مرافئ النسيان
New member
- إنضم
- 26 يناير 2009
- المشاركات
- 327
ستــــــ(6)ــــــــــه رجــــــــــــال لاتتزوجينهــــــــــــم !!
1- ((( ولـــــــد أمـــــــــــه )))
هذا اللي تربيته على يد أمه بس ،، شكلته على مزاجها منذ نعومه حوافره ،، رقيق وناعم (مايهش ولاينش ) .. أمه اللي تشتري له وتختار ملابسه وأكيد فتاة أحلامه بعد أمه اللي تختارها له .. لو تتزوجينه فكأنك متزوجه أمه ،، هي اللي بتختار غرفتكم وبتتحكم في زواجكم ولو ودك تروحين لأهلك شاوري أمه ..
أذا خطبك قولي لأمه أنا ودي بواحد يسكني في الصمان ولا روضة خريم أنا ويااه لحالنا ..
2- ((( راعـــــي البنــــــات << المغزلجي )))
هذا الشخص مخه مافيه غير شخابيط وجنبها صور بنات .. أربع وعشرين ساعه يتسدح ويتبطح عند الفيديو كليب ،، ويعرف مقاسات الجنوز حقت الرقاصات والمطربات ،، كان في مراهقته يمتر التخصصي ذهاباً وإياباً .. وفي شبابه رقم جواله أكثر شهره عند البنات من ( 902 ) ,, ناهيك عن بطاقات السوا وماأدراك مابطاقات السوا .. هذا من حبه للبنات يقول للخطابه ياعمري وللشغاله ياحياتي .. وأنتم في الكوشه أحتمال يرقم الطقاقه .
اذا خطبك أوصيك تطلبين تشوفينه من ورا جدار
3- ((( المتعصــب لناديـه المفضـــل )))
هذا مستعد يتضارب مع خلق الله علشان الكوره ،، مع كثرة المباريات ومرورالأيام بيهبل فيك .. يوم منهبل من فرحة الفوز ويوم منهبل من قهر الهزيمه ،، وطبعاً في الفوز بيحتفل مع الشله وفي الخساره بيحط حرته فيك ،، اذا خطبك وكان هلالي قولي له أنا نصراويه واعشق البلوي وأموت في فن محمد نور ،، واذا كان نصراوي قولي له أنا أبي زوجي يكون أسمه سامي وأبيه طويل مثل الدعيع وأبيه يشبه ياسر القحطاني وماراح أتزوجك الا اذا جاب النصر بطوله .
4- ((( مدمـن القراءه والكتابـه والإطــلاع )))
هذا اللي وسادته قاموس المحيط ويتلحف بغلاف مجله أدبيه ،، ماشاء الله عليه كلامه على طول مرتب وينتقي ألفاظه بعنايه ،، هذا من كئابة الحياه معه كل ظهر بتاخذين شنطتك وتطلعين من بابكم تحسبين انه وقت الطلعه من الجامعه او المدرسه من كثر المحاضرات اللي تسمعينها منه ،، أغسلي يدك من الضحك والمزح والرومانسيه معه .. نص كلامكم عن الحداثة والشعر العامودي والنص الباقي عن القصه القصيره وأثرها على مدري وشهو ،،
اذا خطبك قولي للخطابه أن أول و آخر كتاب طبخ قريته لقيتيه هديه مع زيت العربي
5- ((( البخيــــــل )))
غالباً يكون ثري واذا اعطوك المعلومات عنه خقيتي معه ،، وظيفه ورصيد في البنك ،، واذا انكشفت الأمور طلع الرجال جلده مقطن ،، الريال مايطلع منه الا بخطه استراتيجيه .. والفلوس ماتشوفينها الا اذا راح يودعها في البنك ،، هذا زواجكم بيكون في مقلط أهلك والسياره اللي بياخذك فيها لعش الزوجيه كابريس 80 مصدوم مع الرفرف ،، وبعد ماتطلعون من بيت أهلك ليله زواجك بيلف بك شوارع الرياض لين يلقى مطعم بخاري ماقفل ابوابه ويشتري لك عشاء الزواج نص حبه بخاري في باغه ويكثر السلطه علشانها بلاش .
هذا اذا خطبك قولي للخطابه ان ابوك ايام المدرسه كان يعطيك فسحتك سندوتشات كافيار وشيكات كل شيك الف ريال وانك ماعمرك شفتي الكبسه الا في طاش ماطاش .
6- ((( المتدعثــــر )))
هذا شخص بريء من الترتيب ،، لالبس ولااتيكيت ولالباقه ولاذوق .. تجيبين له بجامه نوم يلبسها على سروال سنه .. تعملين له مفاجأه بهديه او حفله يزعل ويقول ليه ماعلمتيني انا آخر من يدري ؟؟ ،، الى الحين يلبس فنيله علاق ،، والسروال طويل من قدام فوق الفنيله ومن ورا تحت الفنيله ،، اذا وديتيه مطعم فاخر راح للرسبشين علشان يجيب لك عود اسنان وطيب ليمون ،، مايعترف بالتواريخ الهامه في حياتكم لاتاريخ زواجكم ولاعيال ،، مايعرف شيء اسمه هديه الا الهديه اللي تجي مع رز ابو كاس ،، في ايام الإجازه ينام الساعه 10 والصبح يروح يشتري فول قلابه ويقومك تفطرين معه .
اذا خطبك قولي للخطابه انك بتكملين دراستك في اذربيجان ،،صح هو بيحسبها بيدجان بس مو مشكله أهم شيء تصرفينه .
هذي نصايحي لكم يابنات وقد أعذر من انذر
منقوووووول
1- ((( ولـــــــد أمـــــــــــه )))
هذا اللي تربيته على يد أمه بس ،، شكلته على مزاجها منذ نعومه حوافره ،، رقيق وناعم (مايهش ولاينش ) .. أمه اللي تشتري له وتختار ملابسه وأكيد فتاة أحلامه بعد أمه اللي تختارها له .. لو تتزوجينه فكأنك متزوجه أمه ،، هي اللي بتختار غرفتكم وبتتحكم في زواجكم ولو ودك تروحين لأهلك شاوري أمه ..
أذا خطبك قولي لأمه أنا ودي بواحد يسكني في الصمان ولا روضة خريم أنا ويااه لحالنا ..
2- ((( راعـــــي البنــــــات << المغزلجي )))
هذا الشخص مخه مافيه غير شخابيط وجنبها صور بنات .. أربع وعشرين ساعه يتسدح ويتبطح عند الفيديو كليب ،، ويعرف مقاسات الجنوز حقت الرقاصات والمطربات ،، كان في مراهقته يمتر التخصصي ذهاباً وإياباً .. وفي شبابه رقم جواله أكثر شهره عند البنات من ( 902 ) ,, ناهيك عن بطاقات السوا وماأدراك مابطاقات السوا .. هذا من حبه للبنات يقول للخطابه ياعمري وللشغاله ياحياتي .. وأنتم في الكوشه أحتمال يرقم الطقاقه .
اذا خطبك أوصيك تطلبين تشوفينه من ورا جدار
3- ((( المتعصــب لناديـه المفضـــل )))
هذا مستعد يتضارب مع خلق الله علشان الكوره ،، مع كثرة المباريات ومرورالأيام بيهبل فيك .. يوم منهبل من فرحة الفوز ويوم منهبل من قهر الهزيمه ،، وطبعاً في الفوز بيحتفل مع الشله وفي الخساره بيحط حرته فيك ،، اذا خطبك وكان هلالي قولي له أنا نصراويه واعشق البلوي وأموت في فن محمد نور ،، واذا كان نصراوي قولي له أنا أبي زوجي يكون أسمه سامي وأبيه طويل مثل الدعيع وأبيه يشبه ياسر القحطاني وماراح أتزوجك الا اذا جاب النصر بطوله .
4- ((( مدمـن القراءه والكتابـه والإطــلاع )))
هذا اللي وسادته قاموس المحيط ويتلحف بغلاف مجله أدبيه ،، ماشاء الله عليه كلامه على طول مرتب وينتقي ألفاظه بعنايه ،، هذا من كئابة الحياه معه كل ظهر بتاخذين شنطتك وتطلعين من بابكم تحسبين انه وقت الطلعه من الجامعه او المدرسه من كثر المحاضرات اللي تسمعينها منه ،، أغسلي يدك من الضحك والمزح والرومانسيه معه .. نص كلامكم عن الحداثة والشعر العامودي والنص الباقي عن القصه القصيره وأثرها على مدري وشهو ،،
اذا خطبك قولي للخطابه أن أول و آخر كتاب طبخ قريته لقيتيه هديه مع زيت العربي
5- ((( البخيــــــل )))
غالباً يكون ثري واذا اعطوك المعلومات عنه خقيتي معه ،، وظيفه ورصيد في البنك ،، واذا انكشفت الأمور طلع الرجال جلده مقطن ،، الريال مايطلع منه الا بخطه استراتيجيه .. والفلوس ماتشوفينها الا اذا راح يودعها في البنك ،، هذا زواجكم بيكون في مقلط أهلك والسياره اللي بياخذك فيها لعش الزوجيه كابريس 80 مصدوم مع الرفرف ،، وبعد ماتطلعون من بيت أهلك ليله زواجك بيلف بك شوارع الرياض لين يلقى مطعم بخاري ماقفل ابوابه ويشتري لك عشاء الزواج نص حبه بخاري في باغه ويكثر السلطه علشانها بلاش .
هذا اذا خطبك قولي للخطابه ان ابوك ايام المدرسه كان يعطيك فسحتك سندوتشات كافيار وشيكات كل شيك الف ريال وانك ماعمرك شفتي الكبسه الا في طاش ماطاش .
6- ((( المتدعثــــر )))
هذا شخص بريء من الترتيب ،، لالبس ولااتيكيت ولالباقه ولاذوق .. تجيبين له بجامه نوم يلبسها على سروال سنه .. تعملين له مفاجأه بهديه او حفله يزعل ويقول ليه ماعلمتيني انا آخر من يدري ؟؟ ،، الى الحين يلبس فنيله علاق ،، والسروال طويل من قدام فوق الفنيله ومن ورا تحت الفنيله ،، اذا وديتيه مطعم فاخر راح للرسبشين علشان يجيب لك عود اسنان وطيب ليمون ،، مايعترف بالتواريخ الهامه في حياتكم لاتاريخ زواجكم ولاعيال ،، مايعرف شيء اسمه هديه الا الهديه اللي تجي مع رز ابو كاس ،، في ايام الإجازه ينام الساعه 10 والصبح يروح يشتري فول قلابه ويقومك تفطرين معه .
اذا خطبك قولي للخطابه انك بتكملين دراستك في اذربيجان ،،صح هو بيحسبها بيدجان بس مو مشكله أهم شيء تصرفينه .
هذي نصايحي لكم يابنات وقد أعذر من انذر
منقوووووول
