ساعدوني

[الهنوف ah]

السلام عليكم قبل كل شي حابه اشكركم على المنتدى الاكثر من رائع والمواضيع المتميزة جعلها الله في ميزان حسناتكم ،

انا عروس بعد 3 ايام بكمل سنه وحامل بالشهر الثامن دعواتكم لي
زوجي من تزوجنا وهو تمااام معي وطيب وماقصر علي بشي لكن قبل شهرين تقريبا صار يبعد عني مو مثل اول صار يجلس على الجوال كثير ودايم متصل في الواتس حتى اروح انام يقول لي شوي كذا واجي انام ويتاخر بالساعات وانا شكيت في وضعه وفتشت جواله حصلت محادثة في الواتس مع بنت بينهم كلام جنسي وترسل له صوتها واهاتها اخذت الرقم واتصلت واتاكدت انها بنت وكلمت امها وهددتهم لكن انا غبيه ماصورت المحادثات اللي بينهم وزعلت من زوجي وانكر انا ماقلت له اني فتشت جواله بس عاتبته على جلوسه عليه بالساعات وقال مافي شي وربي قلت طيب انا شفت رقم في الواتس عندك واخذته واتصلت وطلعت بنت وانكر قلت طيب اتصل يلا قدامي على الرقم رفض وقال انتي عندي بالدنيا ومن ذا الكلام وخلينا نسكر على الموضوع والله يلعن الجوال وماعاد امسكه وكذا ورجع مثل ماكان وكل امورنا تمام الحين رجعت حليمه لعادتها القديمه صار 24 ساعة ع البي بي والشي اللي قهرني اكثر انه صار يجلس معاها بالساعات ويسوي العادة وبعدها يجي يتروش وينام جنبي كرهته انا زوجته حلاله بكامل زينتي ويفضلها علي ويسوي العادة معاها ليه وش اللي ناقصني وش اللي يبيه من عيوني اسويه له كرهته ي بنات وكرهت نفسي وكرهت الزواج افكر اذا وداني لاهلي ماعاد ارجع له واحد يخون ويسوي العادة هذا دليل انه مايبيني ولا يحبني الحين انا وياه متزاعلين لانه نام قبلي وانا بعدها بكم ساعه جيت انام صحى مسك جواله وقال لي ليه تمسكين جوالي قلت مامسكته قال الا مو ع حطتي جوالي ماتقربيه فاهمه ولا ماراح يصير خير وانا والله مامسكته ولا شي انصحوني وش اسوي نفسيتي مره تعبانه ومادري وش الحل؟

ذكرى زواجنا بعد 3 ايام بغيت احتفل معاه وكنت مخططه لاشياء حلوة وليلة ماينساها لكن بعد اللي شفته والله مايستاهل

 

[الهنوف ah]

22 مشاهدة ولا رد :8::8:

 

[سهام سالم]

اكبر غلط انك تحدثتي مع البنت وامها وهددتيهم انتي الان ظالمه وهي المظلومه في نظر زوجك خلي ثقتك بنفسك عاليه واشغلي زوجك قدر الامكان بس بدون نكد واهم شيء الان سلامتك وسلامة الجنين ابتعدي عن الانفعال قدر الامكان وتولدي بالسلامه وتمامة الخلقه ان شاء الله