تفاحة الحلوة
New member
- إنضم
- 2008/02/19
- المشاركات
- 563
السلام عليكم ورحمة الله وبركاته
شخباركم يا بلقيسيات ،،، اتمنى تكونون بخير :3::3:
هلايام انا احاول استرد ثقتي بنفسي وابحث وادور واجرب نقاط الضعف والخلل اللي عندي واحاول اصلحها ..
وعقب ما تعبت من ريلي وخيانته لي في الوقت اللي كان يمل من مكالمتي له ومرات ما يرد كان يقعد بالساعات يتكلم مع غيري ..
قررت اجرب اسلوب يديد ينفع مع الرجل بشكل عام مع اني كنت اطبق اللي قالت عليه ناعمه الله يحفظها ان الزوجه لازم ما تخلي اتصالتها بس طلبات للبيت والعيال ولا للشكوى والاسئله الغبيه بس بعد ما في فايده ...:33:
الحين ببتدي من يديد وباسلوب يديد من يبي يبتدي معاي >>>> دكتوراه حشى مب معلومات بسيطه خخخخخخ
سحر المكالمه الهاتفيه
قبل لا نكلم ازواجنا بالفون لازم نفكر ونفكر شو سبب المكالمه واختيار الكلمات المناسبه والعبارات الملائمه لها بتقولون بعد في فرق في العبارات ؟؟ طبعا لأن باسلوبج تقدرين تخلين ريلج يحس انه يكلم امرأة كلها دلع وانوثه او يمكن تخلينه يحس كانه يكلم واحد من الشباب !!!
اتبعي هالخطوات البسيطه لمكامله ستبقى عالقه في ذهن زوجج>>>>
1 - لازم نختار الكلمات اللي كلها دلع ورقه مع تخفيف الصوت واختيار الصوت الهاديء وابتعدي عن تخشين صوتج حتى لو كنت معصبه منه او زعلانه .
2 - اختاري المكان المناسب للكلام معاه يعني مب تكلمينه بصوت ناعم ورقيق وفي حضنج ولدج الرضيع ميت من الصياح وعيالج الكبار يصرخون ويتهاوشون وصوت التلفزيون عالي ومزعج لان هالاشياء بتوترج وما بتعرفين تاخذين راحتج بالكلام وبالتالي هو بينزعج من الحشرة وبيسكر الخط..
3 - اختاري من هالالفاظ يوم تكلمينه
( حبيبي ممكن .... ، ماعليك امر يالغالي .... فديتك بغيت ....حياتي ودي في .... يعطيك العافيه ابو فلان ... حبي ....) وغيرها في الفاظ وايد اختاري اللي يعجبج...
مب يوم يتصل تردين عليه الو نعم هلا كأنج شوي وتصفقينه كف ؟؟!!
4- تجبني الاسئله اللي تنرفزه وتخليه وده ينهي المكالمه قبل لا يبدأها خخخخ يعني مثل :
- وينك حضرتك من متى اتصل ما ترد علي؟؟
- ما شفت مكالمتي يوم اتصلت ؟؟ ليش ما رجعت تدق؟؟
- من متى اتصل احاتيك وين كنت وتكلم من هالكثر كله فونك مشغوول؟؟
قلت بترد على رفيجك او مسؤوولك وبترجع تكلمني حشى للحين ما خلصت من مكالمته؟؟
- لو سكر عنج عشان يصلي او ياكل مب تقولين حشى هاي مب صلاه ساعتين او مب اكل هالكثر تاكل ؟؟
بالعكس استبدلي هالاسلوب باسلوب راقي وحلو ومرح وانثري السعاده حواليج وخليه يحس بالسعاده ووده لو كل شوي تدقين مثلا:
- هلا حبي شنو اخبار الدوام وياك اليوم عسى ما تعبت ؟؟
- يعطيك الف عافيه وتقبل الله صلاتك؟؟
- شو كليت اليوم بالعافيه عليك عمري ؟؟
وتبتدين تحمسينه فيج يعني لو اسالج شنو يالسه تسوين طبعا مب دايما انتي تسوين شي يحمسه بس عاد انتي زيدي اشوي في كلامج مثلا:
- والله حبي انا يالسه استشور شعري او اسويله فير .
- يالسه اخذ شور او يالسه في حوض الاستحمام مثلا عشان تثيرينه وعاد الريال قاعد يتخيل حتى لو كنت قاعده بكشتج بس قولي جذي .
- يالسه اصبغ اظافري باللون الوردي مثلا لون يحبه عشان يتخيل ويشتاق ..
وفي اثناء المكالمه صرخي بدلع او على خفيف بصوت انثوي ناعم مثلا تقولين :
آآآآآي بيقولج سلامات شنو فيج ؟؟ بيرتبك !!
تقومين تردين لا بس صبعي عورني او خصله شعر يات عليى عيني او الحلاوة عورتني وانا اشيل الخ الخ ...:10:
عزيزتي البلقيسيه اللي كلج ذوق ودلع وانوثه بيدج تخلين ريلج يتمنى اللحظه اللي يسمع فيها صوتج..
اي اكيد تقدرين بس جربي حاولي عطي روحج فرصه ضحكي تدلعي مب يوم يتصل كانج ما صدقتي وميته من الوناسه ويوم ينشغل ما يتصل تتعبين نفسيا وتتضايقين وكانج مب قادره تعيشين ولو لحظه بدون سماع صوته لان هالشي ينفره منج ...تحملي ..ترى ما يحب تلاحقينه ...
بالعكس تجنبي يحس انج ما صدقتي انه اتصل لانه حزتها بيحس انه خلاص امتلكج وصرتي عاديه بنظرة وسوالفج ممله ومكرره !!! تجنبي النكد والزعل والكلام بالتفصيل الملل لا تخلين هالشي يخرب عليكم ..
خليه يسعى وراج ويدور الوقت الفاضي بس عشان يكلمج ...ويتمنى اللحظه اللي يكلمج فيها ويجاهد الوقت عشانج ...
يعني باختصار كوني غامضه غامضه غامضه ..
بس تعبت بس الموضوع له تكمله شرايكم اكمل والا خلاص انبط راسكم خخخخخخ:20:
يالله عاد هالله هالله في الردود >>> الحين كل وحده تعترف شلون كنتي تكلمين ابو الشباب عيني بعينج >>>:10:
