ســـــــــوالـــــــــــف♥ زوجــــات الجنوبــــي ♥

[لقيت نفسي فيك]

رفــــــــــــــــــــــــــــــــع

 

[نكهه خاصة]

اذا كان هو السبب تجاهليه .. واجعليه ينسى انه يزعلك


فقط هذا التصرف الصحيح في هذه المواقف مع الجنوبي وخاصة في بداية حياتك


عوديه على ما انتي تريدينه لكي ترتاحي معه مستقبلا



.................................


اختي انا مملكه لي 4 سنين أدري طويله ولا لي يد فيها ولا هو ماله يد

لكن فيه مشاكل ومشاحنات..
................................................


س/ هل بعد الزواج أقدر أتدارك الاخطاء الي بالعلاقه..؟؟
س/ ممكن في بداية الزواج أعوده على الي أبيه وشلون؟؟
س/ هل الزواج تكمله للخطبه ولا مرحله جديده.؟؟
س/ شلون أعوده وهو كسول ومايرد على المكالمات ومايسأل ؟


....................
أدري الاسئله كثيره وأتخبط لكن هذي حياتي فعلا

 

[زمان الوصل]

سلام ياحلوات كيفكم ايش الاخبار اسمعوو قصتي
انا ياحلوات كان عندي خدامه طبعآ انا بيتي كبير وعندي 4 الله يحفظهم عن 10
وكانت امري اوكي المهم ام زوجي سافرت خدمتها وانا وزوجي كنا ساكنين عند امه لمدت 4 شهور لين يخلص بيتنا
لذلك ام زوجي واخوانه طنشو وما قدمو شغاله مع ان كان فرصه لهم فيه وقت على ما تجي الشغاله بيكون وقت نقلتنا
الموهم شغالتي انا جايبتها من مالي الخاص وحتى مصروفها من مصروفي
لمن جينا ننقل اخوان زوجي سو عليه تمثيليه وقالو ان شغالت عمتى جايه بعد اسبوعين هو انحرج يشيل الشغاله
وحلف على امه ان الشغاله تجلس عندهم لين تجي شغالتها طبعآ اكتشفت انهم ماقدمو لاامهم وانهم استغلو فرصت
اني بيتي واغرو شغالتي بالفلوس لين قالت انا ابا اجلس هنا انا الان مريضه والدكتور طلب ما امشي كثير
وجلست قبل 3 شهور ما امشي على رجلي حتى ما ارسلو الشغاله تنضف البيت المهم انا ابي اقدم شغاله
وان شاء الله راح تجي قبل تسافر شغالت عمتى ب3 شهور خايفه زوجي يشيل الشغالة ويرسلها عليهم كيف
اقنعه والله اخواته هنا 2 وحريم خوانه 2 كلهم عندهم شغالات وساكنين جنب عمتى بينهم جدار وخواته طوال
النهار عند امهم بس مدلعين شغالتهم مايشبلون لو ورقه من الارض ابي اقنعه انا لو عارفه ان ماعندها شغلات
لا حولينها احد والله اخدمها بعيوني غير انهم يقدرون على التقديم ماشاء الله بخير ونعمه بدل الوحدة 4 بس
العين عليه المشكله يحرجونه ابي من بدري اتفق معاه بس كيف الطريقه
ثاني شي
انا ابي اروح لدكتور تغذيه سمعت عن واحد ممتاز بس المشكله مو عارفه كيف اقنع زوجي مايدخل معاي
اول موعد بس مابيه يسمع اني اقول لدكتور ابي انزل وزني وفيه ترهلات بجسمي
انا قدامه دايم واثقه بجسمي وبجمالي ودايم اقوله جسمي كذا ممتاز لدرجت صار يقول جسمك عاجبني لا تنزلين
لكن انا احس بثقل بس مابي يدخل معي اول جلسه لكن هو رافض يقول عندك اسرار تخبيها عليه وتقوليها للطبيب
ومرة قال انا قزاز وانتى شرختيني خلص زعلت بس كان يضحك وقال قفلي الموضوع ايش اسوي:24:

وضحي له وتفاهمي معه في موضوع الخادمة الجديدة من ألآن..
وأنكم لما قدمتوا عليها... على أساس أنها لكم
ولاتريدين أن يتحول موضوعها كسابقتها...خليك صريحة وواضحة في هذا الموضوع
وتكلمي عن نفسك فقط...لاتتطرقي لأهله قدر الإمكان حتى لاتقعي في الخطأ...
أما الدكتور....

أم نوووور
أنا نفسك ..جاية أسأل زمان الوصل كيف اقنع زوجي مايدخل معي على طبيب الجلدية
وعلى طبيب التغذية خاصة إنهم رجال ...مابيه يدخل لأني رح اتكلم عن عيوبي ...!
ياليت تساعدينا بحل

إبذلا جهدا ليكون دخولكما على طبيبات فهن ماشاء الله كثيرات ولايكاد يخلو منهن مستشفى
وإن لم يتوفر ذلك لكما...
فمن الأنانية منكما رفض دخول زوجيكما...هذا من حقهما عليكما مهما كانت أسبابكما
ولا أفهم لماذا تسميان ماتعانيان منه عيوباً إختارا اللفظ المناسب وإشرحي الحالة بطريقة مهذبة بعيدة عن التفصيل الدقيق... وهم سيفهمون
لكن إبحثا عن الطبيبات

​

 

[زمان الوصل]

كيفـــــــــــــــم جميعـــــــــــــــاً إن شاء الله بصحه وسعـــــــــاده

وحشتوني مرررررررررررررررره

شكرا لك زمان الوصل على كل ما تقدمينه لنا من معلومات الله يخليك يارب ولا يحرمك الاجر

ويسعدك دنيا واخره

بس حبيت اسأل كيف الاستاذه ناعمه غيرت معرفها يعني ما راح نعرفها ولا ماراح تكتب لنا

بصراحه الاستاذه ناعمه كل كلمه منها بلسم شافي لقوبنا

الله يخليها ويسعدها ويريح بالها

معرف الأستاذة ناعمة السابق
كان
ناعمة الهاشمي
ومشاركاتها تجاوزت الألف مشاركة
وحذفت كل مشاركاتها فيه (مقالاتها وإستشاراتها السابقة)
ثم عادت وسجلت بمعرف جديد وهو
نــــــــــــــاعمــــــــــة الهـــــــاشــــمي
ومشاركاتها فيه لم تبلغ الألف مشاركة بعد
ومشاركاتها هي مايمكنك قراءته ألآن​

 

[حالمه ولكن]

زمان الوصل الله يجزاك خييير على ماتقدميه انا لسه واصله الدرس الثالث من دروس الجنوبي بس ياريت تساعديني بهالمشكله زوجي جنوبي شرقي وانا كذلك حصل قبل اربع ايام مشكله بسيطه وتــــــــافها الي صار كنت تعبانه وملوزه وحاسه حالي مكتومه جاء زوجي من الدوام كعادته بس انا تأخرت بالقومه بسبب التعب وهو عارف بتعبي من الفجر
المهم اول مادخل تقولي بالع شريط توني صاحيه ومصدعه وحلقي متورم ماني قادره اتكلم قاعد يقول لي اشفيك اشبك كذا وانا ااشر على حلقي تعبان ماني قادره اتكلم من وجعه وهو يقول اشبك ماتتكلمي وكلام كثير كله وره بعض انا تضايقت وبان في وجهي وجاء يقول لي انا جاي من الدوام ابغى وجه حسن مو تكشيره ورفعت صوتي مع انه مشحوط
قلتلك حلقي تعبان وراسي مصدع مافيني اتكلم وقمت معصبه من عنده وهو زعل ليش استقبله كذا وانا حسيته اناني
يدري اني تعبانه والاخ يستهبل ويبغاني احتفل بجيته المهم من ذاك اليوم الى هالحظه ماأكلمه وهو كمان حطها زعله ومايكلمني المشكله ادري الجنوبي مايعتذر ومستحيل يجي يراضيني لاكن انا بعد احس انه اهانه لي اروح اسولف له واعتذر له وهو اللي نرفزني وكبر الموضوع وهو جدا تافهه حتى ماسأل عن حالي بعد كذا مع انه يشوفني تعبانه
الاخ عايش يومه ولا كأني موجوده اللحين ايش الحل أتنازل وابدى الصلح معاه مع انه احسها صعبه مره على نفسي او استمر في التطنيش وانا اللي اكل هوى خصوصا صار يسهر ويجي البيت متأخر ويجي يغني كمان ولا كأنه في شي
بس مايتكلم معي شوري علي ايش التصرف الصحيح والله يجزاك خييييييير

 

[زمان الوصل]

مالفرق بين كرامة الرجل ورجولتة
مع ذكر الأمثلة لو سمحتي


لا تعلمين ماذا يعني ردكِ على أسئلتي
شيء ما يجعلني أستوعب أشياء أخرى

مبدعة !

تقصدين كرامته كإنسان ورجولته
أنا أرى بأنها نفس الشيء وإن كانت الرجولة أكثر خصوصية والأساس
أساس كرامة الرجل مايتعلق برجولته
فالرجل قد يلقى توبيخا من رئيس عمله وإهانة أمام الموظفين
لكنها تصبح إنتقاصاً من رجولته لو كان هذا الرئيس إمرأة
والزوجة قد تحتقر زوجها فتهينه لكنها تتحول لطعن في رجولته إن كانت دائمة التحقير ولاتراعي وجود الآخرين
أو تكون الزوجة تروج أنها الآمرة والناهية وما زوجها إلا تابع لها
أو تلك الزوجة التي تقول لو أني تزوجت فلاناً من الناس لأنه أغنى , أو علاناً لأنه أوسم
كلها إهانة في الكرامة وطعناً في الرجولة
حدود كرامة الرجل ورجولته يحددها تربيته وبيئته والمجتمع الذي عاش فيه
فهناك بعض الرجال إن رفعت الزوجة صوتها عليه عند الآخرين ولو بشكل بسيط
إعتبر ذلك محاولة منها لإنتقاص رجولته
بينما في مجتمعات أخرى لاضير عند الرجل حتى وإن تشاجرت زوجته معه
عموما... الجنوبي لو حس من زوجته إهانة له(مجرد إحساس وصله من بعض تصرفاتها)
يصبح شديد الحساسية والملاحظة ويبدأ بتفسير تصرفاتها بما يتناسب مع شعوره ذاك..​

 

[زمان الوصل]

زمان الوصل ..
انا الحين أحاول اني ماهتم لخروج زوجي ابدا لكن احسه يبيني اتكلم غصب عني لأنه كل ماله ويزيد ..
تخيلوا يابنااااات ...
أنا ماشوف زوجي الا وقت النوم ؟.؟
طبعا ويوم وااااحد ويكون يتابع برنامج وثائقي ..ولمن اجلس جنبه راسي يصدع وودي اقوله اطللللللع
لأني انا تعودت عدم وجوده ....
المشكلة الحييييين انا خايفة تستمر حياتي مع زوجي كذا
هل اذا سكت يعتبر هذا استغلال عاطفي ..
طيب كذا مع الأياااام رح تكون حياتنا بس غرفة النوم ...............!!
وش الحل ..أنا ساكنة مع اهل زوجي حتى بالغدا مانتلاقى ...
تخيلوا اشوف زوجي ساعة قبل النوم ..هذا إن ماكانت ربع ساعة لأنه بس يحط راسه ..يبدا شخيره مشاءالله ....
وش الحل يابنات ...مع الزوج اللي كذا هل اقوله انت ماتجلس بالبيت ..؟
ولا أخلييييييه ..؟

مع زوجك تلوني وتشكلي بما يتناسب معه ومع طبيعة حياتكما
لستما في بيت مستقل, لذا فوضعكما خاص
فعليك إنتهاز الفرص السانحة أمامك
مادمتي شعرتي بانه يريدك أن تتحدثي
فتحدثي ...لاتحاسبيه على خروجه, لكن بيني له حاجتك له وإشتياقك لأن يجلس معك ويخصص لك جزءاً ولو يسيرا
لم يكن الصمت إستقلال عاطفي(إقرئي لتعرفي معناه جيدا)
حاولي في تلك الدقائق التي يقضيها معك أن تغيري الأجواء التي إعتاد عليها معك
أعدي جلسه معتبره قهوة شاي عصير وشاركيه هوايته أو إبدئي بسرد سواليفك وبعض قصصك
ليس شرطاً أن يتجاوب معك ويتناقش...المهم أن يستأنس بك ويبدأ بالتعود على مجالستك.
​

صحيح ..

أنا زوجي بشهر العسل كان يبي يشيل عني الاغراض ..من باب انه يبي يدللني

وكان يسوي كذا قدام اهله ..

وسمعتهم يتهامسون عليه ..إنه وش فيه ..مورجال ..ماله هيبة ومن هذا الكلام ..

أنا رحت قلت له وكانت غلطتي ..

الحين لو اطلب منه اي مساعدة من الي كان يسويها بشهر العسل :

يرد علي هذا مو شغلي هذا شغلك إنت أنا الزوج ..

اثرت بنفسه كثييييير ..وموعارفة كيف اخليه يرجع مثل قبل يبادر ببعض المساعدآت الضرورية ؟

بالتشجيع عندما تذكرينه برجولته في هذه الأمور
أكثري من ترداد أنا إمراة لا أستحمل رفع هذه الأشياء
وأنت ماشاء الله عليك رجل قوي ...أتمنى أن تساعدني...
​

زوجي صار مايحب ينام معي على نفس السرير

له تقريبا سنة

والسبب
اني لما ولدت ولدي الاخيرصرت انام انا وهو وباقي بناتي في غرفتهم
بالبدايه يقولي ما احب الازعاج مع ان ابني مو مزعج يس اذا سمع واء ولاحس بحركة يعصب ويخاصم يقول حتى النوم ما اتهنى فيه
وصار ينام لحاله في غرفة النوم
لمده سنه لحد ما ابني كبر وماصار يقوم كثير في الليل مثل اول
وبعدين قررت اني اخليه ينام معاي بالغرفه
بس احس ما يرتاح على اني ما ادخل الا وابني نايمه مع اخواته في الغرفة الثانية ويصرفني يقول عيالك شوي ويقومو ولا ابنك بيبكي قلتله انا نومي خفيف مره يسمع وبعدين اساسا ما يقوم الا نادر واذا صلى الفجر يخليني لحالي في الغرفة وينام تحت في المجلس على فراش صغير حاطته علشان يقيل عليه بطلبه لانه على كلامه مافيه وقت يطلع فوق كلها نص ساعة ويقوم الصلاة

بس ما يبغى اقرب منه حتى بالنوم اذا قربت منه يقول تبين شي ولا يقول تعبببببببببببان ابي انا وانا اساسا ما ابي شي يقالي بحسسه بالحنان وفي الاخير اتفشل

سبق وأن جاوبت على مشكله مشابهه تماماً...
فلو تكرمتي يا أختي عودي للردود السابقة​

 

[نكهه خاصة]

السلام عليكم

بصراحه يازمان..

اقرا الدروس واتحمس اطبقها لكن فتره وبعدين ارجع لطبعي..



...................

نمطي غربي جنوبي شمالي >> مافيني من الشرقي شي سويت الاختبار طلع واحد فقط للشرقي..

احس شخصيتي مي حلوه.. + فوضويه وغير مرتبه + حساسه جدا ..

اذا جا موقف موب زين من خطيبي انسى كل شي حلو فيه..

صح صرت مااكلمه وقت الزعل واتجنب النقاش معه.. وماادقق على حركاته

بس ابي اكون رزينه وعاقله في تعاملي معاه... ابي يكون هذا طبعي يوم اتعامل معاه

اهلي يقولون لي عيبك اذا زعلتي تنسين كل شي وتصارخين + فوضويه بشغلك وغرفتك <<<


انا رسامه والغرفه كلها الوان وفرش واوراق مقطعه

اتمنى اشرب الدروس شرب وتكون هي طريقتي بالتعامل معاه..

صح انا حنونه ومتسامحه لكن مااداني تدخل الناس وكلامهم لو بغيري

مااداني العادات والتقاليد مااداني اي شي تقليدي.. يجيني الضغط منه..

يعلم الله اني احب زوجي ... واخاف على قلبي لا يوقف من حبه..

بس خايفه من الزواج.. خايفه من الي بعده .. والمشاكل الي انا فيها الحين بتأثر فيه

وكتبت أسئلتي ومخاوفي مسبقا

اذا فيه امل من حياه سعيده بعد المعاناة الي ارسلتها لكي على الخاص والي كتبتها هنا بشريني..

وانصحيني كـيف ابدأ حياتي معاه بشو أتسلح هل العيب بشخصيتي ويبيلها تعديل ..؟؟

 

[زمان الوصل]

يعطيج الف الف عافيه
والحمدلله اني ما قلت له قبل لا اخذ رايج
الحين اقدر اقوله واناقشه بالموضوع واقوله كلامج تسليمن ياقلبي

زمان الوصل انا مشكلتي الغيرة مع الجنوبي اغاااااااااااار عليه بجنون حتى اذا وحدة مرت صوبنا اغار واحنا الحين ماشاءالله عليهم بنات الكويت كلهم ذرابه وكشخه
وفتن اغار اطلع مع زوجي اغار من وحدة تمر صوبنا
خصوصا ان مرة حضرت دورة للاستاذة ناعمة وقالت ان لمن تمر وحدة جدام زوجج بتغارين وفعلا هذا الي حاصل معاي وقالت ان الزوجه بعد فترة من الزواج لاتغري زوجها ((بس ما سمعت التكملة لان صار ضجة بالمحاظرة ))انا اهني بغيت اموت
ليش يعني اسوي كل هالاشياء واخر شي ما اغري او افتن زوجي
الحين كل ما وحدةم رة صوبنا اقوله لا تخز ولا تشوف
زمان الوصل انا من تزوجت علمت زوجي طبع ان لمن كنت ارجع من بيت اهلي اقوله جصار كيت وكيت بس سوالف عادية واحتى لمن اطلع او احد يتصل علي بس اقوله اشياء عادية الحمدلله الحين اخذ هالطبع وصار يقولي مرات شو الي يصير معاه وين مايروح

عندما تقولين لزوجك ... لا تخز لا تشوف
فإنك في الحقيقة تقولين له خز وشوف
لأنه وببساطه العقل البشري لا يستقبل الألفاظ السلبية
أداوات وحروف النهي والنفي لايستقبلها الدماغ
فلو قلتي (خزني وشوفني أنا) لكان أنفع
لاتبالغي في غيرتك وكأنك حارس شخصي فبعض الغيرة يفسرها الزوج بشكوك فيه وعدم ثقة
وحتى تكوني مغريه... كوني غامضة وزيدي الجرعة
لاتكوني ملتصقه به دائماً
أظهري إعجابك به بإستراق النظرات إليه
وبالإبتسامة والنظرات الخجولة
والصوت الإنثوي الرقيق الناعم والدلع
واللمسات... والإحتكاكات... الخفيفة وتظاهري بعدم تعمدك لها​

زوجي يعصب علي كثيرر اذا ةطلعنا السووق
مرره كنت بسوق الذهب وجات وحده قريبه من زوجي وانا كنت على يساره و هي باليمين
ورحت بينهم لاني ما قدرت اتحمل اشوفها متبرجه ولاصقه عنده
وزعل على وقالي فشلتيني
بس اتوقع اي وحده مكاني بتسوي مثلي
تصرفي ما رايك فيه

ــــــــــــــــ

كيف اخلي الجنوبي يعرف ان غيرتي بالاسواق عليه ما هي مبالغه
كل ما نزلنا الاسواق يزعل
بسبب كذا

ـــــــــــــــــــــــ
وزوجي كل ما رحنا للغرفه بنام يقولي يا سلام لو فيه زوجتين وحده يميني ووحدده يساري

وكمان ازعجني بس يتكلم في شغالة اهلي وهي مو موجوده
انا لمن ولدت تركته عندها واهلي ما كانو موجودين

وهي كاسره خاطره ويقوول بيتزوجها
هل ممكن يتزوج

وهو جنوبي شرقي
يا ليت تردي على الرساله اللي ارسلت لك يا زمان على الخاص

ربما طريقتك بالدخول بينهما لم تكن لائقة ولاحظها من كان في المحل
وكما قلت غيري لكن لاتكوني كالحارس الشخصي
بالنسبة لتكراره أمر الزواج الثاني
فقد تكلمت في ذلك كثيراً... إقرئي ردودي السابقة
الرسالة الخاصة... عدت لأقرئها فتبين لي بأني حذفتها
ولن أحذف أي رسالة أو أمتنع عن الإجابة إلا إن كان السبب هو تكرار نفس المشكلة التي أجبت عليها سابقاً في هذا الملف.
فإن كان غير ذلك فأستسمحك عذرا...ويحق لك برسالة أخرى أو تذكريني هنا ببعض فحواها​

 

[kook]

زمان الوصال وجميع البنااااااااااات ياريت تردو عليا00000
بسالكم ذحين اذا لاحظتي انو زوجك لما تروحي السوق 00اوحديقه او اي مكااااااان فيه نساء لازم يسترق النظر00
هل تبيني له غيرتك او تسكتي وتعملي وكانك ماشفتي حااااااااااجه000000
ياااااااااااااريت تردوا عليا00000

 

[نكهه خاصة]

زمان الوصال وجميع البنااااااااااات ياريت تردو عليا00000
بسالكم ذحين اذا لاحظتي انو زوجك لما تروحي السوق 00اوحديقه او اي مكااااااان فيه نساء لازم يسترق النظر00
هل تبيني له غيرتك او تسكتي وتعملي وكانك ماشفتي حااااااااااجه000000
ياااااااااااااريت تردوا عليا00000

والله انا عني شوي مو كثير ابين غيرتي.. بس امي الله يجزاها بالخير قالتلي
تغافلي .. تغافلي عنه .. وانشغلي واشغليه معك بس لايحس.. انك غيرانه

لأن بعضهم مايحترم مشاعرك ويصير يكيدلك فيها

ان شاء الله لاتزوجت ربي يربط على قلبي واتغافل لأن عجبني كلامها وأحسه يصلح مع الجنوبين

الي مثل الأطفال يحبون لفت الانظار لهم

 

[kook]

والله انا عني شوي مو كثير ابين غيرتي.. بس امي الله يجزاها بالخير قالتلي
تغافلي .. تغافلي عنه .. وانشغلي واشغليه معك بس لايحس.. انك غيرانه

لأن بعضهم مايحترم مشاعرك ويصير يكيدلك فيها

ان شاء الله لاتزوجت ربي يربط على قلبي واتغافل لأن عجبني كلامها وأحسه يصلح مع الجنوبين

الي مثل الأطفال يحبون لفت الانظار لهم

حبيبتي انا دحين اتغااااافل عنه بس وربي يقهر اتمنى نلقى له رد يتوب ولايرفع عينه

 

[زمان الوصل]

زمان كلامك اللي بالاحمر حاولت افهمه زوجي بس هو يغضب مني اذا كنا في مكان عام كان عنده نساء وحاولت اكوون لبوه زوجي الاسد
اللي شايف نفسه ابو الارامل والمساكين والفقراء والعوانس :a084:
ومتخلني حجر معاه
وبالذات المضيفات بالطياره والله بس يتبسم لهم والممرضات الفلبينيات بس يقولي قدامهم عجووز مع اني والله عمري ما وصل العشريين حتى:c018:
وحتى الخدامات بعد عقدني
صار ودي اسحب عيووني واضغط خشمي يمكن اعجبه:e076:
يقهرني ولو بلمحله يهاوشني :icon1366:

سااعديني يا زمان

لا أعرف كيف حاولتي تفهيم زوجك بالضبط
عموما كوني في مواجهة الأخريات لا مواجهة زوجك(بالرغم من انه هو المذنب)
ولا تلتفتي لكلامه وتجريحه له... فأنت تتعاملين معهن لا معه
وإدعي له بالهداية وحاولي تقوية وازعه الديني​

زمان الوصل
ردي على استفساراتي اللي فوق
وهذا كمان

كيف اقنع الجنوبي مثلا بانه يهتم بنظافته الشخصيه
هو يهتم بالستحمام
لاكن ما يحب ينظف اسنانه بالفرشاه
كيف اقوله بدون ما اسببه له احراج
وكمان انه يتنظف لي قبل الجنس

دائما إربطي ذلك بحبه للكمال والظهور به
أنت ماشاء الله عليك زين وكاشخ لكن إن جلست مع الناس
أخشى أن يقولوا عنك كذا وكذا
وأحياناً قد تضطرين لأن تجرحيه... لكن تداركي ذلك بالتوضيح أن ذلك من صالحه
وأنت وطريقتك...​

 

[نكهه خاصة]

حبيبتي انا دحين اتغااااافل عنه بس وربي يقهر اتمنى نلقى له رد يتوب ولايرفع عينه

آآآآه لا تفتحين موضوع الغيره والبصبصه لأنه مولع فيني.. والله انه يسألني عن فلانه وعلانه بصريح العباره وأمه اه من امه وخواته وخالاته بالوصف.. حسبي الله على الظالم

انا بعد ابي حل جذري لكن لأنه رجال مااظن فيه حل جذري.. الا الدعاء

ادعي ربي يصرف عيونه عن محاسن غيرك >>> ومايشوف غيرك

 

[kook]

الله يهديهم 00000ويبعدهم عن الحراااااااااااااااااااااااااااااااام00000

 

[kook]

زمان الوصال وجميع البنااااااااااات ياريت تردو عليا00000
بسالكم ذحين اذا لاحظتي انو زوجك لما تروحي السوق 00اوحديقه او اي مكااااااان فيه نساء لازم يسترق النظر00
هل تبيني له غيرتك او تسكتي وتعملي وكانك ماشفتي حااااااااااجه000000
ياااااااااااااريت تردوا عليا00000

انا اليوم مسكت نفسي غصب قلت اسألكم اول ؟

 

[زمان الوصل]

أستاذتي زمن الوصل
أشكرك على توجيهاتك القيمة
وجعلها ربي في ميزان حسناااتك
*عرفت بعض أخطائي عندما كنت أنا وزوجي نعيش تحت سقف واحد أسأل الله أن يجمعني به قربياً زوج
قررت أن أبدأصفحة جديدة من الآن رغم البعد عن طريق الإتصالات الأسبوعية والزيارات الشهرية سؤالي عندما يتصل يريد أن يعرف أخبارنا أو أخبار من حولنا فأقول له مثلاً ولدي عنده حفلة يوم الأربعاء وسأذهب معه كي يعيش معنا الحدث أو اذا كانت عندي مناسبة أقول عندي زواج يوم الخميس مع العلم أنه بيدي اهتمامه ويسأل فيما بعد عن المناسبة التي حضرتها فالجنوبي خيالي حالم أريده يتخيلني بتلك اللحظة هل فعلي صحيح أو أن مثل هذه الأخبار تشعره بأني سليت ووجدت بديلاُ عنه أخشى أن تكون نتيجة عكسيه
* ماهي العبرات التي أركز عليها عند محادثته تنقصني تعبيرات لغوية تناسب الجنوبي كيف اتعلمها وشكراٌ
وأستغرب من سؤال دائماً يكرره لي أحد جاكم بالبيت زاركم ويسأل أطفالي قدام أهله مين جاكم يامعاذ أعتقد انه بيشوف مين اللي مانساه وتذكره وزار أولاده صح فهمي أو لا .
* وفي آخر زيارة قال لي ممنوع زيارة صاحباتك الله لا يهينهن اذا يقدرون ظروفك هم يزورونك مع العلم أنني اعتذرت لهن أنني ليس لدي مواصلات ولا قصرن يجتمعون عندي إلا مرة حبيت أغير جو وزرت أقرب وحدة كان هو يوصلني لها وهو على علم بذلك أريد أن أعرف ايش الدافع اللي عنده غيرة خوف يخاف اني انساه مع الناس ودي أفهم قصده ماهمني لو مازرت أسأل الله التوفيق والبركة

زوجك في هذا الوضع من الطبيعي أن يبالغ في مشاعره, وعليك تقبل ذلك
كما أنه من المهم عنده أن لايشعر بأنك عايشة حياتك بالطول والعرض
حتى وإن كنت مقله في الخروج من بيتك
فهو قد يكون بالفعل سمح لك بالخروج ومزاولة علاقاتك الإجتماعية
لكن تكرار عبارات في كل مرة تحادثينه( زرت فلانه وذهبت لزواج وو..)
تصور له وبفعل خياله الخصب كثرة خروجك
فإن كنت بالفعل أخذتي الإذن العام....فنصيحتي لاتذكري له كل خروج لك...
بالنسبة لسؤاله عمن جاءكم...فكوني صريحة فيها وبسرعة بل وأخبريه قبل أن يسألك
والسبب كماقلتي...وليطمئن عليكم...
وإستخدمي معه العبارات التي توضح أهميته ومكانته عندك
والتي فيها تطمينات له عليك وعلى أطفالك​

 

[زمان الوصل]

لقيت نفسي فيك..

كاني تخيلت تصرفاتك مع زوجك .. ودي اعطيك معلومه .. ترى كل النساء يغارون على ازواجهم مو انتي بس .. لكن خليك ذكيه ولا تفسدين حياتك بسبب هالغيره ..ولا تحسسينه ان ماعندك ثقه بنفسك ..
احيانا فيه بعض المواقف لازم تمسكين اعصابك فيها وتحسسينه انك ما انتبهتي .. وفي بعضها لازم تتصرفين بطريقه بريئه بدون مايشعر ... مثلا سالفتك وسوق الذهب .. يمكن انتي حسستيه انك جايه فاصل بينك وبين الحرمه .. يمكن الغيره خلتك تقمزين بطريقه لافته .. اتوقع لو مكانك وشف الحرمه قرب زوجي بحاول اطنش او اسحب زوجي شوي من جهتي واقول الحرمه تبي تمر .. كاني فهمت غلط انو الحرمه بتمر تشوف ...
او التصرف الثاني اللي راح اعمله .. اني اشوف الحاجات المعروضه وكان فيه وحده عجبتني من هذاك الصوب واقول لزوجي..( ايوه هذي.. قل للبائع كم سعرها) ثم اسحب نفسي بهدوء لم الصيغه بدون مايشعر ببرائه يعني ..
لانه غلط تشعرين زوجك انك تغارين عليه بالطريقه هذي وكانك لبوته اللي مستعده لخلق مشاكل مع الحريم بسببه .. اتركيه يا عمري كذا بيكره الروحات معاك بسبب هالغيره.. يحس ماعندك ثقه بنفسك وتقلين بعينه .. الرجال يحبون الحرمه الواثقه من نفسها وعارفه انو مافي حرمه بهالدنيا افضل منها وتحسسينه بهالشئ بطريقه غير مباشره ..

بالنسبه لسالفه الزواج .. اكيد بيكرر هالموضوع مادمتي سلبيه بردودك ... وبما انه عرف انها نقطة ضعفك وانك تولعين عليها فهو حابب يرفع لك ضغطك كلما نرفزتيه ..
انا زوجي كان مثل زوجك ... في الرضا يحلم قدامي بالزواج .. وفي الزعل يهدد بالزواج .. وكنت سلبيه بردودي واحسسه اني ما ابيه ينزوج .. لكن ما استفدت .. فسويت الطريقه وما ادري اذا زمان الوصل بتأيدني لكن بعدها زوجي بطل حكي عن هالموضوع وما ادري هل تضبط مع كل الرجال ...
صرت كلما يحكي عن الزواج .. اقول بكل برود ياشيخ (روح الله يسعدك وحنا الله يسعدنا ) فيقول لي .. يعني ماراح تزعلين .. اقول بكل ثقه .. لا ليش ازعل .. انت تكون حياتك وانا اكون حياتي ..... فيجلس يفكر .. وش معنى كلامي .. فلمن يسالني .. اقول شوف حبيبي .. الحريم ينقسمون قسمين .. حريم يصبرون على التعدد عشان عيالهم .. وحريم مايقدرون يصبرون .. وانا وحده من الصنف الثاني .. فاذا قررت تتزوج على خير .. ارسل لي ورقه طلاقي .. خاصه هاليومين ماشي سوق المسيار .. خل اخذ واحد غني يدلعني وسفرات وطلعات ووناااااااااااسه لامسؤوليه وكنس ولا تغسيل ملابس لا هم وش وراي الدنيا ماتسوى اضيق صدري فيها خل اوسع صدري قبل اموت << اقولها بمزح ..
انا هنا زوجي يطرررررررررطع .. واحسه منقهر بس مو عارف شيقول ..
حاول مره يهزئني ويقول انتي ماعندك تضحيه انتي ماعندك رحمه بعيالك تبين وناستك .. قلت حتى انت ماعندك السابق ذكره بتروح تتزوج وتوسع صدرك .. انت مو احسن مني .. وبعدين ليش اقضي وقتي مع هالعيال .. ليش ربي خلقني عشان اكون رهينه عيال من زوج ماقدرني وتزوج علي ..
انت فكر فيها بعقل وخل العواطف على جنب احنا بالقرن العشرين خخخخخخخخخخخخ
وقلت له .. اذا كلامي يضيق صدرك فلا تطري سالفه زواجك لانك من جد تخليني افكر بهالموضوع ...
خلنا نركز في حياتنا بعيد عن هالتهديدات اللي كاتبه ربي بيصير يارجال خل نتونس بعض وربك يكتب اللي فيه الخير ...

بالنسبه لي زوجي سكر موضوع الزواج نهائيا والحمد لله ... بس طبعا ما اظمن يسويها لان المكتوب لازم نؤمن فيه ونرضى وهذا شئ حلال له فليش نغضب ونثور الدنيا ..
لكن اسلوب التهديد ما احبببببببببببببببببببببببه .. وحطي ببالك ترى الزوج مايهدد الا بالشئ اللي يشعر ان زوجته تكرهه .. فلا تطلعينه على الامور الصعبه عندك ...

من ناحية ابتسامه زوجك للمرضات وغيرهم .. هذا لان زوجك مو ملتزم وانتي رضيتي فيه وعارفه .. مالك الا تتجاهلين هالوضع .. او تذكرينه بضروره غض البصر .. قولي ترضى اجلس اطالع الرجال واضحك معاهم .. نفس الشئ اللي ماترضاه لزوجتك لا ترضاه على نفسك .. بيقول بس انا رجال غيررررررر .. قولي احنا نتعامل مع ربي وربي ماعنده غير كلنا سواسيه .. قولي انا نصحتك لنفسك مو متقبل براحتك .. وسكري الموضوع وتجاهلي نظراته ريحي دماغك ودماغه .. لاتنسين انه رجال واكيد يطلع بدونك كثير فيكون على طبيعته معاك افضل من يكون مجامل معاك ..
لمن يتريق عليك قدام الحريم اسكتي وتجاهليه وبيني له بسكوتك انك زعلانه من هالتصرف .. عشان مايتمادى .. الضحك يخليه يتمادى ...

:icon26: مشاركة رائعة :icon26:
أشكرك عليها
ولكن
فلتحذر زوجات الجنوبي الشرقي
فأحياناً لاتنفع الطريقة إن ذكرت الزوجة
زواجها بعد زوجها بطريقة صريحة جداً
وتطرقت لصفات الزوج الخيالي
ولتكتفي بالحديث عن نفسها فقط​

 

[زمان الوصل]

زوجي جنوبي غربي
وأنا شمالية شرقية
زوجي خاني أكثر من مرة وأنا ماقمت أثق فيه بسبب سلسلة أكاذيبه فبطلت تليفونه من وراه بسبب خيانته
أنا وزوجي ألحين قاعد نصلح من أنفسنا ونترك الكذب على بعض
لأنه صار يعطينا نتائج سلبية بحياتنا حرمنا من بركة الأطفال والمال
وقاعدين نحاول نبدأ حياتنا من جديد
بس للأسف مو جايين نثق بعض
انا مو واثقة من أنه يكرر خيانته
واهو موجاي يثق فيني بخصوصياته

مر اكثر من شهر بس الى الآن كل واحد يترقب الثاني بأفعاله
مع أنه قمنا تقرب أكثر لربنا بس الثقة مهزوزة بينا شالحل؟؟؟؟؟؟

نعم ما فعلتما... التقرب إلى الله
إنسي أمر خيانته.... وكفي عن البحث خلفه
وفوضي أمرك لله وإلتجإي إليه
وأعيني زوجك على طاعة الله
​

زمن ابي اسآلك وانتم يابنات هل غلط بصراحتى معاه وهل جرحته وانا مااقصد
انا ليه فترة عندي التهابات وتزيد بعد الجماع رحت للدكتورة قالت انتى ماشاء الله
كويسه مافيك شي ممكن زوجك عنده التهابات لازم يكشف قلت لها اوكي قالت اذا زوجك
من النوع الى يرفض الكشف ناديه انا افهمه انا خفت على احساسه قلت لها لا زوجي مايرفض
المهم لمن ركبنا السيارة شاف مامعي علاج قال ايش صار قلت الدكتورة قالت مافيني شي الحمد لله
بس طلبت انت تكشف اطمئنان لان ممكن يكون فيه التهابات عندك وقعدت اسولف معاه اقول الدكتورة
قالت ممكن زوجك يرفض وانا قلت لها لا زوجي انسان متفتح ومايرفض العلاج ابدآ مادام فيه مصلحه لنا ولسعادتنا
قال لا عادي مافي مشكله اروح اكشف بس بالمستشفى مافيها دكتور ذكور قلت طيب ايش الحل قال ادور ان شاء الله
القى >نحن ساكنين بقريه يادوب فيها مستشفيتين بس <ومن يومها والاخ ماقرب ليه متجنبني تمامآ مع اني اشوفه
يقرب وقت النوم بس يرجع يتراجع ولمن اجي عنده يقول تعبنا اليوم العمل متعب وكذا هل كلامي معاه السبب ؟؟؟؟؟؟:33:

هذا لأنه يخاف عليك...أنت شجعيه على الذهاب للمستشفى
وشددي على ذلك..وأن الأمر بسط لكن التأخر يزيد من حالته للأسوء​

 

[زمان الوصل]

انا امنيتي انا نستقل ببيت الحالنا ساكنين مع اهله انواع المشاكل

ومالي الا غرفه وحمام وعندي بنتين وهو يقول ان شاء الله بنطلع له ثلاث سنين وهو يوعدني اننا بستقل


وانا احس انه خايف من رده فعل اهله ومو قادر يواجههم اننا بنطلع ببيت

تكفون علموني وش اسوي وشلون اسهل له الموضوع

عيشيه معاناتك...بوصف شعورك له بعدم الحرية والخصوصية
وخذيه بطريقة ودية وإستعطاف لمشاعره
وقولي لو كانت إحدى أخواتك مكاني, ألا تتمنى أن تستقل في بيت خاص بها
وواجههيه بمخاوفه لكن بلين ورفق...وأظهري تفهماً لأسبابه
وقولي إن كنت تخشى أن يزعل أهلك منك
فهذه سنة الحياة ومن حقك أنت ولن تقطعم إن شاء الله وستبقى على برك لهم​