ساعدو أخوي الصغير

[خيوط الأمل]

السلام عليكم

ليتي ألاقي رد من عندكم يريحني.. أخوي عمره 7 سنين و وزنه 50 كيلو.. مو عارفه كيف أتعامل معاه علشان ينقص وزنه.. وما يقدر يسوي رياضه وايد لأنه عنده الربو.. يمكن أحد يفيدني بنظام غذائي أو نصيحه وهو عنده عزيمه لهالشي

ساعدوني الله يخليكم

 

[لحظه أخيره]

وديه أخصائى تغذيه وشى حلو ان هو متقبل وعنده استعداد. الأفضل انه يشوفه أخصائى لأنه طفل ياعينى ومحتاج جسمه رعايه سبيشل وحرام تاخذين أى استشاره منى ومناك أخاف تظرين أخوك.

بوسيلى أخوك أموت على الأطفال المتختخين ياحلوهم أكيد دمه خفيف.

 

[احبه ويحبني]

كثري له من السلطه وخليه ياكلها قبل اي وجبه
عشان يشبع بسرعة
وقللي الدهون في اكله
واذا حاب فعلا ينزل لازم يتحرك قد مايقدر عشان جسمه مايترهل

ولا تحرمينه من اي شي بس قللي الكميات اللي ياكلها لانه حرام بعده صغير
وبعد خليه يكثر من شرب الماي قبل اي وجبه
وبعديه عن المشروبات الغازية
ولا ينام وبطنه مليان لازم يكون ماكل قبل 3 ساعات وطبعا لازم تكون وجبة العشا خفيفه وخاليه من الدهون
وخليه يكثر من وجبة الفطور مثل مايبي
لانه الافطار يساعد واجد على تخفيض الوزن ويقلل شهية الاكل على الغدا

والله وياه يارب

 

[coffee]

اهم شيء اختي النظام يعني الاكل بوقت معين افطار وغداء وعشاء وبين الوجبات فاكهه او قطعه شوكولاته صغيره ولازم يعمل رياضه يمشي ولو مشي بسيط مو ضروري سريع الحمدلله ان له من يهتم بي وبامره الحمدلله والله يقويك ويقويه

 

[قمر 1408]

حبيبتي أنصحك تودينه عند أخصائي تغذية
علشان يسوي له الرجيم اللي يناسب وزنه وعمره
وتحت أشرف الاخصائي علشان أي مشكلة يكون معه أول بأول
طبعن راح يسوي له فحوصات كاملة
وأسئل الله أن يعطيه دوام الصحة والعافية.......