سلفتي تذلني!!

  • بادئ الموضوع بادئ الموضوع غندورا
  • تاريخ البدء تاريخ البدء
مساء الخير اختي ممكن تذكرين بعض الكلام اللي تقوله لك ؟؟
 
صدق الدنيا مافيها خيييير ابد ...... وش اللي غثيث وثقيل دم وش ذا الكلام؟
صدق الاخوان اخوان الييين يجون الحريم ويفرقون بينهم اذا الاخو مايستقبل اخوه اجل مين يستقبل مين اعوذ بالله ....

بالنسبه لسلفتك خذيها على قد عقلها وانتي قومي بواجبات زوجك اي طلب له سويه انتي لاتنتظرينها تطبخ لكم وتنفخ لكم يعني قومي انتي واطبخي اذا كانت نايمه مثلا وتعاونو وراح تصير الامور تمام واذا على كلامها صارحيها وقولي لها انتي وش تقصدين بكلامك وليش تحاولين تستفزيني ولاتمسكين بقلبك شي بس بأسلوب

انا اخو زوجي وزوجته واطفاله اثنين جو عندي والله انهم كانو على قلبي زي العسل وبدون شغاله بعد وغير كذا والله ماكنت اقدر اكمل ساعتين نوم من كثر التعب ورغم كذا مايلقون مني الا الابتسامه والرضى وكنا نساعد بعض بالمطبخ وكاسره الحواجز بينهم .
ياجماعه ترى مايدوم الا المعروف
 
احساس انثى1 قال:
صدق الدنيا مافيها خيييير ابد ...... وش اللي غثيث وثقيل دم وش ذا الكلام؟

صدق الاخوان اخوان الييين يجون الحريم ويفرقون بينهم اذا الاخو مايستقبل اخوه اجل مين يستقبل مين اعوذ بالله ....
أنقر للتوسيع...

!!!!
تدرين ان اللزاقه هذي هي الي تفرق وتسوي مشاكل > الحرمه تقول من تسع سنين واحنا على هالحال ودام انها بدت تلمح خلاص اللبيب بالإشاره يفهم !! تسع سنوات الناس ظروفها تتغير ويصير لهم ظروف خاصه مايحبون احد يعرفها ويطلع عليها ...
 
بلسم مجروح قال:
بها الزمن قابلي الاسائه بالاسائه ماحد يستاهل الطيبه من جد والله وعن تجربه

لاتروحي مع زوجك احسن لك ..او عامليها زي مابتعاملك ماحد احسن من احد

هي عشان تشوفك ساكته تزودها دي الاشكال ماينفع معها الطيبه اصلا
أنقر للتوسيع...

ياحبيبتي الحرمه مضيقه عليها في بيتها صراحه ما الومها
يختي كل واحد يبي ياخذ راحته في بيته
 
يـــــأختي أنتي مخيره بيـــــــن


تلبية رغبة زوجك
وبيــــــــــــن كرامتك

بس لو منك مابرضى لنفسي الأهانه أبدا!!!!


وأفهمه
بأني مو ملزومه أقابل وحده ماتبيني في بيتها


ومعاها حق بيتها وبتاخذ راحتها فيه
وواضح أنو ضيق بدليل جلوسكم بمجلس الرجال
وكمااااان أسبوع أسبوعين مده طويله



لاتوافقيه خاصه أنو مقتدر
خليك مصره ع رأيك،،،،
تاخذي شقه،،،،وهو يروح لأمه لحد مايمل
 
تبين الصدق وربي سفتك ماتنلام وربي تطولوناها وش اسبوعين وجالسين عندها وربي مغثه بس اسمحيلي
انتى لو كنتي مكانها كان طفشتي من الحاله هاذي هي اللي مثل الخدامه عندكم تجلسين اسبوعين وهي تشتغل وتكرف
ولا بعد ماهي اخذه راحتها مع زوجها الله يهدي زوجك ويستحي على دمه وياخذ لكم شقه اسمحيلي اختى وربي بس حبيت انبهك انها ترى حتى هي تمل وتطفش مو غير انتى وهي ماقصدها تذلك والتمسي لها العذر وربي معذوره
وبعدين انتى تدلعي على زوجك وقولي نبي نعيش جوء مع بعض وانشاءالله ربي يهدي زوجك لك ويسخره لك
واتمني ماتزعلين من كلامي
 
الله يعينك الن لو في مكانك ما اجي مع زوجي حتى استأجر لي شقة وهو حر بس احس الرجال زي النون كلمية وني فوق راسة الين يرضى يعني شغلي الونان هادا مو حاسس بيكي احس شي انك تنذلي من اهل زوجتك وخاصة لو كانوا سلايفك الله يعينك ويبرك عليها
 
انا ابغى افهم يوم تكوني عندها طول الفتره انتي ضيفه والا تقومي تساعديها ؟؟؟
اذا كنتي ضيفه اسمحـــــــــــــــــــــــــــــــــلـــــــــــــــــــــــــــــــي...راح تسمعيييين اكثر من كذا المرات الجايه ...
اما اذا انتي تقومي وتساعديها وتطبخي وتحضري ومعها في كل شي ..تسمحـــــــــــــــــــــــلـــــــــــــــــي اقول عنها انها وقحه وقليله اصل وماتحترم ضوفها ....
وانتي حاولي مع زوجك بكل الطرق والله يكون في عونك
 
الله يسامحكم قلبتوا علي كأني راضيه بجلستي عندها اما الي تقولي كلميه برومنسيه واني ابي اعيش معه خصوصيه هو اااااخر مايفكر فيه رومنسيات وخرابيط اهم شي الزبده مايهمه شكليات
وبالنسبه لمساعدتها انا كنت بالبدايه احاول لكن الحرمه ماتبي عشان تعطي صوره لزوجها باني مطنشتها لكني لما ادخل المطبخ معها احس الحرمه مثل المقروصه وماتبيني امسك شي معها فكرهت دخلتي معها وقلت براحتها هذا غير انو اضيق على زوجها لان بيتهم صغير وغرفة نومهم قريبه من المطبخ يعني ضيييييق وشرحت لزوجي كم مره هالكلام قال ماعليك انتي منها وخليها تموت بس بالمقابل كرهتني بحياتي من كثر ماتعلق وهي هدفها نتهاوش وانا ماعطيها هالفرصه لاني ادري تبي تخرب بين الاخوان مثل ماخربت بين زوجها واخته وصارت ماتجي تشوف اخوها ببيته ابد بسببها وانا مابي اكون سبب بقطاعه الاخوان عشان وحده مريضه مثلها وقلتله هالكلام لكن يقول ماعليك منها طنشيها قلت ياادمي انا من لحم ودم واحس كرامتي تنداس وساكته
 
ونسيت اقولكم بالنسبه لنا كضيوف هي اصلا معاد تعبرنا ولو عندها مشوار او عزيمه وحنا بنجيها عاادي تطلع وحنا ندبر انفسنا لان محنا ضيوف ولو سوت اكل مو من الحريم الي تفنن اشكال والوان يعني معطيه عمرها الراحه الفطور تسويه الشغاله والغداء يكون مكان العشاء ويكون كبسه بسس بدون اي اضافات يعني مايجيها كرف ولو مالها نفس تطبخ جابو من برا
 
لا تروحي مع زوجك ..روحي لأهلك على طول ...قول له بكل حزم مني رايحة معك إلا زيارة بسيطة ما تزيد عن يوم واحد..وبعده أبغ اروح لأهلي ..تحججي قولي له ..أمي تعبانه وأبغى أروح لها..أو مشتاقة لأهلي..أبغ أروح لهم..
المهم قصري جلستك عند سلفتك..قدر الإماكن...
 
shed_no_tears قال:
لا تروحي مع زوجك ..روحي لأهلك على طول ...قول له بكل حزم مني رايحة معك إلا زيارة بسيطة ما تزيد عن يوم واحد..وبعده أبغ اروح لأهلي ..تحججي قولي له ..أمي تعبانه وأبغى أروح لها..أو مشتاقة لأهلي..أبغ أروح لهم..
المهم قصري جلستك عند سلفتك..قدر الإماكن...
أنقر للتوسيع...

الله يسعدك لو اهلي بالرياض كنت اكيد بجلس عندهم بس هم بعد سفر ثاني ومحد بيوديني لهم غيره فمجبوره اروح معاه مالي غيره لحد مايمل ويوديني لاهلي :8:
 
طيب يااختي اجلسي في بيت والدته مو لازم في بيت اخوه
مو انتم تقولوا جايين لزيارة امه
 
حبيبتي,, جبيها بطريقه ثانيه بدون عصبيه
وبدون نقاش حاااااد خلي الوضع بينكم اوك,,
وقولي له ترضاها علي كرامتي فوق كل شي
مواول مره تسوي لي هالامر واتغاضى عنه
كل مره تغثني باسلوبها,, وماعاد فيني اتحمل
قولي له بذمتك لو العكس وصار اخوي يعاملك
بهالطريقه شيكون ردة فعلك,, قولي لوها اختك على عيني
وراسي بس هاذي زوجة اخوك وبنت الناس ماراح تتحمل احد
ولوها تعرف الاصول وتكرم الضيف ماتخلينا كذامن دون ماتصلح اي شي,,وانا عارفه وضعك المادي ماعليه بعد لو ظروفك صعبه عذرتك هن قرشك ولاتهين نفسك والله الله بالدموع والتمسكن والله يعينك
على زوجك بسراحه غريب اللي اعرفه الواحد يبي ياخذراحته واهو مطنش الله يهديه
 
اتعبني هواك قال:
حبيبتي,, جبيها بطريقه ثانيه بدون عصبيه
وبدون نقاش حاااااد خلي الوضع بينكم اوك,,
وقولي له ترضاها علي كرامتي فوق كل شي
مواول مره تسوي لي هالامر واتغاضى عنه
كل مره تغثني باسلوبها,, وماعاد فيني اتحمل
قولي له بذمتك لو العكس وصار اخوي يعاملك
بهالطريقه شيكون ردة فعلك,, قولي لوها اختك على عيني
وراسي بس هاذي زوجة اخوك وبنت الناس ماراح تتحمل احد
ولوها تعرف الاصول وتكرم الضيف ماتخلينا كذامن دون ماتصلح اي شي,,وانا عارفه وضعك المادي ماعليه بعد لو ظروفك صعبه عذرتك هن قرشك ولاتهين نفسك والله الله بالدموع والتمسكن والله يعينك
على زوجك بسراحه غريب اللي اعرفه الواحد يبي ياخذراحته واهو مطنش الله يهديه
أنقر للتوسيع...
كل الي قلتيه سويته وبعد عرضت عليه اني انا ادفع اجار الشقه اذا مشكلته ماديه لكن مااااافيه احس الجدران تحس اكثر منه ومن ناحية راحته هو كذا مرتاح ماعنده مشكله
احس مشكلتي مالها حل من كثر ماهو معقدها :30:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل