ظلال المشاعر
New member
- إنضم
- 2010/10/03
- المشاركات
- 72
غاليتي ..مفروض تسجدين لله سجده شكر انه خلصك من انسان منافق وسيء الخلق وسيء المعشر والله يااختي انتي كمان مفروض ماتقبلين الاهانه لنفسك لان زوجك لا بيده حياتك ولامماتك ماهو الا عبد لله ضعيف مايملك لنفسه ضر ولانفع..اذا كان عندك طاقة المحبه هاذي كان وجهتيها للي خلقك لان اللي خلقك كل ماانذليتي له رفعك وعزك ..اما البشر تذلي نفسك له يذلك وماعاد يشووفك شيء..وكمان يااختي ارى من خلال وصفك انه خالي حتى من الانسانيه يوم خلاكي تحملي وانتي مريضه هذا كيف عاد تامنيه؟بس مو مستغرب من شخص فيه من صفات المنافقين الله يهديه لنفسه..وانتي كمان رضيتي على نفسك الاهانه باسم الحب وللمعلوميه الحب والاهانه مايجتمعو ..اجعلي كل مامريتي فيه دررس انك ماترضين على نفسك الذل مره اخرى وكمان اعرفي ان للعطاء حدود وبالذات الفلوس ماتنعطى للرجال ولا المفروض تبيني له انك بتموتين من غيره ..انا اشعر انك بطيبتك اللي مو في موضعها اساتي لنفسك.. انا انصحك تنسيه تماما وتمحيه من حياتك واذا كنتي تسالي هل معقوله انه بيعيش تماام مع زوجته الثانيه انا مااعلم الغيب ولكن الله يمهل ولا يهمل وهم بداو حياتهم بمعصيه ..الله يعينهم على اللي بيجيهم لو ماتابوا وبعدين لو توافق معها يااما تكوون هي مثله فينطبق عليهم المثل(وافق شن طبقه) او انه بيجلس فتره معها ويرجع ينقلب عليها ..او انه حاب يقهرك فيبين انه مبسووط بالله عليكي هل شفتي واحد يعصي الله مبسووط؟ وهل شفتي واحد يظلم ويطغى مبسووط؟ اذا استمر كذا ولا عمره بيكون سعيد ..انتي الان اللي انتصرتي لان للمظلوم دعوه لاترد ولانك اكتسبتي خبره غير الاجر على صبرك واحتسابك..اكثري من قول اللهم اجرني في مصيبتي واخلفني خير منهاوبإذن الله ربي يرزقك باللي احسن منه وحطي في بالك الفايز هو اللي ينتصر بالاخر فلاتحزني بالعكس انبسطي ..هذا رايي والله يوفقك..
