سكوتي على خيآنات زوجي

[نوآرة]

السلام عليكم
أخواتي ليس لي أي خاطر في التمهيد..أشعر بضيق وأنا أكتب لكم مأساتي...أعلم أن حياتي مع زوجي انتهت..ولكني لا أدري لعل الله يحدث بعد ذلك أمرآ...
**********************
أنا أم لطفلين..الكبير 5سنوات والصغير 11شهر..وعمري 27سنة
تزوجت من ابن عمي الذي يكبرني بسنتين فقط
كان زواجنا عن قصة حب استمرت اربع سنوات
ومكالمات هاتفية ..طبعا عارض اخوتي هذا الزواج ولكني اصريت على ان يتم رغما عنهم وفعلا تزوجته رغما عن اخوتي .. بموافقة والدي..
**********************8
ابن عمي هذا بصراحة خلوق حنون كريم وكل ماتحلم به الفتاة موجود فيه
ولكن به اربع صفات قاتلة وهي :
أذا وعد اخلف
واذا خاصم فجر
واذا حدث كذب
واذا أؤتمن خان
يصلي ولكن بعد الحث ولايرفض او يتجرأ على ترك الصلاة..
بيتوتي هاديء ورومانسي يقدر العائلة والاطفال وحليم ومتعاون..
غير متفتح على العالم منطوي صامت ذكي جدا ويجيد الهرب من كل مشاكله
منغمس بعالم النت وهو في الحقيقة هكر ومهندس كمبيوتر..
له علاقات آثمة ومتعددة مع فتيات قبل وبعد الزواج وبعض علاقاته وصلت للمعاشرة الجنسية والله اعلم لكن هذا ماتثبته الصور التي وجدتها في جهازة اللاب توب مع امرأة سوداء عارية في حضنة..
يعشق افلام السكس والمقاطع القذرة بشكل جنوني..
الله يهديه ويكمله بطاعته..
والتربية لها نصيب
فوالدته سيئة الخلق ولاتخاف الله والكل يشهد لها بهذا ..
أما والده فعاجز ولايعرف أي شي عما يدور حوله..
************
طبعا تعامله معي كتعامله مع غيري نصب كذب وخداع ..
مع انه لطيف معي ومعجب بي ويحبني ويقتنع مني دائما..
***************
أسلوب الخداع يستخدمه حتى مع والديه ومع اصدقاءه يكذب ويخادع ويجامل..
****************
تزوجنا وكان أهلي دايم يحرضوني عليه وقصدهم حسن ومن خوفهم علي...ويتدخلون بحياتي وكنت اودي له كلام اهلي واتذمر من عيشته لانه مسكني عند اهله في بيت شعبي وكان هذا قبل تتحسن ظروفه بس بعد ماتحسنت ظروفه تعبت خلاص جلست 4سنوات عند اهله وبقسم مستقل بس مافي خصوصية مرة..
والبيت ضيق ومتهالك ومليء بالحشرات والجرذان
*******************
قبل كنا في بيت مستقل بس قال أبوي البيت بعيد واجبرنا نطلع وراح زوجي بعد صراع ست شهور على اننا نطلع مع اخوي الكبير ودوروا بيت قريب وفعلا طلعنا وجلسنا سنه وبعد سنه قال ماعاد اقدر عالايجار
اهلي رفضوا اني اطيعه واطلع لاني كنت شارطة في العقد السكن المستقل لأن معروف عن والدته انها مؤذية..وانا كنت منعمية بحبه وقلت لا لازم اطلع واهو استغل عشقي له ووداني عند اهله وليتني مارحت..بصراحة اهله كانوا كويسين معاي مرة ..بس خلاص انا تحملت 4سنوات وراتبه تعدل وكل شي طلع تمام وآخر شي يرفض يطلعني بدون سبب
كنت لما الح يتحجج بالديون والظروف ولاني احبه كنت اصدقه..
******************
كان طالب بالجامعة ثم ترك الجامعه وكنت دايم احاول فيه يرجع يكمل بس رافض..
اشتغل بشركات رواتبها قليلة وبعد ماسكنا عند اهله خلاني لوحدي ببيت اهله لاني كنت موظفه وربي ماعطاني ريال وراح للدورة 9شهور انا في بيتي وولدي الاول كان لسه في الاشهر..
تحملت الغربة والوحدة والظروف وحفظته وحفظت بيته ووقفت جنبه لحد ماتخرج******************
سويت له حفل تخرج بليلة رومانسية بفندق راقي وسويت طقوس عاطفية وجبت له الهدايا........
ثم عملت له حفل استقبال رايق في البيت وكان سعيد جدا بكل شيء
*************
طبعا هو يحب الاطفال ...بعد ماكمل طفلي سنة ونص طلب مني احمل وعلطول شبيك لبيك حملت عشان حبيبي...
وفي الشهر التاسع تعرضت لحادث مميت فقدت فيه طفلي وانكسرت رجلي
وبقيت شهر بالمستشفى
ثم عانيت 7اشهر وانا لا امشيي آخر شي ترجيته يحضر خادمة وبعد العذاب أتى بها واهو غير مقتنع وصارت هالشغالة نقمة وراعية مشاكل ومع مشاكل بيت اهله وكسري ومشاكل الخادمة ورفضة لشراء او اصلاح اي شي بالبيت زادت المشاكل وخلاص بدينا ننفر من بعض لانه اجبرني احمل واناتوني ماوقفت على رجولي وفعلا حملت وعانيت طوال حملي يرفض يوديني للمستشفى يقول ماتاكلين علاجهم والله اني اتعب وابكي مايبالي..
ثم انجبت الولد ولاعطاني والله نفقة ولامصروف وتأذيت نفسيا قلت خلاص مابي الخدامة وكل يوم يماطل بي ويقول طيب باسفرها وزادت المشاكل وبعد مارجعت من الاربعين جلست معاه شهرين واكتشفت خياناته بشكل حقيقي ******
***********
اولكان يخوني اذا رحت لاهلي ويقول كلام ويخربط لما الاقي صور ةرسايل من هذي المرأة السوداء
تخيلوا يابنات لدرجة اني لقيت لها صورة تحت مكيت الغرفه
.........................
ويوم واجهته قال هذ تبتزني...
وآخر مالقيت له معها كانوا في شقق مفروشة واهي في حضنه بعبايتها
وصورة لها واهي عارية تماما على السرير وانكر تماما انه لامسها...
*************
بعد هالصور انا خلاص صارت اعصابي مولعه الشغاله تبي تسافر وتاركها
البيت خلاص لايطاق وتاركنا
الخيانة وبعتها وسكت
**********
رحت شكيت وضعي لولد اختي واقترح عليه اننا نسافر وكأنه مايدري عن شي وفعلا سافرنا والحمد لله انبسطنا
بعد اسبوع بديت الاحظ انه اذا طلع يصلي مايرجع
واهو اول مايتعداني
وصار لما افتح عليه بالليل الاقيه يطقطق بالبيبي واهو اول ينام 11م
صار يتضجر منا ويكره البيت
ثم صار يكرهني ويطالعني بنظرات ازدراء
بعد كذا طلب مني اطلع من البيت وصار ينومني بغرفه الخادمة او مع اطفالي ويقفل عليه ويكلم
انا من قوة الصدمة ماتحملت اجلس بالبيت طلعت وجلست سبع شهور يجيني يمرني يقضي حاجته ويقضي حوائجنا ويرجعني
كنت انتظر اليوم اللي يرجعني فيه
طبعا قبل رمضان بكم يوم قال انا بروح انتدابي واهو كل سنة يروح انتداب لمكة برمضاان والحج
قلت خلاص وقبل اليوم اللي بيمشي فيه اخذني وجاب لي هدايا وعاملني احسن معاملة وجلس معاي لما وحدة بالليل بعدين وداني بيت اهلي ومن بعد ذيك الليلة اختفى وحتى جوالاته مغلقه..
جلست رمضان والعيد وانا ارجي انه يرجعني تخيلوا يابنات وش صار؟؟؟
**************
في النصف من رمضان تملك على البنت اللي تكلمه بنت حجازية مطلقه معها ثلاث بنات
ويقول انه اخذها عن حب..
أفكر انا كيف حبها وانا معه بالفراش وبكل شي كويسه
وانا على قدر من الجمال وصغيرة واحبه ومتحملته
متى حبها متى قرر يتزوجها
البنت تطلقت في نفس الفترة اللي طلعني فيها ومع الوقت تذكرت انه كان له صديقه قديمة قبل يعرفني واتوقع انها هي
طبعا هي اغرته بالكلام والليالي الرومانسية والشموع والكلام الفاضي
دخلت عليه من الباب اللي كنت قصرت فيه في الفترة الاخيرة بسبب ظروفنا ومشاكلنا..
تزوجها ثاني العيد ومن زود البجاحة ارسل لي وقال انا تزوجت وبطلقك وفعلا طلقني ويمشي ويقول للناس انا سامح منها
***************
البنت لاتتميز عني بأي ششي سوا باللون هي افتح مني شوي بس..
لكنها من كلام العايلة وحدة ذكية وعاملة حالها طيبه
***********
طبعا حط فيني كلام مو زبن عند اهله
واهله فجأه قلبوا علي وطاروا بالعروس
ذبيت اطفاله عليه قامت امه وخذتهم وقالت توك شاب رح وسع صدرك تخيلوا يابنات
***************
الآن أنا مصدومة والحمد لله على كل حال..
لكن هذي الحرمة اللي خذت زوجي مني بكل سهولة تتوقعون تستمر معه وينسانس خلاص
طبعا انا قررت خلاص ما ارجع له الا ان يشاء الله
لاني اعلم انه لن يعود كما كان نهائيا..
البيت اللي حرمني منه حطه لها وما اعطوني اي شي غير بعض ملابسي قلت له بروح اضف بيتي قال روحي بس يوم راحوا اهلي لقوا امه ماسكة الباب وتمنعهم من الدخول..
وصار يحاول يهيني بزوجته ويقول كلام عنها عشان يوصلني ودايم يحاول يستفزني وهو الى الآن لايعلم بأني كرهته ولا افكر أرجع له
لانه يوم كان طاردني كنت ابوس رجوله واروح له لين باب البيت واترجاه ويطردني
وبعد ماسمعت خبر زواجه ترجيته يرجعني قال بافكر كاني نويت ارجعك ترجعين بدون شروط بس لاتتعشمين كثير اني برجعك
************
أنا الآن أخذت اطفالي لاني من يوم عطيته اياهم راح رماهم على امه مع ان زوجته كانت موافقه انها تقبل فيهم واهو شارط هالشي عليها بس الظاهر خلاص الرجال ماعاد يستوعب أي شي..
وطلباتها أوامر وبس

***********************
حسبي الله ونعم الوكيل عليك
وعلى هذي المرأة
*


انتظر ردودكم أي شي ودكم تقولونه انا محتاجة مواساة أراء أي شي مالي أحد بعدالله افتح له قلبي غيركم..

ملاحظة زوجي كان دايم يشعر بالنقص لأني أفضل منه بكل شيء ويختلق المشاكل من هالموضوع ...
تخيلوا يابنات من عشقي له عندي ديوان كامل كله قصايد فيه..
كنت اعشقه واحبه ومخلصة له..
ومتحملة كل اهاناته وخياناته وتقصيرة..
ياما سلفته وياما عطيته وياما ضحيت بروحي عششانه
لكن للأسف ماقدر العشرة ولا المحبة ولا القرابة ولاشيبات ابوه وعمه..


كل وحدة تتوقع وش ممكن يصير أو تعطيني راي ـأي شي انا انتظر وترى كاتبه بدون نفس البال ضايق حاولوا تفهمون علي..
واعتذر عن الاطاله وترى والله ان ردودكم لها مكانه خاصة عندي فارجو الرد بكلام طيب او الصمت..
اختكم في الله نوارة​

 

[um_rqawy]

ماااقول الا الله يعووضك باللي احسن منه ...

 

[نوآرة]

الله يعوضني يارب..
بس كيف بانساه..
الحمد لله على كل حال..
مشكورة اختي عالدعوة..

 

[ام اسارين]

انتي قلتي صفات بزوجك غير محببه للنفس
وفي الحديث هذه علامات المنافق وش تبغين فيه
اهانك بما فيه الكفايه واذاك
استخيري ولاعاد تكلمينه هو ان ارادك عرف طريق بيتكم
الله يعينك يارب

 

[مدام فلمبان]

ا

نسييييييييه
لاعاد تفكرين فيييييه
واحد عذيتيه كل شي وماعطاكي اي شي
اش باقي تبغين فيه
انتي طيبه وتستاهلين كل خير
وهو بالصفات الي ذكرتيها ابدا مهو الانسان الي تستاهلينه
ابعدي عن تفكيرك بتاتا
وصلي ركعتين شكر ان ربي فكك من هالرجل
وادعي ربنا انه يزرقك بالزوج الي يعرف يقدر قيمتك زييييين
الله يسعدك دنيا واخره ياااارب ​

 

[شمس الضحا]

الله يعوضك باللي احسسن منه حبيبتي
اتمنى لك كل خير بس انا لو بحط نفسي بمكانك ما راح ارجع له ليوم الدين وبشوف مستقبلي
الحياة ما انتهت لما تزوج
واذا كان اهو ظالمك فلا تخافين الله موجود و يشوف
والظلم ظلمات يوم القيامه

ذكري الله و صلي على محمد
وانسسيه

 

[هزيم]

الله يصبرك ويكون بعونك

 

[رافيلوو]

اول شي انا مستغربه من الحريم اللي تدين زوجها وتعطيه فلوس ؟
خيتووو ما في رجال محتاج فلوس من حرمه امسكن مصاريفكن وامسكن فلوسكن محد بينفعكم
الرجال لا احتاج فلوس يعرف يدبر عمره ويعرف كيف يجيبهم انتوا بس خلوكم بعيد !!!! الرجال بطبيعته يحب يكون مسيطر يحب هو اللي يعطي ,, اذا ما حصل وحدة يعطيها لا وبعد هي تعطيه بيدور اي وحدة يصرف عليها وتحسسه برجولته من هالناحية !!

المهم هذا ما موضوعنا
انا مستغربة كيف تزوج وحدة كان يمارس معها الرذيلة ؟!!!
الشرع نص انه الزاني يتزوج زانيه بس مو نفسها اللي زنى معها !
لا وبعد كانت متزوجة !!
اي رجال هذا اللي يقبل انه يتزوج وحدة خانت زوجها بالزنى ... ياربي ما يخاف انها تسوي له نفس الشي
ايش صااار برجالنا ؟؟!!!

الزمي بيت اهلج وخليه يصرف ع عياله الزميه بهالشي انتي مو محتاجة له
عن نفسي ابدا ابدا ما انصحج ترجعي له او تفكري ترجعي له
يلعن ابو الحب اذا بيسوي فيج كذا
علقي قلبج بالله سبحانه وتعالى هالرجال ما منهم إلا عوار الراس
وانتي اديتي مهمتج كـ زوجة ع احسن وجه خلاص خلص هالدور
ابدي من جديد الحياة وايد حلوة قدامج وبعدج صغيرة
حبيبتي اذكر الله سبحانه وتعالى
تقربي له بالطاعات وتقربي له بالقيام والذكر رطبي دوم لسانج به
بيوسع لج صدرج ويفرج لج همج وربي بيفتح لج من ابواب رحمته كل خير
عورتي قلبي بقصتج بجد ايش اقول بسسس !!

 

[مي الحلوة]

حبيبتي من باعك بيعيه ولو كان غالي وتفرغي لنفسك دين ودنيا وصديقيني هذا الي تزوجها راح يطير فيها فتره قصيره ومن ثم تعود حليمه لعادتها القديمه وراح تشوف زوجته هاذي مثل ماشفتي من معامله ومن خيانه لان العوج يضل طول عمره عوج عاد هي وتحملها له والله ينصرك علي من ظلمك

 

[اخت الجواهر]

حسبي الله ونعم الوكيل صدقيني حبيبتي هالاشكال ماينفع معها الطيب انتي تنازلتي للي فيه الكفايه الي باعك بيعيه ولاعاد تترجينه انسيه تقربي لربك واكثري من الاستغفار وقول حسبي الله ونعم الوكيل ربي أجرني من مصيبتي وخلفلي خيرا منها

 

[نوآرة]

كلكم متفقين على اني انساه...
يعني قراري كان سليم..
فعلا انسان ماعنده غيره متزوج صديقته
اللي لقيت صوره معها وحده ثانية
قسم بالله فرحتني ردودكم مرررررة الله يوفق كل وحدة ردت يارب لاتحرمني من هالخوات يارب ..

 

[دلوعةزوجي]

حبيبتي
عز نفسك تجدها<<<<هذا مثل معروف
اي رجل بالدنيا يسعى وراء الحرمه الصعبه الصعبه اللينه
بحكيلك من واقع تجربه انا جداً مطيعه لزوجي وافرح بأي شي يسويه لي لو بسيط وبعد مرور 5 سنوات على زواجنا تدريني وش قال ؟؟
قالي لو تبينا هالحب اللي بيننا يكبر اتغيري
استغربت ليه اتغير وانا مثاليه ومتفانيه بحبه وطاعته
قالي ابيك صعبه انتي سهله بكلمه اراضيك وبكلمه ابكيك ولو زعلت تنجنين ابي وحده ادور رضاها اتحايل عليها
اتمنى انك تستفيدين من هالتجربه يا اختي العزيزه
رماك وباعك واشترى بنت الهوى اللي ربي كرمك عنها
واتأكدي زواجه ما يستمر لان مابني على باطل فهو باطل
اكثري من صلاة الليل وصلاة الضحى وربك ييسرها​

 

[ساهر الليل]

والله قصتك تفلج القلب فلج بس لا زم تكون عندك الثقه بالنفس والقوه لمواجهة مثل شاااكلة الرجل وحمدي الله انك توك صغيره وحلوه ومطلوبه وبيعوضك الله اخير منه لا تضني ان حبك له بيستمر مجرد مايكوش حب اخر يكون في خبر كااان انا كنت زيك وكبرك وزوجي نفس صفات زوجك وكنت اقول الصبر وكان ينام مع الشغلا ت ويغازل وعلا قات وافلام وماكانت عندي الشجاعه لتركه اتحمله ومستمر لحد ماصار عمر زواجنا 16 سنه وصار عندي خمسه وهوا مااتغير ولا تتوقعين الي كذا يرجى اصلا حهم لا يزيدون وتتتبجح اخلاقهم علا كبر مثل زوجي تطور صار يمارس الجنس بالماسنجر وماافيه امل لا صلاحهم اتركي عسااهم الماااحي اللي يمحاااهم ويريحنا منهم وترا فيه رجااال عسل الله يوفقك بلا حسن شوفي لا تزوجتي يمكن يمرض وكذا تردين له الصااااااع صااعين لا نهم يموتون اذا زوجااتهم بعد مااايخلونهم انهم يتزوجون يسير مجنون وبتشوفين الغيره كيف بتخرب علا قته مع الزباله الي اخذها وحسبي الله ونعم الوكيل :22:​

 

[رندا كووول]

لماذا اخوتك عارضوا هذا الزواج ؟؟؟
لان عندهم خبره فيه اكثر منك ....وانتي كان الحب يغطي عيوبه عنك ..
اولادك انتي ربيهم ولا تتركيهم لزوجته الثانيه تربيهم مع بناتها وتذلهم ..لان الاطفال دائما هم الضحيه..
وزوجك بالمواصفات اللي ذكرتيها مايستاهل ترجعيله ..
واستخيري والله يكتب لك الخير

 

[حور الأثرية]

اذا كان تزوج عن حب مدته اربع سنوات كيفه بالحب السريع الا مع العشيقة اسمعي حبيبتي زوجكجزمة اعجبتك مش مقااااسك خلالاص ارميها وانسيها شوفي الي بمقاااسك ورما افضل ربي يعوضك بالافضل الى الافضل ووهو نساااك خلاص انسيه واهتمي بنفسك بخلطاات وكريمات للجسم ودخلي رياااضة وشيلي عنك البطن بالعربي حاولي ترجعي بنوتة زي اول وبعدين الي جااب هاد يجيب بداله الللف

 

[جميلة وجذابة]

رددي اللهم اجرني في مصيبتي واخلف لي خيرا منها

كان في مؤمنة في عهد الرسول عليه الصلاة والسلام

توفى زوجها وكانت تردد هالدعاء

تدرين بمين الله عوضها !؟؟!!

عوضها بمحمد صلى الله عليه وعلى اله وسلم كزوج !!!!

الجئي لله ما رح تخيبي

 

[فاقدة أختها]

مايستاهلك حبيبتي
زوجك كل الصفات الشينة فيه كيف كنتي متحملته
الي باعك برخيص بيعية واشتري الغالي الي يستاهلك
الله يعوضك بخير منة ...ويصلحك اولادك

 

[$$ألق$$]

دايم علسانك خلي
اللهم اصرفه عني وانزع حبه من قلبي
وعوضني خيرا منه عاجلا غير اجل
حبيبتي
لو رجعك انت ارفضيه
مو مقدر حبك ولا مستاهل مواطيك
والحي ع ربي يرزقك الزوج الوفي الحنون
اللي ينسيك اياه
ويهدي كل ازواجنا
للحق

 

[جميلة وجذابة]

اللهم امين يا رب

 

[دانة سبيع]

نوارة انسيه خلاص وش بعد تنتظرين منه اهتمي بنفسك داوي قلبك ألجأي لله صلي الليل وادعي
((اللهم اني استودعتك قلبي فلا تجعل فيه احد غيرك)) والله يا هالدعوة تريح كثيييير الله يجبر كسر قلبك