ساعدوووني انا في مشكله كبيره !!

[شوق وشهد]

السلام عليكم

شحالكم يا اخواتي البلقيسيات

عساكم بخير ومرتاحين

انا عندي مشكله وابغي منكم اتساعدوني

انا توني معرسه (شهر 6) وبعدني ماكملت شهر واليوم الصبح شفت تيلفون ريلي وفيه مسجاات من وحده
انصدمت وماعرفت شو اسوي

والله وااايد مقهووره
وقلت حق وحده وايد قريبه منها عن السالفه قالتلي خلج الحين عاديه ولاتبينيله انج مجيكه تيلفونه وبعد فتره ناقشيه عن المووضوووع !!


الحين انا ماعرف شو اسوي ابي مساعده بلييييييز عطوني حل !!!!

 

[شوق وشهد]

صدييقتي ماخلتني اقوله لانه نحن تونا عرساان يداد فعسب جيه قالتلي خلج عاديه وبعدين فاتحيه الموضوع

 

[شوق وشهد]

بلييييييييييييز ابي حل
بلييييز اللي يدخل يساعدني مب يقرا ويطلع

وربيء يساعد الجميييع يارب

 

[نظــ جديدة ــرة]

اقووووووووووووول

أقرأي عن مقالات الاستاذة ناعمة ربي يحفظها

راح تستفدين...

لا لا لا تسمعين اي كلام من اي وحدة >>>ما عندها خبرة ((الخبرات فقققققققط))

​

 

[شموسه كيوت]

أخيتي أستمري بالمراقبه ولاحظي الرسائل الواردة والمرسلة وكيف العلاقة بينهم وزودي عيار الحب لزوجك بعد ماتتاكدين واجهيه وخليك قويه من البدايه وادعي الله وستخيري

 

[اتعبني هواك]

ياقلبي علييييييك انتي... حبيبتي صديقتك معها
حق لاتقولين شي الحين موحلوه توكم عرسان

انتظري فتره بسيطه بس تبين نصيحتي خلك وياه
على طول لاتتركينه اطلعوا مع بعض اشغليه باي شي وياك تفرجوا على التلفزيون خلك قريبه منه
بعدين اذا شفتي باله رااايق فاتحيه بهالموضوع

وخلك هاديه لاتنفعلين قولي اللي بخاطرك بس
بعقل لان الموضوع موهين واذا انفعلتي بتسببين مشكله بينكم كلميه باسلوب حلو قولي مره اخذت جهازك وبدون قصد شفت مسجات من وحده وجا
بخاطري هذا واحنا ببداية حياتنا وماشفت خيري من شري تسوي هالامور .. يعني انتي واسلوبك
والله يعينك ياقلبي اهم شي لاتتهاونين فالموضوع
دامك في بداية حياتك والله يهديه ويخليكم لبعض
ويسخره لك ولايشوف غيرك ان شالله

 

[روتـــانا]

حبيبتي لا تواجهيه ولا تناقشيه ..

وخليك هالفتره طبيعيه وفرفووووووووووووووووشه ومرحه وتضحكي وتعلقي ومبسوطه وسوي فيه مقالب .. وهدي الفترة لا تنكدي عليه ابدا ولا تنكدي على نفسك خليه يتعلق فيكي اكثر ...


تدري ليش ؟؟؟

لانه بيجي يوم وتواجهيه ... والمفروض انك لما تواجهيه تكوني مأديه كل حقوقك ... وموريته كل محاسنك عشان ما يطلع العيب فيكي ... ويقول انتي اللي خليتيني اروح لهداك الطريق ..


ادري انك عروسه ومالحق يشوف منك شي ...

بس انا ابغاكي تكوني صوره حلووووووة عن نفسك في باله ... عشانيحس بتأنيب ضمير عاللي بيسويه ويحس انك جوهرة ثمينه ويخاف يفرط فيها عشان بنات شوارع .. وكمان عشان يوم ماتواجهيه يحس بتأنيب ضمير ويحس انه هوا اللي مقصر معك وانتي مولعلتله اصابعك شمع ...


يعني اشتغلي على نفسك شهر واحد الحسي فيه مخه .. سويله ليالي حلوة .. مفاجأت ... اي شي ممكن يونسه ... ولا تركزي على الاشياء الرومانسيه وتنسي المرح والضحك والوناسه ...

ترى الرومانسيه لوحدها كل يوم تجيب الملل ..

خليكي مرحه وانتي جالسه معاه تخيلي انك مع صاحباتك واتذكري مواقف تضحك صارتلك وحكيه واضحكو ..
يعني خليكي طول اليوم مرررررررررحه واخر الليل رومانسيه ...

ترى الحريم اللي طول الوقت رومانسيين وبس يجيبو الملل للرجال ..

يعني العبي معه صح ...

وشوفي اخررتها وربي انه بتركهم ويجيك بدون حتى لا تواجهي ..


الله يسعدك ويألف بين قلوبكم ويحسسه بتأنيب ضمير يارب ...

 

[RedRose]

يمكن يكون يعرف وحدة من قبل الزواج

بالتالي

اولا حاولي تكسبين زوجك وتخلينه يحبك ويطير فيك

ثانيا : راقبيه عشان تعرفين نوع العلاقة اللي بينهم وبناء عليه تحددين انت اش رح تسوين

ثالثا: لا تحملين الحين اللين تتأكدين ان حياتك مستقرة معاه

والله يعينك ويفرج همك ويسخره لك يارب

 

[فيووضي]

حبيبتي لاتقوليله وعيشي حياتج طبيعي ومتعي ريلج وتمتعي معاه وبعض الشباب تكون لهم سوابق والحرمه السنعه تقدر تنسيه هالاشياء بسلوب حلو وامسحي رقمها من تلفون ريلج ان امكن وبدون مشاكل لانه يمكن يعند لاسمح الله ويرد يكلم ويراسل البنات والسموحه علاطال ه​