هلا يا بنات والله اشتقت لكم كلكم وبكيت فرح يوم قريت الدعاوي الحلوه لان محد كان معاي ...
وخصوصا لحن الغرام
الله يجزاكم خير
انا اليوم طلعت من المستشفى بس
ما ادري شقول
والله ما ادري ما ودي تتضايقون علي اكثر
بس ودي افضفض لاحد مرررره ضايقه فيني
خليني اقولكم
دخلت لعملية المنظار علشان يفتحون قناة فالوب المسكره
وبعد التخدير الكامل
وعلى كلام الدكتور
انه دخل المنظار من تحت ومن السره
وما قدر يشوف شي
يقول انه في طبقة اسمنت من الالتصاقات اللي مسببتها عملية المراره اللي سويتها 2004
وما سوالي شي وطلع من غرفة العمليات بعد ربع ساعه وانا صحيت بعد نص ساعه
ولا زوجي معصب موووت
ويصارخ مع الدكتور الله يهديه الدكتور قال لزوجي ماراح تجيب عيال ومالكم الا طفل الانابيب
و زوجي اشتعل نار
انا قمت من التخدير مالقيت احد معاي كلهم معصبين وهايجين على الدكتور شلون ما سوا شي
وزوجي الله يهدي عصبي ويكبر المواضيع وانا نفسيتي تعبااااااااانه
بس الف حمد وشكر لك ياارب
امانه اللي تعرف شي عن هذي الاتصاقات تقولي لاني ما اعرف عنها شي وحجزت مع دكتور ثاني اخذ رايه وما ادري شسوي
حمد الله
وطول الوقت كنت اذكر الايه اللي كتبتها ختي الزهره البريه (.وَٱلَّذِينَ يَقُولُونَ رَبَّنَا هَبْ لَنَا مِنْ أَزْوٰجِنَا وَذُرّيَّـٰتِنَا قُرَّةَ أَعْيُنٍ وَٱجْعَلْنَا لِلْمُتَّقِينَ إِمَاماً)
الله يجزاكم خير كلكم ويشافي مرضاكم و يرزقكم من حيث لا تعلمون
