سر يمكن بعالم النت كله ما احد تطرق له؟حصري لبلقيس

اني احبكم
الله يجعلك ممن يدخلون الجنه بغير حساب ويسخر لك زوجك
الوحيده اللي فهمت
 
يعوني تقصدين. خيتووو. ان. اذا. انا. بنت. ستايل. واحب البس
علي. الموضه. واغير. لوكي. بين. فتره. وفتره.
وصار. تزوجت. واحد. اهله. ماعندهم اهتمام باللبس
وصرعات. الموضه. ====>>اسوي. مثلهم. لالا
كل. واحدله. شخصيته. واسلوبه. اللي. تربي. عليه
والاحلي. ان. الوحده. دايم. تبحث. عن. الافضل
وتحب. توصل. للكمال. مع. انه. شي. مستحيل
بس. وش. المانع. ان اصير. كامله بعيوون. زوجي. واللي حولي


والاحترااام. اهم شي بالحياه.

وانا. دايم. مع. الوحده اللي. تحب تعدل. في. نفسها
وشخصيته. مع. عشااان. رزوجها. عشاان

نفسهاااااا. اولاااا


ودمتي.
 
كلامك عين العقل يعني المراه بيدها تزيد النار وبيدها تطفيها يعني كبرها بتكبر صغرها بتصغر اناعن نفسي الحمدلله احترمه دايم لانه مايمشي بالعناد وتقريبا مافيه مشاكل بس من ناحية المشاكل صح موضوعك ميه في الميه انا معاك لكن بالنسبه لطلباتي انااحترمه لكن مو معناته ان اللي ابغاه يتنفذ لانه اناني وكسول ما يحب المشاوير ابدا يعني لاكوافير مايحبها اروح بالرجل مشغل جنبي عادي مو اللي ابغاه والسوق بطلعة الروح والضرورة القصوى فقط وزياره بعيده كمان بطلعة الروح الا اذا قريب من مشواره يعني طلباتي طناش وماعرفت لها حل يعني الزبدة ان احترامي نتيجته مافيه مشاكل لكن مالبالي طلباتي يعني مشي حالك بالعربي لازم لي من مفتاح وباقي ماعرفته هذا اذا كان فيه
 
مراحب
تسلمين يالغاليه
الرجال عموما مايعجبهم العجب @ متعبين@ جنونا@ وهم ما فكروا فينا% ولا كل اللي بالمنتدى يجب تطبيقه على الرجل كل على حسب نوعه واللي صلح مع فلانه يمكن مايصلح معي وانا عن زوجي لايمكن يتعامل معي بالرومنسيه نهائي مع انه مافيه منتدى ما دخله ومافيه شي مايعرفه (جني ) ولا حرمه ما حاكاها
انا اصلا اغير مو لزوجي لانه محوم كبدي لنفسي وصديقاتي
بس لو يشوف حرمه بعز الظهر او من صباح الله خير لازم يطالع فيها لين يشبع وع على الرجال اللي زي كذا
ومتعنت وماسك عادات سيئه جدا زي مايبيني اطلع كثير لو قلت ابروح مع السواق قالي الظاهر طالت خطاك واكثر من جوال مافيه وبلاك بيري مافيه وروحه لصديقات مافيه بس الاقيهم بمجمعات او ملاهي وطلعه بدون علمي لو معي عيالي ياويلي وتكلمين اي رجال غريب ياويلي واكلم البقاله ياويلي ولا اروح متر الا لازم يدري
اف منه ومن حياتي معه
بس فيه بعض الشروط اللي شارطها علي اخالفها
بدون علمه
 
صادقه اختي العزيزه نحن لانفهمه والرجل على حسب نمطه وشخصيته

واي رجل يبي له تمهييييييييييييد..
 
السلام عليكم ورحمة الله
يعطيك العافيه شوق
فعلا الاحترام شي اساسي بالحياة الزوجيه
وهو من ما حث عليه الشرع
اما التغيير
فحسب طبيعة الرجل
في رجال يحبون التغيير المتدرج
وفي رجال يحبون المفاجاءت
بس تبون الحق
كل هذي الاشياء هي اسباب ماديه لطلب السعاده الزوجيه
فيجب قبلها بذل
الاسباب الشرعيه فهي الاقوى والامثل في نشر السعاده الزوجيه
اسئل الله لك ياشوق السعاده في الدارين
وان ينزل الطمئنينه بكل بيوت المسلمين
 
انا عن نفسي تعلمت من النت اشياء كثيره بس ما تتعلق بالظاهر ولا اللبس ولا الشكل بل بالتعامل وكيف افهمه
وعرفت االلي لي واللي على
لانو كل المظاهر مانفعت معاة حتى تعلمت اسرار وفنون واساليب كثيره كنت اجهلها عن الرجل من حوارات وتصرفات وهذا هو اللى لازم يكون
وكل شخصيه وطريقتها وكل زوجه والجانب اللي تحتاجه
دمتي بود
 
يا حبيبتي انت اللي تكلمتي عن الصبغة وبعدين ايش علاقة الصبغة بالاحترام
شوفي انا اقولك
الرجال نوعين
رجال محترمين ورجال مو محترمين
الرجال المحترم الكل يحترمه اما اللي مو محترم فهذا اساسا مو محترم نفسه فما حد يحترمه ومثال على كلامي القصص اللي بنقراها ونسمعها ونشوفها
يعني بالله عليك لما الرجال يكون راعي بنات واستراحات وسفريات بالله عليك كيف تبغي مرته تحترمه
مقيولة
اللي يده بالمويه مو زي اللي يده بالنار
 
بصراحة كلامك صح
خصوصاً وانه فيه بعض الأزواج
فيهم لؤم وخبث يعرف ان زوجته
غيرت وعملت مفاجآت عشان ترضيه
وتسعده وبالتالي يسعدها
لكن الخبيث سرعان مايتجاهل ويصد
المسكينه ويحطمها لانه فاهم
انها عملت كذا عشان كلمة حلوة
تطيب خاطرها وللأسف يقلب الطاولة عليها
ولايعجبه شي

والعكس لو انها عملت كل الاشياء دي
عشان نفسها هي تلقينه يتطفل
ويحاول يقتحم سعادتها وينبهر
من اهتمامها بنفسها ويحاول يدخل الجو معها
لو بنظرة من تحت لتحت


اما عن نفسي والله لي سنة و5 شهور
ماعملت شي لارومانسي ولاخرابيط
شفت بعيني محدش ألي
مايستاهلون
انا في روحي فديت روحي
اخلص شغل البيت واسوي قهوتي
واجهز مركاي واجلس مع بنتي
وعايشة أم الوناسة
بلا رجاجيل بلاهم
على قول امي( ان جيت ياورد سهرنا عليك
وان رحت لاأسف عليك)

بالتوفيق غلاتي
​
 
اخالفك بنقطة التغيير مو كل رجل يرفض التغيير بالعكس فيه كثير يحبون التغيير ويرفضون الروتين على شكل واحد
اما الاحترام فاكيد مطلب الجميع واما الانصات بس هو يتكلم ننصت مافي مشكله
 
يعطيك العافيه

كلامك جميل

وأحب أضيف على نقطة الأحترام

نقطة ثانيه ...

ألا وهي الحب الصادق والموده الحقيقة ...

إذا أحببتي بصدق

خلت
تصرفاتك
وتعاملاتك
ونظراتك
وحتى همساتك ولمساتك
مع زوجك من التزيف



وطبيعة الرجل تختلف عن المرأة ...

الرجال بشكل عام

مستحيل يبينون مشاعرهم ..

ومايدور في خاطرهم ...

لكن

عندهم قدرة عجيبة على تحديد مشاعر الطرف الأخر الحقيقة من المزيفة ...



وتقبلي مروي
 
سيدتي الكريمة أسيرة أشواقأتفق معك في أمور وأختلف معك في أخرى
نعم الإجترام مطلب شرعي ونفسي بالنسبة للرجل فالعلاقة الزوجية التي تفتقد إحترام الزوجة للزوج معرضة لإنتكاسة أو هدم في أية لحظة مهما كانت الزوجة على قدر كبير من الإغراء والفتنة لزوجها ذلك أن الإحترام ركن من أركان الرجولة الكاملة عند الرجل عامة وعند الرجل الشرقي خاصة وفي هذه النقطة بالذات أجيب الأخت التي جعلت الإحترام بشرط أن يكون الرجل مستحقا لذلك الإحترام فأجيبها و أقول سيدتي الإحترام متعلق بذات الإنسان نفسه لا بمن نتعامل معه
فإحترامنا للآخرين نابع من إحترامنا وتقديرنا لذاتنا سواء كان الآخر مستحقا لهذا الإحترام أم لا فأنت تحترمين الزوج غير المحترم لأنك إنسانة وزوجة محترمة أولا وأخيرا
أعود للأخت أسيرة أشواق في النقطة التي أختلف معها وأقول أن التغير المفاجئ والجذري قد يكون علاجا فعالا لبعض العلاقات الزوجية الغير سوية ذلك أن العلاج بالصدمة طريقة علمية و ذكية لإعادة الزوج إلى جادة الصواب
لكني أعود لأتفق معك في نقطة مهمة وهي أن أي تغيير طفيف أو جذري ظاهري أو باطني تقرر الزوجة أن تحدثه في حياتها الزوجية يتطلب منها ذكاءا وحكمة وبديهة فليس كل تغيير بنافع أو مناسب لحياتها وزوجها وهي الوحيدة القادرة على معرفة أي الحلول هو أنسب لها بحكم قربها ومعرفتها بزوجها
 
حبيبتي

اسمحيليلي ان اعارضك في بعض كلامك

الرجال مو كلهم زي بعض

وانت ذكرت مثال وقلت بناء عليه قيسوا باقي الامور

خليني اقولك مثال وانت قيسي باقي الامور عليه

زوج اخت زوجي مثلا مايحب بيض العادي ابدا ابدا يبي البيض ياعيون يا اولت اي شي

لانه طول ماهو عند اهله امه كانت تسوي البيض بطريقه عاديه

زوج صديقتي مايحب لون الشعر الغامق يبي دايم شعرها الوان فاتحه

وقصير يقول الغامق والحنا تحسسني اني بين امي وخواتي الكبار زمان

فالرجال يختلفون

بعضهم يحب الروتين والعادات والتقاليد مثل الرجل الشرقي

وبعضهم يحب يكسر الحياه بالتغيير والحريه والنطللاقه والتجديد مثل الغربي

وبعضهم بين تلك وتلك يحبون التغيير في اشياء واشياء

او انهم يحبون التغيير لكن البسيط وليس الجذري

وهنا اكتملت وعرفت مشاكل بعض النساء

الي في حياتها ولا تدري زوجها ايش يحب وايش يكره

خاصة ان الرجل مثل ما قلتي بطبعه صامت

فتحاول يمين ويسار وفوق وتحت

حتى توصل للي شئ الي يعجبه ويريحه

وهذه فطره بالمرءه

فهي تحاول كسب قلب زوجها باي وسيلة كانت

وتحاول انها قد ماتقدر مايناظر غيرها

وتبي انها تعبي عليه كل فراغ

فهذه هي سنة الحياة



...........تحياتي​
 
الرجال كلهم بجميع انماطهم يحبون الانصات وعدم المعارضه لو كانوا على خطأ والاحترام,
وتعلمنا من عالم النت الشئ الكثير بس مو كل شئ لازم نطبقه ,,نتعلم المفيد وبس
ومشكوووره ع الموضوع.
 
بارك الله فيك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل