بسم الله الرحمن الرحيم سيكون لنا عدة مواضيع من دروس الحياة الزوجية وفي الختام سيتم جمع كل الدروس في موضوع واااااااااااحد سنبدأ الدرس الأول سنتعامل مع أربع شخصيات ساره وزوجها محمد خلود وزوجها ياسر
ساره في المساء تكلمت مع أخت زوجها في التلفون وصار بينهم مشاده في الكلام وطول الليل وساره منغاضه من أخت زوجها وتجمعت في راسها كل السوالف المؤلمه اللي صارت لها من قبل مع أهل زوجها ومن زوجها وقاعده تفكر لو أنا متزوجه زي زوج فلااانه وإلا متزوجه واااااااحد ما عنده أهل وووووو لقى الشيطان مدخل على حياة سارة ومحمد وسارة هيه اللي فتحت هذا الباب للشيطان صحت في الصباح وجهزت فطور زوجها والأولاد وهيه منغاضه معبسه وجهها ع الأخر محمد لاحظها بس كان ساكت راح محمد للدوام ولمن رجع قال لساره جهزتي غدا وإلاباقي على طول سارة أنفجرت في وجه محمد لأنها مشحونه من البارح(تتريق أكيد مسويه غداء وأنا وش شغلتي غير إني خدامه لك ولعيالك وإلا أهلك إلي مو عاجبهم العجب ووو00 )تفاجاء محمد وسكت دخل ينام بدون ما يتغداء إزداد غضب سارة هذا رجال مستهتر مو مقدر إني طول الوقت اشتغل وأرتب له ولعياله وجاي بعد مستهتر يسألني مسويه غدا وإلا لا أكيد مسويه وأنا إيش اسوي غير إني زي الشغاله في هالبيت الجو الآن متوتر في بيت محمد وسارة
نروح لبيت خلود وياسر نفس الموقف صار لخلود لكن خلود توضت وصلت ركعتين الوتر قبل لا تنام وأستغفرت الله حتى هدأت نفسها ثم نامت في الصباح قامت بروح مملوءه بالطمأنينه توضت وصلت الفجر تكحلت وقلوس خفيف مع بلاشر وراحت تجهز الفطور ودعت زوجها وعيالها بروح الرضا رجع زوجها من الدوام وتغدى ونام وكانت مجهزه كل شي له حتى الغرفه مكيفتها قبل يجي عشان يحس إن الجو غير عندها وفي المساء جهزت للاولاد العابهم وتركتهم يلعبون وجلست مع ياسر بعد ما جهزت القهوه والشاي سولفت معاه سوالف خفيفه بعدين قالت ياسر أنا صار موقف مع أختك البارح وودي اقوله لك بس لا تفكر إني أبيك تتدخل بالموضوع أو اني أسيء لأحد من أهلك بالعكس بس أني أسولف لك بس عشان أرتاح ياسر: تفضلي شرحت خلود الموقف بهدوووء وقالت في الختام أنا ما كنت متوقعه إنو وداد تفهمني غلط كل اللي كان في نيتي الخير بس أنا ما عاد رديت لأنها عصبت قلت أخليها لين تهدى بعدين أكلمها ووأوضح لها نيتي الصادقه بكذا صار عند ياسر علم بالموضوع وكمان خلود تكلمت بإسلوب إنو كلنا بشر ويمكن نفهم بعض غلط بس لمن نهدا تنحل الأمور وتصير تمام بكذا بيت خلود وياسر تسكنه الطمأنينه والهدوء ...... إنتظروني في الدرس الثاني بموضوع جديد نسيم القلوب
محمد كان في السوبر ماركت يجيب أغراض البيت وصل البيت ونزل كل الأغراض اللي في السيارة سارة منهمكة في شغل المطبخ وكانت تنتظر الطماطم لمن فتشت الأغراض لقت إن محمد نساه طلعت لمحمد بالصالة وقالت محمد وين الطماطم محمد : ليش أنا ما جبت ؟ لا ما جبت وشلون أطبخ ألحين محمد: خلاص إذا طلعت بجيب معاية وهي رايحه للمطبخ تقول (...يالله يا محمد هذا ردك صدق إنك بارد إنت عارف إني موقفه شغلي أنتظر الطماطم ووو..... حضرت سارة الأكل بعد ساعة تقريبا ومحمد صامت حاس إن كل شي يسويه ما يبين بعين هالمرة أكل محمد بدون نفس ورجع يقلب في الجريدة اللي كان جايبها معاه ساره زعلانه من محمد المستهتر ومحمد زعلان من زوجته اللي ما تقدر تعبه طول اليوم وهو بالسوبر ماركت يشتري الأغراض ونزلها وبالأخير ما فيه كلمة شكر
نروح لبيت خلود وياسر
نفس االموقف ونفس الغرض اللي نساه محمد (الطماطم ) بس خلود كانت عامله حسابها لو مثلا نسى ياسر شي من الأغراض وطبخت الأكل لأنها قالت لياسر يجيب الأغراض قبل ينتهي كل شي الطماطم اللي موجود طبخت فيها الأكل وجهزت السلطه لم يبقى سوى حضور ياسر ياسرجاب أغراض البيت ونزلها من السياره أستقبلته خلود بإبتسامه رضى وأمتنان وباست ياسر وشكرت تعبه وجهده ولمن جت تفتش ع الطماطم ما كان فيه شي مومشكله خمس دقائق والأكل ع السفرة غداء طيب وأستقبال أطيب وشكر وإمتنان لياسر خلود راضيه ع ياسر لأنو ما قصر وجاب الأغراض ما عدا الطماطم إذا طلع بتذكره فيها وياسر مستانس لأنه عنده زوجه تقدر جهوده وتعبه معاها
سارة بالسوق تدور بالمحل اكثر من مرة ومحمد معاها ينتظرها تختار عشان يحاسب ويخلص بعدها طلعت سارة من المحل وما عجبها شي دخلت محل ثاني ونفس الشي وهكذا طلعت من المول بغرض واااحد وطلبت من محمد يوديها سوق ثاني محمد : أوكية بس ما تأخرينا نزلت سارة ونفس الشي ونفس الإسلوب وبالأخير طالعه بكيسه صغيره وطلبت من محمد يوديها سوق ثالث بحجه إن اللي بها السوق ما عجبها عصب محمد وقال : لا صار لنا أربع ساعات ندور في السوق وطالعة لي بهذا الكيستين الصغار ما جبتي شي للبيت ولا للأولاد ووووووأنا عندك زي الدريول وووووووو زعلت سارة ورجعوا البيت وهما زعلانين دخلت سارة غرفتها وما حضرت العشاء لزوجها ومحمد زعل من إسلوب سارة في السوق وكمان دخولها البيت وهيه زعلانه وما حضرت لو لقمة يا كلها لأنه في قرارة نفسه شايف إنو مو من حقها تزعل الكلام اللي قاله لمن عصب كله صح وغير كذا اربع ساعات راحت من وقته وحتى ما سمع منها كلمة شكرا ........!!!!
نروح لبيت خلود وياسر
خلود محدده كم سوق تبيه وعارفه الأغراض اللي هيه بحاجتها دخلت خلود المول ع طول أخذت عربيه ومسكها ياسر وقالت ليه إحنا نبي زيوت عطريه للفواحه أفضل ناخذها من بودي شوب أو من نكتار ع طول أختارت خلود اللي هيه تبيه عجبتها كريمات الصنفره أخذت العلب التستر جربتها عجبتها أخذتها ع طول وياسر قام يحاسب الأغراض طلعوا من المحل ياسر : وين ألحين محل العود نبي بخور للبيت دخلوا المحل أختارت البخور اللي عجبها وطلعوا شافت محل ملابس من أحد الماركات قالت لياسر هنا دخلوا ع طول دارت خلود بين الملابس وأختارت اللبس اللي عجبها لأنها أول ما تمسك اللبس تتخيل نفسها وهيه لابسته وتعرف ذوقها والإشياء اللي تناسبها طلعوا الطابق الثاني شافت خلود السوبر ماركت قالت فرصه نشتري كم غرض ناقصين البيت بسرعه أختارت اللي ناقص وحاسب ياسر وطلع طالعت الساعه باقي دقيقتين ع صلاة العشاء مرت خلود الكوفي وإشترت قهوه فرنسية وسينبون
وجلست هيه وياسر ع الطاوله يشربوا قهوه وياكلوا ع بال ما إنتهى الأذان وبدأت الإقامه وراحت خلود للمصلى توضي وتصلي خلصت رجعت ع ياسر عشان ياسر يروح المصلى يصلي كمان راح ياسر يصلي خلص الصلاة وطلعوا من السوق ركبوا السياره والأسواق الثانيه بدأت تفتح طلبت من ياسر تروح محل الأدوات المنزليه إشترت كم غرض ناقصه البيت وبعدها إشترت هيه وياسر عشاء ليهم وللأولاد ورجعوا البيت وهم مبسوطين ومخلصين تقريبا مو باقي إلا ملابس الأولاد بتخلي لهم يوم ثاني عشان راح يفسحوهم ويشتروا ليهم الأغراض اللي ناقصتهم خلود منظمه الوقت وعارفه إيش الأغراض اللي تبيها من السوق سريعه في الأختار لأنها ع طول تقرر وش اللي تبي وياسر سعيد لأنوا حس إنوا خلاص الأغراض اللي ناقصه إنتهت خاصة مع شكر خلود له
محمد كان متهاوش مع واحد من زملاءه في العمل دخل البيت وهوه متضايق مررررره حضرت سارة الغداء
وهم ع الغداء محمد بثقل : ليش الأكل ملحه ناقص سارة : أي ناقص ما شاء الله يهبل محمد : يعني أنا ما أعرف أذوق سارة : ما قلت كذا أنت اللي تقول عن نفسك لا تسوي لي سالفه محمد : ومنو سوالك سالفه أنا قاعد أتكلم معاك بهدوء سارة : هذا اللي أنت شاطر فيه تطلعني غلطانة وبس محمد : خلااااص بس فكينا من الهذره الزايده سارة : لا إله إلا الله صرت أنا الهذاره محمد قام وراح الغرفه وما كمل الغداء كان يبي ينام لكن ساره لحقته ما شاء الله هذا اللي إنت فالح فيه تطلعني غلطانه ومقصره محمد : مقصره طول عمرك مقصره ما تعرفين ولا تعلمتي السنع مع الحريم وبدأ محمد يسرد كل عيوب ساره بعصبيه ويزيد أشياء مو فيها بس ما يبي يطلع غلطان قدامها ( هذا طبع الرجال ) وسارة ترد عليه وتغالطه في كل كلمه يقولها وتقول إيه قولي الصدق تعرف لكِ وحده غيري وتبي تطلعني مقصره عشان الناس يعذرووونك لا حبيبي ............. دفها محمد ع السرير وطلع ولم يلتفت لبااااقي حديثها وسط ذهول الأولاد
في بيت خلود وياسر
يااااسر أيضا زعلان من هوشته مع زملاءه في العمل ودخل البيت كل شي مرتب ومريح حضرت خلود الغداء ولمن صاروا ع الأكل قال ليش ما لبستي الولد زين ( لأنه أكل شوكلاته وملى نفسه فيها ) خلود : تو ملابسه كانت نظيفه بس وسخها بالشوكلاته ياااااسر : مره ثانيه لاتعطينه شوكلاته بتخرب اسنانه خلود حست إن يااااسر معصب من شي لأن مو هذي عااادته لزمت الصمت ويااااسر كان معصب ما أكل زين ع طول قام وراح للغرفه ينام خلود لمت الأكل بعد ما أكلت الأولاد وراحت للغرفه لقت ياسر نايم وهو والنور مفتوح قفلت النور وسكرت الباب من إزعاج الأولاد بعد العصر كانت مجهزه الشاي والقهوه وحضرتها لياسر بصمت وياسر يتابع التي في في الدرس الخامس راح نتعلم وشلون يتصالحون وما الطريقه المثلى للصلح ردك ع زوجك أثناء غضبه سواء كنتي مخطئه أو غير مخطئه لأن النار ما تطفي النار الزمي الصمت والهدوء وتصرفي بحكمه ورويه لتحافظي على هدوء نفسك وأولادك لو أسترسل زوجك في نقدك وإظهارك بالمظهر السيء أماااام نفسك أنصرفي من المكان بهدوء وإنكسار
يسلمو لاكن تصرف خلود حلو لان زوجها متفهم لها بس لوكان مايرضى ع اهله ولاكلمه لو صغيره ايش راح تسوي ذي فا احس الانسب انها تمشي الموضوع مع هالشخص ولا كن شي صار احسن لانه راح يقلب السالفه عليها والا ايش رايك
الرد
قربك جنون تسلمين ع الرد أول مره وحده تناقشني وهذا اللي كنت أتمنى لكن بقولك إسلوب المره وهيه تقول لزوجها يخليه يا إما يوقف مع أهله يا إما يكون حيادي بس ما أتوقع إي زوج راح يوقف مع زوجته من منظوري أنا أنا زوجي جنوبي يعني يعشق أهله بشكل غييير عااااادي مع ذلك صار ليه موقف مع أخته نفس اللي حكيت بس أنا ما قلت له لين هوه سأل أخته جت زياره لبيت أهلها وأنا ما سلمت عليها ( لأنها موبس فهمتني غلط طولة لسانها ) قالي أختي جت سلمتي عليها قلت لا قال : ليش قلت : فيه سوء تفاهم نحله الأول بعدين بعزمها ع القهوه عندي قال : وشو هوه سوء التفاهم قلت : حكيت السالفه من الأول وتكلمت على إني تصرفت كل شي ع نياتي وفعلا هذا اللي كان بس تفاجأت إن (فلانه )-لاحظي فلانه مو أختك فيه فرق بين الكلمتين - فهمتني غلط وبدأت تقول كلام ماله داعي وسكت قلت أخليها تهدأ بعدين أوضح لها اللي صار قال : خلاص حاولي تحلين الموضوع بمعرفتك ( بقولك لو سويتي هذا الإسلوب وإنتي من قبل - أهلك سووا أهلك قالوا أختك عملت - ما راح يتقبل منك لأنوا خلاص تخزن عنده إنك ما تحبين أهله وإنك بس تحبين المشاكل عشان كذا اي كلمه تقوليها عن أهله تطلعين عنده كذابه الله يعزك أي كلمه لا تطلعيها إلا بحساب ودائما أمدحي أهله لو صار منهم موقف زين قولي أهلك ناس فيهم خير أهلك طيبين وووو إحنا يالحريم ما يحتاج أحد يعلمنا وشلون نتكلم والمره الذكيه تعرف وشلون تكسب زوجها بالكلام لأن الرجال يصدق كل ما يقال له أتمنى وصلت المعلومه
اليوم الثاني محمد يسأل سارة عن جواله ترد بنفس ضيقه مدررري قبل يداوم يسمع صوت ولده الصغير يبكي ويسألها وش فيه مااااترد زعلااااانه لمن رجع من الدواام وهيه ما لبست ولا تعدلت ولا ميك أب ولا شي محمد : السلام عليكم سارة بدون نفس بعد : وعليكم السلام محمد : حطي لنا الغداء ألحين ترى جيعااااان سارة : وش شايفني أسوي يعني - ياااااربي المره هذي ما تبي الصلح - يتغدى محمد وما عاد كلمها ولا سألها عن شيء أبدا مر الإسبوع الأول وساره على نفس الإسلوب ومستغربه ليش محمد ما يعتذر والإسبوع الثاني بعد تقريبا إسبوعين تبدأ ساره تهتم في نفسها وتتعدل ومحمد ولا كأن في هالدنيا سارة العصر تحهز سارة القهوه وتتعطر وتقرب جنب محمد وتصب له القهوه يشرب الفنجان وياخذ شماغه ويطلع بعد فتره مرت الأمور عاااادي وكل شي رجع زي ما هوه لكن وين المشكله ( المشكله الأولى ما تقفل ملفها يعني بيجي يوم وتصير مشكله ويبدأ محمد وسارة في تقليب هذه الصفحات )
نروح لبيت خلود وياااسر
اليوم الثاني في الصباح خلود من عوايدها أول ما تقوم تبدل بيجامتها بلبس حلو وتحط قولس وكحل خفيف في حضور زوجها أو غيابه - لأنها تدلع نفسها مو لزوجها - تجهز الفطور وتنادي ياسر الفطور جاهز بس برسميه شوي ياااسر : يبي يصالح خلود فيبدأ يسألها وين ملابسي الداخليه تطلع له خلود ملابسه ويلبس وعلى الفطور تبكي بنوتتهم الصغيره وتروح خلود تشوفها تبي حليب وتجلس خلود ترضعها ياسر : خلود ....خلود خلود : نعم ياسر تامر بشي ياسر : لا بس وش في البنت تبكي خلود : جيعانه تبي حليب ياسر : أجيب معاي شي وأنا جاي خلود : لا حبيبي يعطيك العافيه ما نبي إلا سلامتك وأكيد بعد ما رجع ياااسر راضى خلود بطريقته الخاصه وهيه على طول قبلت ...
( ملحوظه : الرجل عندما يريد مصالحة زوجته يبدأ يسألها عن أشياء بالبيت قد تبدوا غير ضروريه والمرأه تصالح زوجها باللبس الجميل والتجمل له ) الفرق بين البيتين محمد وسارة دامت مشكلتهم أكثر من إسبوعين ومع ذلك لم يغلق ملف المشكله لأن محمد حاول مراضاة زوجته لكن لم تستجب زعندما تركها محمد وقرر أن لا يغتذر لها بدأت هي بإسلوبها في الإعتذار لكن محمد لم يبالي كما فعلت هي أما خلود ويااسر اليوم الثاني وكل وااااحد ناااسي اللي صار وكل واحد قبل طريقة أعتذار الثاني بسهوله وبكذا ما أحد منهم راح يشيل بخاطره لأنه ما قبل إعتذاره
متابعين دروس نسيم القلوب عندي ضيوف بكرى ويوم الخميس بيكون عندنا مناسبه فعشان كذا راح أضطر أغيب كم يوم لو قدرت الليله نزلت درس جديد ولو ما قدرت يوم السبت إن شاء الله راح أنزل الدرس بس أرجو منكم الصبر علي ومشرفاتي الغاليات أتمنى أن لا يغلق الموضوع إلا بعد تتمة الدروس شكرا لكم الردود على هذا الرابط
في عطلة الإسبوع وبعد وجبة الإفطار في منزل سارة ومحمد
محمد يتابع الجريدة وسارة تعطية الشاي وتقول : محمد ممكن توديني اليوم المشغل محمد : لية سارة : أبي فستاني محمد : متى موعده اليوم ؟ سارة : لا الخميس الجاي محمد : أجل وشو له تروحين اليوم وإلا أنتوا يالحريم تدورون بس أي عذر عشان تدورون بالمشاغل والأسواق سارة : لا حبيبي بس أخاف تخرب علي الفستان لازم أروح أشوف وش سوت فيه عشان أتابعهم محمد : بتذمر وليش تودين فستانك لها ما دام منتي واثقه من شغلها ؟ سارة : هي أحسن وحده محمد : أف منكم ما تريحون أحد معاكم ويرمي بالجريده ويرجع ظهره ورى سارة : وليش إحنا اللي مرتاحين تبون طلباتكم كامله وسمع وطاعه وإحنا لا توتر الجو ترك محمد الصاله وراح الغرفه وأمتد ع السرير لينام
في منزل خلود وياسر
نفس اليوم خلود : حبيبي تتذكر فستاني اللي وديته المشغل ياسر : إيه خلود : قالت لي راح يكون جاهز يوم الخميس ياسر : طيب خلود : بس يا روحي خايفه تلعب فيه تعرف القماش غالي ولازم أحد يتابعهم ياسر : أجل تابعيهم عشان ما يخربون فستانك خلود : الله يطول بعمرك حبيبي أجل ودني اليوم المشغل عشان أشوف وش صار عليه ياسر : بتذمر أنتوا يالحريم ما منكم إلا التعب خلود صمتت وأخفظة رأسها ولم تنظر لياسر ويعد الغداء قال لها ياسر جهزي نفسك بعد صلاة العصر أوديك المشغل خلود : إن شاء الله الله لا يحرمني منك ياعمري
ملاحظة خلود لمن كانت تبي تروح المشغل قالت لياسر في شكل مشكله لأنها تعلم طبيعة الرجل دائما يبادر بالحلول ايضا عندما أبدى تذمره من طلبها أخفضة رأسها وصمتت ولم تنظر إليه لأنها تعلم إن ياسر عند تذمره فإنه بذلك يوفق بين طلبات زوجته وإلتزاماته
