ساعدوني يا بنات ،، خربت بيتي بإيدي

bashboosha قال:
حبيبت قلبي انتي حامل ولاااااازم تهتمين بنفسك اولااااااا وقبل كل شي

قوي علاقتك برب العالمين وذا انتي بنظرك خسرتي زوجك فلا تخسري طفلك ادري الي
صاار شي مو سهل عليك ولاعلى اي انسان ، بس وربي مارح ينفعك غير صحتك وصحة جنينك.
اما بالنسبة لزوجك تروي وخذي الامور خطوه خطوه ولكن هذة المره بحكمة وعقلانية
وأبتعدي عن التوتر في الوقت الحالي بأي شكل من الاشكال
وتأكدي أن لكل مشكلة حل وشكلك طيبة والله يعطيك على قد نيتك ياااااااااااااارب.
أتمنى من العزيز الغدير ان يسعد قلبك ويريح بالك ويقومك بالسلامه ويرد زوجك لك ردا جميلااااا.

تقبلي مروري بكل حب​
أنقر للتوسيع...

اشكرج اختي على هالكلام الطيب الي ريحني شوي :icon30: وانا الحمدالله احاول اهتم بصحتي كثر ما اقدر

بس في اشياء غصبا عني افكر فيها ،، بس يارب العالمين يبعده عن هالانسانه وان شاءالله بيلتهي بولده

يااااااااااااااااااااارب
 
سعودية حيية قال:
قسم بالله ما قدرت أتحمل ما كملت
لو أنا والله العظيم لعيف الدنيا الله يعينك
أنقر للتوسيع...

تسلمين اختي علمرور ،، انا والله عايفة الدنيا

وصدقيني انا عايفة الدنيا بس بعد زوجي ما يهون لي تكفيني ضحكته وسوالفه وكل شي

اقولكم يا بنات افهموني انا هالانسان احبه وكل شي فيه حلو بس هالشي
 
ماني مصدقه ان فيه وحده بهالسذاجه -----عذرا حبيبتي ذكرتيني بحياه الفهد في خرج ولم يعد احبي نفسك اولا وكوني مع الله


لا تقل يارب لدي هم كبير قل ياهم لدي رب كبير
 
حلمي الأمومة قال:
،، انا والله عايفة الدنيا

وصدقيني انا عايفة الدنيا بس بعد زوجي ما يهون لي تكفيني ضحكته وسوالفه وكل شي

اقولكم يا بنات افهموني انا هالانسان احبه وكل شي فيه حلو بس هالشي
أنقر للتوسيع...

:dunno: والله أمرج غريب بعدج تقولين هل الكلام عنه أنا في عمري ما شفت إنسانه مثل قلبج :no:
الله يعينج يااارب على مصيبتج وإن شاء الله يفرجها عليج وبتكون درس وذكرى في حياتج ......
وأنا متفائلة إن شاء الله إنه بيرجعلج أحسن من أول وبيعرف قيمة الحب إلي عندج وبيندم قد شعر راسه على إلي سواه فيج .....قولي آآآمين
أطلب من الله له الهداية ويااارب يبتعد عن هاذي المصيبة في القريب العاجل.... وصدقيني بتكون هاذي المشكلة هي السبب إن شاء الله في تغير شخصيتج للأحسن وبتعطيج الدافع للحياة وبتخليج إنسانه جديده ذات شخصية رااائعة:icon30:
إعملي بنصيحة الأخوات جزاهن الله خير وتقربي من ربج بالصلاة والعبادة ولا تهملين أذكار الصباح والمساء صدقيني إلها أثر كبير وسريع في حياة الانسان:icon26:
وأهدي لك حبيتي::icon26:
" اللهم يا حي يا قيوم يا رحمن يارحيم يا سميع يا عليم إني أسألك بعدد من سجد لك من يوم خلقت الدنيا إلى يوم القيامة أن تبارك عمل أختي وتيسر لها أمرها وأن تفرج كربها وتغفر ذنبها وتوفقها يا سميع في دنياها وتعينها على العمل الصالح ...اللهم آآآآمين آآآآمين آآآآمين:icon26::icon26:
 
اهليييين اختي الله يفرج همك أكثري من الإستغفار هالفتره خطر عليك اهتمي بصحتك و بعد الولاده إن شااااااااااء الله فكري بهدوء و خططي صح و لازم تغيرين شخصيتك غلشان تكسبين زوجك,,, الله يسهل امورك و يرزقك الذرية الصالحه و ينولك اللي في بالك ...
 
يا حبيبتي اسمحيي اكون قاسية معاج شوي.لاني انا مريت بتجربة مشابهة والحين اعظ صبوع الندم طبعا انا ماكلمت البت ولا شي المهم خليها على الله انا ما حملت الين الحين وتحجج بالعيال والحين متخبل عليها ويخطط من تحت لتحت وانا متحطمة نفسيا والبنت تلاحقني في كل مكان وتبا تطلقني عشان تاخذه..حسبي الله عليها و الحمدلله انج ما وصلت هالمرحلة ولا بتشوفين العذاب مثلي..المهم خلينا في موضوعج....انا ما اريد الومج ولكن لازم تعرفين الحقيقة:
اولا انت تكلمين زوجج كأنه اخوج..منو قال انه حبج له يعني تخلينه يزوج عليج؟؟ الرييايل مش همهم العيال..كذابيين..في رييايل يصبرون على زوجاتهم عشرين سنه و ما يتزوجون عليهم.حبيبتي ريلج فاضي و حصل علاقة يديدة وقال يتسلى ولما تطورت العلاقة اتحجج بالعيال.والبنات اللي يتمنون الحياة اللي انتي فيها وااايد يبون يسرقون الريياييل..ثانيا منو قال انه السبب من انج ما تطبخين ..كلام قديم مال اول!! انا طبختله وااايد مافي فاايدة..
بس لازم اكون متفائلة و اقولج : مثل ما فتحتي الباب على بيتج ترومين اتسكرينه بسهولة و عندج المفتاح بس بالذكاء و بالتدريج.. اتمنى اني افيدج هذي الحلول اللي عندي واتمى انها تنفعج والله ماريدج اتعيشين الهم اللي انا اعيشه الحين..
1-هاتي ورقة وقلم وكتبي خطتج باليوم والتاريخ وكتبي في اول صفحة احلى لحظات مع ريلج من بدايت زواجكم عشانكل ماتقرينه بيعطيج دافع وتعرفين انج انتي تستحقين ها الحياة مش وحدة غيرج؟؟
2-سجلي في المجلة ودورة الخيانة في الموقع (انا لما سجلت فيه شفت العجب العجاب)
3-صلي الليل كل يوم ودعي الله يحبب زوجج فيج ويبعد كل البنات عنه وادعاي في كل سجود..
4- سوي حاجز بينج و بينه لا تتعاملينه مثل اخوج(يعني لاتطيحين الميانة)
5-خذي الحبوب اللي تخفف الوحام وخليج بشوشة دايما و مرحة(الحين انتي حامل وما عنده حجة)
6- لا تردين على البنت وخليها تسب لين باجر (هي غيرانه لانج حملت فلاتثيرينها زياده لانه ممكن اتكره زوجج فيج وقولي الحمدلله انها تاخر الزواج هذا من صالحج)
7- رجعي لنفسج و حبيا وذاتج وحياتج الخاصة وربيعاتج وسيري الصالون قل مرة ولما يسالج زوجج شوسوين قولي اشياء خاصة بالحريم لاتقولين التفاصيل؟؟
8- تزيني وابهريه دايما وبطريقة غير مباشرة يعني من بعيد اتمشي جدامه كانج تدورين شي بالغرفه وطلعي ويلسي مع حمياتج واتسلي(عشان تثيرين اعجابه ولا تنسين تلبسين اشياء غريبه عشان تثيرين فضوله..
9-لين الحين خلي علاقتح حلوة وغامضة معاه(بس مش مثيرة للشك يعني مثلا ادخلي الغرفي واقفلي الباب ولما يدق قوليله مشغوله شغل خاص بالحريم)
10-لا تعتمدين عليه بطلعاتج دوري حد يوصلج حق مشاويرج( يعني لا تلصقين فيه)
11- خليج واثقة بالله وواثقة بنفسج دايماً.
12-كوني شااااااطرة في الفراش( ومجلة الجنس الحلال بتعلمج وااايد)
13-لما تصورين البيبي في السونار ويعطونج الصور انا ماعرف شو اسمها حطيها في الغرفه في مكان واضح وطلعي عشان اشوفها
14- اذا فتحلج الموضوع الزواج قوليله لوسمحت انا ما اريد اتناقش فيه بهدوء واحترام وثقة
15-بما انج كلمتي البنت فترة طويلة اذا عرفتي شخصيته فاعرفي شو الصفات اللي حبها زوجج فيه(يلسي مع نفسج وشوفي وممكن كلام جنسي بينهم او عادات ثانية لازم تتعلمينها لا تقولين عيب هذه حلال وهذا موجود في المجلة )
16-طلعي كل مساوئ البنت جدامه بطريقة غيرمباشرة عشان تطيح من عيونه لاتقولين غيبة و حرام اانتي تبعدينه عن الحرام بهذا التصرف(يعني اذا كنت تعرفين انها تسير صالون معين ذمي الصالون سوي نسج اتكلمين ربيعتج وقولي انت الصالون الفلاني و مال اول ومش نظيف ومن هالقبيل ذمي ذوقها مشيتها طولها قصرها كل شي)
17-لما تطيح من عيونه و يتقرب منج ويبدا يشوفيج بنظرات الاعجاب (هذي اهم مرحلة) اتقبليه بس لا تبينين نفسج واايد مستانسة فرحي بداخلج وبالتدريج صارحي بثقة واحترام وقوليله لوسمحت اذا تباني انا والبيبي لازم تقطع علاقتك معاها الحين ومن ثم خليه يغير رقم موبايله ودور شغل لازم..
الله يوفقج ادري طولت لكن انتي تستاهلين مثل ماحبج وخطبج هذا الحب موجود واسترجيعه الفرص وااايد جدامج وانصحج لا تكونين طيبة وااي خاصة مع البنات السراقات.انا الطيبة مافادتني..ولاتنين تدعيلي يفرج همي..
17-
 
زوجك ماله ذنب والاخرى مالها ذنب

وانت ايضا مالك ذنب سوى انك حمقاااااااااااااااااء اسمحيلي
 
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟
كل هذا وتحبينه ويحبك ؟؟!!
اجل لو ما تحبون بعض
ايش بتسوون ؟
بصراحة
اللي تحب زوجها اقل مقدار من الحب
ما تقدمه (على طبق من فضة ) لوحدة ثانية !!

واللي يحب زوجته شوي بس
ما يكلم غيرها في الخفااااااء
فما بالك بزوجك (في العلن و في وضح النهاااااار )!!!!!!!

سامحيني على صراحتي
بس والله تنرفزت وانا اقرأ
وماني مصدقه
لان هذا مو حب ومو تضحية ؟!
 
اللـــــــــــــــــــــــــــــه يفرج همك ويثبت لك حملك ويعطيك على قد نيتك
 
الله يهديك مادري كيف رضيتي ؟؟؟؟؟؟؟؟؟؟ استعيني بالله ثم باراء الاخوات
 
لا حول ولا قوة الا بالله
بصراحة شديدة انتي ماتحبين زوجك
لانك لو تحبينه ماراح تسمحين لوحده ثانية تاخذه منك
ياااااااابرودك
الله لا يبلانا
احبكم
ودمتم سالمين
 
الله يريح بالك أختي ما أريد ألومك بس أنتي الي سمحتيله يسوي هالشئ وكلي أمرك لله وأكثري من الأستغفار والله يهديه ويسخره لك ويصبرك
 
ما يحتاج أزيد عليك لأنك عارفة غلطتك

وإن شاء الله تكون درس لك ولغيرك

أولا : حافظي عل صحتك في فترة الحمل الي انتظرتيه طويلا

ولا تضيعي على نفسك متعة الحمل والإنجاب

واعلمي أن تأخر الحمل لا يعطيه الحق بالإرتباط بعلاقة مع أخرى

ثقي بنفسك من خلال احترامك لذاتك

واعلمي أن كرامة المرأة وتقديرها تأتي قبل الأولاد

وإلا كيف يتربى الطفل في حضن أم ذليلة مسلوبة الإرادة

كيف ستربي أجيال ورجال وهي محطمة لا تعرف حقوقها وحدودها

ثانبا : اخرجي هذه المرأة من حياتك وتفكيرك , واقطعي علاقنك بها نهائيا

تقولي كيف ! أقولك تجاهليها تماما بعدم ذكرها أمام زوجك ولا تسمحي له بذلك

وإن حصل وجاب سيرتها فالزمي الصمت ،أو غيري الموضوع

مع الوقت سييشعر بتغيرك ويحترمك أكثر

غيري من أسلوب تعاملك مع زوجك اهتمي به أكثر

أعطيه ما يبحث عنه لدى الأخرى

افهمي احتياجاته وقدري رغباته حتى تكسبي قلبه

لا تفكري بهذه المرأة نهائيا ولاتسمحي بدخولها في حياتك مرة أخرى

تقربي إلى الله بالصلاة والدعاء والإستغفار

ادعي الله أن يهديها ويكفيك شرها

فقد جاءها ما يشغلها عنك , ولا حول ولا قوة إلا بالله
 
:icon28::icon28:السلالام وعليكم ورحمة الله وبركاته
..........قبل أي شيء والله العلي العظيم انك قهرتني قهر صرت اطبخ من جواا ....ز شوي وتنفقع المرارة عندي
وش هالقرادة فيك تتنزلين وتكلمين وحده ماتخاف ربها زي هذي (اللي تخاف الله ماتكلم الرجاجيل ليل ونهار وتلاحقبهم حرام مايجوز وعييييب)
والأمر من هذاا وجهااا قوي تكلمك انتي وتبين مشاعرهاا تجاه زوجك وتسبك وتطاق على حلالك (وأنا مالومها بهالنقطة شافتك مرحبة الموضوع )
............ ويوم حملتي كرهتي هالمهزلة وحبيتي توقفينهااا .....للأسف ماينفع الحين مو على كيفك
وزوجك هذا بصراحه سالفته سالفه مسوي نفسه متزوج ثنتين وكأن هالبنت لها حقوق زيك بس وش اقول انتي تنازلتي عن حقك بإرادتك
لا ويكلمون بعض قدامك بعد خوش خوش
شوفي انا مابي أزيد عليك
بس أسلوب ودور الضحية هذا اطلعي منه وخليك قوووية وخذي موقف مصيري انتي تتعبين نفسيتك وأعصابك وهم مرتاحين ومبسوطين ويغازلون بعض
لاززززززززززززززززززززم تأخذين موقف
1_ اهتمي بحملك وصحتك وادعي الله يفرج لك وماتفقدين هالطفل علشان مايصير عنده حجة للخيانات المشروعه زي مايقوول هو
2_أبدا لاترضين بشيء حراام وشو يكلمها وأنت تدرين بعد حتى لو اضطريتي تطلعين لبيت اهلك ( أصلا نفسيا احسن لك ولحملك انو ماتشوفينهم كذا .........أنا ودي تدخلين المعركه بس حملك عندي أهم )
3_ تحاولين تعرفين العنوان من رقم التليفون وتروحين انتي أو اختك او أي احد ويشرشحها هي وأهله بس بالأول تأكدي من سالفة مرضها من احد من أهلها يعني جرجريهم بالحكي لين تعرفين الصدق من الكذب ) بعدها بهذليها بهذلة قوليها خافي ربك
يمكن بكره بنتك يصير فيها كذا وتنحرف شلوون أنتي ام وقدوووة
4_ زوووجك هذا خليه يعرف قدرك فوق انه مايشتغل وأنت ساكته وتحبينه بعد يطلب منك تتقبلين عشيقته(شلون مايراعي وضعك ونفسيتك وأنتي حامل ويخاف على الجنين هذا أكبر دليل ان الاولاد مو شيء مهم عنده ) اللي مثله يحمد الله ويشكره ان الله رزقه ويبعد عن الحرام
وبالاخير قولي حسبــــــــــي الله لا إله الا هو عليه توكلت وهو رب العرش العظيم




اسمح لي عصبت ولاتواخذيني على كلامي ترى انا ماأعرفك ولا أقصد أجرحك ولا بيني وبينك عدواة هذا رايي والراي الأخير لك بس لاتسسسسسكتين زوجك لك انتي وبسسسس حلالك ..........:icon28::icon28::icon28::icon28::icon28::icon28::icon28::icon28::icon28::icon28::icon28::icon28::icon28:
 
السلام عليكم ورحمة الله وبركااته

اختي الغاليه

انا مع راي اخواااتي ...........وهذا زوجج مايسوى ظفر رجلج .........اسمحيلي اعرف انج تحبينه

بس والله ما يستاااهلج يخلي هذي مااال شوااارع اذلج وساااكت وبعد اي ساكت يسكتج وماااايرضى عليهااااااا

حبيبتي اختي .......... انا اقول اتفنشين من الشغل احسن لج مو هو الريال خليه يصرف عليج

مثل مااقاعد يصرف على هذي النذله مااالت الشوااارع ........... واكيد يصرف عليهاااا من افلووووسج

واسمحيلي اقولج ياااا بنت ابلادي وين اخوانج وابوج .........ليش مااا خبرتيهم ......خبريهم وشوفي شو

بيسووون فيه مهما يكووون انتي اختهم ومااايرضون عليج ..........وزوجج لو صدق يحبج ما بخلي

هذى النذله تسبج او حتى ترد عليج باي كلمه................. قوي قلبج الغاليه وفكري بعقلج مووو بقلبج

شوفي انتي اشكثر تحملتيه وهو ما جااازاج الا بنكرااان الجميل والمذله..............وخليه يعرف انج

بنت نااااس ووراج ريااايل مو مثل مااالت الشوااارع اللي مااا تقدر تخبر عليه احد
 
غريبة كتير هاقصة مو داخلة عقلى
 
حبيبتي..ابقولك الزبده هالانسانه استحاله ترتبط بزوجك ريحي راسك
هي حاطته زي الاستبنه لو ماحصلت الي بمزاجها بتاخذه وهالشغله بتطول معها
هي انسانه متفتحه على كلامك تلبس وتطلع بدون عبايه بس زوجك هو الي غيرها
هي ماتغيرت عي بس تسوي كذا عشان تجذب زوجك لها بس زوجك مو طموحاتها
تبين نصيحتي ومدامك وصلتي لهالمرحله....؟؟

اسفهيهم اثنينهم..طنشيهم ولاتردين عليها ولاعاد تسمع صوتك
وخليهم..يمكن الموضوع يطول شوي بس لك الي تبين اذا تزوجته ريحي راسك
..عندي كلام كثير بس بصراحه مافيني حيل اكتبه الزبده
لاتجيبين طاريها عند زوجك ولو هو جاب طاريها قولي له رجائي
انا ما ابي اسمع طاري هذي انسانه ماشيه بالحرام ويحز بخاطري انك ممكن تتزوج وحده بهالمستوى وتكون ام عيالك ؟؟
تبي تتزوجها انت حر بس طلعني من قصصكم عشان ما اشاركك بالاثم..
وقفلي الموضوع...
واثقلي شوي ياهبله اسمحيلي اقولها لك اثقلللللللللللللللللللللللي
ترى الثقل صنعه..
وخليك شوي جديه وبطلي حركات الاطفال...ولاتبينين انك منهبله فيه وميته فيه
خليك وسط..
وبنفس الوقت خليه يحس انك متغير فيك شي..يعني انشغلي عنه ياقمر

وتعالي بعد شهرين ثلاثه وقولي لي انه ماتركها اصير مو حرمه..اصير جدار
 
السلام عليكم و رحمة الله وبركاته ..
بصراحة يا أختي أنا مو متعودة أرد على الاستشارات لأني ما أعرف .. بس بصراحة موضوعج مؤثر و يحز بالقلب بعد الحب اللي بينكم .. تخلين زوجج لعبة بإيد وحدة مثل هاي الجريئة و الوقحة اللي عيني عينج تكلمج و تقولج إنها تحبه و تبيه .. تخسي إلا هي .. هو زوجج إنتي حبيبتي .. كوني قوية و اسمعي كلام الخوات.. ما شاء الله عليهن .. عطوج حلول وايدة .. و لو إنتي فعلا تبين التغيير .. من كل قلبج و تبين تردين قلب ريلج لج .. اتبعي كلامهم ..طلعي من دور الضحية و الطيبة .. خلاص مال أول .. ( اسمحيلي على القسوة بس اللي صار لج يغث) .. و ما عاد ينفع مع رياييل هالأيام .. ما عادوا يقدرون الحرمة المضحية و الطيبة .. يبون اللي توقفهم عند حدهم ..

ريلج ما يشتغل ؟؟ من وين تصرفون ؟؟ أكيد أهل ريلج لأنكم قاعدين معاهم صح؟؟
الواضح إنج تحبين أهل ريلج و هم بعد يحبونج .. خلاص في حد وياج .. صيري أقوى بالله سبحانه و تعالى ثم بأهلج و بأهله .. شوفي الحين من الأقوى ريلج و هاذيج الوقحة و لا إنتي حبيبتي..

أدري إنج حامل و الواضح من النك نيم مالج ...بإنج تنتظرين هالشي بفارغ الصبر .. حافظي على نفسج حبيبتي و اهتمي بصحتج و بطفلج .. و أنا أقولج عن تجربة أنا حامل و زوجي يخوني و كنت مثلج .. بس الفرق إني ما رضيت باللي صار بس للأسف سامحته على أساس إنه ما يرد لها بس كان يرد كل مرة .. عشان جي خلي بالج من صحتج و نفسج من البيبي اللي ياي بالطريج .. عندج حمياتج.. طلعي معاهن .. روحي الصالون سوي منيكير بديكير .. غير قصة شعرج .. سوي حمام زيت .. مساج للاسترخاء .. روحي شوبنج.. روحي قعدي بكافيه معاهم أو مع خواتي لو كان عندج خوات.. غيري نفسيتج.. لأن البيبي ما يستاهل اللي يصير فيه .. أنا كنت وايد عصبية بحملي الأول بسبب خيانات زوجي لي خلال فترة حملي .. الحين ولدي صاير كله يصارخ ..تخيلي بعده نونو و كل معصب و الحين متعلم الضرب و العض..
فكوني ريلاكس و مرتاحة عشان النونو الله يخليه لج و يبارك لج فيه و يبعد عيون الحساد عنكم .. ( أظني الناس حسدوكم على الحب اللي كنتوا عايشين فيه).. فرفشي حبيبتي ..

بعدين يوم بتكونين مرتاحة و مستانسة .. خططي عليها و خليها تشوف بإنج القوية اللي قدرت ترجع حبيبها لها .. و البنات أدرى مني بهالسوالف .. أهم شي حبيبتي التطبيق ...لا تقولين حاولت و ما قدرت و ما صار شي .. الموضوع يباله صبر و طولة بال .. يعني أنا الحين صار لي تقريبا سنتين و أنا أعرف عن خياناته .. واجهته.. بس بالأسلوب الغلط .. و اللي حصلته منه الحين زيادة الحرص ..يعني الحين ما أقدر أمسك عليه شي من زود ما صار حريص .. بس بنتم وراهم و الزمن طويل ... لأنا نحن الأحق بهم و عيالهم اللي مالهم ذنب أحق بابآهم ..

شدي حيلج حبيبتي والتوفيق من عند رب العباد ..

" اللهم من أراد بنا و بأزواجنا سوء فاجعل كيده في نحره و اجعل تدبيره تدميرا عليه و اجعل أعماله حسرات اللهم آمين"
 
والله ما الومج ولا شي انتي اكيد من كثر ما تحبينه قلتي له تزوج عشان ما تحرمينه .. المفروض اللي انحرمت من العيال ما تحرم زوجها .. بس انتي غلطتج انج استعجلتي بس صدقيني مب كل الغلط عليج انتي كل اللي سويتيه واضح، انه انتي كنتي موافقه بما انج ما تجيبين عيال في حينها ..يعني المفروض خلاص بما انج حملتي خلاص بديهي انه ماله داعي يتزوج ..بس هو يدري وهو غلطان ويستهبل والغلط الاكبر كله منها ..الرياييل مادري شسالفتهم صاروا عمياااان .. ولا تلومين نفسج يعني الغلط معظمه عليهم ..هم الاغبياء وهم اللي يسوون الحرام .. ويمكن هي تبي تمشكلج معاه عشان يطلقج وتاخذه ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل