سالفتي ويا ربيعتي وولد اختها

[لا لا الحلوه]

السلام عليكم
ببدا بالسالفه على طووووول .... والله اني منصدمه ماتوقعت كل هذا يستوي ....

السالفه الله يسلمكم ....ادرس في الجااامعه في سنه الثالثه واسكن في السكن الداخلي التابع

للجامعه ...وعندي صديقه من اماره ثانيه وياها من سنه ونص تقريبا وهي بنفس

عمري ...ونحن وااايد ويا بعض ......يعني دووم مصخره وسوووالف وضحك ....

المهم مره من المرات ...كنت اسولف وياها وارمسها عن اخوووويه االي اكبر عني بكم سنه ...وانا مب اول

مره اسولف عنه صوبها ...قالتلي دخيييلج انا ابا اخوج اخطبيييله حقي انا

تمييت اضحك وخذت كلامها على اساس انها تسولف ....يوم شافتني اضحك قالت والله اسولف جد كلميه

عايبني وايد

قلتها لا هو اصلا خاطب بنت خالتي ...وفعلا هو خاطب

بنت خالتي ....بس الحبيبه مصره ...شكلها حبت اخوي ودووم تدعي انه يكون من نصييبها وداائما تفتحلي

الموضوع انها تبي اخوي وهي بعد كانت شبه مخطوبه لولد خالها بس

ماكانت تبغييه ابد تبغي اخوي ....يوم حسيت انها رايحه فيها يلست وياها فهمتها ان اخوي يبي بنت خالتي

وبعدين هي فيها مواصفات غير االي اخوي يبييها ....<<<اخوي

واعرفه ..... قالت يلا شكله مب من نصيبي بس انا خاطري فيه وااايد

فتره يت مره ثانيه وقالتلي اباااااااااا اخووووووج بس في هالوقت كان امبيين انها تسولف وتمزح مب جاده

مثل دوووم وانا قلتها انزين خلاص انا ابي ولد اختج . واضحك..>>>>>>>>>>

بنات اخر زمن خخخخخخخخخخخخ

وكلما اتقولي ابا اخوج انا اقولها ابا ولد اختج ....وداااائما هاشي يتكرر ..وهي تسكت ماترد علي

بشي ...ويشهد الله اني كنت امزح واسووولف وربي مب كنت جااااده ابد ابد ....

المهم بعد فتره وافقت على ولد خالها وملجت وعرسها في الصيف ان شاء الله الله يوفقها ....المهم الحبيبه

شو سوت سارت عند ولد اختها وقالتله انا ربيعتي من كثر ما اسولف

وياها عنك حبتك وتبغيييك ...شو رايك تخطبها ..؟؟ وهي مواصفاتها كذا وكذا وومن قبيلة كذا

ومن امارة كذا ..واخلاق...وغيييييييره ؟؟؟؟؟؟؟

الولد اتشقق من الفرحه

...قالها عطيني مهله افكر وبشاور امي وبرد لج الخبر .....واصلا ماكان عنده

نيه للزواج لانه صغير ...اكبر عني بكم شهر .... يعني عمره يادوب 20

سنه
انا اتخبلت قلتها حرام عليج متى قلت جي وانا كنت اسولف المفروض اتميزييين بين الجد والمزح ....وصح انها كانت تسولفلي عنه بس ماحملت اي مشااااعر تجااهه بس بصراحه


كنت اشفق عليه يوم اتقولي عن ظروفه ومعااامله ابوه له


المشكله الحين شو بيقووووول عني الولد ؟؟؟!!! اكيد بياخذ عني فكره وانا قاطه عمري له ...وخاصه تفكير

الشباب ف هازمن

؟؟؟؟؟؟؟؟؟

مضااايقه :tears:

 

[هندية]

والله ياختي ماعندي خبرة لكن حبيت ارد عليكي وان شاء الله الاستشاريات يفيدونك

 

[رموش نمله]

عادي ارفضيه حبيبتي وقوليلها الاسباب

 

[خان وذليته]

قلبي ارفضيه,,,,بعدين بيقول ان خالتي تقول انك طايحة عندي عشان كذا تنازلت,,,ابعدي وارفضي,,

 

[اعلامية طموحة]

واااااااي صدق وهجه

تعرفي انتي لما كنتي تقولي ان في الأخير كنتوا تمزحوا في السالفه .. هي تلقيها ماكانت تمزح بس تمثل انها تمزح .. علشان تتناسى تعلقها في اخوج

عموما حصل خير :nosweat:

خليها هي ترجع وتفهم ولد اختها السالفه ... واذا بتكلمه جدامج بيكون افضل علشان تشرفي بنفسج على تصحيح المسار:smoke1:

:blushing:بعدين اذا في نصيب ولا مافيه نصيب هذا موضوع ثاني:blushing:

وطمنينا شو صار معج <<< لقافه:1eye:​

 

[ج ـنون الكـون]

بنات اخر زمن ههههههههههه

لو اانا مكانك ازعل بصرراحه .. ليه تحرج(كلمه سعوديه بحت) علي عند ولد اختهاا .....................؟
كلميهاا خليهاا تقول للولد قبل لايبني امال وطمووح <حررام والله
وبعدين هو صغيرررر مرره ..

اجل انتي كم عمرك...؟

والله يجيب الي فيه الخير لك ..موفقه قلبوو

 

[المداوية بسيفها]

صباااح الخير عندنا الصبح

المهم والاهم، ان الي صار بيتصلح انج شنو تسووين تروحين لرفيجتج وتقولين لها انها لازم تقابل ولد اختها

وانتي معاها وتقول له سوء التفاهم اللي حصل ( كلام طموحة قاعد ينعاد )

وبس ، وننتظر شنو صاار اللقافة موجودة في بنيات المنتدا

تقبلي مروري وكلامي اللي نصه مو مفهوم لاني مواصلة

المــ بسيفها ــداوية​

 

[Ms Uae]

وعليكم السلام ورحمة الله وبركاته

لا تزعلين أو تتضايقين..كل اللي استوى الله كاتبنه

أنتو صديقات ولا تخربون ها الصداقة الحلوة اللي بينكم..يعني لا تعاتبين ربيعتج..انتي كلميها بالهداوة وقولي لها انتي كنتي تمزحين مثل ما هي كانت تمزح[ ومنها تبينين لها إنج كنتي ماخذة موضوع اخوج مزح] ..وانتي تحسين انها فشلة ان الكلام وصل للولد ..

أنتي قولي لها تخبر ولد إختها عن الموضوع وشوفي شو تقول: تخبره إنها هي اللي كانت تمزح عشان هو ما يتضايق منج ويحط فخاطره يعني تخبره انه هي فهمت الكلام غلط لأنج بنت ما عندج هالسوالف

اما بالنسبة إذا هو تقدم لج : لازم يكون عارف ان الكلام اللي قالته خالته غلط وانتي ما قلتيه [يعني طلعي نفسج ما يخصج ابد] يعني اذا يه بيكون عارف بالموضوع ومصر إنه يباج واستخيري مب شرط لأن وصل الخبر له يعني خلاص إنتي بايعة نفسج..اذا خطب واستخرتي كل شي بيبن والله بيسر الأمور..

هذي وجهة نظري وان شا الله تستفيدين

تقبلي مروري والله ييسر امورج ويوفقج

وان شا الله نسمع الاخبار الطيبة منج

أختج Ms Uae

 

[بردايس]

ههههههه موقف صعب بصراحه
البنات ماقصروا واهم شي النقطه اللي قالتها ms uae
الموضوع لايخرب صداقتكم ^_^
المهم تلاحقي الموضوع قبل لايطقون الباب ويصير الاحراج اكبر .. ​

وطمنيناا <<< الملقوفه رقم 7 لوول​

 

[القد المياس]

وعليكم السلام ورحمة الله وبركاته

لا تزعلين أو تتضايقين..كل اللي استوى الله كاتبنه

أنتو صديقات ولا تخربون ها الصداقة الحلوة اللي بينكم..يعني لا تعاتبين ربيعتج..انتي كلميها بالهداوة وقولي لها انتي كنتي تمزحين مثل ما هي كانت تمزح[ ومنها تبينين لها إنج كنتي ماخذة موضوع اخوج مزح] ..وانتي تحسين انها فشلة ان الكلام وصل للولد ..

أنتي قولي لها تخبر ولد إختها عن الموضوع وشوفي شو تقول: تخبره إنها هي اللي كانت تمزح عشان هو ما يتضايق منج ويحط فخاطره يعني تخبره انه هي فهمت الكلام غلط لأنج بنت ما عندج هالسوالف

اما بالنسبة إذا هو تقدم لج : لازم يكون عارف ان الكلام اللي قالته خالته غلط وانتي ما قلتيه [يعني طلعي نفسج ما يخصج ابد] يعني اذا يه بيكون عارف بالموضوع ومصر إنه يباج واستخيري مب شرط لأن وصل الخبر له يعني خلاص إنتي بايعة نفسج..اذا خطب واستخرتي كل شي بيبن والله بيسر الأمور..

هذي وجهة نظري وان شا الله تستفيدين

تقبلي مروري والله ييسر امورج ويوفقج

وان شا الله نسمع الاخبار الطيبة منج

أختج ms uae

وهذا الصح0سلمتي أخيتي0

 

[مابقى وقت]

وعليكم السلام ورحمة الله وبركاته

لا تزعلين أو تتضايقين..كل اللي استوى الله كاتبنه

أنتو صديقات ولا تخربون ها الصداقة الحلوة اللي بينكم..يعني لا تعاتبين ربيعتج..انتي كلميها بالهداوة وقولي لها انتي كنتي تمزحين مثل ما هي كانت تمزح[ ومنها تبينين لها إنج كنتي ماخذة موضوع اخوج مزح] ..وانتي تحسين انها فشلة ان الكلام وصل للولد ..

أنتي قولي لها تخبر ولد إختها عن الموضوع وشوفي شو تقول: تخبره إنها هي اللي كانت تمزح عشان هو ما يتضايق منج ويحط فخاطره يعني تخبره انه هي فهمت الكلام غلط لأنج بنت ما عندج هالسوالف

اما بالنسبة إذا هو تقدم لج : لازم يكون عارف ان الكلام اللي قالته خالته غلط وانتي ما قلتيه [يعني طلعي نفسج ما يخصج ابد] يعني اذا يه بيكون عارف بالموضوع ومصر إنه يباج واستخيري مب شرط لأن وصل الخبر له يعني خلاص إنتي بايعة نفسج..اذا خطب واستخرتي كل شي بيبن والله بيسر الأمور..

هذي وجهة نظري وان شا الله تستفيدين

تقبلي مروري والله ييسر امورج ويوفقج

وان شا الله نسمع الاخبار الطيبة منج

أختج ms uae

كلام سليـــم ميه بالميه ..

 

[كيان إمرأة]

رفضيه وانتهى الموضوع

 

[يا لبيـــه]

لا فديت رووحج لاترفضينه ولا شئ اذا فكر انه يخطبج على طوول صلي الاستخااره وربي يسهل عليج غناااتي

لا ضااايقين ولا شئ ربي يسمح ادروووووبج او اذا انتي حااطه في باالج حد معين قصدق قووووليلهاا انه اناا في باالي احد ولاتخلين ولد اختج يحط في بااله شئ او يفكر يخطب .......................



ربي يوفقج كل فيه خيره ..