ساعدووني بنات جزاكم الله خير

ا

القلب الجميل

New member
إنضم
2010/02/09
المشاركات
65

السلام عليكم عزيزاتي البلفيسات

ارجوووو مساعدتكم حبيباتي

انه وزجي الحمدلله نحب بعض وكل واحد فينا يخاف على الثاني مثل اي زوجين تحدث بينا مشاااكل بس بسرعه نرضى

الحين صار له كم يوم كل اجوفه يفكرررررر ويفكررررررررر وانه احاتيه مدري اشفيه وكل مااساله يقول لي بقول لج بالوقت المناسب . قلت انه زوجتك وانام معاك بفراش واحد معقوله ما تعلمني اشفيك طول وقتي اكر اشفيك قال بقول لج بالوقت المناسب وامس صار بينا سوء تفاهم وقال لي بسج عااد لاتزيديني هموم فووق هموومي خففي علي وقعدت اصيح لانه كان تعبان نفسياا جداا حتى صار مريض حتى نمنا بلا عشاا وتالي قعد الصبح وسوويت له الفطور واكل شوي وضمني وراح الشغل علما انه متاكده عنده مشكله بالشغل بس مب راضي يخبرني شسالفه كل يقول بالوقت المناسب تعبت وانه احاتي كم يووم شسوي قاعده على اعصابي مدري اشفيه


ساعدوني بنات
​
 
اولا ماشاء الله لاقوة الا بالله
لا تقولي زي اي زوجين واذكري الله لا تحسدين نفسك
كثير من الازواج بينهم مشاكل ويمكن حتى كره
ثانيا انت غلطانة كل ما زنيتي عليه راح يتاخر عليك في الرد
اشغلي نفسك ولا تساليه حتى يصارحك
وخففي عنه ومرري يدك على ظهره (يعني انا سند لك)
واشعريه بدعمك وتقديرك له وانه قدها وقدود
الله معاك
ادعيلي ولزوجي الله يهديه ويرد اخي لنا
 

الله يسهل عليك يا تل ابيب وشكرا لك
بس يااخاتي انه مهما كان احاتي زوجي واخااف عليه من التفكيرررر وجدا محتاره من التفكير
​
 

واضح عنده مشكله فكره مشغول

حبيبتي لا تلحين عليه

تراك بتزيدين همه هموم بطريقتك

اتركيه براحته الين يتكلم لحاله

الله يفرجها عليكم​
 
باين ان زوجج شمالي .. وهذا طبع فالشمالي
لما يلقى حل للمشكله راح يقولج ..
حبيبتي ترااه مايحب الزن هو عارف انج تخاتينه بس قدري
وضعه ونفسيته وبدال ماتسالينه كل شوي شفييك وتذكرينه بالمشكله
حاولي تلهينه باشياء ثانيه ..
وفديتج الرياييل بشكل عام غير عن الحرمه .. الحرمه لما تكون في مشكله
تحب تشكي لاقرب الناس لها بس الريال لا ابد يكتم في خاطره وينطوي وينعزل
عن الناس لين يحصل حل .. لاتقولين انا حرمته واقرب الناس له اذا ماقالي
بيقول لمنو .. تراا الريال تفكيير غير
انصحج تقريت كتآب الرجال من المريخ والنساء من الزهره .. وايد راح تستفيدين
وتكتشفين الفروق بين الريال والحرمه من حيث النفسيه والتصرفات
 
قلبي لاتقعدي تحني فوق راااسه عشان يعلمك

خليك ذكيه في مثل هالمواقف

يعني اذا شفتيه متضايق جيب له كاس عصير برتقال او ليمون

وحطيه عنده واكتبي له بورقه

حبيبي ماتهون اشوفك متضايق

او

قلبي مفتوح لك في اي وقت

او اي شيء من هالكلام

لاتقعدي تضايقينه واهتمي باكله وشربه وبنفسك لاتزودين مشااكله

والله يوفقكم

اهم شي غناتي ادعي لي بالزوج الصالح
 
انتي طييب ودييه لطاارق الحبييب مرة حلو كثير يقربوون لي واستفاادوا الحمدللله.
ومثل مااقاالك بالووقت المنااسب ..
اختك: نبض الهدووء..
 
مشكورين حبياتي على النصائح راح اسمعك كلامكم والله انكم ريحتووني وراح اسوي اللي نصحتووني فيه
جزاكم الله الف خير وربي يوفقكم ويزول همومكم
​
 
عزيزتي البنات كفو ووفو الله يجزاهن كل خير

وقومي صلي وادعي رب العباد يشرح صدر زوجك ويعينه ويفرج همة

تقبلي مروري عزيزتي
 
البنات ياروحي ماقصروا
والله يعينك ياروحي بس عندي شي بقولك اياهـ ( اهــم شي اسرارك الزوجــيه لاتقولينهآ الا لاحد مايعرفك يعني مثل هون حطيهآ لاتقولينها لا حق اختك ولا اخته )

المهـم حياتي
بدي اعطيك معلوووووووومه مهمــه وحطيهآ حلق بدنك ولا تنسيهآ طووووووووول عمرك
الحرمه اد افت الرجال معصب وقلقآن من شي <<<اول شي عليك ماتسالينـــــــــــــــه
ثاني شي انك ماتشيلينه هم فوق همــه يعني لاتوضحين له انك قلقانه لانه وقتهآ مو عارف شيسوي خايف عليك وخايف من اللي يفكر فيه

وحاولي ماتتركيه ابد نوميه بحضنك وحطي ايدك على ظهره وقولي له ياروحي فديتك انت مو حلو هيك تدري ليه
لانك متضايق جيبي منديل معطر مسحي وجهـه
فركي جسمه خليه يحس بالراحــــــه
والشي الاهــــــــــم
اد جاء ينام وهو تعبان حطي راسه على صدرك وامسحي على شعره قولي ياروحي انت وش فيك متضايق هيك راح يعلمك
اما انك تطبين عليه بنص ماهو متضايق ماراح يقولك ولاكلمــــــــه
يارب اكون افدتك مع اني مو متزوجـه ولا عمري جربت العرس كيف بس عندي موهبـه مع خواتي المتزوجات
المهم ياروحي ادعي ليه بالزوج الحنون اللي يحبني ومايشوف غيري
 
اطمنكم يا بنات انه المشكله انحلت وخبرني
جزاكم الله خير على النصائح وووفقكم المولى

​
 
الحمدلله
لكن صراحه نرفزيتيني
قالك بالوقت المناسب سياتي يقولك لماذا تثبتي له انك لاتفهمين كلامه ولاتقدرين ظروفه وانك انانيه تزني لتعرفي وترتاحي وهو
اي واحده زوجها يرفض الكلام لاتعيد الطلب لانها ستقلب عند ونكد عند الزوج
والله يعين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل