سفه روح نام مع لاب توبك او جوالك من اليوم رايح

آحتآج حنآنك

آحتآج حنآنك

New member
إنضم
2010/12/26
المشاركات
147
سلام

بنات وربي مادري شصاير لي

فيني شياطين راكبه راسسي

انا زوجي كله عالجهاز والجوال يلعب يتابع

المهم واحنا مغتربين برا السعوديه عشان تتوضح لكم الصوره

زهقت مليت من الاهمال لا اهل لا زوج لا صديقات

وكل يوم انام لحالي كل ماخلي نومي مثله يروح يعكسه

باختصار توني قلت له نام معي قال مافيني

دخلت وقفلت باب الغرفه وكتبت له ورقه عالباب

اسفه روح نام مع لاب توبك او جوالك من اليوم رايح

توه جا طق الباب بس مافتحت

ادري وعارفه تصرفي غلط بس ابي اضغط عليه زهقت وررربي

وعلا فكره متهاوشه مع امس علا نفس الموضوع ويقول اني ظالمته

ومو مخليته يوسع صدره

للعلم زوجي جنوبي غربي

لو فيه اغلاط عذروني لاني اكتب من الجوال

شسوووووي
 
شوفي اختي لما يجلس بالابتوب اجلسي معاه الزقي فيه قولي ابغى اتفرج معاك وانبسطي معاه وسلوفوا وانبسطوا عادي خلك قريبه منه ومثل ماقلتي زوج جنوبي يحب الحنان والدلع والتلصك والمدح
يعني بينفع معاه
واسلوبك غط لما قفلتي عليه الباب ارسلي له رساله انا احبك دوم جنبي ياحبيبي ومن شاء الله تتحسن ماابغاك تنشغل عني واسفه على الي سويته
 
يا اختي مو انا كنت اسوي كذا
بس والله يرد علي بكلمه ورد غطاها
وحتى مايلتفت علي ماغير متسمر علا هالجهاز
وانا ازهق واقوم
للعلم توني ماكملت سنه زواج
بالله بعدين وش


بنصير
 
بس انتي في غربه لا يلعب عليه الشيطان يقوم يلتفت لغيرك وللحرام
لكن اكشخي بروب نوم حركات كذا ومكياج وروحي الزقي له تكلمي قولي ياحلاتنا مع بعض يارب دوووووووم لا تتركين فرصه للشيطان يقوم يطنشك والله ماتدرين وين يروح تنقهرين زياده اكسبيه اجلسي معه على الجهاز انتظري لين ينام نامي معه عيشي حياتك خليها حلوه غصب
 
وربي لاااا اقوم عنه وانا ساكته
توني هالاسبوع الي منفجره عليه وابيه يعطيني من وقته
وهذا انجن مني ليش صرت اطالبه بشي
وحاط حرته باهلي ان هم مايسالوني عني كل يوم عشان كذا انا صرت اطالبه
مو مقتنع اني انا محتاجته
 
ياكثر مامرت بي الحاله
ماراح ينفع
بس سوي زي مايسوي حتى انتي دوري لك شي يسليك عنه
الله يعيييييييييييييينني ويعينك
 
صاحبه مبادئ
والله انا ابي انام معه بوقت واحد بس هو احسه يتعمد يخلي نومه غير عني
واالله مراح اقوم من سريري عشانه وهو مو طاق لي خبر اصلا عندي معهد الساعه عشر
ومتاخره عشانه وهذا شوفي اخر نومه زياده
يارب لك الحمد علا كل حال
تسلمين
 
مي مي
والله خلصت كل الاشيا الي تسلي
ماخليت ولا بقيت
بس هذا هو من جينا وهذا حاله
لنا ست شهور
ولا لنزلنا نفس الحال استراحات
مراح انكر واقول انه مو زين لا هو طيب وفيه خير
بس عاد يعطيني من وقته الثمين شوووي
 
شوفي التطنيش بصمت يجيب نتيجه روحي الغرفه امسكي جوالك اقعدي تسلي عليه بينجن اش هالصمت العجيب بيجيك صدقيني مجربه انا
 
ياقلبي انشغاله باللابتوب ماهو معناته انك مقصرة عشان لا هذا مثل الإدمان كثير يدموا على اللابتوب يعني ممكن يكون هو مضايق من وضعه بس ما يقدر خلاص متعود ال 24 مقابل لابتوبه

عشان كذا ما ينفع تشدي وتضغطي عليه لا خليكي معاه حبه حبه
يعني ممكن اليوم تسوي قعده رايقة عصير أو كافي أو أي شي يحبه وقوليله تعال نقعد شوي لو ربع ساعة نشرب الكافي مع بعض وبعدها روح للابتوبك
وخليك معاه كل يوم كذا ومع الوقت زودي الفترة بدل الربع ساعة نصف ساعة وكذا وبعدين راح يتعود يترك اللابتوب كل فترة
ممكن بعدها تطلبي منه يعزمك على كافي بره البيت أو انت أعزميه وأخرجي معاه بس لا تضغطي عليه عشان تطول الخرجة لا حتى لو خرجة سريعة عشان لا يمل من الطلعات معاك وكل فترة تطلعوا
صدقيني حبة حبة وبذكائك تقدري تسحبي وتعودي يبتعد عن اللاب توب أوقات أطول
وانت في نفس الوقت أشغلي نفسك بأشياء وهوايات تحبيها
 
شوفي اختي يانك تطنشيه وبجيب نتيجه مليون في الميه
او انك تضيفيه مسن وتسوفوا مثل الحبايب كل واحد بغرفه
 
انتي وهوة في غربه تقربي منه
موتسكرين الباب على نفسك
شوفي اي شئ يشدة لك
واشغلي نفسك لايكون هو محور اهتمامك...
 
تسلمون بنات ماقصرتو
قطره في بحر
مشكوره ياقلبي راح اسوي الي قلتي ولشوف اذا بتجيب نتيجه
بس ياخوفي يجيب جواله معاه

حياتي بيد حبيبي
والله فكره اكلمه عالواتس اب
بس وش اقول خخ
شخبار النومه مع الايفون
عسا اعجبك حضنه هع
والله من جد طاقه كبدي
من الملل والبرود
 
خذيها مني وعن تجربه
الزوج يكره الزوجه الي تحلقه ويكون هوه شغلها الشاغل
حاولي ترجع لحياتك اهتمي بنفسك واسفطيييه مررره
رتبي جدولك من اول اليوم الى اخره على اساس انه مو فيه
حتى لو رجع من دوامه بوسه وروحي عنه مررره استمتعي بحياتك
والله لمن يشوفك مشغوله ومبسوطه بحاول يجيك او يلفت انتباهك لك
جربي وانت بتشوفي بنفسك..
 
الله يعين بس الحال من بعض ما عندك احد الله يجبر خواطرنا​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل