سامحوني أنا من خذله فما العمل وما النصيحة؟؟ "متــبع"

  • بادئ الموضوع بادئ الموضوع i_was_happy
  • تاريخ البدء تاريخ البدء
الحالة
مغلق و غير مفتوح للمزيد من الردود.
سينبــوون قال:
الله يكون في عونك يارب00 اسمعي حبيبتي الي فهمته ان ابوك راضي انك تروحين تكملين دراستك
خلاص لاعادترسلين لزوجك رسايل روحي كملي دراستك علشان على الاقل تبعدين عن اهلك شوي
وحاليا هم زعلانين خليهم لاتراضينهم سافري ورسليلهم رساله تعبر عن حبك لهم وتتمنين دعواتهم لك بالتوفيق
وهناك خبري زوجك انك موجودهوحاولي تلتقين معه0اهم شي الدعاء وتصدقي ووكلي امرك00الله يوفقك
أنقر للتوسيع...

لو اقدر اسافر ما كان قصرت
انا سعودية والي مثي ما تسافر خارج المملكة الا بقرار موقع عليه ولي أمرها
وغير كذا زوجي معاه جواز سفري
يعني مستحييل

مشكورة
 
*روعه* قال:
شوفي حبيبتي اهم شئ وقبل ما تقومي باي شئ روحي الان صلي ركعتين واخشعي في السجود واستغفري ربنا كتيييييييييير واجلسي بعد الصلاه اشكي همك لربنا وادعي يفرج همك ويجبر بخاطرك وهو راح ينور طريقك للعمل الصح ..
وبعد كده طنشي جوزك شويه لانك اعتذرتي له وعملتي اللي عليكي .. الواحده مننا تغلط( ماهو عيب) بس لازم الطرف التاني يسامح ويعرف انك بشر تضعفي في اي لحظه ولازم كمان يعرف انك مادام اعتذرتي له معناته انك حسيتي بغلطتك .. عشان كده اتركيه اعتذريله وخلاص يكفي اهانه لنفسك وذل على الفاضي وراح تخسري نفسيتك وراحة بالك ..
وبلاش تضيعي مستقبلك كللللللله وانتي تفكري كيف تراضي اللي حواليكي ( رضا الناس غايه لاتدرك) .. اهم شئ انك تروحي وتكوني البنت المطيعه لامك ( لانه الظاهر انها زعلانه منك في شئ في الماضي يعني صلحي علاقتك بيها واطلبيها تدعيلك بكل انكسار منك ..لان قلب الام ما يعرف يكره ) وابوكي كمان حاولي راضيه بالرغم من انه هذه الشئ غريب اللي بيعمله ( بس انا افسره انه حب تملك بما انه انتي بنته الوحيده لا اكتر)واطلبيه انه يسامحك بكل انكسار منك وبس روحي عنهم من سكااااااااات وكملي دراستك ..والله يحنن قلبهم عليكي.
وروحي كملي دراستك وعيشي حياتك وحاولي انك لو قابلتي زوجك تكوني منكسره وفي نفس الوقت قويه شخصيه يقدر يثق فيكي انك تتصرفي بحكمه في المرات الجايه وماتخذليه وتكوني عند كلمتك ومطيعه لزوجك .. عشان اللي فهمته انك اهنتيه بحركتك لمن رجعتي لاهلك وهذا شئ صعب على نفس الرجل انه يتقبله بسهوله..

والله يفرج همك وهم المهمومين يارب ..
وخبرينا عن جديدك
أنقر للتوسيع...


يا اختي ترى انا ماعندي ماضي تزعل عليه امي
ولا حتى ابوي
كانوا يتمنولي الرضا ارضى
بس ما ادري ايش اللي حصل
 
طالما الدراسة بدأت ولم يقوم بتأجيلها فأجليها أنتي

زوجك قد يكون لم يؤجلها ليبين لك انه غير مهتم ولا يبالي

أو حتى تذهب عليكي بلا فائدة طالما انه ليس هناك أمل بسفرك فالأفضل أن تؤجليها بنفسك
 
ياغالية ترى رضا الله من رضا الوالدين ,,
روحي لوالدينج وتسامحي منهم و ونسي عمرج وعيشي أيامج مثل ما كنت قبل الزواج ,,

وبالنسبة لزوجج اذا يبغاج فهو عارف رقمج يكلمج كفااااااااااااااااااااااية تسامح منه ومذلة , انتي صج غلطتي بحقه يوم طلعتي من غير شوره لكن مو لدرجة انه يعاقبج بكل ذا الحقراااااااااان !!


وان رجعتيله راح تحملين ان شالله وتولدين بعد ما يبغاج تروحي لاهلج ؟؟ وأخاف هم مايستقبلوك لأنج طنشتيهم ,,

يالغالية انت ذكرياتج مع زوجج كلها حلوة لأن كنها شهر عسل وكنتي بعيدة عن أهلج وأهله ,,
يعني بعدين لي خلصتوا الدراسة ما راح تردوا الديرة ؟؟ ولا بتظلوا تعيشوا في الغربة ؟؟

ومافي وحدة ما تغلط بحق زوجها , فهل كل ما غلطتي بسويلج جذيه ؟؟

اقول طنشيييييييييييييييييييه وابدي دراسة من جديد في ديرتج والتحقي بالنوادي واشغلي عمرج بكل وناسة وردي لربيعاتج وردي مثل ما كنت قبل الزواج .


غاليتي وفقك الله لكل خير ,, والله اني ما نمت عقب ما قريت ردج امس ,ادري انج حابته , بس خلااااص فوقي وحبيييييييييييييي نفسج *

وفقك الله لكل خير **​
 
اوافق شوكيلت كلامه عين العقل لازم يصيرعندك عزيمه على هالشي00اتمنى لك راحه البال
 
طمنينا عليك
 
الله يفرج كربتك
واعرفي
انه اذا اشتد البلاء اقترب الفرج
والله يقدر الخير لك ويختار الخيرة
وأنا أؤيد شوكليت كلامها
فرضا الله من رضا الوالدين
و
طمنينا عنك ياغالية
 
يا أخواتي ترى مافيه شيخ سألته الا غلطني انا
قال انتي ملعونة الى ان يرضى عنك لانك خارجة من غير اذن زوجك

لا وازيدكم من الشعر بيت
قال ان طاعة زوجك مقدمة على طاعة والديك
وما عليكي الا الصبر لحل مشكلة اهلك
 
طيب انتي الحين رجعتي لأهلك؟؟
 
i_was_happy قال:
يا أخواتي ترى مافيه شيخ سألته الا غلطني انا
قال انتي ملعونة الى ان يرضى عنك لانك خارجة من غير اذن زوجك

لا وازيدكم من الشعر بيت
قال ان طاعة زوجك مقدمة على طاعة والديك
وما عليكي الا الصبر لحل مشكلة اهلك
أنقر للتوسيع...

كلام صحيح ,, لكن !
قلتي للشيخ انج معترفة بغلطج وانج ندمااااااانة وصار تقريبا شهرين تكلمينه وما يرد عليج وتدزين مسجات وهم ما يرد وقلتيله انج حملتي وتعورتي وهم ما يرد وانج بلغتيه انج بتتركي أهلج عشانه وهم مايرد !!!!
شنو أكثر من جذي ؟
* كل ابن آدم خطاء وخير الخطائين التوابون *

مو معقولة انتي تضحيييييييين بأهلك وزوجج متمسك بأهله لآآآآآآخر حد وما يبي أي شي يغضب أبوه !!

آنا أقول ردي لأهلج عشان ما تفلسين من الطرفين , وسألي الشيخ مرة ثانية وبينيله موقف زوجج .

الله يكتبلك الخير ويسعدك دنيا وآخرة *
​
 
الحل بيد ابو زوجك
الواضح انه له كلمه واذا قدرتي تسترضينه انحلت المشكله كلهااااااااااااا
استعيني بالله وروحي لابو زوجك وحنني قلبه عليك واشرحي له موقفك وظروفك واكدي له ان روحتك لاهلك اول مره ما كان الا بنيه الزياره والعوده مره ثانيه للبيت وانك كنتي ناويه تكسبين ابوك وترضينه حتى يكف اذاه عن زوجك واهله
والواضح ان زوجك محتار بين قلبه وبين رغبه ابوه ومعاه حق لان هله ما قصروا يوم وقفوا معاك تحملوا من الاذى ما يتحمله بشر ومع ذلك جا الخطأ منك وطبيعي صار الموقف بيد الاب
واكثر من الطبيعي ان ولده ما يخذلهم هالمره

والحل الحين تبذلين كل ما تقدرين عليه في ارضاء الاب

ومثل ما قلت توكلي واستعيني بالله
واي كلام عندك لا تقولينه لزوجك ولا اخته قوليه لابوه هو الشخص المفروض تتضح له الامور
 

ياحبيبتي انتي مشتطه بزياااااااااااده ومحمله هموم الدنيا فوق راسك انا مااشوف انك سويتي ذاك الغلط اللي يخليه يعاقبك كذا هذولا والديك بعد والمفروض هو يعرف ان اللي مافيه خير لاامه وابوة مافيه خير لاااحد زوجك مرره كبر الموضوع مهما صار مهما صار ذولا والدييييك وهذا ابوك ومااااله حق يتصرف بهالطريقه

وانتي خلالاص اثقلي سويتي اللي عليك ماباقي الا تبوسين رجله حافظي على كرامتك وارسلي له مسج وقولي له هالكلام قولي هذا ابوي ومهما سوا فيني ماله الا الاحترام من جهتي اما بالنسبه لك انت حر وانا سويت اللي علي واذا كنت بايعني الله يستر عليك ويعوضك بوحده غيري تقدرك وخلالالالاص قفلي على الموضوع

انتي بملاحقتك له بهالطريقه بينتي انك غلطااانه بقوووة يمكن غلطتي انك ماقلتي له لكن مافي زوج عاقل بيفكر ان الحرمه ممكن تستغني عن اهلها مهما صار

حبيبتي عزي نفسك عزيها واتركيه فتره وخلي اخبارك تنقطع عنه تمامااااا لين هو اللي يدور اخبارك وصدقيني بيتغير الحال
 


مراحب
احنا عارفين انك اخطات
لكن الله سبحانه وتعالى يقول :
{ رَبَنَا لَا تُؤَاخِذْنَا إنْ نَسِينَا أوْ أخْطَأنَا }
ليش نقول لك اكثري من الاستغفار لجل
الله يعفو عنك ويتوب عليك
وفي الحديث عن الرسول صلى الله عليه وسلم
(كل آبن آدم خطاء وخير الخطاءون التوابون)

توبي واستغفري و وكلي امرك الى الله

وطمنينا عن اخبارك


 
أهلين سمحيلي أختي على راي ليش ما وضحتي لأبوكي أنه حبه بظل في قلبك و أنك دايما بتقومي بزيارته وأنه محد بيأخذ مكانه من قلبك طبعا مع دعم أمك
من غير ما تصرخي في وجه وتتحديه ولكن اللي صار طاف
المهم الحين زوجك حاولي تروحي عنده
تعتذري منه وضحي موقفك وأنه ما قصدك تخالفي رأيه :in_love: لأنه هو يحبك وااااااايد
بس عندي سؤال لوسمحتي كيف موقف أهلك لما رجعتي عنهم :questionmark:
 
الحالة
مغلق و غير مفتوح للمزيد من الردود.
عودة
أعلى أسفل