عيون بو سلطان
New member
- إنضم
- 2007/04/22
- المشاركات
- 226
مرحبا الغاليات
أنا شراتكم في معاناتي ويا ريلي واللي للأسف اكتشفت خيانته لي وصارت بيني وبينه مشكله أكثر من مره بسبة مسجات شفتها في تليفونه...... وللأسف ماكنت حكيمه في تصرفاتي وياه بالمره وهذا كان سبب المشاكل وسبب نفور بيني وبينه وماصرنا مثل قبل
من تزوجنا وهو طيب وحنون ويعاملني أحسن معامله ومايقصر وياي في شي ويدلعني واشوف الحب في عيونه عشان جيه كانت صدمتي قويه..... أنا مره وحده سرت حق الأستاذه ناعمه ولين الحين ماقدرت أكرر الزياره...... بس يوم شافت صورته قالتلي ريلج من النوع اللي يحب ينوع في الحريم مثل مايحب ينوع في الأكل..... وهالشي صح ريلي يحب يجرب كل أنواع الأكل ويجرب كل شي يديد
من زود ذكائي ماقدرت اغير من نفسي عشان اكون له أكثر من حرمه وزادت المشاكل بينا وأنا توني عروس
المشاكل هاذي صارلها تقريبا سنه من بدت وأنا جريب بكمل سنه ونص من عرست........ يعني عشت 6 شهور في سعاده وعشت سنه وأنا أعاني من الوساوس والشكوك واللي كان يزيد الطين بله إني كل مره كنت اشوف مسجات في تليفونه وأنا من النوع العصبي اللي ماقدر اتحمل او حتى اسكت وكل مره ندخل في مشكله بسبة هالموضوع
من فتره بالصدفه شفت برنامج في قناة دبي للداعية عمر عبد الكافي يقول فيه إن التجسس حرام بين الزوجين ومايجوز وإذا انعدمت الثقه بين الزوجين تكون الحياة صعبه ومستحيل الاستمرار فيها والواحد لازم يكون حكيم في تعامله في مثل هالمشاكل لأن كل هذا مدخل من مداخل الشيطان والشيطان أحسن شي عنده إنه يفرق بين الزوجين...... فكرت في كلامه واقنعت نفسي إن اللي اسويه غلط...... أي شي غلط هو يسويه بينه وبين ربه والله موجود وبياخذ حقي منه
بعدها بكم يوم شفت برنامج ثاني بالصدفه بعد (ماشوف التلفزيون وايد) اسمه "الصلح خير" على قناة اقرأ وهالبرنامج اسبوعي بس بصراحه ما اذكر أي يوم شفته بس كان الوقت بالليل...... هالبرنامج مخصص للمتزوجين ومشكلاتهم ويستقبلون اتصالات الناس ويردون عليهم ناس متخصصين في العلاقات الزوجيه وساعات ايبون مشايخ
المهم مره كانوا يايبين شيخ ووحده اتصلت تشتكي من خيانة زوجها وكان رده إن عليها بالدعاء والصبر واللجوء لله...... بصراحه جنه حد صفعني على ويهي...... قلت أنا ويني من هالكلام؟؟ أنا أعرفه زين بس كيف مايا في بالي؟؟ وذيج الساعه تأكدت إن الشيطان كان لاعب في عقلي عدل لدرجة إنه نساني الجأ لرب العالمين وخلاني اسير عند كل من هب ودب عشان اطلب النصيحه والعون في مشكلتي ويا ريلي
وتذكرت بعد شي كان دايما أخوي الله يذكره بالخير يقوله لي "البيت اللي تكثر فيه المعاصي ماتحل فيه البركه وتكثر فيه المشاكل" والمعاصي اللي كنا نسويها وايد للأسف منها مثلا تأخير الصلاة عن وقتها...... نرقد ساعات جنا أموات ومانحس بالوقت........ ساعات وقتي ضايع على أشياء تافهه ماتفيدني لا في ديني ولا في دنياي
من يومها مالمست تليفون ريلي مع إن الشيطان ساعات يوسوسلي عشان افتشه بس كنت امنع نفسي واستغفر ربي واقول بيني وبين نفسي كله لمرضاتك يا رب واتعوذ من إبليس....... صرت في كل في كل سجده ادعي ربي إن الله يهدي ريلي مب عشاني بس خوفا عليه من عقاب رب العالمين........ ودايما ادعي بهالدعاء "اللهم اهدني واهدي زوجي واجعلنا من أهل بيت صالحين" "اللهم سخر لي زوجي وضع حبي في قلبه" "اللهم استر عيوبه عني واستر عيوبي عنه" "اللهم جمله في عيني وجملني في عينه" "اللهم لا تجعل لزوجي حظا مع نساء غيري يا رب العالمين" "اللهم اغنه بحلالك عن حرامك واغنه بفضلك عمن سواك" وطبعا اقصد بالحلال نفسي :blush-anim-cl: والحرام البنات اللي يكلمهم :icon28:
صرت محافظه على قيام الليل أكثر من قبل وبصراحه أنا اهملت هالشي للأسف بسبب تعب الحمل....... بس الحين الحمد لله نظمت وقتي وجدولي عشان ارقد عدل واقوم نشيطه حق الصلاة....... صار كل همي إن الله يهدي ريلي ويجعله من عباده الصالحين لأن هالشي إذا صار بتحل البركه علينا إن شاء الله وبيترك كل شي حرام وغلط يالس يسويه...... صرت صدق أتمنى إنه يبتعد عن الحرام خوفا من رب العالمين مب خوف مني أنا لأن الجنه والنار مب بإيدي..... صرت إذا تضايقت من شي يسويه ريلي استغفر وسبحان الله من اييني ريلي يحب راسي وايدي ويحضني ويسمعني أحلى كلام :blush-anim-cl:
واكتشفت بعد إ ن الملل والفراغ سبب ثاني في الهم اللي أنا فيه...... ولأني فاضيه ماعندي شي اسويه غير إن إني اراقب هالريال واحرق أعصابي واوتر نفسي ونسيت إن في بطني ياهل أمانه عندي ولازم أحافظ على هالأمانه..... دخلت دورة مكياج وجريب بخلص منها وتعلمت منها وايد وصرت كل يوم اتفنن حق ريلي وهو مستانس...... الحين جريب بخلص من هالدورة وبدخل دورة كمبيوتر وبعدين دورة انجليزي لأني ناويه اكمل دراستي الجامعيه بعد ما اولد بالسلامه إن شاء الله
كنت أتمنى اسويلي مشروع لأني تخصصي إدارة أعمال بس الظروف ماتسمح للأسف..... بس لوقدرت ابدا لو بشي صغير على طول بسويه...... قبل ما احمل كنت بادية في حفظ القرآن وكنت مخططه هالسنه اخلص حفظ بس من حملت وأنا كسلانه وكله ابا ارقد...... بس قررت إني ابدا من يديد في هالشي وأتمنى إن الله يمن علي بحفظ كتابه الكريم قبل الولادة لأني اخاف انشغل ويا البيبي وماقدر اخلص حفظ
تذكرت شي ثاني....... وحده نصحتني بنصيحه نفعتني وايد...... جزاها الله الفردوس الأعلى....... قالتلي كل ماتمر عليج مشكله بينج وبين ريلج امسكي اعصابج واستغفري وادعي دايما بهالدعاء "اللهم دبرني فإني لا أحسن التدبير" وبصراحه هالدعاء مفعوله مثل السحر...... كل ما ادعي هالدعاء تحل السكينه على قلبي واهدى ولا كأنه في شي مستوي وأحس إني مطلعه اعصابي من الفريزر هههههههه
صارلي أكثر من شهر مداومه على هالشي وتعرفون شو النتيجه؟؟؟
قلتلكم إن علاقتنا ماصارت مثل قبل بسبب المشاكل واللي كنت أنا دايما ابداها لأن ماعندي حكمه ولا خبره في الحياة الزوجيه ولا كيفية التعامل في مثل هالمواقف ولأن محد نبهني أو حتى نصحني في هالشي..... صار ريلي يسهر للفجر ومايقعد وياي ويطنشني ومايهتم إنه يطلعني ولا يفكر يسألني إذا محتاجه شي أو ناقصني شي...... كانت تمر عليه أيام احسن عنه ماشي وأيام اصيح بسبته ليل ونهار
بس بعد مالجأت لربي تغير حالنا وايد...... بعدني ماوصلت للنتيجه اللي أباها بس بستمر لين ما احصل اللي اباه ومابرتاح إلا من اشوف ريلي مهتدي ومحافظ على صلاته ويتقي الله في تصرفاته إن شاء الله......... صار ريلي يرد البيت الساعه 10 وإذا تأخر مايكون أكثر من الساعه 12..... صار مهتم في صلاته أكثر....... صار كل شوي يتصل فيني عشان يطمن علي...... تمر أوقات مايتصل فيني إلا مره وهو برع البيت بس إن شاء الله هالشي بيتغير...... صار يطرشلي مسجات فيها كلام حب........ إذا اتصلبه يرد بسرعه وإذا مارد يرجع يتصل ويعتذر لأنه مارد عليه ويعطيني بوسه ويبند :blushing:
صار يهتم في طلباتي أكثر من قبل ومايحب يشوفني زعلانه ومستحيل يرقد قبل مايراضيني ويبوسني على راسي.... وإذا كنت تعبانه مايخليني قبل مايتأكد إني كلت عدل واييبلي الأكل عندي ويشل الصحون عني....... الحمد لله على كل شي....... ريلي وايد حنون بس أنا ماعرفت اتعامل وياه وخليته يبتعد عني
أشياء وايد تغيرت فيني أنا بعد...... صرت وايد أهدى وما اعصب بسرعه مع إني فلفل وبسرعه اولع :icon28: هههههه.... والأهم من هذا كله إني صرت مرتاحه نفسيا أكثر عن قبل...... أنا أدري إن ريلي بعده ماودر سوالف التليفون والبنات واحساسي مايخوني....... كنت كل ما احس إنه يالس يسوي شي ارفع ايدي وادعي واقول يا رب اهدي واصلحه وابعده عن الحرام والله كان يكرمني بالهدوء وسعة البال....... سبحان الله كيف تغيرت أحوالي
طبعا ما انكر فضل هالمنتدى على التغيرات اللي صارت في حياتي....... بالذات من الناحيه الجنسيه...... وكل يوم اتعلم شي يديد وغير اللي اتعلمه من المنتديات الثانيه....... وبعدني ابا اشوف ناعمه لأن في أشياء وايد ابا اتعلمها...... وناويه إن شاء الله اغير نفسي من كل النواحي وإذا الله كتبلي بشترك في دورات المنتدى عشان اتعلم كل شي احتاجه في حياتي عشان نفسي أولا وبعدين عشان ريلي
واسمحولي لأني طولت عليكم بس حبيت افيدكم بتجربتي
والله يسخر لكم أزواجكم ويجعلكم قرة عين لهم ويجعلهم قرة عين لكم
في أمان الله
أنا شراتكم في معاناتي ويا ريلي واللي للأسف اكتشفت خيانته لي وصارت بيني وبينه مشكله أكثر من مره بسبة مسجات شفتها في تليفونه...... وللأسف ماكنت حكيمه في تصرفاتي وياه بالمره وهذا كان سبب المشاكل وسبب نفور بيني وبينه وماصرنا مثل قبل
من تزوجنا وهو طيب وحنون ويعاملني أحسن معامله ومايقصر وياي في شي ويدلعني واشوف الحب في عيونه عشان جيه كانت صدمتي قويه..... أنا مره وحده سرت حق الأستاذه ناعمه ولين الحين ماقدرت أكرر الزياره...... بس يوم شافت صورته قالتلي ريلج من النوع اللي يحب ينوع في الحريم مثل مايحب ينوع في الأكل..... وهالشي صح ريلي يحب يجرب كل أنواع الأكل ويجرب كل شي يديد
من زود ذكائي ماقدرت اغير من نفسي عشان اكون له أكثر من حرمه وزادت المشاكل بينا وأنا توني عروس
المشاكل هاذي صارلها تقريبا سنه من بدت وأنا جريب بكمل سنه ونص من عرست........ يعني عشت 6 شهور في سعاده وعشت سنه وأنا أعاني من الوساوس والشكوك واللي كان يزيد الطين بله إني كل مره كنت اشوف مسجات في تليفونه وأنا من النوع العصبي اللي ماقدر اتحمل او حتى اسكت وكل مره ندخل في مشكله بسبة هالموضوع
من فتره بالصدفه شفت برنامج في قناة دبي للداعية عمر عبد الكافي يقول فيه إن التجسس حرام بين الزوجين ومايجوز وإذا انعدمت الثقه بين الزوجين تكون الحياة صعبه ومستحيل الاستمرار فيها والواحد لازم يكون حكيم في تعامله في مثل هالمشاكل لأن كل هذا مدخل من مداخل الشيطان والشيطان أحسن شي عنده إنه يفرق بين الزوجين...... فكرت في كلامه واقنعت نفسي إن اللي اسويه غلط...... أي شي غلط هو يسويه بينه وبين ربه والله موجود وبياخذ حقي منه
بعدها بكم يوم شفت برنامج ثاني بالصدفه بعد (ماشوف التلفزيون وايد) اسمه "الصلح خير" على قناة اقرأ وهالبرنامج اسبوعي بس بصراحه ما اذكر أي يوم شفته بس كان الوقت بالليل...... هالبرنامج مخصص للمتزوجين ومشكلاتهم ويستقبلون اتصالات الناس ويردون عليهم ناس متخصصين في العلاقات الزوجيه وساعات ايبون مشايخ
المهم مره كانوا يايبين شيخ ووحده اتصلت تشتكي من خيانة زوجها وكان رده إن عليها بالدعاء والصبر واللجوء لله...... بصراحه جنه حد صفعني على ويهي...... قلت أنا ويني من هالكلام؟؟ أنا أعرفه زين بس كيف مايا في بالي؟؟ وذيج الساعه تأكدت إن الشيطان كان لاعب في عقلي عدل لدرجة إنه نساني الجأ لرب العالمين وخلاني اسير عند كل من هب ودب عشان اطلب النصيحه والعون في مشكلتي ويا ريلي
وتذكرت بعد شي كان دايما أخوي الله يذكره بالخير يقوله لي "البيت اللي تكثر فيه المعاصي ماتحل فيه البركه وتكثر فيه المشاكل" والمعاصي اللي كنا نسويها وايد للأسف منها مثلا تأخير الصلاة عن وقتها...... نرقد ساعات جنا أموات ومانحس بالوقت........ ساعات وقتي ضايع على أشياء تافهه ماتفيدني لا في ديني ولا في دنياي
من يومها مالمست تليفون ريلي مع إن الشيطان ساعات يوسوسلي عشان افتشه بس كنت امنع نفسي واستغفر ربي واقول بيني وبين نفسي كله لمرضاتك يا رب واتعوذ من إبليس....... صرت في كل في كل سجده ادعي ربي إن الله يهدي ريلي مب عشاني بس خوفا عليه من عقاب رب العالمين........ ودايما ادعي بهالدعاء "اللهم اهدني واهدي زوجي واجعلنا من أهل بيت صالحين" "اللهم سخر لي زوجي وضع حبي في قلبه" "اللهم استر عيوبه عني واستر عيوبي عنه" "اللهم جمله في عيني وجملني في عينه" "اللهم لا تجعل لزوجي حظا مع نساء غيري يا رب العالمين" "اللهم اغنه بحلالك عن حرامك واغنه بفضلك عمن سواك" وطبعا اقصد بالحلال نفسي :blush-anim-cl: والحرام البنات اللي يكلمهم :icon28:
صرت محافظه على قيام الليل أكثر من قبل وبصراحه أنا اهملت هالشي للأسف بسبب تعب الحمل....... بس الحين الحمد لله نظمت وقتي وجدولي عشان ارقد عدل واقوم نشيطه حق الصلاة....... صار كل همي إن الله يهدي ريلي ويجعله من عباده الصالحين لأن هالشي إذا صار بتحل البركه علينا إن شاء الله وبيترك كل شي حرام وغلط يالس يسويه...... صرت صدق أتمنى إنه يبتعد عن الحرام خوفا من رب العالمين مب خوف مني أنا لأن الجنه والنار مب بإيدي..... صرت إذا تضايقت من شي يسويه ريلي استغفر وسبحان الله من اييني ريلي يحب راسي وايدي ويحضني ويسمعني أحلى كلام :blush-anim-cl:
واكتشفت بعد إ ن الملل والفراغ سبب ثاني في الهم اللي أنا فيه...... ولأني فاضيه ماعندي شي اسويه غير إن إني اراقب هالريال واحرق أعصابي واوتر نفسي ونسيت إن في بطني ياهل أمانه عندي ولازم أحافظ على هالأمانه..... دخلت دورة مكياج وجريب بخلص منها وتعلمت منها وايد وصرت كل يوم اتفنن حق ريلي وهو مستانس...... الحين جريب بخلص من هالدورة وبدخل دورة كمبيوتر وبعدين دورة انجليزي لأني ناويه اكمل دراستي الجامعيه بعد ما اولد بالسلامه إن شاء الله
كنت أتمنى اسويلي مشروع لأني تخصصي إدارة أعمال بس الظروف ماتسمح للأسف..... بس لوقدرت ابدا لو بشي صغير على طول بسويه...... قبل ما احمل كنت بادية في حفظ القرآن وكنت مخططه هالسنه اخلص حفظ بس من حملت وأنا كسلانه وكله ابا ارقد...... بس قررت إني ابدا من يديد في هالشي وأتمنى إن الله يمن علي بحفظ كتابه الكريم قبل الولادة لأني اخاف انشغل ويا البيبي وماقدر اخلص حفظ
تذكرت شي ثاني....... وحده نصحتني بنصيحه نفعتني وايد...... جزاها الله الفردوس الأعلى....... قالتلي كل ماتمر عليج مشكله بينج وبين ريلج امسكي اعصابج واستغفري وادعي دايما بهالدعاء "اللهم دبرني فإني لا أحسن التدبير" وبصراحه هالدعاء مفعوله مثل السحر...... كل ما ادعي هالدعاء تحل السكينه على قلبي واهدى ولا كأنه في شي مستوي وأحس إني مطلعه اعصابي من الفريزر هههههههه
صارلي أكثر من شهر مداومه على هالشي وتعرفون شو النتيجه؟؟؟
قلتلكم إن علاقتنا ماصارت مثل قبل بسبب المشاكل واللي كنت أنا دايما ابداها لأن ماعندي حكمه ولا خبره في الحياة الزوجيه ولا كيفية التعامل في مثل هالمواقف ولأن محد نبهني أو حتى نصحني في هالشي..... صار ريلي يسهر للفجر ومايقعد وياي ويطنشني ومايهتم إنه يطلعني ولا يفكر يسألني إذا محتاجه شي أو ناقصني شي...... كانت تمر عليه أيام احسن عنه ماشي وأيام اصيح بسبته ليل ونهار
بس بعد مالجأت لربي تغير حالنا وايد...... بعدني ماوصلت للنتيجه اللي أباها بس بستمر لين ما احصل اللي اباه ومابرتاح إلا من اشوف ريلي مهتدي ومحافظ على صلاته ويتقي الله في تصرفاته إن شاء الله......... صار ريلي يرد البيت الساعه 10 وإذا تأخر مايكون أكثر من الساعه 12..... صار مهتم في صلاته أكثر....... صار كل شوي يتصل فيني عشان يطمن علي...... تمر أوقات مايتصل فيني إلا مره وهو برع البيت بس إن شاء الله هالشي بيتغير...... صار يطرشلي مسجات فيها كلام حب........ إذا اتصلبه يرد بسرعه وإذا مارد يرجع يتصل ويعتذر لأنه مارد عليه ويعطيني بوسه ويبند :blushing:
صار يهتم في طلباتي أكثر من قبل ومايحب يشوفني زعلانه ومستحيل يرقد قبل مايراضيني ويبوسني على راسي.... وإذا كنت تعبانه مايخليني قبل مايتأكد إني كلت عدل واييبلي الأكل عندي ويشل الصحون عني....... الحمد لله على كل شي....... ريلي وايد حنون بس أنا ماعرفت اتعامل وياه وخليته يبتعد عني
أشياء وايد تغيرت فيني أنا بعد...... صرت وايد أهدى وما اعصب بسرعه مع إني فلفل وبسرعه اولع :icon28: هههههه.... والأهم من هذا كله إني صرت مرتاحه نفسيا أكثر عن قبل...... أنا أدري إن ريلي بعده ماودر سوالف التليفون والبنات واحساسي مايخوني....... كنت كل ما احس إنه يالس يسوي شي ارفع ايدي وادعي واقول يا رب اهدي واصلحه وابعده عن الحرام والله كان يكرمني بالهدوء وسعة البال....... سبحان الله كيف تغيرت أحوالي
طبعا ما انكر فضل هالمنتدى على التغيرات اللي صارت في حياتي....... بالذات من الناحيه الجنسيه...... وكل يوم اتعلم شي يديد وغير اللي اتعلمه من المنتديات الثانيه....... وبعدني ابا اشوف ناعمه لأن في أشياء وايد ابا اتعلمها...... وناويه إن شاء الله اغير نفسي من كل النواحي وإذا الله كتبلي بشترك في دورات المنتدى عشان اتعلم كل شي احتاجه في حياتي عشان نفسي أولا وبعدين عشان ريلي
واسمحولي لأني طولت عليكم بس حبيت افيدكم بتجربتي
والله يسخر لكم أزواجكم ويجعلكم قرة عين لهم ويجعلهم قرة عين لكم
في أمان الله
