ساعدو اختي؟؟؟

[حباري]

السلام عليكم ورحمة الله وبركاتة؟؟؟

عندي اخت متزوجة من9 شهور وزواجها من زوجها عن علاقة حب ولله الحمد يحبون بعض ومتفاهمين في اغلب الامور؟؟

مشكلتها انها مو عارفة اشلون تخلي زوجها يثق فيها في ادراة البيت من الناحية المادية يعني مثلا مرة من المرات عطاها المعاش كلة وقال انتي ديرية واصرفي عالبيت وعلي كان قصدة من هذا يشوف طريقتها في ادرة المال والبيت والصراحة ماقدرت تضبط الادراة لان في اخر الشهر نقص المصروف مع انة كان يكفي حتى نهاية الشهر؟؟؟

حتى انة صار ما يسلمها المعاش ويخش عنها كيف يصرفة والي اين يصرفة؟؟وصار هو الي يروح الجمعية يشتري اغراض البيت بدونها؟؟؟

الحين اشلون ترجع ثقة زوجها لها واشلون تضبط مصروف البيت؟؟؟
علما بان معاش زوجها 800دينار كويتي واحيانا يصل الى 1000 وعلية اقصاط سيارة 109 و فيزا 79دينار و40 دينار قسط شهري حق مهر العرس الي خذاه من الحكومة وبس هذي الاقصاط الي علية؟؟؟
ساعدوني في حل مشكلة اختي بللللللللللللللللللللللللليييييييييييييييييييييييييييييييييييييز

 

[om.ahmad]

رد : ساعدو اختي؟؟؟

أن شاء الله تحصلين حل من خواتنا يا رب..
والله يوفقها أختج..
ويوفقج يا رب..

 

[some1]

رد : ساعدو اختي؟؟؟

والله مشكلة المصروف مشكلة ، وأنا آخر واحدة بالعالم ممكن تدبّر الأمور - عكس زوجي - ماشاءلله عليه حريص رغم انه يملك غير الراتب فهو لديه مدخول آخر ولله الحمد ،،

وأنا ماعنــــدي مشكلة بالمصروف ولكن أحب أصرف علما" بأنني موظفة و أحب أعيش وأتمتــــع ،،

ولكن بالنسبــة لأختــك أول شيء قولي لها انها ما تتضايق ودائما" في بداية الحياة الزوجية يواجه كلا الزوجين مشاكـل ولكنها مؤقته حيث أنها تزول مع الأيام حيث أنهم يتعرفوا على بعض ويكتشفوا بعض أكثر وأكثر وبما انهم متفاهمين بالأمور الرئيسية فإن الاشياء الثانويــة يمكن التغاضي عنها ،،،

وبالنهاية أتمنى من الخبراء الإقتصاديين - أقصد البنات - يفيدوكي ،،،،

 

[القلب الكبير]

رد : ساعدو اختي؟؟؟

والله يا اختي كان بودي افيدك
لكن الحال من بعضه
انا و اختج و كثير من الخوات سيم سيم

حاولت افتحلي حساب ثاني لأوفر من الراتب بعمل استقطاع .. لكن .. تيتي تيتي زي ما رحتي زي ما جيتي

بعدين ليش اختج اتحاتي روحه الجمعيه .. بالعكس احسن خل اتخلي ريلها يوفر اغراض البيت و يشتري من الجمعيه
اولا اريح لها ,, ثانيا عشان ما يتعود يقط عليها هالمسؤوليه و تالي تلزق فيها

خل اتروح معاه تشتري الأغراض .. اتقوله بروح معاك
اما سالفه يخش عنها المصروف .. يمكن الريال قاعد يوفر القرش الابيض لليوم الاسود مثل ما يقولون .. لأن شاف مرته مو قد مسئوليه الصرف على البيت


الله يوفق اختك و انشالله بانتظار الدكتوره لترد عليج :bye1:

 

[نسائيات]

رد : ساعدو اختي؟؟؟

السلام عليكم ورحمة الله وبركاتة؟؟؟

عندي اخت متزوجة من9 شهور وزواجها من زوجها عن علاقة حب ولله الحمد يحبون بعض ومتفاهمين في اغلب الامور؟؟

مشكلتها انها مو عارفة اشلون تخلي زوجها يثق فيها في ادراة البيت من الناحية المادية يعني مثلا مرة من المرات عطاها المعاش كلة وقال انتي ديرية واصرفي عالبيت وعلي كان قصدة من هذا يشوف طريقتها في ادرة المال والبيت والصراحة ماقدرت تضبط الادراة لان في اخر الشهر نقص المصروف مع انة كان يكفي حتى نهاية الشهر؟؟؟

حتى انة صار ما يسلمها المعاش ويخش عنها كيف يصرفة والي اين يصرفة؟؟وصار هو الي يروح الجمعية يشتري اغراض البيت بدونها؟؟؟

الحين اشلون ترجع ثقة زوجها لها واشلون تضبط مصروف البيت؟؟؟
علما بان معاش زوجها 800دينار كويتي واحيانا يصل الى 1000 وعلية اقصاط سيارة 109 و فيزا 79دينار و40 دينار قسط شهري حق مهر العرس الي خذاه من الحكومة وبس هذي الاقصاط الي علية؟؟؟
ساعدوني في حل مشكلة اختي بللللللللللللللللللللللللليييييييييييييييييييييييييييييييييييييز

يعني المسكين ما يبقاله من راتبه بعد القص غير 500 وشوية واختج طيرته زين زين
اختي مادام الريال ما عاد يثق باختج لازم تبدا معاه من الاول يعني اذا راح الجمعيه وخذ اغراض ورجع البيت تطالع الاغراض وتقول الاغراض ناقصه او هذي اشياء ما نبيها بس خسرت عمرك على الفاضي وخسرت البيزات على الفاضي لو كنت معاك كنت باخذ الاشياء اللي انا محتاجتنها او حتى لو كان يايب شيء خل تقول له هذا وايد لو كنت معاك كنت بعرف حجم استهلاكنا وكنت بييب الاغراض اللي نحن محتاجينها
وبعدين خل تاخذ منه مصروفها هي مالها شغل بمصروف البيت بس على الاقل مصروف يدها واخر الشهر خل تحسسه انها موفره من مصروفها وانها ما عادت تصرف على الخرابيط وانها تعلمت من حياتها
وخل تشتري شيء للبيت شرشف لغرفة النوم او تشتري شيء هم محتجينه جدا في بيت عشان يحس انها راعية مسؤولية
وربي يوفقها

 

[jowana]

نفس غلطتي

غلطت نفس الغلطة وصار زوجي ما يثق يعطيني مصروف البيت كامل..فاكتفى بانه يعطيني مصروفي بس وبصراحه هالشئ أثر فيني وايد .. فقررت اني ارجع ثقته فيني .. فكنت اوفر من مصروفي كل شهر ... حتى صار عندي مبلغ حلو .. ومرة احتاج زوجي لمبلغ وما كان في وقت انه يروح البنك ويسحب ..فرحت ويبتله المبلغ وانصدم قالي من وين لج ما احيدج اتوفرين فقتله كلامك اثر فيني وقررت اثبتلك العكس فانبسط وايد في اليوم الثاني رحت معاه البنك وفتحلي حساب وصار يحول مصروفي ومصروف البيت على حسابي .. :bigsmile: وزادلي مصروفي بعد :blush-anim-cl: