سالفتـــــــي مو مشكلتــــــــي ..مع زوجــــي

*نوار قطر*

*نوار قطر*

New member
إنضم
2009/10/14
المشاركات
589
السلام عليـــــكم بلقيسات ..
شخباركم ..؟؟ان شاء الله مبسووطين = )

عندي سالفه ماراح اسميها مشكله ..
سالفتي حي زووووووووووجـــــــي اتيه حالات مايطلع من البيت ويقعد مجابل التلفزيون او الكمبيوتر او البلي ستيشون ,,كلامه قليل معاااااي!!!!!
وانا بصراحه ماعرف هو اشفيه ولا شنو يبي صاار لي 7شهـــور متزوجه ويمكن مرة عليه هالحاله اكثر من مره ..
بس صج ماعرف اشلون اتصرف تفكيري ينشل واحس انه مايكون عندي موضوع افكر اني اتكلم فيه معاااه ..وهو من النووع الي ماااايحني اكوون لحووووحه اشفييك واشفيك وطمني عليك بس صج محتااااره ابيه يقوولي عشاان اعرف هالشي مني او لا ..

وبعد ماعرف اذا سبب هالسكووووت زعل مني ..او شووووووو..؟؟؟

بقول لكم شنو الشي الي خلاانــي احط موضووعي اليوم ..
((اليوم حزت الغدا ايقول لي شوووفي الغدا متى بيجهز ,,المهم يعني متلهف ع الغدا اسعيلة ع الغدا ويبته وحطيته ع الطااوله جدااامه وقعدت ع الكرسي احذاااا وتذكرت العصير وقمت اجييبه وانا طاايفه من جدامه
جان يقووول يوووووووووووووووو انا استغربت قلت اشفيك قالي خربتي على القيم لان هوو كان يلعب وانا لما طفت خربة عليه ..مارديت قلت اسفه ورحت ..ورجعت بحط في صحنه الغدا جان يقوولي مااابي ..!!!!!!!!!!!!!!!!!!! وتم سااااااااااااااااااااكت ولما اسأله يجاااوب على قد السؤؤؤؤؤال انزين والحين طلع وهو ماتغدا ,,بس انا طبعا" تميت اقووله ليش ماتبي واتحااايل بس هوو مااايبي ..))

انا ماسويت شي عشاااان هاااالزعل ذي كله ..
وابي اعرف الحين انا شووو اسووووي ..؟؟؟؟؟ وهل ريلي بس الي جي ولا بعد في نااااس عندهااا نفس حالتي ..؟؟؟



واسفه ع الاطااله ..

انتضر ردوودكم .. =)
 
يابعد عمري لاتحاتين سالفتك عاديه في غيرك اخس ادري الشي هذا مضايقك لكن اسمعي وسوي الي اقولج عليه من اليوم ورايح لا تحسسي من كلامه وتعودي على اي شي يصدر منه ادري شي صعب بس لازم تعرفين ان الرجال مايحب المراه الحنانه واغلب الرجال مايحبون يتكلمون انا بعد زوجي مثلج مايحب يسولف ويطالع التلفزيون وهو ساكت ولجيت ابغى اتكلم مايرد علي سرحان بالفيلم المهم مليت الصراحه وكلمته وزادت المشاكل وطلع من البيت وراح عند ربعه يتونس انا كنت ساهرانه وابكي رحت اصلي قيام وادعي ربي بكل قوه من قلبي وانا ابكي وادعي واقول يارب انك تسخر لي زوجي وتذلله لي وايكي بعد ماخلصت الصلاه استغفرت وانا قاعده على السجاده فجاة جاني مسج الا قريت زوجي كاتب لي احبج ومالي غنى عنج واذا زعلتج بشي سامحيني يا ام عيالي عاد انا مت من الفرحه وجاتني الصيحه وقمت ابكي واسجد وادعي لربي ومن يومها وانا زوجي سمن على عسل وعلى فكره من يومها وانا مع ربي دوم ادعي الله الحمد لله
 
شدعوه 84ورد واااااااااحد بس ...

الله الله ماااقصرتي حبيبتي ع الرد الي ريحني ..والله يقدرني واسووي نفسج ..ان شاااء الله ..
 
انتو للحين مافهمتوا بعض :) ,,, هذا تلخيص لمشكلتك ..

ماتعودتوا على بعض ... صدقيني مع الوقت بيتغير ... ونصيحه .. لا تسألين وراه اشفيك .. زعلان .. متضايق ..

يالعكس اذا ساكت اسكتي .. واذا تكلم ردي عليه .. وتكلمي اكثر :)

واذا هو يلعب بالبلاي ستيشن العبي معاه .. والله راح تستانسين .. وهو يقرب منك اكثر ..

شوفي الشي اللي يحبه وشاركيه فيه ..

احيانا زوجي يكون يصلح الغساله مثلا او حتى سلك خربان وطبعا هذا مو من اهتمامنا ... بس اجلس معاه واسأله .. او حتى اتفرج عليه ..

كذا هو راح يتعود ... وبعد كذا اذا في شي خربان يناديني اجلس معاه :) ..


الله يسعدك ويوفقك ولا يغير عليكي ..
 
ياحبيبتي انا عانيت اشد من الي عانيت منه من الصمت الرهيب والتكتيم والوجه العبوس ماادري وش فيه احاول الطف الجو ماالح عليه بشي بالمختصر كنت احاول اسعده باللي اقدر عليه مع الدعاء والتضرع لربي والبكاء بين يديه ومع مرور الوقت تحسن يارب لك الحمد... كنت طبعا بين فتره وفتره اقوله وش فيك يقول ماادري احس اني كاره البيت واحس بضيقه مع انه يجلس بالبيت يمكن لان طبعه اصلا بيتوتي ... اكتشفت ان الحبيب حن لايام العزوبيه وماتأقلم مع الوضع الجديد والارتباط (زوجي من النوع اللي صعب يتعود على الشي الجديد بسهوله وما يحب التغيير)والضحيه انا ونفسيتي وثقتي بنفسي اللي انهزت (الحمدلله على كل حال) لكن ماتركته بحاله استخدمت ذكاء الانثى وجربت كل الطرق عشان اعرف مفاتيحه والحمد لله ربي اعانني.
انت جربي سوي جو بالبيت العبي معه بلايستيشن مثلا شوفي ايش يحب تكلمي معه واتركيه بعض الوقت لحاله وقومي بشغلك, واحيانا ناديه معاك مثلا يساعدك بشي بأسوب حلو او استشيريه بطريقه ترتيب البيت مثلا او تغيير مكان تحفه او دولاب المهم انك اخلقي لك جو وتواصل عشان تقربون لبعض ... لكن لاتلحين عليه , شويه واتركيه بحاله الا اذا طلبك.
اسأل الله ان يسخر لك زوجك ويألف بين قلوبكم ويسعدكم ويوفقكم وجميع المسلمين.
 
أنا أتفق مع رأي الأخت " كلي مشاعر "
حاولي تشاركينه في اهتماماته بيحس انك فاهمته
وبيحس بقربك أكثر والله يسخره لك و يوفقكم ياارب
 
مشكووورين ع الرووود الي تريح ..
بسبه لاني اشااركه اهتمااامااته انا مب مقصررررررررره ,,والعب معاااه ومخترعه له كذا لعبه ..
بس الصمـــــــــــــــــت الي بيذبحني ..
 
شاركيه ميوله وهواياته ولعبي معاه وخليه يحس انج فاهمه اللعب وان شاء الله يتسخر لج ويتكلم كلاااام زيييين
 
بس حبيبتي بصوره عامه الرياييل وااايد يدلعون وبسرعه يزعلون وماااا يرضون بسرعه :(
 
يالله يالله قال:
يابعد عمري لاتحاتين سالفتك عاديه في غيرك اخس ادري الشي هذا مضايقك لكن اسمعي وسوي الي اقولج عليه من اليوم ورايح لا تحسسي من كلامه وتعودي على اي شي يصدر منه ادري شي صعب بس لازم تعرفين ان الرجال مايحب المراه الحنانه واغلب الرجال مايحبون يتكلمون انا بعد زوجي مثلج مايحب يسولف ويطالع التلفزيون وهو ساكت ولجيت ابغى اتكلم مايرد علي سرحان بالفيلم المهم مليت الصراحه وكلمته وزادت المشاكل وطلع من البيت وراح عند ربعه يتونس انا كنت ساهرانه وابكي رحت اصلي قيام وادعي ربي بكل قوه من قلبي وانا ابكي وادعي واقول يارب انك تسخر لي زوجي وتذلله لي وايكي بعد ماخلصت الصلاه استغفرت وانا قاعده على السجاده فجاة جاني مسج الا قريت زوجي كاتب لي احبج ومالي غنى عنج واذا زعلتج بشي سامحيني يا ام عيالي عاد انا مت من الفرحه وجاتني الصيحه وقمت ابكي واسجد وادعي لربي ومن يومها وانا زوجي سمن على عسل وعلى فكره من يومها وانا مع ربي دوم ادعي الله الحمد لله
أنقر للتوسيع...

الله اكبر الله اكبر الله اكبر الله اكبر الله اكبر الله اكبر
كلامات اكبر من ان يعلق عليها

لكن لو وحده غيرها كان قالت طنشيه ماعليك منه عيشي حياتك




وبعدين ترا كل الازواج تجيهم مترا فتوووووووووووور يعني يجلسون بالبيت مايطلعون لكن بتنهي هاذا الحال فلا تزني عليه وتكثري الاسئله وفريله الجو الجميل بالبيت
والعبي معاه بلايستيشن
 
الرجل كل شهر تقريبا يمر بدورة شهرية في المزاج فيميل للعزلة والصمت وتسمى هذه المرحلة بمرحلة الكهف
حيث ينسحب عن العالم الخارجي ويدخل الكهف لفترة ثم يعود لحالتة الطبيعية
وافضل طريقة للتعامل مع هذه الحالة هو الطناش
 
كلامكم يرييييييييح والله ..
اواجر الشتاااااا هاااي الي انا اسووويه الحين ..
مع الدعااااء في الصلااه والاستغفااااااااااار انه الله يهديه وتبتعد عنه هالحاااله الي انامنتف شعري منهااااا ..

مشكووورين على اهتمااامكم في الموووضوع ..
 
عاااااادي كلش عاااادي تصرفااته
يمكن كان ماكل وشبع والله مااكن ليه نفسيه للأكل
انا زوجي علي طووووول سااااكت اذا قاعد معاي بلبيت
بس يشوف تلفزيون وسااكت.
 
عاد مب حلو نكوون قااعدين في البيت وبرووحنه ومانسووولف .
انا زوجي مب من هالنووع الي كله ساااكت لا هوو مررررح وحبوووووب وغشمرجج بس في حاالات اتيييييييه غرييييييبه ..
 
زوجك في متلو كتير
playstationholic
tvholic
computerholic
اذا تفاقمت الازمه واصبحوا متعلقين اكثر واكثر
تراهم تركوا عملهم واصبحوا عاطلين عن العمل
بيناموا يقوموا علي هوايتهم
وما يعودوا يحسو باللي عايشين حولهم
وهذه دراسة علمية للموضوع
مش من عندي
بس الحل شو ما بعرف
هههههههههههههههه
بظن بيصير بدهم علاج
الله يصبرك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل