سامحيني يام وليد اخذت زوجك منك بس مو بيدي

قصتك غريبه عجيبه
اولا انتي ماسويت ذنب علشان تتعب نفسيتك كذا انتي تزوجتي على سنة الله ورسوله وماعليك من الاولى
على فكره انا زوجه اولى وعمري ماحقدت ولا دعيت على الثانيه لاني متاكده ان مالها ذنب زوجي اللي طق بابهم
بس انتي ماقلتي لنا وشلون معاملة الزوج لك اذا كان طيب وكريم والله انه ابرك من 100 شاب وسيم على قولتك وترا ماعاد فيه رجال
وانتي المفروض ترضين بقضاء الله وقدره وترضي بنصيبك ومادام فكره الطلاق براسك او الموت لا يمكن ترتاحي ابدا
صراحة موقفك غريب والعجيز مالها حيله تحبك تصرفك ماتسويه الا وحده قلبها ابيض وانسانه بريئه جداااااااااااا
الله يوفقك ويسعدك مع الشويب
 
اذا انتي ماتحبين زوجك
اطلبي منه الطلاق
ومولازم تروحين بيت اهلك
البيت اللي انتي فيه من حقك
وزوجك مادفع مهر لك عشان ترجعبن له شي

تطلقي وتزوجي في بيتك
واذا على ابوك مايقدر يسوي لك شي
وامك شوفيها لاطلع ابوك من البيت

والله يوفقك
 
ياااالله قصه عجييبه الله يفرجها عليك من حيث لا تحتسبي ويكتب لك الخير فين ماكان ويرضيك به
و أنا كمان أضم صوتي للأخوات إلي حذروكي الله يوفقك ويسددك ويلهمك طريق الرشاد ياااارب
 
الله يفرج همك واختي احتسبي الاجر والله بيعوضك خير انشالله ......
 
الله يفرج همك اولا ثانين وش هطيبه انت ضحيه زيك زي ام وليد لا تعتذرين لها ولا تنزلين نفسك لحد الله يعينك على العيشه مع هالشايب وربي يفرج همك ويفطس الشايب او يطلقك
 
الله يفرج همك وكربك عاجل غير آجل
فكرتك حلوة أنك تسافرين لدراسة لكن يكون محرمك ولد زوجك هذا أكبر خطأ راح ترتكبينه بحقك
إذا أم وليد عدتك وحده من بناتها وليد ماهو معتبرك ولا ينظر لك زوجة والده , لا تنسي وليد شاب وتربى وعاش بعز وهو ولد نصيبه بأرث والده كبير وهو الكبير ما راح يقبل أنه تشاركينهم بالورث وأن كنتي زوجة والده شرعآ .. وأنتبهي يعرف أن والده كتب لك البيت باسمك أو أيش تملكين ما تملكين الحذر مطلوب .. ما تدرين وش مكتوب لك بالغيب من حقك تحفظين حقك حتى لو كنتي مجبرة ومغصوبة
سافري مع أخوك اللي يكبرك بسنة لكن وليد لااااااااااااااا أنتبهي أكبر خطأ راح ترتكبينه بحقك ​
 
الله يعينك ياحياتي والله بكيتيني الله يسامح ابوك
وتأكدي ان امر المؤمن كله خير لقول الرسول صلى الله عليه وسلم​

أمر المؤمن كله خير​
عن أبي يحيى صهيب بن سنانٍ رضي الله عنه قال: قال رسول الله صلى الله عليه وسلم: "عجباً لأمر المؤمن إن أمره كله له خيرٌ، وليس ذلك لأحدٍ إلا للمؤمن: إن أصابته سراء شكر فكان خيراً له، وإن أصابته ضراء صبر فكان خيراً له"رواه مسلم.
وأنصحك لاتسافرين مع وليد انتبهـــي سافري مع أخوك أحسن كملي أنتي وأخوك دراسه برا
والله يفرج كربتك ويشرح صدرك بالايمان وطاعة الرحمن
 
الله يسعدكم جميعااا ويجعل الجنه مثوااكم

اقولكم عن شخصيه وليد علشان تتضح لكم الصوره
طيب حييييييل ورحووووم بشكل عمري ماشفت رجال مثله رحوم على الحرمه ويسميني خاله ويسولف معي كني اخته مررره صح عليكم الشيطان حي مامات بس هو يبي يوصلني لندن ويرجع على طول وواحد من خوالي هناك راح يستقبلني يعني وليد مو قاعد معي ابد
هو عارف ان البيت بسمي وبلعكس مرره مؤيد وكان يقولي ابوك لايدري عن البيت ابببد بس الشايب قال لابو
بنسبه للشايب معاملته معي ماعليه ماقول مدلعني ولا ذالني عاادي جداااا مابينا الى الاحترااام بسس هو مشغول بتجارته وشركاته وانا ياصير بتحفيظ ولا اطلع لم زميلاتي يعني منشغله
بس غصب اكررره كل ماتذكرت ان ابوي عرضني عليه وكيف زواجي وكيف ليله دخلني اكره مليون مرره كل ماتذكرت كل هلاشياااء
ايه نسيت بنات ام وليد عسسسسسل بمعنى الكلمه
نقطه استشيركم عليهااا اذا رحت لم ام وليد لازم اصلح معي حلى او طبق رئيسي واذا صار وقت القهوه او الوجبه وكان الشايب موجود تعالو شوفي المدح لو كان الطبق الى جايبته عادي بس مدح ياساتر مادري وش يقصد ولا بلبيت ماعمره قال شي عن طبخي وهذا الى خانقني مرررره مابي ام وليد يضيق صدرها على اني المحها واشوف ضيقه الصدر والله اني اتمنى الموت بذاك اللحظه صرت اشيل معي جاهز ماصلح شي
وهذي حياااتي معه الله يبدلها حياه احسن منهاا ياااكريم ولا يذوقكم الضيم الى ذقته
<<<يمكن تقولون بالغه بكلامي علشان ووصف حالتي بس والله هذا الواقع وهذا حالي لاني ابد ماتوقعت ولا واح بلميه اني نصيبي يجدعني على شااايب واكون ضره اكسر قلب حرمه ابد والله ماتصورت علشان كذا الى الان ماتقبلت الوضع وادعي ربي دوووووم افتك من العيشه معه
 
الزم ماعليك رضا ابوك وامك وزوجك والحمدلله ام وليد فهمتك :) والسفر مع ابن زوجك صعب شويا !
 
مجرروحه ~~~ ارسلت لك على الخاص بس مادري وصلك شي لان ماطلع عندي مادري ليه
اتشرف بمعرفتك يالغلا
 

مثل طيبه قلبك نآدرة بهآلوجود
. . . آلله يصبر قلبك ويعوضك خير إن شآء الله
. . .و يهدي آبوك ويفرجهآ بوجهك يآآآآآرب آلعآلمين

بس يَ حيآتي لآتدعي ع روحك ربك يَ غآليييه مآيظلم آحد لآبد في
آلآمر خيرة وبآءذن آلله رآح
يتبدل آلحآل وتعيشي بخير وسرور ...ثقي بآلله
رآح تنفرج ~
 
كان الله في عونك ياجمانه وانا والله اني مقدره النفسيه الي انتي فيها بس ادعي ربك دوم انه يكتبلك مافيه الخير لك وانا ادعيلك من كل قلبي ان كان راحتك بعيد عن الحياة الي انتي فيها الله يفكك منها عاجلا ليس اجلا واتمنى تردين على رسالتي الي بلخاص ​
 
والله بكيت ع حالك بس انتي مجبوره والحمد لله ان ام وليد فهمت وضعك
وانتي اذا مدح زوجك اكلك انتي ع طول قولي والله ان ام الوليد اللي طبخها مايعلا عليه او في وقت مو شرط اذا مدح اكلك خذي بخاطرها والله بيعوضك ويرزقك
الا بساللك عمر الوليد كم ؟
 
عيشي حياتك واعتبريها فترة انتقاليه طالما هي مو خيارك ... عيشي ادرسي .. اتعلمي اعملي بزنس خاص فيك كوني سيدة من سيدات المجتمع ... كوني انت ... ولا بد ان يأتي يوم وتنحل القصة وتبدأي من جديد ... فلا تضيعي الوقت... بس انتبهي ... لا تغلطي ولا تفعلي الحرام الله يحميك يا رب...
 
المجروحه ~~~افتكرت اني ماقدر ارسلك خاص لاني لسى مسجله ومشاركاتي قليله امممم عادي احط ايميلي هنا لان ايميلي الى مسجله فيه خاص للمنتديات مافتحه مسن
ياليت تفيدوني هو عادي احط ايميلي ولا فيه خوف ان احد يحفظه من الجنس الثاني
اممممم وليد عمره 23 سنه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل