ســـــالفتتي سـالـفه..

[3soola.ad]

السلام عليكم ورحمه الله وبركاته

خواتي انا مالي حد اشكيله غيركن وهذي اول مره اكتب واقول اللي ف خاطري

وسالفتي شوي طويله بس اتمنى انكن تساعدني...

انا تزوجت من سنه ونص وعندي بنوته "زواج عن طريق الاهل"

وللاسف اهلي ما سألو عن الريال بس عسبت ان من طرف واحد من الاهل على طول وافقو

وانا ماكنت ابا اعرس لكن لاحول ولاقوه وقلت ف خاطري يمكن يعوضني الحب والحنان اللي فقدته طول عمري..

ايام الملجه ريلي كان عصبي وايد ومايتفاهم و دوم ينرفزني واذا تضارب وياي يتصل عسب يهزبني ويحط علي و يبند ، بس مانكر انه كان يهتم شوي واييب لي هدايا ويطلعني..

وبعدين عرسنا قلت يمكن يتغير وتخف عصبيته ويعدل اسلووبه الزفت "طبعا سكنا ويا اهله" بس الريال مثل ماهو لكن قلت بصبر دام اهله يحترموني وشاليني

فوق راسهم، لي بعد فتره بالاحرى بعد 4 شهور كان راقد وانا مدري ليش خذت تلفونه وليتني ما

خذته شفت صور بنات اباحيه و رسايل غرام ولسته اسامي بنات وارقامهن ، دارت الدنيا فيني

ماتوقعت هالشي منه عقب ظهرت من الغرفه ابكي مدري كيف حس فيني وقالي شوفيج قلت له ماشي لكن بالاخر عرف انه عسبت التلفون تم يعتذر ويبكي واخرتها ماقدر يتنفس و رحنا المستشفى، وانا وياه بالي ف الصور اللي شفتها ردينا البيت وانا مانمت من الصدمه ، والصبح

رد اعتذر لي وقالي ماقصدت ويلخبط ف الكلام.. وودعني يترك هالشي ..وصدقت

وشكله تعود على هالشي من وحده لوحده وانا كنت حامل و صدق عانيت معاه و كل يوم ابكي

من الهم اللي فيني،، وهو يبعد عني اكثر واكثر .. لي وصلت لدرجه اني ماقدرت اتحمل بعد ما شفت

صور يديده ف تلفونه ومن كافه الجنسيات ومكالمات فيديو تخبلت، رحت لأمه قلت لها اسمعي يا عمتي ولدج يسوي بي كذا كذا وانا ماقدر اتحمل وماقصرت عليه بشي وعيب اللي يسويه ..

امه انصدمت وراحت له تشوف شو السالفه طبعا هو طردني من الغرفه وهيه سوت عمرها ما تعرف شو صاير بس هو خرف عليها وقالها ان ربيعه ارسل له صور بنات وانا اتهمه انه يكلمهم

هيه ماصدقت بس كانت تبا تسكر السالفه وتراضينا و رضيت غصب.. امه خبرت حميتي عمرها 20 سنه .. وطبعا هذي لازم تخبر باقي اخواتها.. وانتشرت السالفه وانا مدري

ف يوم ولادتي زوجي كان وياي ف المستشفى وكاره نفسه لانه مجبور ايي ويانا، وماترك التلفون دقيقه مسج ورا مكالمه ولافكر فيني وانا تعسرت ولادتي و اخرتها ربيت بالسلامه كان مستانس لكن تصدقون ماعبرني "طبعا هو يقول انه يحبني" بس ماطيب خاطري بشي

مر شهرين وانا وصلت لدرجه اني ماتحمل ف قلت بفاتح بالسالفه واللي فيها فيها.. طلعنا صوب البحر و قلت له لي متى بتم كذي؟؟ قالي شوقصدج ؟ قلت انا وانت نعرف و خلنا نتكلم بصراحه

طبعا انكر وحط الغلط علي و قالي عطيني دليل اني اسوي هالشي ، وهو كان يستخدم تلفوني ومن

عاده تلفوني يخزن المسجات المرسله والشخص مايعرف عنها، ولما راويته اتفاجأ وقالي روحي بيت اهلج مالج قعده عندي. قلت له اوكي بس خلنا نتكلم ف الموضوع ، بعد رجا مني تكلمنا ف السالفه وقالي انه يرمس بنات من كل الجنسيات لكن ما ظهر وياهن "وانا كنت متوقعه لانه ما يطلع من البيت الا الدوام او مع ربيعه اللي هو زوج ربيعتي"

وبهالفتره اهله تغيروو علي .. حميتي الثانيه اللي عمرها 16 سنه دوم معاي لكنها كرهتني ومااقامت تجيني ، مخليني بروحي واذا يلست معاهم محد يكلمني.. ظليت شهرين على هالحال

المهم نسينا السالفه وارتحت نفسيا بس انصدمت انه ماترك هالشي وانا خلاص تخبلت ، شفت

حميي وزوجته بيروحون بيت اخت زوجته قلت لهم ودوني بيت اختي ورحت لاختي تميت عندها

يومين وهو كان يتصل لكني اكلمه بدون نفس ، المغرب اتصل وكان يبكي انا استغربت .. شوفيك ؟ قالي ماشي بس انا قلت اكيد في شي وهو موراضي يتكلم ، اخرتها قالي انا قريت دفتر مذكراتج..

نعم هذا الشي الوحيد اللي يواسيني وافضفض فيه مالك حق تقرا منه كلمه، لكنه قرا كل شي و انصدم من اللي كتبته عنه وعن حياتنا وكيف انه مايحس فيني.. الريال تغير 180 درجه وياني هناك يراضيني والحمدلله صار اوكي

للشهر اللي فات احسه حن لخرابيطه واهله شوي تحسنت علاقتي فيهم ،شواللي غيرهم علي ؟ ماعرف .. وهو ليل نهار مقابل الكمبيوتر من شات لدردشه لمواقع زواج ويضيف البنات و يرمس ف الفون.. عمتي صارت معاي اوكي ف قلت لها ياعمتي ريلي بعد على هالسوالف كيف اتصرف

معاه خذته بكل الطرق لكن مانفع شو الحل خبريني، احسها مارضت على ولدها وقالت ادعي الله يهديه انا ماقدر اقوله شي. قلت اوكي خذت بنتي ورحت حجرتي وندمت اني كلمتها..

رحت للكمبيوتر شفت محادثاته مخزنه ف طرشت ايميل للبنت اللي يكلمها وقالت له اتصلي.. وكنت متأكده انها بتخبره عن هالايميل .. وانا صدق عفت زوجي .. الريال طلع من الدوام وياني البيت و

طاح فيني سب وتشتيم و ضرب لاني افتش ف رسايله و اغراضه وماخلى فيني حال.. انا عارفه شو بيسوي لكن اللي ضايقني اهله، صار ماشي شغل الا انهم يتكلمون عنا وحاطين الغلط علي.. ووصلت فيهم لدرجه انهم يشكون فيني ..ليش؟؟؟ ماسويت شي.. والله يشهد ، ويحرضون اختهم علي ويرمسون من وراي مع اني والله يشهد عادتهم شرات خواتي.. لكن طلعت الرمسه

ولما عرفت حسيت بخيبه امل الكل ضدي، ريلي واهله ..

بتقولون وين اهلج؟؟ بقولكم ابوي شيبه ماصدق يفتك منا ونعرس و ماعندي اخوان كبار يدافعون عني وامي فيها الضغط ما تتحمل.. وشو النهايه ماعرف؟؟

اسمحووووووووولي طولت عليكن وايد بس احس اني بنفجر

 

[العجيبه]

الله يكون بعونش ويفرج همش ويهدي زوجش وربي اسلوبش يحزن احسش حزينه مره ..
مادري وش اقول لش الله يقويش ويصبرش ..

 

[نوور الدووحه]

الللله يعييييينج ويقولج بوطبيع مايجوز عن طبعه.. سبحان الله مشكلتج نفس مشكلة رفيجتي بالضبط
انا من رايي غيري بعمرج واهتمي بنفسج ::انتبهي لنفسج موب له:: يعني اذا فكرتي تكشخين فبيكون لنفسج غيري كل شي فيج حتى بكلامج واسلوبج وعيشي لنفسج وهو خليه آآآخر همج لوحتى يكلم بنات جدامج سوي عمرج عااادي خلي معاملتج له عااااديه قولي في بالج هذا ريلي موحبيبي..قومي بواجباتج كزوجه فقققط..لان معاملة الزوجه غير يعني مثلا جهزي له ملابس عااادي سوي له أكله عادي بس انج اتطرشين له مسجات لا تتصلين عشان تسمعين صوته ولااخباره لا خلييه آخر همج حطي ببالج هاي ريلج وبسس .واذا حس وكلمج قولي له والله انت الي خليتني اوصل لهالشي كنت اعاملك اوكي بس انت غيرتني وانت بنفسك تقدر اترجعني مثل اول واحسن...قولي له انا حبيت انسان وهو قلبه عند مليون وحده ؟؟
اسمحي ع الاطاله بس صج انقهرت منه ومن تصرفات اهله مره مع ومره ضد؟؟؟؟؟؟

الللللللللللللللله يهديه لج وبس

 

[دلع ريلي]

الله يكون بعونج ويصبرج مالج الا الصبر

 

[وفية زمن]

هلا حبيتي شوفي ياقلبي انتي تعرفين شخصية زوجك من اي نوع يعني جنوبي والا شمالي وتصرفي معه على حسب شخصيته وبعدين الرجال مايحب المواجهه مهما صار بيركبك الغلط لو جمعتي الادله بالاول وتكون كافيه ان تواجهيه كان اعترف واعتذر على طول بس الي فات فات والحين لاتشغلين نفسك بزوجك انشغلي عنه روحي لصديقاتك زوري اهلك وادعي حبيتي الدعاااااااااااااااااء وخاصة وبالسجود والاستغفار ودعاء اللهم وانشغلي عنه واهتمي بنفسك من ناحية اسلوبك وحركاتك يعني لما يتصل على الجوال مو تردين على طول لا لما يتصل المره الثانيه او الثالثه وقولي له معليش ياعمري كنت مشغوله كنت انظف بشرتي بيني له انك تهتمين في نفسك
اذا جاب لك شيء امدحيه ترى الرجااااااااااااال يمووووووووووووت في المدح وانسي وشيلي من راسك فكرة الخيانه واتركيه للخالق سبحانه صدقيني الي على غلط ومستمر في غلطه مصيره ينكشف اهم شيء اهتمي في نفسك وبطفلك وقومي بالواجبات الاساسيه لاتعطينه اكبر من حجمه وامه وزوريها من وقت لوقت وتغاضي عن كلامها وكل ماقالت شيء فلان سوت كذا وهي تقصدك بالكلام قولي صحيح ومن هالكلام وصدقيني ربي بيرزقك على قد نيتك وان شاء الله قدرت افيدك .

 

[اخت العمر]

الله يعينش ويصبرش .....وما ادري هالاهل يلي يشوفون الغلط والعيب ولا يتكلمون او يصلحون في شي ....يعني لو وحدة من بناتهم يعاملها زوجها بهالطريقة بيسكتون ..شويعني ولدهم ما بغلطان بدل ما يصيرون لش عون صارو فرعون ...اختي ما لش غير رب العالمين ادعية في الليل ونهار وان شاء الله بيرجع ندمان وبيتوب وبيعرف قدرش وين والاخوات كل وحدة بتزوج وبتشوف ولا بد يوم من الايام الا بيحسن فيش .

 

[ممددة بالصالة]

الله يكون بعونك ويصبر اكثري من الأستغفار واكثري من الدعاء وخصوصا الثلث الأخير من الليل ان الله يسخرة لك ويحنن قلبه عليك مهما لف ودار مصير الدنيا بتوريه وبيرجعلك واهله ماعليك منهم لايشوفون منك شر وهذا اهم شي والمواقف بثبت لهم ان نيتك طيبه ولاتحطين اللوم عليهم اي ناس ودهم اعيالهم يكونون احسن الناس بس مقدروا يسوون شئ وحطو اللوم عليك ترامابيدهم حيله لوبتكلمين كلمي احد له سلطه على ولدهم علشان يستحي منه وإذا كان مافيه فخلاص انت طوري بنفسك واتكلي على الله ثم على نفسك
واهتمي ببنتك وحاولي تثقفين نفسك من ناحيه تطوير الذات ودايما غيري من استايلك وجددي بأسلوبك علشان تجذبينه

 

[اللبؤبه]

الله يكون في عونك
اتجهي الى الدعاء يا اختي
واحاولي انك تشغلينها بشياء حلوه تبعده عن التفكير في هذي السوالف
وحاولي انك تطلعين دوام مع اهله رحلات ويكون موجود طبعا
اتمنا نصحتي تنفعك سامحني على التقصير
اقبلي تحياتي الله يفك همك

 

[أم ايلانه]

الله يكون بعونك ويهدي زوجك

 

[3soola.ad]

شكرا حبيبااااااتي على النصايح الطيبه

ان شاء الله يهتدي

بس كيف اعرف اذا كان جنوبي وشمالي ؟

 

[to0otah]

غمضتيني و الله
الله يكون في عونج و يهدي ريلج
الجأي لربج و ادعيه يهدي ريلج و اكثري من الاستغفار
و الله يسعدج دنيا و آخره يااااااااااااارب

 

[بحرينية وافتخر]

اختي كان المفروض ما تكلمين اهله لانهم اكيييد بيوقفوون مع ولدهم حتى لو كاان غلطاان وثااني شي لا تنسين انهم رااح يخبرون نسووان حميك بهالسووالف وهذي تعتبر خصوصية والمفروض هالاهل ما يتكلمون عنهااا بس فيه بعض الاهالي عاادي عندهم



حااولي انك تهتمي بنفسك اكثر لا تقولين راتبه ما يكفي او من هالكلااام لانه راتبه يقدر يصرفه على السااقطات ما يقدر يصرفه عليج


اشتري كل اللي خااطرج فيه دلعي نفسك اهتمي بشعرك قصيه اصبغيه

 

[❥~S]

،‘


الله يكون في عونج غنآتي
واللـ ه‘ مآعرف اشوه أقولج ~
ريلج يصطلب شهر وعقب يرد
بس تدرين في أمل انـ ه‘ امره يتغير
قوليـلـ ه‘ مب عشآني ولا عشآنك
إتغير عشآن البيبي ><"
خلنآ نعيشَ حيآه حلوهَ

،‘

 

[كريسبينو]

اختى المظلومه انا ما اقدر افيدك لانى اكره الخيانه وانا غيوره جدا ولو شفت خطيبى فى الحاله دى احتمال اسامحه واحاول احتويه بس لانى بحبه موت

 

[3soola.ad]

ربي يهديه و يحنن قلبه

فديتكن تريحني بردوودكن

 

[سحاب الملح]

الله يعينك ويصبرك

عليك بالإستغفار والحوقله

 

[الحُرّه]

الله يساعدك ومااقدر اقول لك الا ربي يسخر لك زوجك

 

[سمراء وافتخر]

السلام عليكم
يا الغاليه اعرف ما تمرين فيه صعب والله يعينك ويفرجهمك بس انا لاحظت كل ما تسير مشكله قلت لاهله حبيبتي تعلمي ما تقولين لاحد علي يصير بينكم حتي لو شنو خلي الناس تسمع منك كلمه الحمدالله انا بخير شوفي اول شي ابدي بنفسج تقربي الي الله وداعي دايما قبل الاذان بصلاه ا لفجر وبعدين اهتمي بهوايه او شغل شي يشغلج عنه ويحس انك مستقله عنه و مشغوله عن خياناته
واهتمي بعيالك شوفي شنو اللي ناقصهم وشركيه فيه قوليله العيال يبون جذيه اليوم صار معاهم جذيه وهكذا خلي دايما الابتسامه علي وجهك لاتسمحين لاحد يستفزج ولا تفتتشين من وراه ونفس الوقت لا تخلينه يجاهر بخياناته خليك حازمخ وقويه وخليه يخاف منك خليه يسمع نبره التهديد في صوتك واذا قدرت احرقي دمهم البنات وتخلصي منهم وحده وحده مثل ما نقري في المنتدي في قصص ناعمه او العضوات في المنتدي الله خليك ديري بالك علي نفسك لاتزعلين اوتضتيقن نفسك شنو ينفعك لو تعبت او صار فيك ضغط اوشي لاسمح الله ما احديوقف جنبك ويربي عيالك اوكي وعالجي علاقتج مع اهله قعدي معاهم عزمهيم علي طلعله او مكان برا للعشاء او الغدا ولا تشكين لهم اي شي انت جربتي وما نفع فجربي لانك تعالجين كل شي بنفسج سامحيني طولت عليك وطمنينا عليك

 

[ودي بونس]

انصحك اختي,,,:icon31:
ان تذهبي لمنزل والديك وتجلسين كم يوم ,وبعدين تمهدين الموضوع لامك
وتطلبين وقفتها معاك, امك راح تكون قويه عشانك باذن الله بس لاتكثرين التشكي,,, وطيحي على راس ابوك ,,,واخدمي اهلك وخلك عندهم وفي حمايتهم.
وابتعدي عن زوجك وعيلته حتى يتعدلون ولكن في هذه الاثناء؟............
لا تنسين الدعاء في جوف الليل بان ييسر الله امرك ........كوني قويه امام زوجك وحوالي تخلينه يبعد عن خرابيطه حتى لا يتمادى ويجبلك مرض وعيشي,,, حياتك طبيعيه ,,,ومارسي هواياتك,, وارعي ابنائك واهلك,, وازرعي الضحكه حواليك ,,,وتعلمي فنون الدلع حتى في الصوت والضحكه بدون تكلف يمكن هذا ما يبحث عنه زوجك في الاخريات,,, واحفظي اسرار بيتك وخاصه امام اهله,,,, واخواتك,,, حتلى لا تتسرب اخبارك للجميع . بيني امامهم انك قمه في السعاده بس تعانين من غيرته الزايده من كثر حبه لك . :icon26:
والله معاك ...

 

[3soola.ad]

كلااااااااااااااااام حلوووو .. ان شاء الله بحاااااااااااااول اغير واشغل نفسي

واهتم بشكلي و بنتي .. وابدا ما اقول اسراري لاحد

يجزاااااكن الجنه حبيباتي