ساعديني استاذه موزه

[هشومي نور عيوني]

السلام عليكم ورحمة الله وبركاته
انا عندي بنت عمرها خمس سنوات ذكيه ماشاء الله عليها
ولسانها حلو تجذب اي احد يكلمها
كانت هاديه من يوم هي صغيره الى ان كان عمرها ثلاث سنين ونصف
بعدين تغيرت اطباعها وصارت تعاند وتقل ادبها على اللي اكبر منها
والحين تقول كلمات قذره وتسوي حركات وسخه
كنت اضربها بس الحين بطلت اضرب ومااعرف اتصرف معها تفشلني عند الناس
جربت معها الكلام الحلو والمدح ومانفع والعقاب ومانفع
دليني على الحل الصحيح الله يجزاك خير ويوفقك دنيا واخره

 

[العرب لحشام]

السلام عليكم ورحمة الله

أنا ولدي بعد نفس الموضوع ,, كان أحلى واحد و أهدا واحد يضربونه اليهال و مايدافع عن نفسه من كثر ما كان بريء لكن الحين من دخل المدرسه و هو شيطان و يقلد الأولاد و يضرب و متغير 180 درجه بعد يقول كلمات وسخه , وصار عنيد و مايسمع الكلام و أكبر مشكله , يحن و يصيح إذا ما عطيته يلي يباه مأذني بصياحه ,,

 

[البنت الحنونة]

جزاك الله خير ، والله إن عندي ولدي إمبهدلني وإنشاء أقدر أطبق أساليب العقاب عليه وأنجح أدعوله بالهداية