس مازالت لازقه امه عندي

[ايفوريا]

لا حول ولاقوة الا بالله
ماتوصل تدخل غرفة نومك تنام
ومدام زوجك عارف ان امه غلطانه خلاص
هو رح يحاول يصلح الموضوع
بس اللي اكتشفته زوجك مايقدر يقول لامه لا
بس الله يعينك
ماادري ماعندي طريقه عشان تقولولها تخرج من حياتكم ههههه

 

[ام عبدالله7]

امي ولدها الوحيد بس والله ماتتمناه تستثقل بروحها حتى يوم تمرض الله يعينك

 

[ام لاااااانا]

الله يفرج كربتك آآآآآآآآآآآمين

 

[ترايفل]

الله يكون بعونك

 

[ام اسارين]

اعانك الله شوفي حبيبتي روحي لبيتك واذا دخلت تنام عندك خليها بس انتي لاتطلعين من غرفتك ادري انوصعبه ولاتلبسي لبس مشخلع خليك بنوته حلوه مصيره بتمل وخلي نفسك حلوه ادري كلامي صصصصصصعب بس اقول جربي يمكن تمل وتتركم بحالكم لان الطلاق صعب مره ولوتكلمين الشيخ المقبل يراه يحل المشاكل الاسريه

 

[تلميذة مريم]

شوفي اذا تبغين رأي عقلاني تسامحي مع امه فمثلاً ردك لما قال بأجيب أمي يؤل في مجتمعنا بإنه قل خشمه يعني مهما كان الاستضافه ونومه امه طبيعيه .. وردت فعلك مو زينه بحقك اذكر خطيي السابق مطلق وذكر من المواقف اللي خلته يكره زوجته هي انه ضيف جاه وكان بينام عنده وقال له : ( وش يبي هذا بينام ) يقول : ( تضايقت واخذت موقف منها ) وسبب شرخ في علاقتهم حتى تطورت المشاكل بينهم وطلقها فلاتتوقعين بعض المواقف بتمر عادي .

عموماً كلما كنتي عاقله وضبطيت اعصابك وشلتي التفكير القديم والحشو ضد الخاله وتصرفتي معها كانها امك أو خالتك كلما انعكس عليها وعليك وكلما كسبت الله ونلتي احترام زوجك لكن اذا بتستمرين على هالاسلوب كلما تضايقتي من امه رميت كلام ماينقال ورحتي لأهلك ..يوم من الايام بيتطور الوضع بشكل ضد مصلحتك ! لان زوجك بيتعود وبيصير يطنشك وبيقول هذي على خرابيط تروح فيتعود ويتأقلم وبتصير روحتك لاهلك شيء عادي مو شيء كبير .وساعتها تندمين ! ولاتعولين على حبه واهتمامه ترى القلوب بيد الله ممكن ينقلب يوم من الايام وتصيرين بعيونه ولاشيء ويتذكر بإنك مسويه من أمه مشكله وأنه تعب معك ، فنصيحة كبري عقلك وداري امه مو عشانه عشان تكسبين اجر فيها وتذكري بإن الرسول عليه الصلاة والسلام بما معناه " ليس منا من لم يوقر كبيرنا " .

 

[خافيه غلاها]

يالبى قلبك ياعروسه
الله يعينك ياارب احس خالتك ملاحظه زعلك وتراها بتزيد
لكن لو تخلينها تطفش وتروح احسن
وبعدين هم مو قالو الين ينظف بيتها ؟؟ خلاص اكيد نظف

 

[ginger]

الله يكون بعونك
لازم تحطين النقط على الحروف لان حماتك تمادت وتعدت الحدود
لازم توقفينها عند حدها بهدوء وبدون مشاكل

وصراحه استغرب من بعض الاخوات اللي يقولون اعتبريها زي امك

امها مستحيل تنام بسريرك او تقل ادبها

بصراحه وضع حماتك غريب ومخيف يعني كل هذا خوف وغيرة منك على ولدها

كان مازوجته من الاساس دام هذه مشاعرها

وزوجك سلبي جداً فيه الف طريقه وطريقه عشان يحل مشكلة امه

بس اتوقع الوضع عاجبه ومايبي يزعل مامته

بس عندي سؤال هي تدري انك متضايقه من اللي قاعدة تسويه

وبعدين وش رأيها لما نامت بغرفتك وانتي رحتي لبيت اهلك

عادي عندها ولا لا ؟؟؟:35:

 

[perfume]

حبيبتي أنا أشوف انه اللي تسويه غلط
زوجج باين انه طيب وولد حلال ماشالله عليه بس راح اييج يوم انتي وزوجج وعيالكم راح يعاملوكم بنفس المعاملة اللي تعامليها لخالتج وبعدين حبيبتي احتسبي الأجر وخالتج مرا عودة وموب دايمة لكم على طول
عامليها مثل ما تحبي عيالكم انهم يعاملوكم بالمستقبل >>> رب ضارة نافعة ماتدرين يمكن هالشي راح يعود عليكم بالخير الكثير بالمستقبل ان شالله

 

[دفاانثى]

ياقلبي انت مندفعه ومتسرعة في افعالك وكلامك..
اذا هي عقلها صغير كبري عقلك انت.... المفروض ماطلعتي من بيتك,,ولاتكلمتي بهالكلام مع زوجك..
حبه حبه تزين الامور ,,,ودايما كبري عقلك وعامليها بمايرضي الله ترضى عنك غصب...وزوجك مايلام امه ياناس...لوامك قالت لك بنام في غرفتك وش بتكون ردت فعلك..

 

[الامومه]

حرام عليك زوجك ماشاء الله طيب احمدي ربك لسانه موطويل وتحملي الله يعينك

 

[تؤام روحي وقلبي]

الله يكون بعونك وهذي امه لازم تصبرين

 

[تلميذة مريم]

اتوقع هذي طريقتها من قبل لاتتزوجينه وصاير عندها وعند ولدها شيء عادي ..سؤال يطرح نفسه هل هذا ولدها الوحيد أو البكر ؟ وين زوجها ؟

 

[حلم احلامي]

اول شي ابغى ارد على الي قالت حرام الام تحضن ولدها...هيا عارفه نفسها بدون ذكر اسماء
انا اقولك لاتفتي من راسك من قالك انه حضن الولد لأمه حرام ..حضن شريف اتقي الله هذي امه
يعني ماحيفكر بالي انتي تفكري فيه انتو تفكيركم غير مهذب وتفكرو بس بأشياء وسخه
احسنو النيه لاتسيرو جهلاء مع انفسكم ................!!!!!!!!!!!!!!!!!!!!
ثانيا ياصاحبة الموضوع ترى هذي امه من قبل لا تجي انت على الدنيا
وابغى اقولك معلومه فكري فيها كثير ..حاولي انك انتي بنفسك تصلحي حياتك بذكاءك
او اتصلي على استشاريين يفدوكي بذكاء وعقل
لأنك لو جلسي تسوي الي يكتبوه بعض الردود ويحرشوكي ..وصار بحياتك شي وخسرتي زوجك لاسمح الله
وجيتي تكتبي مشكلتك محد حيرد عليكي كلهم حيفرو بجلدهم ..
محد حيفيدك إلا نفسك وانتي ادرى بزوجك وحياتك ومستقبلك..
اتمنى يدخلو موضوعك من هم كلامهم ذرر وحكمه وعقل(( الشتاء الدافئ او الجده الصغبره او دانه الشام}}

 

[درهـ رومانســيه]

حبيبتي:
أولا:أسألك بالله العظيم تراهـ سؤال باسم الله -سبحانه وتعالى-
وستحاسبين عليه بالصدق أوالكذب""

هل قصتك صحيحه؟؟؟؟؟

أناماأكذذذبك أبددلأني لاأعلم الغييييب""فقط أشك شك بصحة القصه""لعجبهاالتااااااام!!!!!!!!!

وإذاأجبتي أنك صادقه فسأصدقك لأن من حلف له بالله فليرضى""

وبإذن الله نساعدك وندعي لك..

وأتمنى ماتزعلين مني لأن برضواالقارىْ له حق أن يعلم الحق من الباطل حتى لانذهب أوقاتناهبائأمنثورا""

وبرضوا موكل الناس صادقين "اناماأقصدك"فيه ناس تألف وتكذب فلازم نتأكد""

أتمنى ماجرحتك غاليتي ولافي قلبي شيءعليك مثل ماقلت مجردتأكد"""
وعندحلفك سأصدقك"


موفقهـ حبيبتي....

 

[أعشقه بجنون]

الحمدلله على كل حال....
أختي علروسه أرجعي لزوجك وتعوذي الشيطان لايكبر بينكم وأقرئي سورة البقره بنية تحسين الحال.. عاملي زوجك بحب واقدير وتناقشي معها ترا والله يوضح أسباب وقوليله وش رايك انت وش تبيني اتخذ أسلوب ومن ناحية خالتك عادي عامليه بنفس اللي كان ببالك قبل لاتجيين صدقيني بتنحرج من أسلوبك وتفهم ودقي ع استشاريه زوجيه
وتعوذي الشيطان والله أن الشيطان بينكم وزوجك لاتخسرينه على مواضيع تصير مااااضي

 

[دانه n]

الله يهدي ام زوجك
صراحه الله يعينك لاني مجربه التدخل الي زي كذا بس انا ماهي امه لذالك قدرت اوقفهم بسرعه
بس انتي اشوي صعبه بس ان شاء الله تنحل بينكم

 

[سنجار]

بصراحة .زين الي صابر عليكي وانتي تعاملين امه كذا
ترى الدنيا دين وسلف

 

[رحماه ياربي]

ياحليلك وياحليل سالفتك
والله اني ما اتريق بس تصدقين هذي اول مشكله اقراها وانا مبسوطه
ومستمتعه
ياقلبي لاتفهمين قصدي غلط
بس والله ثم والله اضحك لانها ذكرتني بمسلسلات حياة الفهد وسعاد عبدالله الي قبل "خالـــتي قماشه" يالله ان شاءالله تتسنع مثل قماشه في اخر المسلسل تراها رضت على كناينها هههههههههههه

 

[algaleela]

بعض الردود مالها داعي وزر على اصحابها سبحان الله ؟؟؟؟ ناس عجيبه ..
شوفي يا عروسه اللي باين انك قووويه على عمتك وانك منتي سهله ..من زوجات الابناء اللي داخلات حرب ويفكرون ان الزوج ملك لها وحدها ...
لا يا حبيبتي انتي غلطانه انتي عرووووسه من المفروض تكسبين قلب زوجك وامه وخواته ...واكونين لامه البنت 5 ..في مليون طريقه وطريقه لكسبها مو بالطرق اللي انتي تسويها تنفرينها منك وتنفرين زوجك بعد ...كل شيء بالسياسه واللين ..
انا فاهمه انها فعلا تتدخل باشياء كثيييييره بس هي شايفه ان هذا الصح ..

انتي لو انك عديتيها حسبة امك ورتبتي لها غرفه او الصاله وكنستي الغبار وخليتيها تنام معززه مكرمه ما كان جت نامت عندك وتدرى زوجك رجاااال والله وماشاء الله عليه عارف ان الام ما يجي مثلها ابد لكن الزوجه في غيرها ثلاث اذا ما طلقها ويصير بدلها اربع ..ياحياتي لا تاخذك الفرحه بكلام البنات اللي يشجعونك على تخريب بيتك ترى كل وحده متكيه في بيتها وما درت عنك ولا اهتمت بك وبعضهم ما حلوا مشاكلهم عشان يحلون مشاكل وبعضهن عااااقات واتمنى من الله اي وحده تحرشك على ام زوجك يرجعها الله بها عاجل غير اجل ..
الام يا عروسه ما تعوض اسأليني الله يهديك لا تخربين بيتك وانتي باول حياتك وام زوجك احشميها وقدريها يابنتي الامهات عندهم 4 و 7 ابناء اولاد واذا زوجت واحد منهم تسوي اشياء من اللي تسويها عمتك خلى عمتك الله تعبت وربت وحدها وولدها الوحيد ..
بنتي الغاليه عرووووسه غيري اسلوبك تتغير حياتك ولا تنسين قاعده الام ما تتغير والزوجه تتغير الله يهديك ويعينك على السياسه والملاطفه لانها ما هي اسلوبك ..
فلازم تتعودين على ان حياتك بعد الزواج مو زي قبلها في تغيراااات كثيره اصبحتي ست بيت ومسؤوله عن نجاح حياتك الزوجيه بغض النظر عن معكراتها خليك ذكيه وشغلي مخك شويتين وفكري في كلامي حتى لو كرهتي ردي بس في الاخير لمصلحتك ابني بيتك طوبه طوبه وكوني حياتك باسلوب يجذب مو ينفر وما كان اللين في شيء الا زانه وما نزع منه الا شانه ..
اسأل الله ان يهديك ويهدي من يحرشك انه مجيب الدعاء