>><<سباق الانجاب>><< حياكم الله يابنات اللي ماجابت عيال تتفضل..الحل الاسرع..

[حلم الامووومة]

مساء الخيرات
توني اشوف الموضوع وانا معكم قلبا وقالبا
انا صار لي 11 سنه
واملي في الله كبير
ربي يرزقني وكل محرومه قادر كريم

اللة يرزقج انشاء اللة وحياج اللة معانة:icon26:

 

[حلم الامووومة]

وانا بعد معاكم انا متزوجه قبل سنه وشهر حملت مره واجهضت ماتهنيت, لما حللت للحمل وطلعت حامل بعدها بيومين بس نزل على دم :tears: بس ادرى بتقولون توالناس توج متزوجه بس انا قبل كنت متزوجه من واحد مافى عيال وعشت معاه 12 سنه:sad_1:وسويت تحاليل واايد انا الحمدالله مافينى شى بس والله تعبت تعبت استغفرالله سويت 7مرات اطفال انابيب وماصار نصيب بس بعدين انفصلنا والحمدالله تزوجت الحين وصار حمل بعد تسع اشهر من زواجى بس ماظل الحمدالله على كل حال
اليوم موعد الدوره مااااابيها يارب ماتنزل يارب

حبيبتى سارة اللة يعوض صبرج خير وان شاء اللة نفرح بحملج قريب , وحياج اللة معانة:icon26:

 

[فديت دنيتي]

حبيباتي بس حبيت الفت انتباهكم ان من شروط قبول دعائنا عدم الاستعجال

شروط وآداب الدعاء وأسباب الإجابة​

1ـ الإخلاص لله تعالى.
2- أن يبدأ بحمد الله والثناء عليه، ثم بالصلاة على النبي ويختم بذلك.
3- الجزم في الدعاء واليقين بالإجابة.
4- الإلحاح في الدعاء وعدم الاستعجال.
5- حضور القلب في الدعاء.
6- الدعاء في الرخاء والشدة (بل الرخاء قبل الشدة).
7- لا يسأل إلا الله وحده.
8- عدم الدعاء على الأهل، والمال، والولد، والنفس.
9- خفض الصوت بالدعاء بين المخافتة والجهر.
10- الاعتراف بالذنب، والاستغفار منه، والاعتراف بالنعمة، وشكر الله عليها، والاعتراف بالتقصير في عبادة الله حق عبادة.
11- تحري أوقات الإجابة والمبادرة لاغتنام الأحوال والأوضاع والأماكن التي هي من مظان إجابة الدعاء.
12- عدم تكلف السجع في الدعاء.
13- التضرع والخشوع والرغبة والرهبة.
14- كثرة الأعمال الصالحة، فإنها سبب عظيم في إجابة الدعاء.
15- رد المظالم مع التوبة.
16- الدعاء ثلاثاً.
17- إستقبال القبلة.
18- رفع اليدين في الدعاء.
19- الوضوء قبل الدعاء إذا تيسر.
20- ألا يعتدي في الدعاء.
21- أن يبدأ الداعي بنفسه إذا دعا لغيره.
22- أن يتوسل إلى الله بأسمائه الحسنى وصفاته العليا، أو بعمل صالح قام به الداعي نفسه، أو بدعاء رجل صالح له.
23- التقرب إلى الله بكثرة النوافل بعد الفرائض، وهذا من أعظم أسباب إجابة الدعاء.
24- أن يكون المطعم والمشرب والملبس من حلال.
25- لا يدعو بإثم أو قطيعة رحم.
26- أن يدعو لإخوانه المؤمنين، ويحسن به أن يخص الوالدان والعلماء والصالحون والعباد بالدعاء، وأن يخص بالدعاء من في صلاحهم صلاح للمسلمين كأولياء الأمور وغيرهم، ويدعو للمستضعفين والمظلومين من المسلمين.
27- أن يسأل الله كل صغيرة وكبيرة.
28- أن يأمر بالمعروف وينهى عن المنكر.
29- الابتعاد عن جميع المعاصي

اشكرج يالغاليه..
هذا يفيد الموضوع ويخليه متكامل..
لازم كل وحده فينا تحط في بالها اسباب استجابة الدعاء..
بنات لاتنسون ان هدفنا نسوي عمل جماعي..
ونطلب لبعض..ونفرح لبعض..بأذن الله..​

 

[فديت دنيتي]

ســــــــــــــــــــلام يامهات المستقبل

اخباركم وحشتوني
الله يسعدك ويوفقك دنيا واخره يافديت دنيتي
احس اني استمريت على الاسغفار من بعد موضوعك
وكل مادخلت بدعيلك
والاخت الزهره البريه الخزعه عني اول مره اسمع فيها اما الزيرو ارتفع
وزوجته حملت بعد مافقدوا الامل
وماشاء الله عندهم ولدين وبنت
استغفر الله
استغفر الله
استغفر الله
اللهم لاتجعلني فردا وانت خير الوارثين
اللهم لاتجعلني فردا وانت خير الوارثين
اللهم لاتجعلني فردا وانت خير الوارثين
(ان شاء الله ارجع وابشركم بخبر حملي )
واشكر جميع الاخوات على انضمامهم للموضوع

والله يرزقنا جميعا بذريه الصالحه​

الحمدلله رب العالمين..احنا جذي..كلنا هدفنا واحد..
واتجاهنا واحد..
بإذن الواحد الاحد الفرد الصمد بأنه يرزقنا جميعا..
مشكوره حبيبتي اكيد احتاج لدعائج..وكل اللي بالملف مثلي برضو ادعي لهم..
وان شاء الله انا احنا كلنا مستمرين بالدعاء والاستغفار وقراءة القران.
يارب ارزقها الذريه الصالحه..وارزقنا جميعا.​

 

[حلم الامووومة]

2008 انا فاقده الامل هالشهر خخخخخخخخخخخخ احس الدوره خلاص بتجيني
ان شاء الله الشهر الجاي افرحكم

اللة كريم اذا ماجاتج الدورة معناة ان لين الحين فى امل مثل ما قالولج البنات

وسامحينى رديت عليج فى المرة الاولى من غير مااعرف انج لين الحين ماجاتج الدورة ,اللة يكتبلج الحمل يارب:blush-anim-cl:

 

[فديت دنيتي]

السلام عليكم اخباركم
mesk-nader
تسلمين ياقلبي ع الدعاء والله يوفقج ويجمع شملج انتي وعيلتج ويبعد عنكم اولاد الحرام ويجزيج الف خير ويسعدج دنيا واخره
فديت دنيتي مبروك ع التثبيت

حبيبتي الله يبارك فيج يالغاليه..
عقبال مايثبت حملنا تسع شهور..
ونفرح فيه..
قولي آمين..​

 

[ادوور حلوول]

اسغفر الله استغفر الله استغفر الله
اللهم لاتجعلي فردا وانت خير الوارثين
الله يرزقنا الذريه الصالحه عاجلا غير اجل​

 

[فديت دنيتي]

السلام عليكم ​

مبروووووووووووووووووووك التثبيت الصراحه الموضوع يستاهل ​

وعلى قولت اختي الله يثبت حملنا انشالله ​

وجزاكم الله الف خير على كل دعوه دعيتوها لي ..​

والله يرزق كل محرومه ​

ويفرح كل مهمومه​

نواره يلا طمنينا ..والله اني احاتيج ..ومتفأله واحس اني بسمع خبر حلو منج:bigsmile: ​

واحين باقولكم اخباري ​

بنات انا نفسيتي تعبانه ...واحس كل يوم شكي يزيد بالحمل خارج الرحم ..لان بدت الاعراض اتزيد :icon1366:​

لكن سبحان الله فالليل اقرى صورة البقره واقوم الصبح ماحس بولاشي ..لكن يرجع الالم ويستمر طول اليوم :tears:​

المشكله ان ماقدر اتطمن الا عقب سبوعين واحس كل يوم نفسيتي تتعب كل مافكر بالبيبي واحلم ارجع اتذكر ان ممكن مايصير واحرم نفسي حتى من الحلم :no:​

لكن احين مالي الا الدعاء ​

وسبحان الله يبدل من حال الى حال ..ويارب يرزقني الحمل السليم ويتمم فرحتي يارب​

:c016:​

حبيبتي الله يبارك فيج تستاهلون اكثر حبيبتي..
حبيبتي استمري عالموضوع واستمري على الدعاء وقراءة القران والاستغفار..
وصدقيني ربي بيتمم عليج وبترجعين تقولين قلتي يافديت دنيتي..
ربي يحفظه لج ويتمم علينا فرحتنا الاولى..​

 

[فديت دنيتي]

بيور لاتفكري بالالم اذا فكرتي بالالم بيجيج لاتوسوسين
صدقيني حاولي ماتفكرين بالالم انشغلي باي شي استغفري اقري قران اي شي وبتشوفين ان شاء الله مايجيج الالم
وان شاء الله الله يثبت حملج يارب

:clap::clap::clap:كلام صحيح..​

 

[فديت دنيتي]

المشكله ماقدر مافكر ​

لان ماعندي غير هالموضع فبالي ​

يعني لو مافكرت فالالم افكر فالبيبي بنت ولا ولد شبسميه يعني اتم احلم وبعدين اضرب بريك واقول ​

مابي افكر عشان لاقدر الله بعيد الشر لو ماصار خير ماتحطم ​

ويعني انا ماقلت حق حد عن الحمل ولاااااحد حتى امي للحين ماقلت لها ​

خصوصن ان الكل ينتظر حملي عقب ماسقطت ومابي افرحهم وعقب ينصدمون ​

والمشكله ماقدر انشغل في شي احس عمري ثقييييييييله وتعبانه وماقدر اتحرك ​

حتى اذا قريت قران ماقدر اكمل 3 صفحات ادوخ واحس ماشوف الكلام​

لاتقولين انها مشكله<<عشان ماتصير صج مشكله..حبيبتي خليج عادي ولاتصعبين الامور..
انت تريد وانا اريد والله يفعل مايريد..يعني توكلي على رب العالمين..
امممممم انتي تحتاجين دعاء امج ياقلبي لاتحرمين نفسج دعائها..
حبيبتي اقري اللي تقدرين عليه..حتى لو تقرين سورة الحمد 7مرات واية الكرسي 7مرات..
يعني موشرط انج تقرين سورة طويله او صفحات..فهمتي علي شلون..​

 

[فديت دنيتي]

اللهم مااصبح بي من نعمة او باحد من خلقك فامنك وحدك لاشريك لك لك الحمد ولك الشكر​

7777
777
77
7
هذا الكلام الحلو يااحلى بيور..:shiny:​

 

[فديت دنيتي]

لا حبيبتي ماعليج من الاحلام ومو شرط تتحقق كلها وتتفسر عدل لاتحاتين
استمتعتي بحياتج استانسي اقري مجله شوفي برامج سوي اي شي يفرحج انشغلي لاتحاتين وتفكرين طلعي مع ريلج روحي المطعم تمشوا سوي اي شي وكله خير من ربج والله يثبت حملج وتبشرين امج يارب

كلامج حلو..حيل..
بس هااااا يابيور..ذكر الله قبل كل شئ..
يارب تمم علينا فرحتنا الاولى..
​

 

[فديت دنيتي]

بيور ياحبيبتي انا استغرب ليش ماتقولين لامك بالعكس انا لو منك على طوووووول اروح ابشرها وعشان تدعيلك ان الله يثبت حملك ترى مافي افضل من دعاء الوالدين
والالم والله صدقيني طبيعي انا صاحبتي كانت مثلك طول الشهور الاولى اااااالم والحين ماشاءالله عندها ولد يدنننننننن ماشاءالله والله الحوامل مساكين طول حملهم تعب وثقل وغير هذا كله الولاده الله ياجرنا ان شاءالله

كلامها عسل يابيور​

 

[sara_77]

مشكورين على دعائكم ودعمكم حقى وانشالله الله يرزقنا بالذريه الصالحه وهذى الايام كلها تكون ذكرى نسولفها حق عيالنا

 

[فديت دنيتي]

لاني تعبانه لااستطيع الرد على جميع المشاركات بس الوعد بإذن الله..باجر..

حبيباتي وحشتوني..ربي لايحرمني منكم..​

سوري حبيباتي على تقصيري هاليومين.. اعذروني..​

لان وربي اني جالسة امر بظروف واااااااااااااااااااااااااجد صعبه:tears:<<لايعلمها الا الله سبحانه وتعالى​

احتاج لدعائكم لي..بإن الله يسهل اموري..وامور زوجي ويحفظنا من شر الظالمين..​

اوعدكم بأني ارد على جميع المشاركات بأقرب وقت ممكن
مثل ماعودتكم من قبل..بإني ارد على كل وحده..​

لاتنسوني من دعائكم..​

:exclamationpoint:لاني تعبانه لااستطيع الرد على جميع المشاركات بس الوعد بإذن الله..باجر..​

 

[فديت دنيتي]

حبيباتي اهتمو بالموضوع وكاني موجوده..
وشجعو بعض..
وحافظو على الهدف..
هدفنا :الانجاب بطريقةسباق الانجاب
اتجاهنا:الى الله سبحانه وتعالى
وانا ماراح انساكم بدعائي..
تحياتي.​

 

[(2008)]

حبيباتي وحشتوني..ربي لايحرمني منكم..​

سوري حبيباتي على تقصيري هاليومين.. اعذروني..​

لان وربي اني جالسة امر بظروف واااااااااااااااااااااااااجد صعبه:tears:<<لايعلمها الا الله سبحانه وتعالى​

احتاج لدعائكم لي..بإن الله يسهل اموري..وامور زوجي ويحفظنا من شر الظالمين..​

اوعدكم بأني ارد على جميع المشاركات بأقرب وقت ممكن
مثل ماعودتكم من قبل..بإني ارد على كل وحده..​

لاتنسوني من دعائكم..​

:exclamationpoint:لاني تعبانه لااستطيع الرد على جميع المشاركات بس الوعد بإذن الله..باجر..​

والله انتي وحشتييينااا اكثر .. وصاير محل كبييير.. مفتقدينج يالغاااليه

معذووورة ياااقلبي ... والله يفرج عليج بحق واااحد احد

وترجعين وتردين علينااا وعلى جميع مشركاااات والله يسهل عليج وعلى زوجج

ويرزقج بالذريه الصالحه

 

[حلم الامووومة]

حبيباتي وحشتوني..ربي لايحرمني منكم..​

سوري حبيباتي على تقصيري هاليومين.. اعذروني..​

لان وربي اني جالسة امر بظروف واااااااااااااااااااااااااجد صعبه:tears:<<لايعلمها الا الله سبحانه وتعالى​

احتاج لدعائكم لي..بإن الله يسهل اموري..وامور زوجي ويحفظنا من شر الظالمين..​

اوعدكم بأني ارد على جميع المشاركات بأقرب وقت ممكن
مثل ماعودتكم من قبل..بإني ارد على كل وحده..​

لاتنسوني من دعائكم..​

:exclamationpoint:لاني تعبانه لااستطيع الرد على جميع المشاركات بس الوعد بإذن الله..باجر..​

اختنة الغالية المكان كلة لج ومفتقدين تشجيعج لنة اللة يفرج همك وينصرج على من يعاديج وترجعين لنة سالمة امين يارب العالمين احنة فى النظارج:sadwalk:

 

[حلم الامووومة]

حبيباتي اهتمو بالموضوع وكاني موجوده..

وشجعو بعض..
وحافظو على الهدف..
هدفنا :الانجاب بطريقةسباق الانجاب
اتجاهنا:الى الله سبحانه وتعالى
وانا ماراح انساكم بدعائي..

تحياتي.​

حبيبتى حت وانتى اتمرين ابضروف صعبة اتفكرين فينة:tears: احنة بنحاول انشجع بعض بس مانقدر انعوض مكانج لانج انتى الاساس وانتى عامود هذى السباق:blush-anim-cl: اللة يفرج همك لا تنسين الاستغفار واللة يجعلج بعد كل ضيق مخرجا:icon26:

 

[برده]

مساء الانوار يا احلى اخوات
كيفكم عساكم طيبين
اللهم يافارج الهم وكاشف الغم ومجيب دعوة المضطرين رحمان الدنيا والآخرة ورحيمهما
ارحمنا يارب وارزقنا ولا تحرمنا من فضلك يذا الجلال والاكرام
يارب فرح كل من في الملف بمولود حلو وجميل ومعافى يا كريييييييييييييييييييم

احبهم والله اموت فيهم لو تشوفو بيتي كله قصص للأطفال وصور والعاب وحتى لمن اروح لقرايبي افضل اجلس مع الاطفال دون الكبار
يارب لاتحرمنا