الكراويه
New member
- إنضم
- 2010/03/13
- المشاركات
- 53
كل وحده فينا تغار على زوجها
هذا شيئ طبيعي مو لأنها أنانيه
هذه نزعه في الأنسان
يحب دايما يستأثر في اللي يحبه
الغيره هذه نابعه من الغيره على النفس
على هدوء البيت ولمة العيال
تدري أي إمرأة أن زوجها
إذا تركها خرب بيتها وتشتت الأسره
وأنا كنت وحده مثل آلاف النساء
غرت ؛ صرخت ؛ عاتبت ؛ بكيت
ولكن في النهايه عرفت
أن كل اللي كنت أسويه في مهب الريح
زوجي يبعد ويبتعد أكثــ (( وأكثـــر ))ــــر
لأني بصراحه
كنت أغار على نفسي أكثر ما كنت أغار على حاله
كانت عيونه تصرخ فيني
تعالي أحضنيني من الغربه
اللي حلت بيني وبينك
ما كنت أفهم ...؛؛
كنت ثايره شلون يسمح لنفسه يحب غيري
وكل ما أصرخ يهرب من البيت
كل ما أعاتب ألقى منه نفور
مليت منه مليييييييييييييييييييت
في النهايه
تزوج من أخرى
وأنا كنت السبب
لاني ما عرفت قدره
خذتني الغيره على نفسي
وانطويت على حالي
ما فكرت أجمل لساني قبل لا أتجمل بثيابي
ما فكرت آخذ ريلاكس وأحضنه حضن الأم لولدها
لكن شنو تنفع كلمة يا ليـــــــت
اللي صار صار
وقلت له خلاص انتهت العشره
طلقني
لان لا يمكن أسمح لانسانه غيري تاخذ مكاني
ورفض قراري وقال غلطه وسامحيني
سالفتنا طويله
ولكن بالأخير سامحته
صدقوني أحس الحين أرتحت أكثر من أول
يمكن لأني فهمته
أو يمكن لان الزوجه الأخرى
خلتني أغار عليه صح
لما يدخل البيت
يشوفني أستقبله عند الباب بالأحضان
أحب أكون قربه
إيدي تلامس إيده
عيوني في عيونه
صدقوني الحين هو يحبني أكثر
وأنا بعد أحبه أكثر
نصيحه بس خواتي إذا تبون تغارون صح
لا تعاتبون وتدورون الزلات
ما في إنسان ما يخطي
سامحوا أزواجكم
من كل قلبكم سامحوهم
والله يهدي سركم
